Click it and Unblock the Notifications
ಆಟೋ ಎಕ್ಸ್ಪೋ 2020: ಅನಾವರಣವಾಯ್ತು ಐಷಾರಾಮಿ ಮರ್ಸಿಡಿಸ್ ಬೆಂಝ್ ಜಿಎಲ್ಎ
ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾದ ಮರ್ಸಿಡಿಸ್ ಬೆಂಝ್ ತನ್ನ ಹೊಸ ಜಿಎಲ್ಎ ಎಸ್ಯುವಿಯನ್ನು 2020ರ ಆಟೋ ಎಕ್ಸ್ ಪೋದಲ್ಲಿ ಅನಾವರಣಗೊಳಿಸಿದೆ. ಹೊಸ ಬೆಂಝ್ ಜಿಎಲ್ಎ ಎಸ್ಯುವಿಯು ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಯಾಗಲಿದೆ.
ಎಂಟ್ರಿ ಲೆವೆಲ್ ಜಿಎಲ್ಎ ಎಸ್ಯುವಿಯು ಹೊಸ ಎಂಫ್ಎ-2 ಪ್ಲಾಟ್ಫಾರಂ ಅನ್ನು ಆಧರಿಸಿದೆ. ಮರ್ಸಿಡಿಸ್ನ ಇತರ ಕಾಂಪ್ಯಾಕ್ಟ್ ಮಾದರಿಗಳಾದ ಹೊಸ ಎ-ಕ್ಲಾಸ್, ಸಿಎಲ್ಎ ಮತ್ತು ಜಿಎಲ್ಬಿ ಎಸ್ಯುವಿಗಳು ಕೂಡ ಇದೇ ಪ್ಲಾಟ್ಫಾರ್ಮ್ ಆಧರಿಸಿ ತಯಾರಾಗಿವೆ. ಹೊಸ ಜಿಎಲ್ಎ ಎಸ್ಯುವಿ, ಕ್ರಾಸ್ಒವರ್ ಮಾದರಿಯ ವಿನ್ಯಾಸವನ್ನು ಹೊಂದಿದೆ.
ಹೊಸ ತಲೆಮಾರಿನ ಬೆಂಝ್ ಪ್ರಸ್ತುತ ಮಾರುಕಟ್ಟೆಯಲ್ಲಿ ಮಾರಾಟವಾಗುವ ಕಾರಿಗಿಂತ 100 ಎಂಎಂ ಎತ್ತರ, 20 ಎಂಎಂ ಉದ್ದವನ್ನು ಹೆಚ್ಚಿಸಿದೆ. 30 ಎಂಎಂ ಹೆಚ್ಚು ವ್ಹೀಲ್ಬೇಸ್ ಹೊಂದಿದೆ.
ಕ್ಯಾಬಿನ್ ಒಳಗೆ ಹೆಚ್ಚಿನ ಸ್ಪೇಸ್ ಅನ್ನು ನೀಡಲಾಗಿದೆ. ಹೊಸ ಮರ್ಸಿಡಿಸ್ ಜಿಎಲ್ಇ, ಇನ್ಫೋಟೇನ್ಮೆಂಟ್ ಸಿಸ್ಟಂ ಹಾಗೂ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ಗಳಿಗಾಗಿ ಪ್ರತ್ಯೇಕ ಎರಡು ಸ್ಕ್ರೀನ್ಗಳನ್ನು ಹೊಂದಿರಲಿದೆ.
ಹೊಸ ಜಿಎಲ್ಎ ಎಸ್ಯುವಿಯಲ್ಲಿ ಸೆಂಟರ್ ಕಂನ್ಸೋಲ್ನಲ್ಲಿ ಟಚ್ಪ್ಯಾಡ್ ಹಾಗೂ ಇಂಟಿಗ್ರೇಟೆಡ್ ಗ್ರಾಬ್ ಹ್ಯಾಂಡಲ್ಗಳಿರಲಿವೆ. ಹೊಸ ಎಸ್ಯುವಿಯ ಕ್ಯಾಬಿನ್ಗೆ ಪ್ರೀಮಿಯಂ ಅನುಭವವನ್ನು ನೀಡುವುದಕ್ಕಾಗಿ ಇಂಟಿರಿಯರ್ನಲ್ಲಿ ಕ್ಲೈಮೇಟ್ ಕಂಟ್ರೋಲ್, ಎಸಿ ವೆಂಟ್ಗಳಿವೆ.
ಹೊಸ ಜಿಎಲ್ಎ ಕಾರು 220 ಡಿ 2.0 ಲೀಟರ್ ಟರ್ಬೊ ಡೀಸೆಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 190 ಬಿಹೆಚ್ಪಿ ಪವರ್ ಮತ್ತು 400 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದರೊಂದಿಗೆ 1.3 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ 163 ಬಿಹೆಚ್ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ನೊಂದಿಗೆ 7 ಸ್ಪೀಡ್ ಗೇರ್ಬಾಕ್ಸ್ ಅನ್ನು ಅಳವಡಿಸಲಾಗಿದೆ.
ಇನ್ನೂ 2.0 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ 306 ಬಿಹೆಚ್ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಹೊಸ ಬೆಂಝ್ ಜಿಎಲ್ಎ ಎಸ್ಯುವಿಯು ಆಕರ್ಷಕ ಲುಕ್ ಮತ್ತು ಹಲವಾರು ವೈಶಿಷ್ಟ್ಯಗಳನ್ನು ಹೊಂದಿರುವುದರಿಂದ ಹೆಚ್ಚಿನ ಗ್ರಾಹಕರನ್ನು ಸೆಳೆಯಬಹುದು.
2020ರ ಜಿಎಲ್ಎ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಬಳಿಕ ಹೊಸ ತಲೆಮಾರಿನ ಬಿಎಂಡಬ್ಲ್ಯು ಎಕ್ಸ್ 1, ಲ್ಯಾಂಡ್ ರೋವರ್ ಡಿಸ್ಕವರಿ, ಆಡಿ ಕ್ಯೂ 3 ಮತ್ತು ವೋಲ್ವೋ ಎಕ್ಸ್ಸಿ 40 ಕಾರುಗಳಿಗೆ ಪೈಪೋಟಿ ನೀಡಲಿದೆ.
Continue with Google