Click it and Unblock the Notifications
ಹೊಸ ಡೀಸೆಲ್ ಎಂಜಿನ್ನೊಂದಿಗೆ ಬಿಡುಗಡೆಯಾಗಲಿದೆ ಹ್ಯುಂಡೈ ವೆನ್ಯೂ
ಹ್ಯುಂಡೈ ಕಂಪನಿಯು ವೆನ್ಯೂ ಎಸ್ಯುವಿಯು ದೇಶಿಯ ಮಾರುಕಟ್ಟೆಯ ಕಾಂಪ್ಯಾಕ್ಟ್ ಎಸ್ಯುವಿ ಸೆಗ್ಮೆಂಟಿನಲ್ಲಿ ಮಾರುತಿ ಸುಜುಕಿ ಕಂಪನಿಯ ವಿಟಾರಾ ಬ್ರೆಝಾ ಎಸ್ಯುವಿಯ ನಂತರ ಅತಿ ಹೆಚ್ಚು ಮಾರಾಟವಾಗುವ ಎಸ್ಯುವಿಯಾಗಿದೆ.
ಈ ಎಸ್ಯುವಿಯನ್ನು 1.2 ಲೀಟರಿನ ಪೆಟ್ರೋಲ್ ಎಂಜಿನ್, 1.4 ಲೀಟರಿನ ಡೀಸೆಲ್ ಎಂಜಿನ್ ಹಾಗೂ 1.0 ಲೀಟರಿನ ಟರ್ಬೊ ಪೆಟ್ರೋಲ್ ಎಂಜಿನ್ ಆಯ್ಕೆಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಹೊಸ ಬಿಎಸ್ 6 ಮಾಲಿನ್ಯ ನಿಯಮಗಳನ್ನು ಏಪ್ರಿಲ್ 1ರಿಂದ ಜಾರಿಗೆ ತರಲಾಗುತ್ತಿದೆ.
ಹ್ಯುಂಡೈ ಕಂಪನಿಯು 1.2 ಲೀಟರಿನ ಪೆಟ್ರೋಲ್ ಹಾಗೂ 1.0 ಲೀಟರಿನ ಟರ್ಬೊ ಪೆಟ್ರೋಲ್ ಎಂಜಿನ್ಗಳನ್ನು ಬಿಎಸ್ 6 ಮಾಲಿನ್ಯ ನಿಯಮಗಳಿಗೆ ತಕ್ಕಂತೆ ಅಪ್ಗ್ರೇಡ್ಗೊಳಿಸಲಿದೆ. ಆದರೆ 1.4 ಲೀಟರಿನ ಡೀಸೆಲ್ ಎಂಜಿನ್ ಬದಲಿಗೆ ಬೇರೆ ಡೀಸೆಲ್ ಎಂಜಿನ್ ಆಯ್ಕೆಯನ್ನು ನೀಡಲಿದೆ.
ಕಿಯಾ ಸೆಲ್ಟೋಸ್ ಹಾಗೂ ಹ್ಯುಂಡೈನ ಹೊಸ ಕ್ರೆಟಾ ಎಸ್ಯುವಿಯಲ್ಲಿರುವ 1.5 ಲೀಟರಿನ ಡೀಸೆಲ್ ಎಂಜಿನ್ ಅನ್ನು ಹ್ಯುಂಡೈ ವೆನ್ಯೂ ಕಾರಿನಲ್ಲಿ ಅಳವಡಿಸಲಾಗುವುದು. ಸೆಲ್ಟೋಸ್ನಲ್ಲಿರುವ ಈ ಎಂಜಿನ್ ಕ್ರೆಟಾ ಕಾರಿನಲ್ಲಿರುವಂತಹ ಎಂಜಿನ್ಗಿಂತ ಕಡಿಮೆ ಪವರ್ ಉತ್ಪಾದಿಸುತ್ತದೆ.
ಹ್ಯುಂಡೈ ವೆನ್ಯೂ ಕಾರಿನಲ್ಲಿ ಅಳವಡಿಸಲಾಗುವ 1.5 ಲೀಟರಿನ ಡೀಸೆಲ್ ಎಂಜಿನ್ ವೇರಿಯಬಲ್ ಟರ್ಬೊಚಾರ್ಜರ್ ಬದಲಿಗೆ ಜಿಯೊಮಿಟ್ರಿ ಟರ್ಬೊ ಚಾರ್ಜರ್ ಹೊಂದಿರಲಿದೆ. ಈ ಎಂಜಿನ್ 98 ಬಿಹೆಚ್ಪಿ ಪವರ್ ಹಾಗೂ 220 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಕಿಯಾ ಸೆಲ್ಟೋಸ್ ಕಾರಿನಲ್ಲಿ ಈ ಎಂಜಿನ್ನ ಜೊತೆಗೆ 6 ಸ್ಪೀಡಿನ ಮ್ಯಾನುವಲ್ ಹಾಗೂ 6 ಸ್ಪೀಡಿನ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಗಳನ್ನು ನೀಡಲಾದರೆ, ಹ್ಯುಂಡೈ ವೆನ್ಯೂ ಕಾರಿನಲ್ಲಿರುವ ಈ ಎಂಜಿನ್ನೊಂದಿಗೆ 6 ಸ್ಪೀಡಿನ ಮ್ಯಾನುವಲ್ ಗೇರ್ಬಾಕ್ಸ್ ನೀಡಲಾಗುವುದು.
ವೆನ್ಯೂ ಕಾರಿನಲ್ಲಿರುವ 1.4 ಲೀಟರಿನ ಡೀಸೆಲ್ ಎಂಜಿನ್ 88 ಬಿಹೆಚ್ಪಿ ಪವರ್ ಹಾಗೂ 220 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಹೊಸದಾಗಿ ಅಳವಡಿಸಲಾಗುವ 1.5 ಲೀಟರಿನ ಡೀಸೆಲ್ ಎಂಜಿನ್ ಇದಕ್ಕಿಂತ ಹೆಚ್ಚಿನ ಪ್ರಮಾಣದ ಪವರ್ ಹಾಗೂ ಟಾರ್ಕ್ ಉತ್ಪಾದಿಸಲಿದೆ.
ಹೊಸ ಹ್ಯುಂಡೈ ವರ್ನಾ ಹಾಗೂ ಹೊಸ ತಲೆಮಾರಿನ ಹ್ಯುಂಡೈ ಎಲೈಟ್ನ 20 ಕಾರುಗಳಲ್ಲಿ 1.5 ಲೀಟರಿನ ಡೀಸೆಲ್ ಎಂಜಿನ್ ಅಳವಡಿಸಲಾಗುವುದು. ಈ ಎಂಜಿನ್ ಅನ್ನು ಬಿಎಸ್ 6 ನಿಯಮಗಳಿಗೆ ತಕ್ಕಂತೆ ಅಪ್ಗ್ರೇಡ್ಗೊಳಿಸಲಾಗಿದ್ದು, ಈ ಎಂಜಿನ್ ಹೆಚ್ಚು ಪವರ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
Continue with Google