ಜೀಪ್ ಕಂಪಾಸ್ v/s ಹ್ಯುಂಡೈ ಕ್ರೆಟಾ- ಎಸ್‌ಯುವಿಗಳಲ್ಲಿ ಯಾವುದು ಉತ್ತಮ?

ಮೇಡ್ ಇನ್ ಇಂಡಿಯಾ ಮನ್ನಣೆಯೊಂದಿಗೆ ದೇಶಿಯ ಮಾರುಕಟ್ಟೆಯಲ್ಲಿ ಅಗ್ಗದ ಬೆಲೆಗಳಿಗೆ ಬಿಡುಗಡೆಯಾಗಿರುವ ಜೀಪ್ ಕಂಪಾಸ್ ಮಾದರಿಯೂ ರೂ.15 ಲಕ್ಷದಿಂದ ರೂ.20 ಲಕ್ಷದವರೆಗಿನ ಎಸ್‌ಯುವಿ ಆವೃತ್ತಿಗಳಿಗೆ ತೀವ್ರ ನಡುಕು ಹುಟ್ಟಿಸಿದ್ದು, ದೇಶಿಯವಾಗಿ ಭಾರೀ ಬೇಡಿಕೆ ಹೊಂದಿರುವ ಮತ್ತೊಂದು ಎಸ್‌ಯುವಿ ಹ್ಯುಂಡೈ ಕ್ರೆಟಾಗೆ ನೇರಾನೇರ ಪೈಪೋಟಿ ನೀಡುವ ತವಕದಲ್ಲಿದೆ.

ಹೀಗಾಗಿ ಹ್ಯುಂಡೈ ಕ್ರೇಟಾ ಮತ್ತು ಜೀಪ್ ಕಂಪಾಸ್ ನಡುವಿನ ತಾಂತ್ರಿಕ ಸೌಲಭ್ಯಗಳ ಕುರಿತಾಗಿ ವಿಶ್ಲೇಷಣೆ ಮಾಡಲಾಗಿದ್ದು, ಬೆಲೆ, ಎಂಜಿನ್, ವೈಶಿಷ್ಟ್ಯತೆಗಳು, ವಿನ್ಯಾಸಗಳು ಮತ್ತು ಸುರಕ್ಷಾ ವಿಚಾರಗಳ ಮಾಹಿತಿ ಇಲ್ಲಿದೆ.

ಡಿಸೈನ್

ಬಹುತೇಕ ಗ್ರ್ಯೌಂಡ್ ಚರೋಕಿ ವಿನ್ಯಾಸಗಳನ್ನು ಹೊತ್ತು ಬಂದಿರುವ ಜೀಪ್ ಕಂಪಾಸ್ ಹೊಸ ಕಾರುಗಳು, 7-ಸ್ಲಾಟ್ ಮುಂಭಾಗದ ಗ್ರಿಲ್‌ನೊಂದಿಗೆ ಉತ್ತಮ ಹೊರನೋಟವನ್ನು ಹೊಂದುವ ಮೂಲಕ ಪ್ರತಿಯೊಬ್ಬ ಭಾರತೀಯನ ಖರೀದಿ ಉತ್ಸಾಹವನ್ನು ಹೆಚ್ಚಿಸುವಂತಿವೆ.

ಹಿಂದೆಂದಿಗಿಂತಲೂ ಉತ್ತಮ ವಿನ್ಯಾಸಗಳನ್ನು ಹೊಚ್ಚ ಹೊಸ ಜೀಪ್ ಕಂಪಾಸ್ ಪಡೆದುಕೊಂಡಿದ್ದು, ಎಲ್ಇಡಿ ಟೈಲ್ ಲ್ಯಾಂಪ್‌, ದೊಡ್ಡದಾದ ಜೀಪ್ ಬ್ಯಾಡ್ಜ್‌ಗಳು, ಪ್ರೋಜೆಕ್ಟರ್ ಹೆಡ್‌ಲ್ಯಾಂಪ್ ಜೊತೆ ಎಲ್‌ಇಡಿ ಡಿಆರ್‌ಎಲ್‌ಗಳ ಅಳವಡಿಕೆ ಹೊಂದಿರುವುದು ಮತ್ತಷ್ಟು ಆಕರ್ಷಣೆಗೆ ಕಾರಣವಾಗಿದೆ.

ಅದೇ ರೀತಿಯಾಗಿ ದಕ್ಷಿಣ ಕೊರಿಯಾದ ಜನಪ್ರಿಯ ಹ್ಯುಂಡೈ ಕ್ರೇಟಾ ಕೂಡಾ ಅತ್ಯುತ್ತಮ ಸೌಲಭ್ಯಗಳೊಂದಿಗೆ ಜೀಪ್ ಕಂಪಾಸ್ ಪ್ರತಿಸ್ಪರ್ಧಿಯಾಗಬಲ್ಲ ಕಾರು ಮಾದರಿಯಾಗಿದ್ದು, ಸ್ಪೋರ್ಟ್ ಲುಕ್‌ನೊಂದಿಗೆ 2.0 ಫ್ಯೂಡಿಕ್ ಸ್ಕಲ್ಪಚರ್ ವಿನ್ಯಾಸ ಪಡೆದುಕೊಂಡಿದೆ.

ಆದ್ರೆ ವಿವಿಧ ಆಯಾಮಗಳಲ್ಲಿ ಹ್ಯುಂಡೈ ಕ್ರೇಟಾ ಮತ್ತು ಜೀಪ್ ಕಂಪಾಸ್ ನಡುವೆ ಭಾರೀ ವ್ಯತ್ಯಾಸಗಳಿದ್ದು, 10 ಅಂಕಗಳಲ್ಲಿ 8 ಅಂಕಗಳನ್ನು ಜೀಪ್ ಕಂಪಾಸ್‌ಗೆ ಮತ್ತು 7.5 ಅಂಕಗಳನ್ನು ಕ್ರೇಟಾಗೆ ನೀಡಬಹುದು.

ಆಯಾಮಗಳು(ಎಂಎಂ ಗಳಲ್ಲಿ) ಜೀಪ್ ಕಂಪಾಸ್ ಹುಂಡೈ ಕ್ರೆಟಾ

ಉದ್ದ 4,420 4,270

ಅಗಲ 1,820 1,780

ಎತ್ತರ 1,650 1,630

ವೀಲ್ ಬೆಸ್ 2,640 2,590

ಎಂಜಿನ್ ಮತ್ತು ಗೇರ್ ಬಾಕ್ಸ್

ಡೀಸೆಲ್ ಮತ್ತು ಪೆಟ್ರೋಲ್ ಎರಡು ಆವೃತ್ತಿಯಲ್ಲಿ ಲಭ್ಯವಿರುವ ಜೀಪ್ ಕಂಪಾಸ್, ಡೀಸೇಲ್ ಆವೃತ್ತಿಯಲ್ಲಿ 2.0-ಲೀಟರ್ ಟರ್ಬೋ ಮತ್ತು ಪೆಟ್ರೋಲ್ ಆವೃತ್ತಿಯಲ್ಲಿ 1.4-ಲೀಟರ್ ಟರ್ಬೋ ಎಂಜಿನ್ ಪಡೆದುಕೊಂಡಿದೆ.

ಹೀಗಾಗಿ ಡಿಸೇಲ್ ಕಾರು ಆವೃತ್ತಿಯು 171-ಬಿಎಚ್‌ಪಿ, 350ಎನ್ಎಂ ಟಾರ್ಕ್ ಉತ್ಪಾದಿಸಿದರೆ ಅದೇ ರೀತಿಯಾಗಿ ಪೆಟ್ರೋಲ್ ಆವೃತ್ತಿಗಳು 160-ಬಿಎಚ್‌ಪಿ, 250-ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿ ಹೊಂದಿದೆ.

ಡೀಸೆಲ್ ಆವೃತ್ತಿಗಳಲ್ಲಿ 6-ಸ್ಪೀಡ್ ಗೇರ್‌ಬಾಕ್ಸ್ ಮತ್ತು ಪೆಟ್ರೋಲ್ ಆವೃತ್ತಿಗಳಲ್ಲಿ 7-ಸ್ಪೀಡ್ ಗೇರ್‌ಬಾಕ್ಸ್ ವ್ಯವಸ್ಥೆಯನ್ನು ಕಲ್ವಿಸಿರುವ ಜೀಪ್ ಕಾಂಪಾಸ್, ಆಟೋ, ಸ್ನೋ, ಸ್ಯಾಂಡ್ ಮತ್ತು ಮಡ್ ಮೂಡ್‌ಗಳಲ್ಲಿ ಚಾಲನೆಗೆ ಅವಕಾಶ ನೀಡಿದೆ.

ಅದೇ ರೀತಿಯಾಗಿ ಹ್ಯುಂಡೈ ಕ್ರೇಟಾ ಕೂಡಾ ಡಿಸೇಲ್ ಮತ್ತು ಪೆಟ್ರೋಲ್ ಎಂಜಿನ್ ಮಾದರಿಯಲ್ಲಿ ಲಭ್ಯವಿದ್ದು, ಡೀಸೆಲ್ ಮಾದರಿಯಲ್ಲಿ 1.4-ಲೀಟರ್ ಮತ್ತು1. 6-ಲೀಟರ್ ಎಂಜಿನ್ ಹೊಂದಿವೆ.

ಹಾಗಿಯೇ ಪೆಟ್ರೋಲ್ ಆವೃತ್ತಿಯು 1.4-ಲೀಟರ್ ಮತ್ತು 1.6-ಲೀಟರ್ ಎಂಜಿನ್ ಸಾಮರ್ಥ್ಯವನ್ನು ಪಡೆದುಕೊಂಡಿದ್ದು, 6-ಸ್ಪೀಡ್ ಮ್ಯಾನುವಲ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆದುಕೊಂಡಿವೆ.

ಜೊತೆಗೆ ಆಪ್ ರೋಡಿಂಗ್ ಸಹಾಯಕಾರಿ 4x4 ಡ್ರೈವ್ ಮೂಡ್ ವ್ಯವಸ್ಥೆ ಜೀಪ್ ಕಂಪಾಸ್ ಮಾತ್ರ ಲಭ್ಯವಿದ್ದು, ಕ್ರೇಟಾದಲ್ಲಿ 4x2 ಡ್ರೈವ್ ಮೂಡ್ ಮಾತ್ರ ಲಭ್ಯವಿದೆ. ಇದರಿಂದಾಗಿ ಎಂಜಿನ್ ವಿಭಾಗದಲ್ಲಿನ 10 ಅಂಕಗಳಲ್ಲಿ 10 ಅಂಕಗಳಲ್ಲಿ 8 ಅಂಕಗಳನ್ನು ಜೀಪ್ ಕಂಪಾಸ್‌ಗೆ ಮತ್ತು 7.5 ಅಂಕಗಳನ್ನು ಕ್ರೇಟಾಗೆ ನೀಡಬಹುದು.

ಸುರಕ್ಷಾ ಸೌಲಭ್ಯಗಳು

ಕಪ್ಪು ಬಣ್ಣದ ಡ್ಯಾಶ್‌ಬೋರ್ಡ್, ಆಫ್ ವೈಟ್ ಬಣ್ಣದೊಂದಿಗೆ ಕೂಡಿದ ಸೀಟುಗಳು ಮತ್ತು ಮೇಲ್ಛಾವಣೆ, ಅತ್ಯುತ್ತಮ ಆಸನ ವ್ಯವಸ್ಥೆ, ಹಿಂಭಾಗದ ಸೀಟಿನ ಮಧ್ಯದ ಆರ್ಮ್ ರೆಸ್ಟ್, 7-ಇಂಚಿನ ಟಚ್ ಸ್ಕ್ರಿನ್ ಇನ್ಪೋಟೈನ್‌ಮೆಂಟ್ ಸಿಸ್ಟಂ, ಕಾರ್ ಪ್ಲೇ, ಆಂಡ್ರಾಯಿಡ್ ಆಟೋ, ಯುಎಸ್‌ಬಿ ಸೇರಿದಂತೆ ಪ್ರಸ್ತುತ ಸೌಲಭ್ಯಗಳನ್ನು ಹೊಂದಿದೆ.

ಇದರೊಂದಿಗೆ ಜೀಪ್ ಕಂಪಾಸ್ ಮಾದರಿಗಳಲ್ಲಿ ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ನೀಡಲಾಗಿದ್ದು, 6 ಏರ್‌ಬ್ಯಾಗ್, ಡ್ಯುಯಲ್ ಸ್ಟೇಜ್ ಆಕ್ಟಿವೇಷನ್, ಟಿಸಿಎಸ್, ಇಬಿಡಿ, ಇಎಸ್‌ಪಿ ಮತ್ತು ಎಬಿಎಸ್ ತಂತ್ರಜ್ಞಾನಗಳ ಜೋಡಣೆ ಮಾಡಲಾಗಿದೆ.

ಬೆಲೆಗಳು

ಜೀಪ್ ಸಂಸ್ಥೆಯ ಬಹುನೀರಿಕ್ಷಿತ ಜೀಪ್ ಕಂಪಾಸ್ ಎಸ್‌ಯುವಿ ಮಾದರಿಯೂ ಗ್ರಾಹಕರು ನೀರಿಕ್ಷಿಸಿದ್ದಕ್ಕಿಂತ ಕಡಿಮೆ ಬೆಲೆಗಳಿಗೆ ಬಿಡುಗಡೆಗೊಂಡಿದ್ದು, ಎಕ್ಸ್‌ಶೋರಂ ಪ್ರಕಾರ ಆರಂಭಿಕ ಕಾರು ಮಾದರಿಯ ಬೆಲೆ ರೂ.14.19 ಲಕ್ಷಕ್ಕೆ ಮತ್ತು ಉನ್ನತ ಶ್ರೇಣಿಯ ಕಾರಿನ ಬೆಲೆ ರೂ.20.65 ಲಕ್ಷಕ್ಕೆ ಲಭ್ಯವಿದೆ.

ಆದ್ರೆ ಮಧ್ಯಮ ವರ್ಗದ ಗ್ರಾಹಕರಿಗೆ ಕೈಗೆಟಕುವ ದರಗಳಲ್ಲಿ ಲಭ್ಯವಿರುವ ಹ್ಯುಂಡೈ ಕ್ರೇಟಾ ಆರಂಭಿಕ ಮಾದರಿಗಳು ರೂ.8.29 ಲಕ್ಷ ಮತ್ತು ಉನ್ನತ ಶ್ರೇಣಿಯು ರೂ.14 ಲಕ್ಷಕ್ಕೆ ದೊರೆಯಲಿದೆ.

ಒಟ್ಟಾರೆಯಾಗಿ ನೋಡುವುದಾದರೇ ಜೀಪ್ ಕಂಪಾಸ್ ಒಂದು ಅತ್ಯುತ್ತಮ ಶ್ರೇಣಿಯಾಗಿ ಹೊರ ಹೊಮ್ಮುವ ಕಾರು ಮಾದರಿಯಾಗಿದ್ದು, ಹ್ಯುಂಡೈ ಕ್ರೇಟಾ ಕೂಡಾ ತನ್ನದೇ ಆದ ಕೆಲವು ವಿಶಿಷ್ಟತೆಗಳೊಂದಿಗೆ ಜನಪ್ರಿಯ ಮಾದರಿಯಾಗಿಯಾಗಿರುವುದು ತಿಳಿದುಬರುತ್ತದೆ.