ಸ್ಪೋರ್ಟ್ಸ್ ಕಾರಿನಂತೆ ಮಾಡಿಫೈಗೊಂಡ ಮಾರುತಿ 800 ಕಾರು

ಎರಡು ದಶಕಗಳಿಂದ ಮಾರುಕಟ್ಟೆಯಲ್ಲಿದ್ದ ಈ ಕಾರಿನ ಉತ್ಪಾದನೆಯನ್ನು ಈಗ ನಿಲ್ಲಿಸಲಾಗಿದೆ. ಇಂದಿಗೂ ಜನರು ಈ ಕಾರನ್ನು ಬಳಸುತ್ತಿದ್ದಾರೆ. ಚಂಡೀಗಢದ ವ್ಯಕ್ತಿಯೊಬ್ಬರು ತಮ್ಮ ಮಾರುತಿ 800 ಕಾರ್ ಅನ್ನು ವಿಶೇಷ ರೀತಿಯಲ್ಲಿ ಮಾಡಿಫೈಗೊಳಿಸಿದ್ದಾರೆ. ಈ ಕಾರನ್ನು ಸ್ಪೋರ್ಟ್ಸ್ ಕಾರ್ ರೀತಿಯಲ್ಲಿ ಮಾಡಿಫೈ ಮಾಡಲಾಗಿದೆ. ಈ ಕಾರಿನ ರೂಫ್ ಅನ್ನು ಕನ್ವರ್ಟಿಬಲ್ ಮಾಡಲಾಗಿದೆ.

ಮಾರುತಿ 800, 4 ಸೀಟುಗಳ ಕಾರು ಆಗಿದ್ದು, ಮಾಡಿಫೈಗೊಂಡ ಕಾರಿನ ಹಿಂಬದಿಯಲ್ಲಿದ್ದ ಎರಡು ಸೀಟುಗಳನ್ನು ತೆಗೆದುಹಾಕಲಾಗಿದೆ. ಕಾರಿನ ಮುಂಭಾಗದ ರಚನೆಯು ಮಾರುತಿ 800ನಂತಿದ್ದರೆ, ಹಿಂದಿನ ರಚನೆಯನ್ನು ಮತ್ತೊಂದು ಕಾರಿನಿಂದ ತೆಗೆದುಕೊಳ್ಳಲಾಗಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಮಾಡಿಫೈಗೊಂಡ ಕಾರು ಗಾಢ ಕೆಂಪು ಬಣ್ಣವನ್ನು ಹೊಂದಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು. ಕಾರಿನ ಮುಂಭಾಗದ ಬಂಪರ್ ಅನ್ನು ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾಗಿದೆ. ಮೂಲ ಹೆಡ್‌ಲೈಟ್ ಅನ್ನು 6 ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಬದಲಿಸಲಾಗಿದೆ.

ಕಾರಿನ ಹಿಂಭಾಗವು ಸೆಡಾನ್ ಕಾರಿನಂತೆ ಕಾಣುತ್ತದೆ. ಸ್ಪೋರ್ಟಿ ಲುಕ್ ನೀಡಲು ಕಾರಿನ ಬೂಟ್‌ ಮೇಲೆ ಸ್ಪಾಯ್ಲರ್ ಅಳವಡಿಸಲಾಗಿದೆ. ಹಿಂಭಾಗದಲ್ಲಿರುವ ಎರಡು ಸೀಟುಗಳನ್ನು ತೆಗೆದುಹಾಕಿರುವುದರಿಂದ ಬೂಟ್‌ನಲ್ಲಿ ಲಗೇಜ್‌ಗಾಗಿ ಹೆಚ್ಚು ಸ್ಥಳವಕಾಶ ಸಿಗಲಿದೆ.

MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್

ಈ ಕಾರು ಹೊಸ ಬ್ಯಾಕ್ ವೀವ್ ಮಿರರ್ ಅನ್ನು ಹೊಂದಿದ್ದು ಐಷಾರಾಮಿಯಾಗಿ ಕಾಣುತ್ತದೆ. ಇದರ ಜೊತೆಗೆ ಹೊಸ ಅಲಾಯ್ ವ್ಹೀಲ್ ಹಾಗೂ ದೊಡ್ಡ ಟಯರ್‌ಗಳನ್ನು ಅಳವಡಿಸಲಾಗಿದೆ. ಈ ಕಾರಿನ ಮಾಡಿಫೈಗಾಗಿ ರೂ.2.5 ಲಕ್ಷ ಖರ್ಚು ಮಾಡಲಾಗಿದೆ.

ಈ ಕಾರಿನ ಮಾಲೀಕರು ಕಾರುಗಳನ್ನು ಮಾಡಿಫೈಗೊಳಿಸುವುದನ್ನು ಇಷ್ಟಪಡುವುದಾಗಿ ಹೇಳಿದ್ದಾರೆ. ಇದೇ ರೀತಿ ಹಲವು ಕಾರುಗಳನ್ನು ಮಾಡಿಫೈಗೊಳಿಸಿರುವುದಾಗಿ ಹೇಳಿದ್ದಾರೆ. ಕಾರಿನ ಫಿನಿಷಿಂಗ್ ಸರಿಯಾಗಿ ಬಂದಿಲ್ಲವಾದರೂ, ಈ ಕಾರು ರಸ್ತೆಗಿಳಿದರೆ ಜನರ ಗಮನವನ್ನು ತನ್ನತ್ತ ಸೆಳೆಯುತ್ತದೆ.