ಅಮೆರಿಕದಲ್ಲಿ ಟೆಸ್ಲಾ ಮಾಡೆಲ್ 3 ಕಾರು ಬಿಡುಗಡೆಗೆ ದಿನಗಣನೆ

ಹೊಸ ಮಾದರಿಯ ಟೆಸ್ಲಾ ಕಾರು ಬಿಡುಗಡೆ ಬಗ್ಗೆ ಅಧಿಕೃತ ಮಾಹಿತಿ ಹಂಚಿಕೊಂಡಿರುವ ಟೆಸ್ಲಾ ಅಧ್ಯಕ್ಷ ಇಲಾನ್ ಮಸ್ಕ್, ಇದೇ ತಿಂಗಳು 27ರಂದು ಮಾಡೆಲ್ 3 ಬಿಡುಗಡೆಯಾಗಲಿದೆ ಎಂದಿದ್ದಾರೆ.

ಟ್ವಿಟರ್‌ನಲ್ಲಿ ಇಲಾನ್ ಮಸ್ಕ್ ಈ ಬಗ್ಗೆ ಅಧಿಕೃತ ಮಾಹಿತಿ ಹಂಚಿಕೊಳ್ಳುತ್ತಿದ್ದಂತೆ ಮಾಡೆಲ್ 3 ಖರೀದಿಗೆ ಗ್ರಾಹಕರು ಮುಗಿಬಿದ್ದಿದ್ದು, ಈ ವರ್ಷದ ಅಂತ್ಯಕ್ಕೆ 20 ಸಾವಿರ ಕಾರುಗಳ ಮಾರಾಟ ಗುರಿಹೊಂದಲಾಗಿದೆ.

ಇದಲ್ಲದೇ ಮಾಡೆಲ್ 3 ಕಾರು ಖರೀದಿ ಮಾಡುವ ಮೊದಲ 30 ಗ್ರಾಹಕರಿಗೆ ವಿಶೇಷ ಆಫರ್ ಘೋಷಣೆ ಮಾಡಿರುವ ಇಲಾನ್ ಮಸ್ಕ್, ಮಾಡೆಲ್ 3 ಮಾರಾಟಕ್ಕೆ ಬೃಹತ್ ಯೋಜನೆ ರೂಪಿಸಿದೆ.

ಇನ್ನು ಟೆಸ್ಲಾ ಮಾದರಿಯು ಅಮೆರಿಕ ಸಂಯುಕ್ತ ಸಂಸ್ಥಾನ ರಾಷ್ಟ್ರಗಳಲ್ಲಿ ಮಾತ್ರ ಕಾರ್ಯವ್ಯಾಪ್ತಿ ಹೊಂದಿದ್ದು, ಮುಂಬರುವ ದಿನಗಳಲ್ಲಿ ಭಾರತದಲ್ಲೂ ಹೊಸ ಕಾರುಗಳ ಬಿಡುಗಡೆಗೆ ಸಾಧ್ಯತೆಗಳಿವೆ.