ಮರ್ಸಿಡಿಸ್ ಬೆಂಝ್ ಸೀಮಿತ ಆವೃತ್ತಿಯ ಜಿಎಲ್‌ಸಿ 'ಸೆಲೆಬ್ರೇಷನ್ ಆವೃತ್ತಿ' ಬಿಡುಗಡೆ

ಹೌದು, ಎಪತ್ತೊಂದನೇ ಸ್ವಾತಂತ್ರ್ಯದಿನಾಚರಣೆಗೆ ದೇಶ ಸಜ್ಜಾಗುತ್ತಿರುವಾಗಲೇ ಭಾರತದ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾದ ಮರ್ಸಿಡಿಸ್ ಬೆಂಝ್ ವಿಶಿಷ್ಟ ರೀತಿಯಲ್ಲಿ ಈ ವಿಶೇಷ ದಿನವನ್ನು ಆಚರಣೆ ಮಾಡಲು ಮುಂದಾಗಿದ್ದು, ತನ್ನ ಪ್ರಖ್ಯಾತ ಮಾದರಿಯಾದ ಜಿಎಲ್‌ಸಿ 'ಸೆಲೆಬ್ರೇಷನ್ ಆವೃತ್ತಿ'ಯನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಎರಡೂ ಆವೃತಿಗಳಲ್ಲಿ ಈ ಕಾರು ಲಭ್ಯವಿದ್ದು, ಸಂಸ್ಥೆಯು ಈ ಕಾರಿನ ಬಿಡುಗಡೆಯ ಮೂಲಕ ಗ್ರಾಹಕರೊಂದಿಗೆ ಭಾವನಾತ್ಮಕ ಸಂಬಂಧ ಹೊಂದಲು ತೀರ್ಮಾನಿಸಿದಂತೆ ಕಾಣುತ್ತದೆ.

ಈ ಮರ್ಸಿಡಿಸ್ ಬೆಂಝ್ ಜಿಎಲ್‌ಸಿ 220ಡಿ ಸೆಲೆಬ್ರೇಷನ್ ಆವೃತ್ತಿಯು ರೂ. 50.86 ಲಕ್ಷ ರೂ ಬೆಲೆಯ ಪಡೆದುಕೊಂಡಿದೆ ಮತ್ತು ಜಿಎಲ್‌ಸಿ 300 ಸೆಲೆಬ್ರೇಷನ್ ಆವೃತ್ತಿಯು ರೂ. 51.25 ಲಕ್ಷ ಎಕ್ಸ್ ಶೋರೂಂ (ಭಾರತ) ಬೆಲೆ ಹೊಂದಿದೆ.

ಎಲ್‌ಇಡಿ ಲೊಗೊ ಪ್ರೊಜೆಕ್ಟರ್, ಕಪ್ಪು ಬಣ್ಣದ ಹೊರಭಾಗದ ಕನ್ನಡಿ, ಸ್ಪೋರ್ಟ್ಸ್ ಪೆಡಲ್, ಗಾರ್ಮಿನ್ ಎಂಎಪಿ ಪೈಲಟ್, ಹೈ-ಶೀನ ಕ್ರೋಮ್ ಟ್ರಿಮ್ ಮತ್ತು ರೇರ್ ಟ್ರಿಮ್ ಸ್ಟ್ರಿಪ್ ವಿಶೇಷತೆಗಳನ್ನು ಪಡೆದುಕೊಂಡಿದೆ.

ಈ ಸೀಮಿತ ಮಾದರಿಯ ಕಾರು, ಡಬ್ಲ್ಯೂಎಚ್ಒ ಸ್ಪೋರ್ಟಿ ಮತ್ತು ಐಷಾರಾಮಿ ಎಸ್‌ಯುವಿ ಕಾರು ಎಂಬ ಹೆಗ್ಗಳಿಕೆ ಪಡೆದುಕೊಂಡಿದೆ. ಕ್ಲಾಸ್ ಲೀಡಿಂಗ್ ಪ್ರದರ್ಶನ ಮತ್ತು ಹೆಚ್ಚು ದಾಳಿಗೊಳಗಾಗದ ಸುರಕ್ಷತಾ ಲಕ್ಷಣಗಳನ್ನು ಹೊಂದಿದ್ದು, ಗ್ರಾಹಕರನ್ನು ಸೆಳೆಯಲಿದೆ ಎಂದು ಕಂಪನಿ ನಂಬಿಕೆಯಾಗಿದೆ.

ಸೀಮಿತ ಸಂಖ್ಯೆಯಲ್ಲಿ ಈ ವಿಶೇಷ ರೀತಿಯ ಜಿಎಲ್‌ಸಿ 'ಸೆಲೆಬ್ರೇಷನ್ ಆವೃತ್ತಿ' ಕಾರನ್ನು ತಯಾರು ಮಾಡಿರುವ ಮರ್ಸಿಡಿಸ್ ಬೆಂಝ್, ತ್ವರಿತವಾಗಿ ಕಾರುಗಳ ಮಾರಾಟ ಮಾಡುವ ಭರವಸೆಯನ್ನು ಹೊಂದಿದೆ ಎನ್ನಲಾಗಿದೆ.