ಬಿ‍ಎಸ್ 6 ಎಂಜಿನ್ ಹೊಂದಲಿವೆ ಬಿಎಂಡಬ್ಲ್ಯು ಪೆಟ್ರೋಲ್ ಕಾರುಗಳು

ಹೊಸ ಮಾಲಿನ್ಯ ನಿಯಮಗಳು 2020ರ ಏಪ್ರಿಲ್ 1ರಿಂದ ಜಾರಿಗೆ ಬರಲಿವೆ. ಅದಕ್ಕೂ ಮುನ್ನ ಬಿಎಂಡಬ್ಲ್ಯು ಕಂಪನಿಯ ಕಾರುಗಳು ಬಿಎಸ್ 6 ಎಂಜಿನ್ ಹೊಂದಲಿವೆ. ಡೀಸೆಲ್ ಎಂಜಿನ್‍‍ಗಳನ್ನು ಮುಂಬರುವ ದಿನಗಳಲ್ಲಿ ನವೀಕರಿಸಲಾಗುವುದೆಂದು ಕಂಪನಿ ತಿಳಿಸಿದೆ.

ಬಿಎಸ್ 6 ಡೀಸೆಲ್ ಎಂಜಿನ್‍‍ಗಳ ಉತ್ಪಾದನೆಯನ್ನು ಕಂಪನಿಯು ಆರಂಭಿಸಿದೆ. ಇವುಗಳಲ್ಲಿ 5 ಸೀರಿಸ್ ಹಾಗೂ 6 ಸೀರಿಸ್ ಜಿಟಿ ಕಾರುಗಳೂ ಸಹ ಸೇರಿವೆ. ಬಿ‍ಎಂ‍‍ಡಬ್ಲ್ಯು ಕಂಪನಿಯು ಶೀಘ್ರದಲ್ಲೇ ತನ್ನ ಸರಣಿಯಲ್ಲಿ ಬಿಎಸ್ 6 ಡೀಸೆಲ್ ಎಂಜಿನ್ ಹೊಂದಿರುವ ಮೂರನೇ ಕಾರ್ ಆದ ಎಕ್ಸ್ 1 ಉತ್ಪಾದನೆಯನ್ನು ಆರಂಭಿಸಲಿದೆ.

ಬಿಎಂಡಬ್ಲ್ಯು ಗ್ರೂಪ್ ಇಂಡಿಯಾದ ಅಧ್ಯಕ್ಷ ಹಾಗೂ ಸಿಇಒ ಆದ ರುದ್ರತೇಜ್‍‍ರವರು ಮಾತನಾಡಿ, 2019ರಲ್ಲಿ ನಮ್ಮ ಹೊಸ ಕಾರುಗಳ ಬಂಡವಾಳವು ಐಷಾರಾಮಿ ಕಾರು ಮಾರುಕಟ್ಟೆಯಲ್ಲಿ ಗಮನಾರ್ಹ ಸಾಧನೆಯನ್ನು ಮಾಡಿವೆ.

ಬಿಎಸ್ 6 ಎಂಜಿನ್ ಕಾರುಗಳನ್ನು ನಿಗದಿತ ಸಮಯಕ್ಕಿಂತ ಮುಂಚೆಯೇ ಆರಂಭಿಸಿ ನಮ್ಮ ಹೊಸ ಕಾರುಗಳಿಗೆ ಬೇಡಿಕೆಯನ್ನು ಪೂರೈಸಲು ನಾವು ಮಾಡುತ್ತಿರುವ ಕಾರ್ಯತಂತ್ರದ ವಿಧಾನವಾಗಿದೆ ಎಂದು ಹೇಳಿದರು.

ಬಿಎಂಡಬ್ಲ್ಯು ಇಂಡಿಯಾದ ಗ್ರಾಹಕರು ನಮ್ಮ ಸರಣಿಯಲ್ಲಿರುವ ಯಾವುದೇ ವಾಹನದಲ್ಲಿ ಬಿಎಸ್ 6 ಎಂಜಿನ್ ಹೊಂದಿರುವ ಕಾರು ಖರೀದಿಸ ಬಹುದು. ಬಿಎಂಡಬ್ಲ್ಯು ಸರಣಿಯ ಕಾರುಗಳು ಆಕರ್ಷಕವಾಗಿವೆ. ಹೊಸ ಟೆಕ್ನಾಲಜಿಯನ್ನು ಬಿಎಸ್ 4 ಮಾದರಿಯ ಸೀಮಿತ ಕಾರುಗಳಲ್ಲಿ ನೀಡಲಾಗುವುದು ಎಂದು ತಿಳಿಸಿದರು.

ಭಾರತದಲ್ಲಿ ಇತ್ತೀಚಿಗೆ ಬಿಡುಗಡೆಯಾದ ಕಾರುಗಳನ್ನು ಬಿಎಸ್ 4 ಹಾಗೂ ಬಿಎಸ್ 6 ಎರಡೂ ಎಂಜಿನ್‍‍ಗಳಲ್ಲಿ ಮಾರಾಟ ಮಾಡಲಾಗುತ್ತದೆಂದು ಬಿಎಂಡಬ್ಲ್ಯು ತಿಳಿಸಿದೆ. ಬಿಎಂಡಬ್ಲ್ಯು ಗ್ರಾಹಕರು ಕಾರು ಖರೀದಿಸುವ ವೇಳೆಯಲ್ಲಿ ಎರಡೂ ಎಂಜಿನ್‍‍ಗಳನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶ ದೊರೆಯುತ್ತದೆ.

MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿ‍ಎಲ್ ಕಳೆದುಕೊಂಡ ಡ್ರೈವರ್..!

ಜರ್ಮನಿ ಮೂಲದ ಐಷಾರಾಮಿ ಕಾರು ತಯಾರಕ ಕಂಪನಿಯಾದ ಬಿ‍ಎಂ‍‍ಡಬ್ಲ್ಯು ಬಿಎಸ್ 6 ಎಂಜಿನ್ ಹೊಂದಿರುವ ತನ್ನ ಕಾರುಗಳ ಬೆಲೆಯನ್ನು ಶೀಘ್ರದಲ್ಲೇ 6%ನಷ್ಟು ಹೆಚ್ಚಿಸುವುದಾಗಿ ತಿಳಿಸಿದೆ. ಕಂಪನಿಯು ಕೆಲ ಬಿಎಸ್ 4 ಮಾದರಿಗಳ ಮೇಲೆ ಹಣಕಾಸಿನ ಪ್ರಯೋಜನಗಳನ್ನು ನೀಡುತ್ತಿದೆ.

MOST READ: ಬಡ ದೇಶದ ರಾಜನಿಗೆ 15 ಮಡದಿಯರು, 19 ದುಬಾರಿ ಕಾರುಗಳು..!

ಬಿಎಂಡಬ್ಲ್ಯು ಕಂಪನಿಯು ಇತ್ತೀಚೆಗೆ 2019ರ 3 ಸೀರಿಸ್ ಕಾರುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತು. ದೇಶಿಯ ಮಾರುಕಟ್ಟೆಯಲ್ಲಿರುವ ಹೊಸ ತಲೆಮಾರಿನ ಬಿಎಂಡಬ್ಲ್ಯು 3 ಸೀರಿಸ್ ಕಾರಿನ ಆರಂಭಿಕ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.41.40 ಲಕ್ಷಗಳಾಗಿದೆ.

MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?

ಹೊಸ ಬಿಎಂಡಬ್ಲ್ಯು 3 ಸೀರಿಸ್ ಕಾರ್ ಅನ್ನು ಮೂರು ಮಾದರಿಗಳಲ್ಲಿ, ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಮಾರಾಟ ಮಾಡಲಾಗುತ್ತದೆ. ಇದರ ಜೊತೆಗೆ ಬಿ‍ಎಂ‍ಡಬ್ಲ್ಯು ಕಂಪನಿಯು ತನ್ನ ಎಂ 5 ಕಾಂಪಿಟೇಷನ್ ಮಾದರಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ.

ಈ ಹೊಸ ವಾಹನದ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.1.54 ಕೋಟಿಗಳಾಗಿದೆ. ಹೊಸ ಬಿಎಂಡಬ್ಲ್ಯು ಎಂ 5 ಕಾಂಪಿಟೇಷನ್, ಸ್ಟ್ಯಾಂಡರ್ಡ್ ಎಂ 5 ಮಾದರಿಗಿಂತ ಹೆಚ್ಚು ಪರ್ಫಾಮೆನ್ಸ್ ಆಧಾರಿತ ಸೆಡಾನ್ ಆಗಿದೆ. ಈ ವಾಹನವು ಹಲವಾರು ಫೀಚರ್‍‍ಗಳನ್ನು ಹೊಂದಿದೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಬಿ‍ಎಂ‍‍ಡಬ್ಲ್ಯು ಭಾರತದಲ್ಲಿರುವ ಹಲವು ಐಷಾರಾಮಿ ಕಾರು ಕಂಪನಿಗಳ ಪೈಕಿ ಒಂದಾಗಿದೆ. ಈ ಸೆಗ್‍‍ಮೆಂಟಿನಲ್ಲಿರುವ ಕಂಪನಿಗಳಲ್ಲಿ ಮೊದಲ ಬಾರಿಗೆ ತನ್ನ ಎಲ್ಲಾ ಕಾರುಗಳನ್ನು ಬಿ‍ಎಸ್ 6 ಎಂಜಿನ್‍‍ನಲ್ಲಿ ಬಿಡುಗಡೆಗೊಳಿಸಿದೆ.

ಬಿ‍ಎಂ‍‍ಡಬ್ಲ್ಯು ಕಳೆದ ಕೆಲ ತಿಂಗಳ ಅವಧಿಯಲ್ಲಿ ಹಲವಾರು ಕಾರುಗಳನ್ನು ಬಿಡುಗಡೆಗೊಳಿಸಿದೆ. 3 ಸೀರಿಸ್ ಹಾಗೂ ಎಂ 5 ಕಾಂಪಿಟೇಷನ್ ಕಾರುಗಳ ಜೊತೆಗೆ ಬಿ‍ಎಂ‍‍ಡಬ್ಲ್ಯು ಕಂಪನಿಯು 7 ಸೀರಿಸ್ ಹಾಗೂ ಎಕ್ಸ್ 7 ಕಾರುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ.