ಕಿಸೆಯಲ್ಲಿ 5 ಸಾವಿರಕ್ಕು ಗತಿ ಇಲ್ಲ ಎಂದಿದ್ದ ನಟ ಸಿಂಬು ಈಗ ಬೆಂಟ್ಲಿ ಒಡೆಯ

ಚೆನ್ನೈ ಎಂದ್ರೆ ಸಿನಿಮಾ ಮಂದಿಗೆ ಮೊದಲು ನೆನಪು ಬರೋದು ಅಲ್ಲಿನ ಸ್ಟೂಡಿಯೋಗಳು ಮತ್ತು ವಾಯ್ಸ್ ರೆಕಾರ್ಡಿಂಗ್ ಸ್ಟುಡಿಯೋಗಳು. ಈಗಲೂ ಕೂಡಾ ನಮ್ಮ ಸ್ಯಾಂಡಲ್‍ವುಡ್‍ನಿಂದ ಹಲವರು ಸಾಂಗ್ಸ್ ಮತ್ತು ವಾಯ್ಸ್ ರೆಕಾರ್ಡಿಂಗ್‍ಗಾಗಿ ಚೆನ್ನೈಗೆ ತೆರಳುತ್ತಾರೆ.

ಸ್ಯಾಂಡಲ್‍ವುಡ್‍ನಲ್ಲಿರುವ ಹಲವಾರು ನಟರ ಮಾದರಿಯಲ್ಲೇ ದೇಶವಿದೇಶಗಳಲ್ಲಿ ಜನಪ್ರಿಯತೆಯನ್ನು ಹೊಂದಿರುವ ನಟರು ಕಾಲಿವುಡ್‍‍ನಲ್ಲಿ ಇದ್ದಾರೆ. ಅದರಲ್ಲಿ ಮೊದಲನೆಯ ತಲೆಮಾರಿನ ನಟರಾದ ಎಂಜಿಆರ್-ಶಿವಾಜಿ, ಎರಡನೆಯ ತಲೆಮಾರಿನಲ್ಲಿ ರಜಿನಿಕಾಂತ್-ಕಮಲ್ ಹಾಸನ್, ಮೂರನೆಯ ತಲೆಮಾರಿನಲ್ಲಿ ವಿಜಯ್-ಅಜಿತ್ ಮತ್ತು ಪ್ರಸ್ತುತ ತಲೆಮಾರಿನಲ್ಲಿ ಸಿಂಬು-ಧನುಷ್.

ಆದರೆ ಕಾಲಿವುಡ್‍ನಲ್ಲಿನ ಪ್ರಸ್ತುತ ತಲೆಮಾರಿನಲ್ಲಿರುವ ಸಿಂಬು ಮತ್ತು ಧನುಷ್, ಕೇವಲ ಅವರ ನಟನೆಗೆ ಮಾತ್ರವಲ್ಲದೆ ತಮ್ಮಲಿನ ಇನ್ನಿತರೆ ಕಲೆಗಳನ್ನು ಬಹಿರಂಗಗೊಳಿಸಿ ಸ್ಟಾರ್‍‍ಡಮ್ ಅನ್ನು ಪಡೆದುಕೊಂಡಿದ್ದಾರೆ.

ಈ ಮಾರ್ಗದಲ್ಲಿ ಹೇಳುವುದಾದರೆ ಧನುಶ್ ಸಿಂಬುಗಿಂತಾ ಹೆಚ್ಚು ಮುನ್ನುಗ್ಗುತ್ತಿದ್ದು, ಇದೀಗ ಹಾಲಿವುಡ್ ಚಿತ್ರದಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಸಿಂಬು ಮಾತ್ರ ಇನ್ನು ಕಾಲಿವುಡ್‍ನಲ್ಲಿಯೆ ಉಳಿದಿದ್ದಾರೆ.

ಮೇಲೆ ಹೇಳಿರುವ ಹಾಗೆ ಸುಮಾರು ಮೂರು ಚಿತ್ರಗಳು ಫ್ಲ್ಯಾಪ್ ಆಗಿದ್ದು, ಒಂದು ಪತ್ರಿಕಾಗೋಷ್ಠಿಯೊಂದರಲ್ಲಿ ನನ್ನ ಬಳಿ ಈಗ 5000ರೂ ಕೂಡಾ ಇಲ್ಲ, ಖರ್ಚಿಗೆ ಅಮ್ಮನ ಹತ್ತಿರ ದುಡ್ಡು ತೆಗೆದುಕೊಳ್ಳುತಿದ್ದೀನಿ ಎಂದು ಹೇಳಿ ಇದೀಗ ಸುಮಾರು ರೂ. 4.43 ಕೋಟಿ ಬೆಲೆಬಾಳುವ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಕಾರನ್ನು ಖರೀದಿಸಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

ಕಾಲಿವುಡ್‍ನಲ್ಲಿ ಮನ್ಮಧನ್, ವಾಣಂ, ವಲ್ಲವನ್, ಮತ್ತು ಇನ್ನಿತರೆ ಸಿನಿಮಾಗಳಲ್ಲಿ ಹಿಟ್ ನೀಡಿರುವ ಈತ ವಿವಾದಾತ್ಮಕ ಸುದ್ಧಿಗಳಿಗೂ ಫೇಮಸ್ ಎಂದು ತಿಳಿದೆ ಇದೆ. ಇತ್ತೀಚೆಗೆ ನಡೆದ ಕಾವೇರಿ ವಿವಾದದಲ್ಲೂ ಕನ್ನಡಿಗರ ಪರ ನಿಂತು ನಮ್ಮ ಕನ್ನಡಿಗರ ಮನ ಗೆದ್ದು, ಈಗಲೂ ಸಹ ನಮ್ಮ ಪರವಾಗಿಯೆ ಇದ್ದಾರೆ.

MOST READ: ಜಾವಾ ಹವಾ ಶುರು - ಒಟ್ಟು ಎರಡು ಬೈಕ್‍ಗಳನ್ನು ಬಿಡುಗಡೆಗೊಳಿಸಿದ ಜಾವಾ

ಇನ್ನು ನಟ ಸಿಂಬು ಖರೀದಿಸಿದ ಬೆಂಟ್ಲಿ ಕಾಂಟೆನೆಂಟಲ್ ಜಿಟಿ ಕಾರಿನ ಬಗ್ಗೆ ಹೇಳುವುದಾರೆ, ಇದು ಅಮೆರಿಕಾ ಮೂಲದ ವಾಹನ ತಯಾರಕ ಸಂಸ್ಥೆ ಬೆಂಟ್ಲಿಯಲ್ಲಿ ಈ ಕಾರು ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಂಡಿದ್ದು, ಎಕ್ಸ್ ಶೋರಂ ಪ್ರಕಾರ ರೂ. 3.58 ಕೋಟಿಗೆ ಮಾರಾಟದ ಬೆಲೆಯನ್ನು ಪಡೆದುಕೊಂಡಿದೆ.

ಎಂಜಿನ್ ಸಾಮರ್ಥ್ಯ

ಎರಡನೆಯ ತಲೆಮಾರಿನ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಕಾರು 5998ಸಿಸಿ, ಡಿವಿಡಿ ಟರ್ಬೋಚಾರ್ಜ್ಡ್ ಎಂಜಿನ್ ಸಹಾಯದಿಂದ 567ಬಿಹೆಚ್‍ಪಿ ಮತ್ತು 700ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದುಕೊಂಡಿದ್ದು, ಎಂಜಿನ್ ಅನ್ನು 8 ಸ್ಪೀಡ್ ಆಟೋಮ್ಯಾಟಿಕ್ ಗೇರ್‍‍ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.

ಒಟ್ಟು 20 ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿರುವ ಈ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಕಾರು, ಗಂಟೆಗೆ 318ಕಿಲೋಮೀಟರ್ ವೇಗದಲ್ಲಿ ಚಲಿಸುವ ಟಾಪ್ ಸ್ಪೀಟ್ ಮತ್ತು ಒಂದು ಲೀಟರ್‍‍ಗೆ ಸುಮಾರು 10.1 ಕಿಲೋಮೀಟರ್ ಮೈಲೇಜ್ ಅನ್ನು ನೀಡುತ್ತದೆ.

ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಐಷಾರಾಮಿ ಕರು 4807ಎಂಎಂ ಉದ್ದ, 2226ಎಂಎಂ ಅಗಲ ಮತ್ತು 1401ಎಂಎಂನ ಎತ್ತರವನ್ನು ಪಡೆದುಕೊಂಡಿದ್ದು, 2746ಎಂಎಂ ವ್ಹೀಲ್ ಬೇಸ್, 142ಎಂಎಂ ಗ್ರೌಂಡ್ ಕ್ಲಿಯರೆನ್ಸ್, 358ಲೀಟರ್‍‍ನ ಬೂಟ್ ಸ್ಪೇಸ್ ಅನ್ನು ಹೊಂದಿದೆ.

MOST READ: ಬಿಡುಗಡೆಗೊಂಡ ಆರ್‍ಇ 650 ಟ್ವಿನ್ ಬೈಕ್‍ಗಳು - ಬೆಲೆ ಕೇಳಿದ್ರೆ ಈಗಲೇ ಬುಕ್ ಮಾಡ್ತಿರ..!

ಇನ್ನು ಪ್ರಯಾಣಕರ ಸುರಕ್ಷತೆಗಾಗಿ ಬೆಂಟ್ಲಿ ಕಾಂಟಿನೆಂಟಲ್ ಕಾರಿನಲ್ಲಿ 6 ಏರ್‍‍‍ಬ್ಯಾಗ್‍ಗಳು, ಹಿಲ್ ಅಸ್ಸಿಸ್ಟ್, ಎಂಜಿನ್ ಇಮ್ಮೊಬಿಲೈಜರ್, ಟ್ರಾಕ್ಷನ್ ಕಂಟ್ರೋಲ್, ಪಾರ್ಕಿಂಗ್ ಅಸ್ಸಿಸ್ಟಂನ್ಸ್, ಚೈಲ್ಡ್ ಸೇಫ್ಟಿ ಲಾಕ್, ಐಎಸ್ಒ ಫಿಕ್ಸ್, ಸೆಂಟ್ರಲ್ ಲಾಕಿಂಗ್, ಎಬಿಎಸ್, ಇಬಿಡಿ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಇನ್ನಿತರೆ ಸುರಕ್ಷಾ ಸೌಲಭ್ಯಗಳನ್ನು ಒದಗಿಸಲಾಗಿದೆ.

Source: Behindwoods