ಭಾರತದಲ್ಲಿ ಟೆಸ್ಲಾ ಕಾರಿನ ಮೊದಲ ಮಾಲೀಕ ಯಾರು ಗೊತ್ತೆ ?

ಕಳೆದ ವಾರ ಭಾರತಕ್ಕೆ ಟೆಸ್ಲಾ ಮಾಡೆಲ್ ಎಕ್ಸ್ ಎಲೆಕ್ಟ್ರಿಕ್ ಕಾರನ್ನು ಆಮದು ಮಾಡಿಕೊಂಡಿರುವ ಪ್ರಶಾಂತ್ ರೂಯಾ, ರಸ್ತೆಯ ಮೇಲೆ ಕಾರನ್ನು ಚಲಾಯಿಸುವ ಮೂಲಕ ಖುಷಿಯನ್ನು ವ್ಯಕ್ತಪಡಿಸಿದ್ದಾರೆ. ಆದರೆ, ಭಾರತದಲ್ಲಿ ಸದ್ಯ ಈ ಕಾರು ಅಧಿಕೃತವಾಗಿ ಮಾರಾಟವಾಗುತ್ತಿಲ್ಲ.

ಖಾಸಗಿ ಮಾರ್ಗದ ಮೂಲಕ ಈ ಎಕ್ಸ್ ಮಾದರಿಯನ್ನು ಶ್ರೀ ರೂಯಾ ಆಮದು ಮಾಡಿಕೊಂಡಿದ್ದಾರೆ. ಅಮೇರಿಕಾದಲ್ಲಿ ಸುಮಾರು 120,000 ಯುಎಸ್ ಡಾಲರ್ ಅಥವಾ ಸುಮಾರು ರೂ.75 ಲಕ್ಷ ದರವನ್ನು ಈ ಕಾರು ಹೊಂದಿದೆ.

ಆದರೆ, ಭಾರತಕ್ಕೆ ಆಮದು ಮಾಡಿಕೊಳ್ಳಲು ಪ್ರಶಾಂತ್ ರೂಯಾ ಅವರು ನೀಡಿದ ಸುಂಕದ ಮೊತ್ತ ಕೇಳಿದರೆ ಖಂಡಿತವಾಗಿ ತಲೆಸುತ್ತುವುದಂತೂ ಗ್ಯಾರಂಟಿ. ಹೌದು, ಬೃಹತ್ ಮೊತ್ತ ಪಾವತಿಸಿ ಕಾರನ್ನು ಭಾರತಕ್ಕೆ ತರಲಾಗಿದೆ.

ಪ್ರಶಾಂತ್ ರೂಯಾ ಅವರು ಸುಮಾರು 2 ಕೋಟಿ ಬೆಲೆ ನೀಡಿ ಈ ಕಾರನ್ನು ಭಾರತಕ್ಕೆ ಆಮದು ಮಾಡಿಕೊಂಡಿದ್ದಾರೆ ಎಂದರೆ ನೀವು ನಂಬಲೇ ಬೇಕು. ಟೆಸ್ಲಾ ಸಂಸ್ಥೆಯ ಲೈನ್ ಅಪ್‌ನ ಏಕೈಕ ಎಸ್‌ಯುವಿ ಕಾರು ಮಾದರಿ ಎಕ್ಸ್ ಆಗಿದೆ. ಇದು ಎಸ್‌ಯುವಿಗಿಂತಲೂ ಹೆಚ್ಚು ಕ್ರಾಸ್ಒವರ್ ಆಗಿದ್ದು, ಮೂಲತಃ 7 ಆಸನಗಳನ್ನು ಪಡೆದುಕೊಂಡಿದೆ.

ಇದು ವಿಶ್ವದ ಅತ್ಯಂತ ವೇಗದ ಎಸ್‌ಯುವಿಯಾಗಿದೆ. ಇದು 2 ಎಲೆಕ್ಟ್ರಿಕ್ ಮೋಟರ್‌ಗಳನ್ನು ಬಳಸುತ್ತದೆ. ಒಂದು ಎಂಜಿನ್ ಮುಂಭಾಗದ ಚಕ್ರಗಳನ್ನು ಚಾಲನೆ ಮಾಡುತ್ತಿದೆ ಮತ್ತು ಇನ್ನೊಂದು ಎಲೆಕ್ಟ್ರಿಕ್ ಮೋಟಾರ್ ಹಿಂಬದಿ ಚಕ್ರಗಳನ್ನು ಚಾಲನೆ ಮಾಡುತ್ತದೆ.

ಈ ಎರಡು ಮೋಟಾರ್‌ಗಳೂ ಸೇರಿ ಒಟ್ಟು 750 ಬಿಎಚ್‌ಪಿ ಮತ್ತು 967 ಎನ್ಎಂ ಟಾರ್ಕ್ ಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು ಮಾಡೆಲ್ ಎಕ್ಸ್ ಕಾರಿಗೆ ಹೆಚ್ಚು ವೇಗವರ್ಧಕವಾಗಿದೆ ಮತ್ತು ಕೇವಲ 4.8 ಸೆಕೆಂಡುಗಳಲ್ಲಿ 100 ಕಿಲೋಮೀಟರ್ ವೇಗ ಪಡೆದುಕೊಳ್ಳುವಷ್ಟು ಶಕ್ತವಾಗಿದೆ.

ಮಾದರಿ 3 ಕಾರನ್ನು ಅಧಿಕೃತವಾಗಿ ಕೈಗೆಟುಕುವ ಬೆಲೆಯಲ್ಲಿ ಎಲೆಕ್ಟ್ರಿಕ್ ಕಾರನ್ನು ಅಧಿಕೃತವಾಗಿ ಪ್ರಾರಂಭಿಸುವ ಯೋಜನೆಗಳನ್ನು ಟೆಸ್ಲಾ ಹೊಂದಿದೆ. ಆದಾಗ್ಯೂ, ಯಾವಾಗ ಭಾರತದಲ್ಲಿ ಅನಾವರಣಗೊಳ್ಳಲಿದೆ ಎಂಬುದರ ಬಗ್ಗೆ ನಿಖರ ಸಮಯ ಇನ್ನೂ ಬಹಿರಂಗಗೊಂಡಿಲ್ಲ.