ಬಿಡುಗಡೆಗೂ ಮುನ್ನ ನಿಸ್ಸಾನ್ ಸಂಸ್ಥೆಯ ಲೀಫ್ ಎಲೆಕ್ಟ್ರಿಕ್ ಕಾರಿನ ಸ್ಪೈ ಚಿತ್ರಗಳು ಸೋರಿಕೆ

ಭಾರತದಲ್ಲಿ ಇತ್ತೀಚಿಗೆ ಎಲ್ಲಾ ವಾಹನ ತಯಾರಕ ಕಂಪನಿಗಳು ವಿದ್ಯುತ್ ವಾಹನಗಳ ಉತ್ಪಾದನೆ ಮಾಡುವ ಕಡೆ ಗಮನಹರಿಸುತ್ತಿದ್ದು, ಪ್ರಖ್ಯಾತ ನಿಸ್ಸಾನ್ ಸಂಸ್ಥೆ ಸಹ ವಿದ್ಯುತ್ ಸಹಾಯದಿಂದ ಚಲಿಸುವ ಕಾರನ್ನು ಭಾರತದಲ್ಲಿ ಬಿಡುಗಡೆ ಮಾಡಲು ಮುಂದಾಗಿದ್ದು, ಈ ಕಾರಿನ ಚಿತ್ರಗಳು ಬಿಡುಗಡೆಗೂ ಮುನ್ನ ಸೋರಿಕೆಯಾಗಿವೆ.

ಬಿಡುಗಡೆಗೊಳ್ಳಲಿರುವ ಲೀಫ್ ಕಾರಿನ ಚಿತ್ರಗಳನ್ನು ಜಪಾನ್‌ನಲ್ಲಿರುವ ನಿಸ್ಸಾನ್ ಸಂಸ್ಥೆಯ ಒಪ್ಪಮಾ ತಯಾರಿಕಾ ಘಟಕದಲ್ಲಿ ಸೆರೆಹಿಡಿಯಲಾಗಿದೆ ಎಂದು ಹೇಳಲಾಗುತ್ತಿದೆ.

ನಿಸ್ಸಾನ್ ಸಂಸ್ಥೆ ಬಿಡುಗಡೆಗೊಳಿಸಿದ್ದ ಕಾರಿನ ಬಾಹ್ಯ ವಿನ್ಯಾಸದ ಅಧಿಕೃತ ಚಿತ್ರಗಳಿಗೆ ಈ ಸೋರಿಕೆ ಚಿತ್ರಗಳು ಹೋಲಿಕೆಯಾಗುತ್ತಿದ್ದು, ಸೋರಿಕೆಯಾಗಿರುವ ಚಿತ್ರಗಳು ಅಸಲಿ ಎನ್ನಲಾಗಿದೆ.

ನಿಸ್ಸಾನ್ ತಿಳಿಸಿರುವಂತೆ, ಎರಡನೇ ತಲೆಮಾರಿನ ಲೀಫ್ ಹೆಚ್ಚು ಸಾಮರ್ಥ್ಯವನ್ನು ಪಡೆದುಕೊಂಡಿದ್ದು, ಈ ಹಿಂದಿನ ಮಾದರಿಗೆ ಹೋಲಿಸಿದರೆ ಬಹಳಷ್ಟು ಸುಧಾರಿತ ಅಂಶಗಳನ್ನು ಪಡೆದುಕೊಂಡಿದೆ.

ಕೇವಲ ಒಂದು ಬಾರಿ ಚಾರ್ಜ್ ಮಾಡಿದರೆ ಹೆಚ್ಚು ಕಡಿಮೆ 547 ಕಿಲೋಮೀಟರ್‌ನಷ್ಟು ಚಲಿಸುವ ಸಾಮರ್ಥ್ಯವನ್ನು ಈ ಕಾರು ಹೊಂದಿದೆ. ಟೆಸ್ಲಾ ಸಂಸ್ಥೆಯ ಕಾರಿನಲ್ಲಿ ನೀಡಲಾಗುವ ಹೆಚ್ಚು ಆಯ್ಕೆಗಳನ್ನು ಈ ಕಾರು ಸಹ ಹೊಂದಿದ್ದು, ಹೊಸ ತಂತ್ರಜ್ಞಾನದ ಬ್ಯಾಟರಿ ಪ್ಯಾಕ್ ಈ ಕಾರಿನಲ್ಲಿ ಇರಿಸಲಾಗಿದೆ.

ಎರಡನೇ ಜನರೇಷನ್ ನಿಸ್ಸಾನ್ ಲೀಫ್ ಕಾರು ಪ್ರೊ ಪೈಲೆಟ್ ಟೆಕ್ನಾಲಜಿ ಪಾರ್ಕ್ ವಿಶೇಷತೆಯೊಂದಿಗೆ ಬಿಡುಗಡೆಯಾಗಲಿದೆ. ಈ ತಂತ್ರಜ್ಞಾನವು ತ್ರೋಟಲ್ ನಿರ್ವಹಣೆಗೆ ಕ್ಯಾಮರಾ ಮತ್ತು ಸೋನಾರ್‌ಗಳನ್ನು ಬಳಕೆ ಮಾಡಲಿದೆ.

ಹೊಸ ಲೀಫ್ ನಿಸ್ಸಾನ್ ಕಾರು ಹೆಚ್ಚು ಅಭಿವೃದ್ಧಿ ಮಾಡಿರುವಂತಹ ಆಟೋನಮಸ್ ಕಾರು ಎಂಬ ಖ್ಯಾತಿ ಪಡೆದಿದೆ ಮತ್ತು ಈ ಕಾರು ಆಕ್ರಮಣಕಾರಿ ಇಳಿಜಾರು ವಿನ್ಯಾಸ ಪಡೆದುಕೊಂಡಿದೆ.