ಆಡಿ ಆರ್8ರ ಬದಲಿಗೆ ರಸ್ತೆಗಿಳಿಯಲಿರುವ ಆಲ್ ಎಲೆಕ್ಟ್ರಿಕ್ ಸೂಪರ್ ಕಾರು

ಕಾರ್ ಮ್ಯಾಗಜೀನ್ ಸುದ್ದಿ ಮೂಲದ ಪ್ರಕಾರ, ಈಗ ಚಾಲ್ತಿಯಲ್ಲಿರುವ ಆರ್ 8 ಕಾರು, ಈ ಮಾದರಿಯಲ್ಲಿ ಬರಲಿರುವ ಕೊನೆಯ ಕಾರು ಇದಾಗಿರಲಿದೆ. ಬ್ರಿಟಿಷ್ ಪಬ್ಲಿಕೇಷನ್ ವರದಿಯ ಪ್ರಕಾರ, ಆಡಿ ಮೂರು ವರ್ಷಗಳ ಕಾಲಾವಧಿಯಲ್ಲಿ ಆರ್ 8 ಇಂಟರ್ನಲ್ ಕಂಬಸ್ಜನ್ ಎಂಜಿನ್ ಬದಲು ಎಲೆಕ್ಟ್ರಿಕ್ ಸೂಪರ್ ಕಾರನ್ನು ಹೊಂದಲಿದ್ದು, ಅದರ ಹೆಸರು ಇ ಟ್ರಾನ್ ಜಿಟಿಆರ್ ಆಗಿರಲಿದೆ. ಅದು ಮೂರು ಎಲೆಕ್ಟ್ರಿಕ್ ಮೋಟಾರ್‍‍ಗಳಿಂದ ಶಕ್ತಿಯನ್ನು ಪಡೆಯಲಿದೆ ಎಂದು ಹೇಳಲಾಗಿದೆ.

ಕಾರ್ ಮ್ಯಾಗಜೀನ್ ವರದಿಯ ಪ್ರಕಾರ ಮೂರು ವರ್ಷಗಳ ಒಳಗೆ ಆಲ್ ಎಲೆಕ್ಟ್ರಿಕ್ ಇ ಟ್ರಾನ್ ಜಿಟಿಆರ್ ರಸ್ತೆಗಿಳಿಯಲಿದ್ದು, ಟ್ರಯೋ ಎಲೆಕ್ಟ್ರಿಕ್ ಮೋಟಾರ್ ಚಾರ್ಜ್ ಮಾಡುವುದರಿಂದ 650 ಬಿಹೆಚ್‍ಪಿ ಯನ್ನು ಪಡೆಯಲಿದೆ.

ಬ್ಯಾಟರಿ ಸಾಮರ್ಥ್ಯವು 95 ಕೆಡಬ್ಲ್ಯೂಹೆಚ್ ಆಗಿರಲಿದೆ. ಒಂದು ಬಾರಿಗೆ ಈ ಬ್ಯಾಟರಿಯಿಂದ 483 ಕಿ.ಮೀ ದೂರವನ್ನು ಕ್ರಮಿಸುವಷ್ಟು ಚಾರ್ಜ್ ಮಾಡಬಹುದು. ಈ ಬ್ಯಾಟರಿ ಪ್ಯಾಕ್ ವೈರ್‍‍ಲೆಸ್ ಚಾರ್ಜಿಂಗ್ ಒಳಗೊಂಡಿರಲಿದ್ದು, ಚಾರ್ಜರ್‍‍ಗಳ ಅವಶ್ಯಕತೆಯನ್ನು ಮತ್ತು ವಿಭಿನ್ನ ಮಾದರಿಯ ಚಾರ್ಜಿಂಗ್ ಗಳನ್ನು ಜೊತೆಯಲ್ಲಿ ಒಯ್ಯುವುದರಿಂದ ಮುಕ್ತಿ ನೀಡುತ್ತದೆ.

ಮೂಲಗಳ ಪ್ರಕಾರ ಹೊಸ ಆಡಿ ಇ ಟ್ರಾನ್ ಜಿಟಿಆರ್, ಪೋರ್ಷೆ ಸಂಸ್ಥೆಯ ಟೆಕ್ಯಾನ್ ಕಾರಿನ ತಂತ್ರಜ್ಞಾನವನ್ನು ಅವಲಂಬಿಸಿದೆ. ಇದು ಫೋಕ್ಸ್ ವ್ಯಾಗನ್ ಗ್ರೂಪಿನ ಮೊದಲ ಆಲ್ ಎಲೆಕ್ಟ್ರಿಕ್ ಸೂಪರ್ ಕಾರು ಆಗಿರಲಿದೆ. ಆಡಿ ಇ ಟ್ರಾನ್ ಜಿಟಿಆರ್ ಅಲ್ಯುಮಿನಿಯಂ ಮೊನೊಕಾಕ್ ಚಾಸೀಸ್ ಹೊಂದಿರಲಿದ್ದು, ಟೆಕ್ಯಾನ್ ನ ಜೆ 1 ಪ್ಲಾಟ್‍ಫಾರಂ ತಂತ್ರಜ್ಞಾನದ ಮೇಲೆ ಅವಲಂಬಿತವಾಗಿದೆ.

ಕಾರ್ ಮ್ಯಾಗಜೀನ್ ವರದಿಯ ಪ್ರಕಾರ, ಅಲ್ಯುಮಿನಿಯಂ ಮೊನೊಕಾಕ್ ಚಾಸೀಸ್ ಹೊಸ ಆಡಿ ಸೂಪರ್ ಕಾರಿನ ತೂಕವನ್ನು ಕಡಿಮೆ ಮಾಡಲು ನೆರವಾಗಲಿದೆ. ಇದರಿಂದ 0 - 100 ಕಿ.ಮೀ ವೇಗವನ್ನು 2.0 ಸೆಕೆಂಡುಗಳಲ್ಲಿ ಕ್ರಮಿಸಬಹುದು.

MUST READ: ಪರಿಸರ ಸ್ನೇಹಿ ಕಾರು ನಿರ್ಮಾಣದತ್ತ ಮರ್ಸಿಡಿಸ್ ಮಹತ್ವದ ಹೆಜ್ಜೆ

ಆ ಕಾರನ್ನು ಈಗಿರುವ ಹೈಪರ್ ಕಾರುಗಳ ಸ್ಪ್ರಿಂಟ್ ಗಳ ವ್ಯಾಪ್ತಿಗೆ ತರಲಿದೆ. ಆಡಿ ಇ ಟ್ರಾನ್ ಎಲೆಕ್ಟ್ರಿಕ್ ಸೂಪರ್ ಕಾರುಗಳಿಗೆ, ಆಲ್ ವ್ಹೀಲ್ ಡ್ರೈವ್ ಸೆಟ್ ಅಪ್, ಹೈಪರ್ ಕಾರುಗಳ ಆಕ್ಸೆಲೇರೆಷನ್ ನೀಡಲು ನೆರವಾಗಲಿದೆ. ಈ ಕಾರು ತನ್ನ ಮುಂಭಾಗದಲ್ಲಿ 5 ರಿಂಗುಗಳ ಕ್ವಾಟ್ರೋ ಬ್ರಾಂಡಿಂಗ್ ನ ಬ್ಯಾಡ್ಜ್ ಹೊಂದಿರಲಿದೆ. ಇದರ ಹೊರತಾಗಿ 2022 ರ ಆಸುಪಾಸಿನಲ್ಲಿ ಬಿಡುಗಡೆಯಾಗಲಿರುವ ಆಡಿ ಎಲೆಕ್ಟ್ರಿಕ್ ಸೂಪರ್ ಕಾರಿನ ಬಗ್ಗೆ ಬೇರೆ ಯಾವುದೇ ಮಾಹಿತಿಗಳನ್ನು ಬಹಿರಂಗಪಡಿಸಿಲ್ಲ.

ಡ್ರೈವ್‍ಸ್ಪಾರ್ಕ್ ಅಭಿಪ್ರಾಯ

ಎಲೆಕ್ಟ್ರಿಕ್ ಸೂಪರ್ ಕಾರುಗಳಿಗೆ ಬದಲಾಗುವ ಕಾಲವು ಸನ್ನಿಹಿತವಾಗಿದ್ದು, ಆಡಿ ಸಹ ತನ್ನ ಆರ್8 ಇ ಟ್ರಾನ್ ನಲ್ಲಿ ಅಳವಡಿಸಿಕೊಳ್ಳುವ ಮೂಲಕ ರಸ್ತೆಗಿಳಿಯುವ ತವಕದಲ್ಲಿದೆ. ನಾವು ವಿ10ನ ಸೌಂಡ್ ಟ್ರಾಕ್ ಅನ್ನು ಮಿಸ್ ಮಾಡಿಕೊಳ್ಳುವ ಸಂಭವವಿದೆಯಾದರೂ ಇದೆಕ್ಕೆಲ್ಲಾ 2022ರ ಅಸುಪಾಸಿನಲ್ಲಿ ಬಿಡುಗಡೆಯಾಗಲಿರುವ ಇ ಟ್ರಾನ್ ಜಿಟಿಆರ್ ಉತ್ತರ ನೀಡಲಿದೆ.