ಇಸುಝು ಕಾರುಗಳ ಸಿಗಲಿದೆ ಮೇಲೆ ಭಾರೀ ರಿಯಾಯಿತಿ

ಇಸುಝು ಕಂಪನಿಯು ವಿವಿಧ ಮಾದರಿಗಳ ಮೇಲೆ ರೂ.50,000ದಿಂದ ರೂ.2 ಲಕ್ಷಗಳವರೆಗೆ ರಿಯಾಯಿತಿಯನ್ನು ನೀಡಲಿದೆ. ಆಟೋಮೊಬೈಲ್ ಉದ್ಯಮವು ಕುಸಿತವನ್ನು ಕಾಣುತ್ತಿರುವ ಈ ಸಂದರ್ಭದಲ್ಲಿ ಈ ಪ್ರಮಾಣದ ರಿಯಾಯಿತಿಯನ್ನು ನೀಡಲಾಗುತ್ತಿದೆ. ಕಂಪನಿಯು ರಿಯಾಯಿತಿಯನ್ನು ನೀಡುತ್ತಿದ್ದರೂ, ಡೀಲರ್‍‍ಗಳು ಕಂಪನಿಯು ಸ್ಪಷ್ಟನೆ ನೀಡಿದ ನಂತರ ರಿಯಾಯಿತಿ ನೀಡಲಾಗುವುದೆಂದು ತಿಳಿಸಿದ್ದಾರೆ.

ಡೀಲರ್‍‍ಗಳೂ ಸಹ ಇಸುಝು ವಾಹನಗಳ ಮೇಲೆ ಹೆಚ್ಚುವರಿ ರಿಯಾಯಿತಿ ನೀಡುವ ಸಾಧ್ಯತೆಗಳಿವೆ. ಡಿ - ಮ್ಯಾಕ್ಸ್ ವಿ-ಕ್ರಾಸ್ ಲೈಫ್ ಸ್ಟೈಲ್ ಪಿಕ್ ಅಪ್ ಮೂಲ ಮಾದರಿಯ ಬೆಲೆ ರೂ.16.54 ಲಕ್ಷಗಳಾದರೆ, ಎಂಯು - ಎಕ್ಸ್ ಎಸ್‍‍ಯುವಿಯ ಬೆಲೆ ರೂ.27.35 ಲಕ್ಷಗಳಾಗಿದೆ.

ಈ ದರಗಳು ಭಾರತದಲ್ಲಿನ ಎಕ್ಸ್ ಶೋರೂಂ ಬೆಲೆಗಳಾಗಿವೆ. ಈ ಬೆಲೆಗಳು ರಿಯಾಯಿತಿ ನೀಡುವುದಕ್ಕಿಂತ ಮುಂಚಿನ ಬೆಲೆಗಳಾಗಿವೆ. ಇಸುಝು ಕಂಪನಿಯ ವಕ್ತಾರರೊಬ್ಬರು ಮಾತನಾಡಿ, ಗ್ರಾಹಕರು ಹಬ್ಬದ ಅಂಗವಾಗಿ ಆಕರ್ಷಕ ಬೆಲೆಗಳಲ್ಲಿ ಕಾರುಗಳನ್ನು ಖರೀದಿಸುವಂತಾಗಲಿ ಎಂಬ ಉದ್ದೇಶದಿಂದ ಈ ರಿಯಾಯಿತಿಗಳನ್ನು ನೀಡಲಾಗುತ್ತಿದೆ ಎಂದು ತಿಳಿಸಿದರು.

ಈ ರಿಯಾಯಿತಿ ಹಾಗೂ ವಿಶೇಷ ಕೊಡುಗೆಗಳನ್ನು ಅಕ್ಟೋಬರ್ 31ರವರೆಗೆ ನೀಡಲಾಗುವುದು. ಇಸುಜು ಕಂಪನಿಯು ಇತ್ತೀಚಿಗೆ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಹೊಂದಿರುವ ವಿ -ಕ್ರಾಸ್ ಡಿ -ಮ್ಯಾಕ್ಸ್ ಝಡ್ ಪ್ರೆಸ್ಟೀಜ್ ಮಾದರಿಯನ್ನು ಬಿಡುಗಡೆಗೊಳಿಸಿತ್ತು.

ಪಿಕ್ ಅಪ್ ಝಡ್ ಪ್ರೆಸ್ಟೀಜ್ ಮಾದರಿಯ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.19.99 ಲಕ್ಷಗಳಾದರೆ, ಹೈ ಝಡ್ ಮಿಡ್ ಮಾದರಿಯ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.17 ಲಕ್ಷಗಳಾಗಿದೆ.

ಇಸುಝು ವಿ -ಕ್ರಾಸ್ ಝಡ್ ಪ್ರೆಸ್ಟೀಜ್ ಮಾದರಿಯಲ್ಲಿ ಹೊಸ 1.9 ಲೀಟರಿನ ಟರ್ಬೊ ಡೀಸೆಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 148 ಬಿ‍‍ಹೆಚ್‍‍ಪಿ ಪವರ್ ಹಾಗೂ 350 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‍‍ನಲ್ಲಿ 6 ಸ್ಪೀಡಿನ ಆಟೋಮ್ಯಾಟಿಕ್ ಟಾರ್ಕ್ ಕನ್ವರ್ಟರ್ ಯುನಿಟ್ ಅಳವಡಿಸಲಾಗಿದೆ.

MOST READ: ವಾಹನ ಸವಾರರೇ ಎಚ್ಚರ: ನಕಲಿ ಪೊಲೀಸರಿಂದ ಹಗಲು ದರೋಡೆ

ಮೂಲ ಹಾಗೂ ಮಧ್ಯ ಮಾದರಿಯ ಡಿ -ಮ್ಯಾಕ್ಸ್ ವಿ - ಕ್ರಾಸ್‍‍ನಲ್ಲಿ 2.5 ಲೀಟರಿನ ಡೀಸೆಲ್ ಎಂಜಿನ್ ಅಳವಡಿಸಲಾಗಿದ್ದು, ಈ ಎಂಜಿನ್ 134 ಬಿ‍‍ಹೆಚ್‍‍ಪಿ ಪವರ್ ಹಾಗೂ 350 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಈ ಎರಡೂ ಮಾದರಿಯಲ್ಲಿ 5 ಸ್ಪೀಡಿನ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಅಳವಡಿಸಲಾಗಿದೆ. ಎಲ್ಲಾ ಮಾದರಿಗಳಲ್ಲೂ ಕಂಪನಿಯ ಶಿಫ್ಟ್ ಆನ್ ದಿ ಫ್ಲೈ ಫೋರ್ ವ್ಹೀಲ್ ಡ್ರೈವ್ ಸಿಸ್ಟಂ ಅಳವಡಿಸಲಾಗಿದೆ. ಇಸುಝು ಕಂಪನಿಯ ಎಲ್ಲಾ ವಾಹನಗಳು ಬಿಎಸ್ 4 ಎಂಜಿನ್‍ ಹೊಂದಿವೆ.

MOST READ: ಹಳೆಯದಾದಷ್ಟು ದುಬಾರಿಯಾಗುತ್ತವೆ ಈ ಜನಪ್ರಿಯ ಬೈಕುಗಳು

ಬಿ‍ಎಸ್ 6 ಎಂಜಿನ್‍‍ಗಳನ್ನು ಅಭಿವೃದ್ಧಿಪಡಿಸುವ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲದಿದ್ದರೂ, 2020ರ ಏಪ್ರಿಲ್ 1ರ ವೇಳೆಗೆ ಬಿ‍ಎಸ್6 ಎಂಜಿನ್‍‍ಗಳನ್ನು ತನ್ನ ಸರಣಿಯ ಎಲ್ಲಾ ವಾಹನಗಳಲ್ಲಿ ಅಳವಡಿಸುವ ಸಾಧ್ಯತೆಗಳಿವೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಆಟೋಮೊಬೈಲ್ ಉದ್ಯಮವು ಕುಸಿತವನ್ನು ಕಾಣುತ್ತಿರುವ ಈ ಸಂದರ್ಭದಲ್ಲಿ ಭಾರೀ ಪ್ರಮಾಣದ ರಿಯಾಯಿತಿಗಳನ್ನು ನೀಡಿ ಗ್ರಾಹಕರನ್ನು ಸೆಳೆಯಬಹುದು. ಭಾರೀ ಪ್ರಮಾಣದ ರಿಯಾಯಿತಿ ಅಥವಾ ಕೊಡುಗೆಗಳನ್ನು ನೀಡಿದರೆ ಸಹಜವಾಗಿಯೇ ಗ್ರಾಹಕರು ಹೊಸ ವಾಹನಗಳನ್ನು ಖರೀದಿಸುತ್ತಾರೆ. ಹೊಸ ಮಾಲಿನ್ಯ ನಿಯಮಗಳು ಜಾರಿಗೆ ಬರುವ ಮುನ್ನ ಇಸುಝು ಕಂಪನಿಯು ಇನ್ನಷ್ಟು ರಿಯಾಯಿತಿಗಳನ್ನು ನೀಡುವ ಸಾಧ್ಯತೆಗಳಿವೆ.