ಅನಾವರಣಗೊಂಡ ಪೋರ್ಷೆ ಮಿಷನ್ ಇ ಕ್ರಾಸ್ ಟೂರಿಸ್ಮೊ ಪರಿಕಲ್ಪನೆ

ಕಾರಿನ ವಿನ್ಯಾಸವು ಮಿಷನ್ ಇ ಮತ್ತು ಹೊಸದಾಗಿ ಬಿಡುಗಡೆಗೊಂಡ ಪೋರ್ಷೆ ಪನಾಮೆರಾ ಸ್ಪೋರ್ಟ್ ಟೂರಿಸ್ಮೊ ಕಾರಿನ ಮಿಶ್ರಣವನ್ನು ಪಡಿದಿದ್ದು, ಸಂಸ್ಥೆಯು ಮಾರುಕಟ್ಟೆಯಲ್ಲಿನ ಜೀರೊ-ಎಮಿಷನ್ ಕ್ರಾಸ್ ಯುಟಿಲಿಟಿ ವೆಹಿಕಲ್ (CUV) ಕಾರುಗಳು ಇರಲಿವೆಯೇ ಎಂದು ಪರಿಶೀಲಿಸಲಿದೆ.

ಪೋರ್ಷೆ ಮಿಷನ್ ಇ ಕ್ರಾಸ್ ಟೂರಿಸ್ಮೊ ಸಿಂಕ್ರೊನೌಸ್ ಎಲಿಕ್ಟ್ರಿಕ್ ಮೋಟಾರ್‍‍ಗಳನ್ನು ಪಡೆದಿದ್ದು, ಇದು ಎಲೆಕ್ಟ್ರಿಕ್ ಕ್ರಾಸ್ ಓವರ್ ಆಲ್-ವೀಲ್ ಡ್ರೈವ್ ಸೌಲಭ್ಯವನ್ನು ಹೊಂದಿರಲಿದೆ.

ಈ ಕಾರು ಎರಡು ಮೋಟಾರ್ ಸಹಾಯದಿಂದ ಸುಮಾರು 590 ಬಿಹೆಚ್‍‍ಪಿ ಅಂದರೆ ಪೋರ್ಷೆ 911ಜಿಟಿಆರ್‍ಎಸ್ ಕಾರಿಗಿಂತೂ 76 ಬಿಹೆಚ್‍‍ಪಿ ಹೆಚ್ಚು ಸಾಮರ್ಥ್ಯವನ್ನು ಪಡೆದಿರಲಿದೆ ಎನ್ನಲಾಗಿದ್ದು, 3.5 ಸೆಕೆಂಡಿಗೆ 0-100 ಗಂಟೆಗೆ ಕಿಲೋಮೀಟರ್ ಸ್ಪೀಡ್‍‍ನಲ್ಲಿ ಚಲಿಸಬಲ್ಲದು. ಅಲ್ಲದೆ ಗಂಟೆಗೆ 250ಕಿಲೋಮೀಟರ್ ಚಲಿಸುವ ಟಾಪ್ ಸ್ಪೀಡ್‍ ಪಡೆದಿದೆ.

ಪೋರ್ಷೆ ಮಿಷನ್ ಇ ಕ್ರಾಸ್ ಟೂರಿಸ್ಮೊ ಹಲವು ತಾಂತ್ರಿಕತೆ ಮತ್ತು ವೈಶಿಷ್ಟ್ಯತೆಗಳನ್ನು ಪಡೆದಿದ್ದು, 15ನಿಮಿಷದಲ್ಲಿ ಶೇಕಡ 80ರಷ್ಟು ಚಾರ್ಜ್ ಆಗಲಿದ್ದು, ಸುಮಾರು 400 ಕಿಲೋಮೀಟರ್ ಮೈಲೇಜ್ ಸಾಮರ್ಥ್ಯವನ್ನು ಪಡೆದಿರಲಿದೆಯಂತೆ.

ನಿಜವಾದ ಪೋರ್ಷೆ ಇ ಕಾರಿನ ಪರಿಕಲ್ಪನೆಯನ್ನು ಮೊದಲನೆಯದಾಗಿ 2015ರ ಫ್ರಾಂಕ್ಪರ್ಟ್ ಮೋಟಾರ್ ಶೋನಲ್ಲಿ ಅನಾವರಣಗೊಳಿಸಲಾಯಿತ್ತು. ಮಿಷನ್ ಇ ಪರಿಕಲ್ಪನೆಯು ಭವಿಷ್ಯದ ಎಲ್ಲಾ ಪೂರ್ಣ-ವಿದ್ಯುತ್ ಪೋರ್ಷೆ ಮಾದರಿಗಳಿಗೆ ಬೇಸ್ ಆಗಿ ಕಾರ್ಯನಿರ್ವಹಿಸುತ್ತದೆ ಎಂದು ಪೋರ್ಷೆ ಹೇಳಿಕೊಂಡಿದೆ.

ಬೇರೆಲ್ಲಾ ವಾಹನ ತಯಾರಕರು ಮುಂದಿನ ತಲೆಮಾರಿನ ಕಾರುಗಳನ್ನು ತಯಾರಿಸಲು ಮುಂದಾಗಿದ್ದು, ಪೋರ್ಷೆ ಸಂಸ್ಥೆ ಕೂಡ ಇದರಲ್ಲಿ ಭಾಗಿಯಾಗಿದೆ. ಇದರ ಜೊತೆಗೆ ಎಲೆಕ್ಟ್ರಿಕ್ ಕಾರು ಮಾದರಿಗಳ ಉತ್ಪಾದನೆಗಾಗಿ ಜಾಗ್ವಾರ್ ಮತ್ತು ಟೆಸ್ಲಾ ಜೊತೆಗೂ ಒಪ್ಪಂದ ಮಾಡಿಕೊಂಡಿರು ಪೋರ್ಷೆ, ಐ ಪೇಸ್ ಮತ್ತು ಮಾಡೆಲ್ ಎಕ್ಸ್ P100D ಮಾದರಿಯಲ್ಲಿ ತನ್ನ ಹೊಸ ಕಾರನ್ನು ರಸ್ತೆಗಿಳಿಸಲಿದೆ.