ಟಾಟಾ ನೆಕ್ಸನ್ ಸಬ್-ಕಾಂಪ್ಯಾಕ್ಟ್ ಎಸ್‌ಯುವಿ ಎಎಂಟಿ ಕಾರಿನ ಸ್ಪೈ ಚಿತ್ರಗಳು ಬಿಡುಗಡೆ

2017ರ ಸೆಪ್ಟೆಂಬರ್ 21ರಂದು ಭಾರತೀಯ ವಾಹನ ತಯಾರಕ ಟಾಟಾ ಮೋಟಾರ್ಸ್ ಕಂಪನಿಯು ದೇಶದಲ್ಲಿ ನೆಕ್ಸನ್ ಸಬ್-ಕಾಂಪ್ಯಾಕ್ಟ್ ಎಸ್‌ಯುವಿಯನ್ನು ಬಿಡುಗಡೆಗೊಳಿಸಲು ಸಿದ್ಧವಾಗಿದ್ದು, ಸದ್ಯ ನೆಕ್ಸನ್ ಎಎಂಟಿ ಕಾರಿನ ಸ್ಪೈ ಚಿತ್ರಗಳು ಸೋರಿಕೆಯಾಗಿವೆ.

ಪ್ರಸ್ತುತ, ನ್ಯಾನೋ, ಝೆಸ್ಟ್ ಮತ್ತು ಟಿಯಾಗೊ ಕಾರುಗಳಲ್ಲಿ ಮಾತ್ರ ಎಎಂಟಿ ಗೇರ್‌ಬಾಕ್ಸ್ ಆಯ್ಕೆಯನ್ನು ಒಳಗೊಂಡಿದ್ದು, ಈ ತಿಂಗಳು ಬಿಡುಗಡೆಗೊಳ್ಳಲಿರುವ ಟಾಟಾ ನೆಕ್ಸನ್ ಕೂಡ ಈ ಆಯ್ಕೆ ಪಡೆದುಕೊಳ್ಳಲಿದೆ.

ಸೋರಿಕೆಯಾದ ಚಿತ್ರಗಳು ಗಮನಿಸಿದಂತೆ, ಟಿಯಾಗೊ ಅಥವಾ ಝೆಸ್ಟ್ ಕಾರುಗಳಲ್ಲಿ ಇರುವಂತಹ ಗೇರ್‌ಶಿಫ್ಟ್ ಬದಲಾಗಿ ವಿಶೇಷ ರೀತಿಯ ಗೇರ್‌ಶಿಫ್ಟ್ ಅನ್ನು ನೆಕ್ಸಾನ್ ಆಎಂಟಿ ಕಾರು ಹೊಂದಲಿದೆ ಎಂಬ ವಿಚಾರ ಬಹಿರಂಗವಾಗಿದೆ.

ಡ್ರೈವಿಂಗ್ ಮೋಡ್ ವಿಚಾರಕ್ಕೆ ಬರುವುದಾದರೆ, ಈ ಕಾರು ಇಕೊ, ಸಿಟಿ ಮತ್ತು ಸ್ಪೋರ್ಟ್ ಎಂಬ ಮೂರು ರೀತಿಯ ಆಯ್ಕೆಯಲ್ಲಿ ಬಿಡುಗಡೆಯಾಗಲಿದ್ದು, ಟೆರೈನ್ ಮ್ಯಾನೇಜ್ಮೆಂಟ್ ಸಿಸ್ಟಮ್ ಅಳವಡಿಕೆಯಾಗಿದೆ.

ಈ ಕಾರಿನಲ್ಲಿ, ಮೌಂಟೆಡ್ ಕಂಟ್ರೋಲ್ ಹೊಂದಿರುವಂತಹ ಪವರ್ ಸ್ಟೇರಿಂಗ್ ಹಾಗು ಆಂಡ್ರಾಯ್ಡ್ ಆಟೋ ಯುಎಸ್‌ಬಿ, ಎಯುಎಕ್ಸ್, ಬ್ಲೂಟೂತ್ ಕಾಂನೆಕ್ಟಿವಿಟಿ ಆಯ್ಕೆ ಮತ್ತು ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಸೌಲಭ್ಯ ನೀಡಲಾಗಿದೆ. 8 ಸ್ಪೀಕರ್ ಹೊಂದಿರುವ ಹರ್ಮನ್ ಆಡಿಯೋ ಸಿಸ್ಟಮ್ ಸೌಕರ್ಯವನ್ನು ಈ ಕಾರು ಪಡೆದುಕೊಂಡಿದೆ.

ಟಾಟಾ ನೆಕ್ಸನ್ ಕಾರಿನ ಸಾಧನ, ಡಿಸೈನ್ ಮತ್ತು ಸ್ಪೆಸಿಫಿಕೇಷನ್ಸ್ ಗಮನಿಸಿದರೆ ಮಾರುತಿ ಸುಜುಕಿ ಬ್ರೇಝ ಕಾರಿಗೆ ಖಂಡಿತ ಸ್ಪರ್ಧೆ ನೀಡಲಿದೆ. ಈ ಕಾರು ಸದ್ಯದರಲ್ಲಿಯೇ ಅನಾವರಣಗೋಳ್ಳಲಿದ್ದು, ಈ ಕಾರಿನ ಬಗ್ಗೆ ಮಾಹಿತಿಗಾಗಿ ಡ್ರೈವ್‌ಸ್ಪಾರ್ಕ್‌ಗೆ ಭೇಟಿಕೊಡಿ.