ಕುಡಿಯಕ್ಕೆ ಹೆಚ್ಚು ಮದ್ಯ ನೀಡಿಲ್ಲ ಅಂತ ವಿಮಾನದಲ್ಲಿ ಹೀಗಾ ಗಲಾಟೆ ಮಾಡೋದು.?

ಆದರೆ ಏರ್ ಇಂಡಿಯಾ ಮೂಲದ ವಿಮಾನದಲ್ಲಿ ಬಿಸಿನೆಸ್ ಕ್ಲಾಸ್‍ಣಲ್ಲಿ ಪ್ರಯಾಣಿಸುತ್ತಿದ್ದ ಮಹಿಳೆಗೆ ಇನ್ನು ಮದ್ಯ ಹೆಚ್ಚಾಗಿ ಬೇಕು ಎಂದು ಅಲ್ಲಿನ ಸಿಬ್ಬಂದಿಯೊಂದಿಗೆ ಅವಾಚ್ಯ ಪದಗಳೊಂದಿಗೆ ಬಯ್ಯುತ್ತಾ ಜಗಳಕ್ಕೆ ಇಳಿದಿರುವ ವಿಡಿಯೋ ಇದೀಗ ಹಲವೆಡೆ ಸುದ್ದಿಯಾಗಿದೆ. ಅಸಲಿಗೆ ನಡೆದ ಘಟನೆಯ ಬಗ್ಗೆ ತಿಳಿಯಲು ಈ ಮುಂದಕ್ಕೆ ಓದಿರಿ..

ಮುಂಬೈ ನಗರದಿಂದ ಲಂಡನ್‍ಗೆ ಚಲಿಸುವ ಏರ್ ಇಂಡಿಯಾ ಮೂಲದ ವಿಮಾನದಲ್ಲಿ, ಇರೀಷ್ ಮಹಿಳೆಯೊಬ್ಬಳು ಬುಸಿನೆಸ್ ಕ್ಲಾಸ್‍ ಟಿಕೆಟ್ ಬುಕ್ ಮಾಡಿಕೊಂಡು ಪ್ರಯಾಣಿಸುತ್ತಿದ್ದರು. ಆದರೆ ಆಕೆಗೆ ನೀಡಿದ ಮದ್ಯ ಸಾಕಾಗಿಲ್ಲ ಇನ್ನು ಹೆಚ್ಚು ಬೇಕು ಅಂತ ಸಿಬ್ಬಂದಿಯೊಂದಿಗೆ ಗಲಾಟೆ ಮಾಡಿಕೊಂಡಿದ್ದಾರೆ.

ಮೇಲೆ ಹೇಳಿರುವ ಹಾಗೆ ಇಂಟರ್‍‍ನ್ಯಾಷನಲ್ ವಿಮಾನಗಳಲ್ಲಿ ಪ್ರಯಾಣಿಸುವವರಿಗೆ ಮದ್ಯ ನೀಡುವ ಸೌಕರ್ಯ ಇದೆ. ಹೀಗೆಯೆ ಆ ಇರಿಷ್ ಮಹಿಳೆಗೆ ಕೂಡಾ ನೀಡಬೇಕಾದಷ್ಟು ವೈನ್ ನೀಡಲಾಗಿತ್ತು. ಆದರೆ ಆ ಮಹಿಳೆಯು ಇನ್ನು ಮದ್ಯ ಬೇಕೆಂದು ಒತ್ತಾಯ ಮಾಡಿದ್ದಾರೆ.

ಸಹ ಪ್ರಯಾಣಿಕರು ಈಕೆಯ ವರ್ತನೆಯನ್ನು ನೋಡಿ ನಗಲು ಆರಂಭಿಸಿದರು ಆದರೂ ಸಹ ಆಕೆ ಅಂಜದೆಯೆ ಸಿಬ್ಬಂದಿಗಳನ್ನು ಜಗಳಕ್ಕೆ ಕರೆದು, ಇನ್ನು ಹೆಚ್ಚಿನ ಮದ್ಯವನ್ನು ನೀಡುವುದಾಗಿ ಒತ್ತಾಯಿಸಿದಳು. ಈ ಗಲಾಟೆಯನ್ನು ಕಂಡು ವಿಮಾನದಲ್ಲಿದ್ದ ಕಮಾಂಡರ್ ಆಕೆಯನ್ನು ಸುಧಾರಿಸಲು ಮುಂದಾದರು.

ವಿಡಿಯೋವನ್ನು ಗಮನಿಸಿದ್ದಲ್ಲಿ ಆ ಇರಿಷ್ ಮಹಿಳೆ ಒಬ್ಬ ಇಂಟರ್‍‍ನ್ಯಾಷನಲ್ ಕ್ರಿಮಿನಲ್ ಲಾಯರ್ ಆಗಿದ್ದು, ಆಕೆ ನಮ್ಮ ದೇಶಕ್ಕಾಗಿ ಸೇವೆ ಸಲ್ಲಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾಳೆ. ನಂತರ ಇಲ್ಲಿ ಪ್ರಯಾಣಿಕರಿಗೆ ಸರಿಯಾದ ಗೌರವವನು ನೀಡುತ್ತಿಲ್ಲ ಹಾಗು ನೀವು ಹಣ ಗುಂಜಲು ಮಾತ್ರ ಲಾಯಕ್ಕು ಅಂತ ಬೈಯ್ಯಲು ಶುರು ಮಾಡಿದಳು.

ನೀಡಿದ ಮದ್ಯವನ್ನು ಸೇವಿಸಿ ಈಗಾಗಲೆ ಮತ್ತಿನಲ್ಲಿದ್ದ ಆಕೆಗೆ ಇನ್ನಷ್ಟು ಮದ್ಯವನ್ನು ನೀಡದಿರಲು ಆಲ್ಲಿನ ಸಿಬಂದಿಯು ತೀರ್ಮಾನಿಸಿದ್ದು, ಇನ್ನಷ್ಟು ಮದ್ಯ ನೀಡಿದರೆ ಅದು ಆಕೆಯ ಜೀವಕ್ಕೆ ಹಾನಿಯಾಗಬಹುದು ಎಂದು ಹೇಳಿದ್ದರು. ಮತ್ತು ಆಕೆಯನ್ನು ಸಂಭಾಳಿಸಲು ಪ್ರಯತ್ನಿಸಿದರು.

ಇದರಿಂದ ಮತ್ತಷ್ಟು ಕೋಪಗೊಂಡ ಆ ಮಹಿಳೆ ಸೀಟ್‍ನಿಂದ ಎದ್ದು ಇನ್ನಿತರೆ ಪ್ರಯಾಣಿಕರು ಇರುವುದನ್ನು ಲೆಕ್ಕಿಸದೆ ಸಿಬ್ಬಂದಿಗೆ ಅಸಭ್ಯ ಪದಗಳೊಂದಿಗೆ ಬೈದು, ಜಗಳವಾಡಲು ಮುಂದಾದಳು. ಸಾಮಾಯವಾಗಿ ಕೋಪಗೊಂಡಾಗ ಕೆಲವರು ಬಳಸುವ ಬೀಪ್ ಶಬ್ದಗಳನ್ನು ಬಳಸಿ ಜೋರಾಗಿ ಕಿರುಚಾಡಿದ್ದಾಳೆ.

'ನೀವು ಒಬ್ಬ ಬಿಸಿನಸ್ ಕ್ಲಾಸ್ ಪ್ರಯಾನಿಕರೊಂದಿಗೆ ಹೋಗೆ ವರ್ತಿಸುವುದು ಸರಿಯಲ್ಲ, ನೀವೆಲ್ಲ ನಮ್ಮ ಡುಡ್ದಿಗೆ ಮತ್ರ ಆಸೆ ಪಡುವಿರಿ. ನಾವು ಎಷ್ಟೊ ಹಣ ಕೊಟ್ಟು ಪ್ರಯಾಣಕ್ಕಾಗಿ ಟಿಕೆಟ್ ಬುಕ್ ಮಾಡಿಕೊಂಡಿರುತ್ತೇವೆ ಆದರೆ ಇಲ್ಲಿ ನಮಗೆ ಬೇಕಾದ ಸೌಕರ್ಯಗಳನ್ನು ನೀವು ನೀಡುವಲ್ಲಿ ವಿಫಲರಾಗಿದ್ದೀರಿ'. ಎಂದು ಮಹಿಳೆ ಕೂಗಾಡಿದ್ದಾಳೆ.

ಹೆಚ್ಚು ಮದ್ಯವನ್ನು ನೀಡಲಿಲ್ಲವೆಂಬ ಕಾರಣಕ್ಕೆ ವಿಮಾನದ ಸಿಬ್ಬಂದಿಯಂದಿಗೆ ಮಾತನಾಡಿದ ಅವಾಚ್ಯ ಶಬ್ದಗಳನ್ನು ಬಳಸಿ, ಕಿರುಚಾಡಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಈ ವಿಡಿಯೋವನ್ನು ನೀವಿಲ್ಲಿ ಕಾಣಬಹುದಾಗಿದೆ.

ಲಂಡನ್‍ನಲ್ಲಿ ಏರ್ ಇಂಡಿಯಾ ವಿಮಾನವು ಇಳಿದ ನಂತರ ವಿಮಾನ ಸಿಬಂದಿಯು ಈ ಗಲಾಟೆಯ ಬಗ್ಗೆ ಅಲ್ಲಿನ ಪೊಲೀಸ್ ಅಧಿಕಾರಿಗಳಿಗೆ ಹೇಳಲಾಗಿದ್ದು, ಅವರು ತಕ್ಷಣವೇ ಆಕೆಯನ್ನು ಬಂಧಿಸಿದ್ದಾರೆ. ಮತ್ತು ಈ ವಿಷಯ ದೊಡ್ಡ ಮಟ್ಟಕ್ಕೆ ವಿವಾದವನ್ನು ಹುಟ್ಟುಹಾಕಿದೆ.

ಇನ್ನು ಈ ಘಟನೆಯ ಕುರಿಗಾಗಿ ಏರ್ ಇಂಡಿಯಾ ಸಿಬ್ಬಂದಿಗಳು ಬೇರಾವ ಮಾಹಿಗಳನ್ನು ನೀಡಲಿಲ್ಲವಾಗಿದ್ದು, ಇನ್ನು ಅರೆಸ್ಟ್ ಆದ ಆ ಮಹಿಳೆಗೆ ಯಾವ ರೀತಿಯ ಶಿಕ್ಷೆ ನೀಡಲಾಗಿದೆ ಎಂದು ಕೂಡಾ ಇನ್ನು ತಿಳಿದು ಬಂದಿಲ್ಲ. ಒಟ್ಟಿನಲ್ಲಿ ಹೆಚ್ಚು ಮದ್ಯ ನೀಡಿಲ್ಲ ಎಂದ ಮಾತ್ರಕ್ಕೆ ಒಬ್ಬ ಬಿಸಿನಸ್ ಕ್ಲಾಸ್‍ನಲ್ಲಿ ಪ್ರಯಾಣಿಸುತ್ತಿದ್ದ ಮಹಿಳೆಯ ಈ ವರ್ತನೆಯು ತಪ್ಪು ಎಂದು ಹೇಳಲಾಗಿದ್ದು, ಮದ್ಯ ಸೇವನೆಗೆ ಅಡಿಕ್ಟ್ ಆಗಿರುವ ಮಂದಿ ಹೇಗೆಲ್ಲ ಗಲಾಟೆ ಮಾಡ್ತಾರೆ ನೋಡಿ.