ಇದು ಭಾರತದ ಬಲಿಷ್ಠ ಸ್ಕೋಡಾ ಕಾರ್ ಅಂತೆ..!

ತನ್ನ ಪರ್ಫಾಮೆನ್ಸ್ ನಿಂದಾಗಿ ಈ ಕಾರು ಬಹಳ ಜನಪ್ರಿಯವಾಗಿತ್ತು. ಇದಾದ ನಂತರ ಲೌರಾ ಆರ್‍ಎಸ್ ಕಾರ್ ಅನ್ನು ಬಿಡುಗಡೆಗೊಳಿಸಲಾಯಿತು. ಬಹಳಷ್ಟು ವರ್ಷಗಳ ನಂತರ ಸ್ಕೋಡಾ ಕಂಪನಿಯು ಒಕ್ಟಿವಿಯಾ ವಿ‍ಆರ್‍ಎಸ್ ಕಾರ್ ಅನ್ನು ಬಿಡುಗಡೆಗೊಳಿಸಿತು. ಒಕ್ಟಿವಿಯಾ ವಿ‍ಆರ್‍ಎಸ್ ಕಾರ್ ಅನ್ನು ಭಾರತದಲ್ಲಿ 2017ರ ಸೆಪ್ಟೆಂಬರ್ 1 ರಂದು ಬಿಡುಗಡೆಗೊಳಿಸಲಾಯಿತು. ಆಗ ಈ ಕಾರಿನ ಬೆಲೆಯು ಭಾರತದಲ್ಲಿನ ಎಕ್ಸ್ ಶೋರೂಂ ದರದಂತೆ ರೂ.24.62 ಲಕ್ಷಗಳಾಗಿತ್ತು.

ಕಡಿಮೆ ಅವಧಿಯಲ್ಲಿಯೇ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿ ಅಪಾರವಾದ ಜನಪ್ರಿಯತೆಯನ್ನು ಹೊಂದಿತು. ಒಕ್ಟಿವಿಯಾ ವಿ‍ಆರ್‍ಎಸ್ ಬಲಶಾಲಿಯಾದ ಕಾರು ಎಂದು ಜನಪ್ರಿಯವಾಗಿದ್ದರೂ, ಟರ್ಬೊ ಎಕ್ಟ್ರೀಮ್ ಬಿಡುಗಡೆಗೊಳಿಸಿರುವ ಈ ವೀಡಿಯೊದಲ್ಲಿರುವ ಕಾರನ್ನು ಭಾರತದ ಅತ್ಯಂತ ಬಲಶಾಲಿಯಾದ ಒಕ್ಟಿವಿಯಾ ವಿ‍ಆರ್‍ಎಸ್ ಕಾರು ಎಂದು ಹೇಳಿಕೊಂಡಿದೆ.

ಈ ಕೆಂಪು ಒಕ್ಟಿವಿಯಾ ವಿ‍ಆರ್‍ಎಸ್ ಕಾರ್ ಅನ್ನು ಸುಮಾರು ರೂ. 16 ಲಕ್ಷ ಖರ್ಚು ಮಾಡಿ ಮಾಡಿಫೈ ಮಾಡಲಾಗಿದೆ. ಈ ಕಾರ್ ಅನ್ನು ಮಾರಾಟಕ್ಕೂ ಇಡಲಾಗಿದೆ. ಕಾರಿನ ಹೊರಭಾಗದಲ್ಲಿ ಹೆಚ್ಚು ಆಕರ್ಷಕವಾದ ವ್ಹೀಲ್‍‍ಗಳನ್ನು ಹೊಂದಿದೆ.

ಈ ಕಾರಿನ ಆಫ್ಟರ್ ಮಾರ್ಕೆಟ್ ರಿಮ್‍‍ಗಳನ್ನು ಮೈಕೆಲಿನ್ ಪಿಎಸ್ 4 ಟಯರ್‍‍ಗಳಿಂದ ಬದಲಿಸಲಾಗಿದೆ. ಕಾರಿನ ಹೊರಭಾಗದಲ್ಲಿ ಅಲ್ಲಲ್ಲಿ ಸ್ವಲ್ಪ ಪ್ರಮಾಣದ ಕಪ್ಪು ಬಣ್ಣದ ಸ್ಟೈಲಿಂಗ್ ಬಿಟ್‌ಗಳಿವೆ. ಈ ಕಾರಿನ ಒಳಭಾಗದಲ್ಲಿ ಮುಖ್ಯವಾದ ಬದಲಾವಣೆಯಾಗಿದೆ. ಒಳಭಾಗವೆಂದರೆ ಎಂಜಿನ್ ಮತ್ತು ಇತರ ಮೆಕಾನಿಕಲ್ ಅಂಶಗಳನ್ನು ಮಾಡಿಫೈ ಮಾಡಲಾಗಿದೆ. ಮೊದಲನೆಯದಾಗಿ, ಇದು ಮೂರು ಹಂತದ ರೀಮ್ಯಾಪ್ ಅನ್ನು ಪಡೆಯುತ್ತದೆ, ಇದರಿಂದಾಗಿ ಭಾರಿ ಪ್ರಮಾಣದ ಪವರ್ ಉತ್ಪಾದಿಸಲಿದೆ.

ಈ ಕಾರು ಈಗ ಸುಮಾರು 425 ಬಿಎಚ್‌ಪಿ ಪವರ್ ಉತ್ಪಾದಿಸುತ್ತದೆ. ಆದರೆ ಇದು ಕೇವಲ ರೀಮ್ಯಾಪ್‌ನಿಂದ ಮಾತ್ರ ಸಾಧ್ಯವಾಗಿಲ್ಲ. ಬದಲಿಗೆ ಕಾರಿನಲ್ಲಿ ಮಾಡಲಾಗಿರುವ ವಿವಿಧ ಮಾಡಿಫೈಗಳಿಂದಾಗಿ ಸಾಧ್ಯವಾಗಿದೆ. ಒಕ್ಟಿವಿಯಾ ವಿ‍ಆರ್‍ಎಸ್ ಕಾರಿನಲ್ಲಿ 2 ಲೀಟರ್‍‍ನ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದ್ದು, 220 ಬಿಹೆಚ್‍‍ಪಿ ಹಾಗೂ 350 ಎನ್ಎಂ ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

MOST READ: ಬ್ಲೂಟೂತ್ ಹೊಂದಲಿವೆ ಎಪ್ರಿಲಿಯಾ ಸ್ಕೂಟರ್‍‍ಗಳು

ಈ ಎಂಜಿನ್ ಕಾರಿನಲ್ಲಿರುವ ಮುಂಭಾಗದ ವ್ಹೀಲ್‍ಅನ್ನು 6 ಸ್ಪೀಡಿನ ಟ್ವಿನ್ ಕ್ಲಚ್ ಆಟೋಮ್ಯಾಟಿಕ್ ಗೇರ್‍‍ಬಾಕ್ಸ್ ನಿಂದ ಚಲಿಸುವಂತೆ ಮಾಡುತ್ತದೆ. ಇದು ಬಲಿಷ್ಟವಾದ ಸಸ್ಪೆಂಷನ್ ಸೆಟ್‍ಅಪ್ ಅಳವಡಿಸಿರುವುದರಿಂದ ರೆಗ್ಯುಲರ್ ಒಕ್ಟಿವಿಯಾಗಿಂತ ಹೆಚ್ಚು ತೀಕ್ಷ್ಣವಾಗಿ ಕಾರ್ಯನಿರ್ವಹಿಸುತ್ತಿದೆ.

ದೊಡ್ಡ ಗಾತ್ರದಲ್ಲಿರುವ ಟರ್ಬೊ, ದೊಡ್ಡ ಇಂಟರ್‍‍ಕೂಲರ್‍‍ನ ಅಗತ್ಯವನ್ನು ತಿಳಿಸುತ್ತದೆ. ಆದ ಕಾರಣ ಈ ಕಾರಿನಲ್ಲಿ ವ್ಯಾಗ್ನರ್‌ ಆಫ್ಟರ್ ಮಾರ್ಕೆಟ್ ಇಂಟರ್‍‍ಕೂಲರ್‍ ಅಳವಡಿಸಲಾಗಿದೆ. ಟರ್ಬೊಚಾರ್ಜರ್ ಕಾರ್ಯ ನಿರ್ವಹಿಸುವಾಗ ಬಿಸಿಯಾಗುವ ಕಾರಣ, ಇದನ್ನು ಕೂಲಾಗಿಸಲು ಇಂಟರ್‍‍ಕೂಲರ್ ಅನ್ನು ಬಳಸಲಾಗುತ್ತದೆ.

MOST READ: ಹೆಚ್ಚು ಮಾರಾಟವಾಗುವ ಸ್ಕೂಟರ್‍‍ಗಳಲ್ಲಿ ಹೋಂಡಾ ಆಕ್ಟಿವಾ ಈಗಲೂ ನಂ.1

ಆರ್600 ಏರ್ ಫಿಲ್ಟರ್ ಹಾಗೂ ಮಿಲ್‍‍ಟೆಕ್‌ನಿಂದ ಪಡೆಯಲಾಗಿರುವ ಆಫ್ಟರ್ ಮಾರ್ಕೆಟ್ ಎಕ್ಸಾಸ್ಟ್ ಸಿಸ್ಟಂಗಳನ್ನು ಹೊಸದಾಗಿ ಅಳವಡಿಸಲಾಗಿದೆ. ಪವರ್ ಔ‍‍ಟ್‍‍ಪುಟ್ ಹೆಚ್ಚಾಗಿರುವುದರಿಂದ, ಈ ಕಾರಿಗೆ ದೊಡ್ಡ ಗಾತ್ರದ ಬ್ರೇಕುಗಳು ಬೇಕಾಗುತ್ತವೆ. ಆದ ಕಾರಣ ಆಫ್ಟರ್ ಮಾರ್ಕೆಟ್ ಬ್ರೇಕ್ ರಿಮ್‍‍ಗಳ ಜೊತೆಯಲ್ಲಿ ಸೆರಾಮಿಕ್ ಬ್ರೇಕ್ ಪ್ಯಾಡ್ ಹಾಗೂ ಆಫ್ಟರ್ ಮಾರ್ಕೆಟ್ ರೋಟೊರ್‍‍ಗಳನ್ನು ಅಳವಡಿಸಲಾಗಿದೆ.

MOST READ: ಮೇ 2019ರಲ್ಲಿ ಹೆಚ್ಚು ಮಾರಾಟವಾದ ಬೈಕುಗಳಿವು

ಸಸ್ಪೆಂಷನ್ ಅನ್ನು ಮತ್ತಷ್ಟು ಬದಲಿಸಲಾಗಿದ್ದು, ಈಗ ಬಿಲ್‍‍ಸ್ಟೈನ್ ಬಿ12 ಸ್ಪೋರ್ಟ್ಸ್ ಡ್ಯಾಂಪರ್‍‍ಗಳನ್ನು ಅಳವಡಿಸಲಾಗಿದೆ. ಕಾರಿನ ಮಾರಾಟದ ವಿಷಯಕ್ಕೆ ಬರುವುದಾದರೆ, 2017 ರ ಮಾದರಿಯ ಈ ಕಾರು ದೆಹಲಿಯಲ್ಲಿದ್ದು ರೂ.36 ಲಕ್ಷಗಳಿಗೆ ಮಾರಾಟ ಮಾಡಲಾಗುವುದು. ಬೇಡಿಕೆಯ ಮೇರೆಗೆ ಕಾರಿನ ಸರ್ವಿಸ್ ಬಗ್ಗೆಗಿನ ಪೂರ್ಣ ಮಾಹಿತಿಯನ್ನು ನೀಡಲಾಗುವುದು. ಈ ಸೆಡಾನ್ ಖರೀದಿಸಲು ನೀವು ಆಸಕ್ತಿ ಹೊಂದಿದ್ದರೆ ಯೂಟ್ಯೂಬ್‌ ವೀಡಿಯೊದಲ್ಲಿರುವ ವಿಳಾಸವನ್ನು ಸಂಪರ್ಕಿಸಿ.

Source: Turbo Xtreme