ಕಾರಿನ ಬಣ್ಣಗಳನ್ನು ಆಯ್ಕೆ ಮಾಡಿಕೊಳ್ಳುವಾಗ ಈ ಅಂಶಗಳನ್ನು ಪರಿಗಣಿಸಲೇಬೇಕು..!

ಇನ್ನು ಕೆಲವರು ಯಾವ ಬಣ್ಣದ ಕಾರುಗಳನ್ನು ಖರೀದಿಸಬೇಕೆಂಬ ಗೊಂದಲದಲ್ಲಿರುತ್ತಾರೆ. ಇದು ಒಂದು ರೀತಿಯಲ್ಲಿ ಚಿಕ್ಕ ಮಗುವನ್ನು ಅಂಗಡಿಗೆ ಕರೆದುಕೊಂಡು ಹೋಗಿ ಯಾವ ವಸ್ತು ಖರೀದಿಸ ಬೇಕೆಂಬ ಪಟ್ಟಿಯನ್ನು ನೀಡಿದಂತಾಗುತ್ತದೆ.

ಕೆಲವರು ತಮ್ಮ ನೆಚ್ಚಿನ ಬಣ್ಣದ ಕಾರುಗಳನ್ನು ಖರೀದಿಸಿದರೆ, ಇನ್ನೂ ಕೆಲವರು ತಮ್ಮ ರಾಶಿಗೆ ಸರಿ ಹೊಂದುವ ಕಾರುಗಳನ್ನು ಖರೀದಿಸುತ್ತಾರೆ. ಜನರು ಕಾರು ಖರೀದಿಸುವಾಗ ಬಣ್ಣಗಳಿಗೆ ಏಕೆ ಆದ್ಯತೆಯನ್ನು ನೀಡಬೇಕು ಎಂಬುದರ ಬಗ್ಗೆ ಈ ಲೇಖನದಲ್ಲಿ ನೋಡೋಣ.

ಕಾರಿನ ಬಣ್ಣ ಹಾಗೂ ಅಪಘಾತದ ನಡುವೆ ಪರಸ್ಪರ ಸಂಬಂಧ

ಆಸ್ಟ್ರೇಲಿಯಾದ ಮೊನಾಶ್ ವಿಶ್ವವಿದ್ಯಾಲಯವು ಅಧ್ಯಯನವೊಂದನ್ನು ನಡೆಸಿತ್ತು. ಇದರ ಪ್ರಕಾರ ಕಾರಿನ ಬಣ್ಣ ಹಾಗೂ ರಸ್ತೆ ಅಪಘಾತಗಳ ನಡುವೆ ನಿಕಟ ಸಂಬಂಧವಿದೆ. ಕಪ್ಪು, ನೀಲಿ, ಬೂದು, ಹಸಿರು, ಕೆಂಪು ಹಾಗೂ ಸಿಲ್ವರ್ ಬಣ್ಣದ ಕಾರುಗಳು ಹೆಚ್ಚು ಅಪಘಾತಕ್ಕೊಳಗಾಗುತ್ತವೆ ಎಂಬುದಾಗಿ ಈ ಅಧ್ಯಯನದಲ್ಲಿ ಕಂಡುಬಂದಿದೆ.

ಮೊನೇಶ್ ವಿಶ್ವವಿದ್ಯಾಲಯದ ಅಧ್ಯಯನದ ಪ್ರಕಾರ ಬಿಳಿ ಬಣ್ಣವು ಸುರಕ್ಷಿತ ಆಯ್ಕೆಯಾಗಿದೆ. ಇದಕ್ಕೂ ಕಾರಣವಿದೆ. ಸಾಮಾನ್ಯವಾಗಿ ಬಿಳಿ ಕಾರುಗಳು ಸುಲಭವಾಗಿ ಗೋಚರಿಸುತ್ತವೆ. ಉದಾಹರಣೆಗೆ, ನೀವು ಬಿಳಿ ಬಣ್ಣದ ಕಾರುಗಳನ್ನು ಹೆದ್ದಾರಿಯಲ್ಲಿ ನಿಲ್ಲಿಸಿದ್ದರೂ, ಇತರ ವಾಹನ ಚಾಲಕರು ಅವುಗಳನ್ನು ಸುಲಭವಾಗಿ ನೋಡಬಹುದು. ಆದ್ದರಿಂದ ಬಿಳಿ ಕಾರುಗಳು ರಸ್ತೆ ಅಪಘಾತಗಳಿಗೆ ಸಿಲುಕುವ ಸಾಧ್ಯತೆ ಕಡಿಮೆ.

ಮರುಮಾರಾಟ ಮೌಲ್ಯ

ಕಾರನ್ನು ಹಲವಾರು ವರ್ಷಗಳಿಂದ ಬಳಸುತ್ತಿದ್ದರೆ, ಅದನ್ನು ಸೆಕೆಂಡ್ ಹ್ಯಾಂಡ್ ಮಾರುಕಟ್ಟೆಯಲ್ಲಿ ಮಾರಾಟ ಮಾಡುತ್ತಿದ್ದರೆ, ಖಂಡಿತವಾಗಿಯೂ ಕಾರಿನ ಬಣ್ಣಕ್ಕೆ ಹೆಚ್ಚಿನ ಒತ್ತು ನೀಡಬೇಕು. ನಿಮ್ಮ ಕಾರಿಗೆ ಉತ್ತಮ ಬೆಲೆ ಸಿಗುತ್ತದೆ ಎಂಬುದು ಇದಕ್ಕೆ ಕಾರಣ. ಭಾರತದಲ್ಲಿ, ಬಿಳಿ ಬಣ್ಣದ ಕಾರುಗಳಿಗೆ ಹೆಚ್ಚು ಆದ್ಯತೆ ನೀಡುತ್ತಾರೆ.

ಗಮನಿಸಬೇಕಾದ ಸಂಗತಿಯೆಂದರೆ, 2018 ರಲ್ಲಿ, ಭಾರತದಲ್ಲಿ ಬಿಳಿ ಬಣ್ಣದ ಕಾರುಗಳು ಹೆಚ್ಚು ಮಾರಾಟವಾಗುತ್ತವೆ. 2018 ರಲ್ಲಿ 43%ನಷ್ಟು ಭಾರತೀಯರು ಬಿಳಿ ಬಣ್ಣದ ಕಾರುಗಳನ್ನು ಖರೀದಿಸಿದ್ದಾರೆ. ಇದರ ನಂತರ ಗ್ರೇ ಹಾಗೂ ಸಿಲ್ವರ್ ಬಣ್ಣದ ಕಾರುಗಳು ಹೆಚ್ಚು ಮಾರಾಟವಾಗಿವೆ.

MOST READ: ವಿಮಾನಗಳಲ್ಲಿ ಬಿಳಿ ಬಣ್ಣವನ್ನೇ ಬಳಕೆ ಮಾಡುವುದರ ಹಿಂದಿನ ಕಾರಣವೇನು?

ಸುಮಾರು 15% ಗ್ರಾಹಕರು ಗ್ರೇ ಹಾಗೂ ಸಿಲ್ವರ್ ಬಣ್ಣದ ಕಾರುಗಳನ್ನು ಖರೀದಿಸಿದ್ದಾರೆ. ಸುಮಾರು 9%ನಷ್ಟು ಜನರು ಕೆಂಪು ಬಣ್ಣದ ಕಾರುಗಳನ್ನು ಖರೀದಿಸಿದ್ದಾರೆ. 7% ಜನ ನೀಲಿ ಬಣ್ಣದ ಕಾರುಗಳನ್ನು ಖರೀದಿಸಿದ್ದಾರೆ. ಕೇವಲ 3% ಗ್ರಾಹಕರು ಮಾತ್ರ ಕಪ್ಪು ಬಣ್ಣದ ಕಾರುಗಳನ್ನು ಖರೀದಿಸಿದ್ದಾರೆ.

MOST READ: ಮೈಲಿಗಲ್ಲುಗಳ ಬಣ್ಣದ ಹಿಂದಿರುವ ಕಾರಣಗಳೇನು ಗೊತ್ತಾ?

ನಾವು ಕಾರುಗಳನ್ನು ಜೋಪಾನವಾಗಿ ಕಾಪಾಡಿಕೊಳ್ಳುತ್ತೇವೆ. ಆದರೆ ಪಕ್ಷಿಗಳು ಆ ಕಾರುಗಳನ್ನು ಶೌಚಾಲಯವಾಗಿ ಮಾಡಿಕೊಳ್ಳುತ್ತವೆ. ಕೆಲ ಸಂಶೋಧನೆಗಳ ಪ್ರಕಾರ ಪಕ್ಷಿಗಳು ನೀಲಿ ಹಾಗೂ ಕೆಂಪು ಬಣ್ಣಗಳಿಗೆ ಹೆಚ್ಚು ಹೆದರುತ್ತವೆ.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ತಮ್ಮ ಕೋಪವನ್ನು ತೋರಿಸಿಕೊಳ್ಳುವ ಕಾರಣಕ್ಕೆ ಈ ಬಣ್ಣವನ್ನು ಹೊಂದಿರುವ ಕಾರುಗಳ ಮೇಲೆ ಹಿಕ್ಕೆ ಹಾಕುತ್ತವೆ ಎಂದು ತಿಳಿದು ಬಂದಿದೆ. ಇದರರ್ಥ ಬೇರೆ ಬಣ್ಣವನ್ನು ಹೊಂದಿರುವ ಕಾರುಗಳ ಮೇಲೆ ಹಿಕ್ಕೆ ಹಾಕುವುದಲ್ಲ ಎಂದಲ್ಲ. ಆದರೆ ನೀಲಿ ಹಾಗೂ ಕೆಂಪು ಬಣ್ಣದ ಕಾರುಗಳ ಮೇಲೆ ಹೆಚ್ಚು ಹಿಕ್ಕೆಯನ್ನು ಹಾಕುತ್ತವೆ.

ಪಕ್ಷಿಗಳು ತಮ್ಮ ಹೆಚ್ಚಿನ ಸಮಯವನ್ನು ಕೆಂಪು, ನೀಲಿ ಹಾಗೂ ಕಪ್ಪು ಬಣ್ಣದ ಕಾರುಗಳ ಮೇಲೆ ಕಳೆಯುತ್ತವೆ ಎಂದು ಅಧ್ಯಯನಗಳಿಂದ ಕಂಡು ಬಂದಿದೆ. ಇದೇ ವೇಳೆ ಬಿಳಿ, ಗ್ರೇ, ಸಿಲ್ವರ್ ಹಾಗೂ ಹಸಿರು ಬಣ್ಣದ ಕಾರುಗಳಲ್ಲಿ ಪಕ್ಷಿಗಳು ಹಿಕ್ಕೆ ಹಾಕುವ ಸಾಧ್ಯತೆಗಳು ಕಡಿಮೆ. ಇಂಗ್ಲೆಂಡಿನಲ್ಲಿ ನಡೆಸಲಾದ ಸಮೀಕ್ಷೆಗಳಲ್ಲಿ ಈ ವಿಷಯವು ಬೆಳಕಿಗೆ ಬಂದಿದೆ.

ವರ್ಷಗಳು ಕಳೆದಂತೆ ಮಾಸುವ ಬಣ್ಣಗಳು

ಕೆಲವು ಬಣ್ಣಗಳು ವರ್ಷಗಳುರುಳಿದಂತೆ ಮಾಸಲು ಆರಂಭಿಸುತ್ತವೆ. ಆದ ಕಾರಣ ಕಾರಿನ ಬಣ್ಣವನ್ನು ಆಯ್ಕೆ ಮಾಡಿಕೊಳ್ಳುವಾಗ ಎಚ್ಚರಿಕೆ ವಹಿಸುವುದು ಒಳಿತು. ಹೆಚ್ಚು ಕಣ್ಣು ಕುಕ್ಕುವ ಬಣ್ಣವನ್ನು ಆಯ್ಕೆ ಮಾಡಿಕೊಳ್ಳುವ ಬದಲು, ಸೌಮ್ಯ ಬಣ್ಣವನ್ನು ಹೊಂದಿರುವ ಕಾರುಗಳನ್ನು ಖರೀದಿಸುವುದು ಒಳ್ಳೆಯದು.