ಜಾಗ್ವಾರ್ ಲ್ಯಾಂಡ್ ರೋವರ್ ಮುಂದಿನ ಯೋಜನೆಗಳ ಬಗ್ಗೆ ವಿವರ ಇಲ್ಲಿದೆ

ಐಷಾರಾಮಿ ಕಾರು ಬ್ರಾಂಡ್ ವಿಭಾಗದಲ್ಲಿ ಟಾಟಾ ಸ್ವಾಮ್ಯದ ಕಂಪೆನಿ, ಜಗ್ವಾರ್ ಲ್ಯಾಂಡ್ ರೋವರ್ (ಜೆಎಲ್ಆರ್) ಸಂಸ್ಥೆ ಅತ್ಯಂತ ಕಡಿಮೆ ಸಮಯದಲ್ಲಿ ಹೆಚ್ಚು ಜನಪ್ರಿಯ ಆಯ್ಕೆಯಾಗಿದ್ದು, ಈ ಸಂಸ್ಥೆ 2017-18ರ ಯೋಜನೆಯನ್ನು ನಿಗದಿಪಡಿಸಿದೆ.

ಜಗ್ವಾರ್ ಲ್ಯಾಂಡ್ ರೋವರ್ ಪ್ರಸ್ತುತ 25 ಚಿಲ್ಲರೆ ಮಳಿಗೆಗಳನ್ನು ಹೊಂದಿದ್ದು, ಭಾರತದಾದ್ಯಂತ 23 ಪ್ರಮುಖ ನಗರಗಳಲ್ಲಿ ಈ ಔಟ್‌ಲೆಟ್ ಹೊಂದಿದೆ.

2017 -18ರ ಅವಧಿಯಲ್ಲಿ ಮತ್ತೆ ಎರಡರಿಂದ ಮೂರು ಔಟ್‌ಲೆಟ್‌ಗಳನ್ನು ಸೇರಿಸುವ ಮೂಲಕ ಜಗ್ವಾರ್ ಲ್ಯಾಂಡ್ ರೋವರ್ ತನ್ನ ನೆಟ್‌ವರ್ಕ್ ಇನ್ನಷ್ಟು ವಿಸ್ತರಿಸುವ ಯೋಜನೆ ಹೊಂದಿದೆ.

ಈ ಸಮಯದಲ್ಲಿ, ಬೆಂಗಳೂರು, ಚಂಡೀಘಢ, ಔರಂಗಾಬಾದ್, ಅಹಮದಾಬಾದ್, ಮತ್ತು ಭುವನೇಶ್ವರ ಸೇರಿದಂತೆ ಭಾರತದ ಎಲ್ಲಾ ಕಡೆಗಳಲ್ಲಿ 25 ಡೀಲರ್‌ಶಿಪ್‌ಗಳ ಮುಖಾಂತರ ಜಗ್ವಾರ್ ಲ್ಯಾಂಡ್ ರೋವರ್ ವಾಹನಗಳನ್ನು ಮಾರಾಟ ಮಾಡಲಾಗುತ್ತಿದೆ.

ಈ ಬ್ರಿಟಿಷ್ ಕಾರು ತಯಾರಕ ಸಂಸ್ಥೆ ಇತ್ತೀಚೆಗೆ ದೆಹಲಿ ಏನ್‌ಸಿಆರ್ ಪ್ರದೇಶದಲ್ಲಿ ಅತ್ಯಾಧುನಿಕ 3ಎಸ್ ಡೀಲರ್‌ಶಿಪ್ ಸೌಲಭ್ಯ ಉದ್ಘಾಟನೆ ಮಾಡಿತ್ತು.