ವಿಭಿನ್ನವಾದ ಶೋರೂಂ ತೆರೆದ ಐಷಾರಾಮಿ ಕಾರು ತಯಾರಕ ಕಂಪನಿ

ಬಿಎಂಡಬ್ಲ್ಯು ಕಂಪನಿಯ ಈ ಶೋರೂಂ ಬಿಎಂಡಬ್ಲ್ಯು ಆಕ್ಸೆಸರಿಸ್ ಕಲೆಕ್ಷನ್ ಜೊತೆಗೆ ಕಂಪನಿಯ ವ್ಯಾಪಕ ಅನುಭವವನ್ನು ಒದಗಿಸುತ್ತದೆ. ಈ ಕುನ್ ಎಕ್ಸ್‌ಕ್ಲೂಸಿವ್‌ ಶೋರೂಂ ಅನ್ನು ಚೆನ್ನೈನ ಓಲ್ಡ್ ಮಹಾಬಲಿಪುರಂ ರಸ್ತೆಯಲ್ಲಿರುವ ಶೋಲಿಂಗನಲ್ಲೂರ್ ನಲ್ಲಿ ತೆರೆಯಲಾಗಿದೆ.

ಕುಯುನ್ ಎಕ್ಸ್‌ಕ್ಲೂಸಿವ್‌ನ ಪ್ರಿನ್ಸಿಪಾಲ್ ಡೀಲರ್ ಆದ ವಸಂತಿ ಭೂಪತಿ ಅವರ ಮೇಲ್ವಿಚಾರಣೆಯಲ್ಲಿ ಈ ಬಿಎಂಡಬ್ಲ್ಯು ಶೋರೂಂ ಅನ್ನು ತೆರೆಯಲಾಗಿದೆ. ಈ ಶೋರೂಂ ನಮ್ಮ ಗ್ರಾಹಕರ ಅನುಭವದ ಹೊಸ ಯುಗಕ್ಕೆ ನಾಂದಿ ಹಾಡಿದೆ ಎಂದು ಬಿಎಂಡಬ್ಲ್ಯು ಕಂಪನಿ ಹೇಳಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಗ್ರಾಹಕರೊಂದಿಗೆ ಭಾವನಾತ್ಮಕವಾಗಿ ಬೆರೆಯುವ ರೀತಿಯಲ್ಲಿ ಈ ಶೋರೂಂ ಅನ್ನು ವಿನ್ಯಾಸಗೊಳಿಸಲಾಗಿದೆ. ಹೊಸ ಬಗೆಯ ವಾಸ್ತುಶಿಲ್ಪ, ಆಕರ್ಷಕ ವಿನ್ಯಾಸ ಹಾಗೂ ಹೊಸ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಈ ಕಾನ್ಸೆಪ್ಟ್ ಅನ್ನು ತಯಾರಿಸಲಾಗಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಬಿಎಂಡಬ್ಲ್ಯು ಗ್ರೂಪ್ ಇಂಡಿಯಾದ ಅಧ್ಯಕ್ಷ ವಿಕ್ರಮ್ ಪಹಾ, ಬಿಎಂಡಬ್ಲ್ಯು ಗ್ರೂಪ್ ಇಂಡಿಯಾ ಭಾರತದ ಅತ್ಯಂತ ಮಹತ್ವಾಕಾಂಕ್ಷೆಯ ಆಟೋಮೋಟಿವ್ ಐಷಾರಾಮಿ ಕಂಪನಿಗಳಲ್ಲಿ ಒಂದಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಚೆನ್ನೈ ನಮಗೆ ಪ್ರಮುಖ ಮಾರುಕಟ್ಟೆಯಾಗಿದೆ. ನಮ್ಮ ದೀರ್ಘಕಾಲದ ಪಾಲುದಾರರಾದ ಕುನ್ ಎಕ್ಸ್‌ಕ್ಲೂಸಿವ್‌ ಜೊತೆಗೂಡಿ ಮತ್ತೊಂದು ಅಲ್ಟ್ರಾ-ಆಧುನಿಕ ಶೋರೂಂನೊಂದಿಗೆ ನಮ್ಮ ಅಸ್ತಿತ್ವವನ್ನು ಮತ್ತಷ್ಟು ಬಲಪಡಿಸುತ್ತಿದ್ದೇವೆ ಎಂದು ಹೇಳಿದರು.

ಗ್ರಾಹಕರಿಗೆ ವೈಯಕ್ತಿಕವಾದ, ಭಾವನಾತ್ಮಕವಾದ ಹಾಗೂ ಪ್ರೀಮಿಯಂ ಬ್ರಾಂಡ್ ಅನುಭವವನ್ನು ನೀಡುವಲ್ಲಿ ಶೋರೂಂ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಅವರು ಹೇಳಿದರು. ಬಿಎಂಡಬ್ಲ್ಯುನ ಈ ಹೊಸ ಶೋರೂಂ ಸುಮಾರು 6,500 ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಶೋರೂಂ 6-ಕಾರುಗಳ ಡಿಸ್ ಪ್ಲೇ ಏರಿಯಾ, ಬಿಎಂಡಬ್ಲ್ಯು ಲೈಫ್ ಸ್ಟೈಲ್ ಹಾಗೂ ಆಕ್ಸೆಸರಿಸ್ ಗಳ ವಿಭಾಗವನ್ನು ಒಳಗೊಂಡಿದೆ. ಗ್ರಾಹಕರು ಕಾರು ಕಾನ್ಫಿಗರೇಟರ್ ಮೂಲಕ ತಮ್ಮಿಷ್ಟದ ಕಾರುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಬಿಎಂಡಬ್ಲ್ಯು ಕಂಪನಿಯು ಇತ್ತೀಚಿಗಷ್ಟೇ ತನ್ನ ಹೊಸ 2-ಸೀರಿಸ್ ಗ್ರ್ಯಾನ್ ಕೂಪೆ ಬ್ಲಾಕ್ ಶ್ಯಾಡೋ ಆವೃತ್ತಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.42.30 ಲಕ್ಷಗಳಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಕಾರಿನಲ್ಲಿ 2.0-ಲೀಟರಿನ 4-ಪಾಟ್ ಟ್ವಿನ್ ಪವರ್ ಟರ್ಬೊ ಡೀಸೆಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 1,750ರಿಂದ 2,500 ಆರ್‌ಪಿಎಂನಲ್ಲಿ 187 ಬಿಹೆಚ್‌ಪಿ ಪವರ್ ಹಾಗೂ 400 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಈ ಎಂಜಿನ್‌ನೊಂದಿಗೆ 8-ಸ್ಪೀಡ್ ಸ್ಟೆಪ್ಟ್ರಾನಿಕ್ ಸ್ಪೋರ್ಟ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಜೋಡಿಸಲಾಗಿದೆ. ಈ ಕಾರನ್ನು ಎಂ ಸ್ಪೋರ್ಟ್ ಡಿಸೈನ್ ಲಾಂಗ್ವೇಜ್'ನೊಂದಿಗೆ ಬಿಡುಗಡೆಗೊಳಿಸಲಾಗಿದೆ. ಕಂಪನಿಯು ಎರಡು ಬಣ್ಣಗಳೊಂದಿಗೆ ಈ ಕಾರನ್ನು ಮಾರಾಟ ಮಾಡಲಿದೆ.