ಖರೀದಿಗೆ ಲಭ್ಯವಾದ ಬಿಎಸ್-6 ಟಾಟಾ ಹ್ಯಾರಿಯರ್ ಡೀಸೆಲ್ ಆಟೋಮ್ಯಾಟಿಕ್ ವರ್ಷನ್

ಹ್ಯಾರಿಯರ್ ಫೇಸ್‌ಲಿಫ್ಟ್ ಆವೃತ್ತಿಯು ಈ ಬಾರಿ ಹಲವಾರು ಬದಲಾವಣೆಗಳೊಂದಿಗೆ ಮಾರುಕಟ್ಟೆ ಪ್ರವೇಶಿಸಿದ್ದು, ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆ ಸೇರಿದಂತೆ ಹಲವಾರು ಬದಲಾವಣೆಗಳನ್ನು ಪಡೆದುಕೊಂಡಿದೆ. ಜೊತೆಗೆ ಪ್ರೀಮಿಯಂ ಫೀಚರ್ಸ್‌ಗಳಿಂದಾಗಿ ಹೊಸ ಕಾರಿನ ಬೆಲೆಯು ತುಸು ದುಬಾರಿಯಾಗಿದ್ದರೂ ಸಹ ಹೊಸ ಮಾದರಿಯ ಫೀಚರ್ಸ್‌ಗಳು ಫೇಸ್‌ಲಿಫ್ಟ್ ಕಾರಿಗೆ ಮತ್ತಷ್ಟು ಬಲಿಷ್ಠತೆ ನೀಡಲಿದ್ದು, ಎಂಜಿನ್ ಪರ್ಫಾಮೆನ್ಸ್‌ನಲ್ಲೂ ಸಾಕಷ್ಟು ಸುಧಾರಣೆ ತಂದಿರುವುದು ಮಾಲಿನ್ಯ ತಡೆಗೆ ಸಾಕಷ್ಟು ಸಹಕಾರಿಯಾಗಲಿದೆ.

ಹೊಸ ಕಾರಿನ ಬೆಲೆಯು ದೆಹಲಿ ಎಕ್ಸ್‌ಶೋರೂಂ ಪ್ರಕಾರ ಆರಂಭಿಕವಾಗಿ ರೂ. 13.69 ಲಕ್ಷದಿಂದ ಟಾಪ್ ಎಂಡ್ ಮಾದರಿಯು 20.25 ಲಕ್ಷ ಬೆಲೆ ಪಡೆದುಕೊಂಡಿದ್ದು, ಇದರಲ್ಲಿ ಆಟೋಮ್ಯಾಟಿಕ್ ಆವೃತ್ತಿಯ ಬೆಲೆಯು ಎಕ್ಸ್‌ಶೋರೂಂ ಪ್ರಕಾರ ಆರಂಭಿಕವಾಗಿ ರೂ. 16.25 ಲಕ್ಷದಿಂದ ಆರಂಭಗೊಳ್ಳಲಿದೆ.

ಸದ್ಯ ಮಾರುಕಟ್ಟೆಯಲ್ಲಿ ಹ್ಯಾರಿಯರ್ ಕಾರು ಡೀಸೆಲ್ ಎಂಜಿನ್‌ನಲ್ಲಿ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಯೊಂದಿಗೆ ಮಾರಾಟಗೊಳ್ಳುತ್ತಿದ್ದು, ಮುಂಬರುವ ದಿನಗಳಲ್ಲಿ ಪೆಟ್ರೋಲ್ ಆವೃತ್ತಿಯು ಕೂಡಾ ಬಿಡುಗಡೆಯ ಪಟ್ಟಿಯಲ್ಲಿದೆ.

ಈ ಮೂಲಕ ಹ್ಯುಂಡೈ ಕ್ರೆಟಾ, ಕಿಯಾ ಸೆಲ್ಟೊಸ್ ಮತ್ತು ಎಂಜಿ ಹೆಕ್ಟರ್ ಕಾರುಗಳಿಗೆ ಮತ್ತಷ್ಟು ಪೈಪೋಟಿ ನೀಡಲು ಸಜ್ಜಾಗುತ್ತಿರುವ ಹೊಸ ಹ್ಯಾರಿಯರ್ ಕಾರು ಅಧಿಕೃತ ಮಾರುಕಟ್ಟೆ ಪ್ರವೇಶಿಸಿದ್ದು, ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಒಟ್ಟು 16 ವೆರಿಯೆಂಟ್‌ಗಳನ್ನು ಹೊಂದಿದೆ. ಇದರಲ್ಲಿ ಎಕ್ಸ್ಎಂಎ, ಎಕ್ಸ್‌ಜೆಡ್ಎ ಮತ್ತು ಎಕ್ಸ್‌ಜೆಡ್ಎ ಪ್ಲಸ್ ಮಾದರಿಗಳಲ್ಲಿ ಮಾತ್ರವೇ ಆಟೋಮ್ಯಾಟಿಕ್ ವರ್ಷನ್ ಖರೀದಿಗೆ ಲಭ್ಯವಿದ್ದು, ಎಕ್ಸ್‌ಜೆಡ್ಎ ಮತ್ತು ಎಕ್ಸ್‌ಜೆಡ್ಎ ಪ್ಲಸ್ ವೆರಿಯೆಂಟ್‌ಗಳಲ್ಲಿ ಡ್ಯುಯಲ್ ಟೋನ್ ಬಣ್ಣದ ಆಯ್ಕೆ ಹೊಂದಿವೆ.

ವೆರಿಯೆಂಟ್‌ಗಳು ಮತ್ತು ಬೆಲೆ(ದೆಹಲಿ ಎಕ್ಸ್‌ಶೋರೂಂ ಪ್ರಕಾರ)

ಎಕ್ಸ್ಇ(ಮ್ಯಾನುವಲ್)- ರೂ.13.69 ಲಕ್ಷ

ಎಕ್ಸ್ಎಂ(ಮ್ಯಾನುವಲ್) - ರೂ.15.00ಲಕ್ಷ

ಎಕ್ಸ್ಎಂಎ(ಆಟೋಮ್ಯಾಟಿಕ್)- ರೂ.16.25 ಲಕ್ಷ

ಎಕ್ಸ್‌ಟಿ(ಮ್ಯಾನುವಲ್)- ರೂ. 16.25 ಲಕ್ಷ

ಎಕ್ಸ್‌ಜೆಡ್(ಮ್ಯಾನುವಲ್)- ರೂ.17.50 ಲಕ್ಷ

ಎಕ್ಸ್‌ಜೆಡ್ ಡ್ಯುಯಲ್ ಟೋನ್(ಮ್ಯಾನುವಲ್)- ರೂ. 17.60 ಲಕ್ಷ

ಎಕ್ಸ್‌ಜೆಡ್ ಡಾರ್ಕ್ ಎಡಿಷನ್(ಮ್ಯಾನುವಲ್)- ರೂ. 17.70 ಲಕ್ಷ

ಎಕ್ಸ್‌ಜೆಡ್ಎ(ಆಟೋಮ್ಯಾಟಿಕ್)- ರೂ.18.80 ಲಕ್ಷ

ಎಕ್ಸ್‌ಜೆಡ್ಎ ಡ್ಯುಯಲ್ ಟೋನ್(ಆಟೋಮ್ಯಾಟಿಕ್)- ರೂ. 18.90 ಲಕ್ಷ

ಎಕ್ಸ್‌ಜೆಡ್ಎ ಡಾರ್ಕ್ ಎಡಿಷನ್(ಆಟೋಮ್ಯಾಟಿಕ್)- ರೂ. 19.00 ಲಕ್ಷ

ಎಕ್ಸ್‌ಜೆಡ್ ಪ್ಲಸ್(ಮ್ಯಾನುವಲ್)- ರೂ. 18.85 ಲಕ್ಷ

ಎಕ್ಸ್‌ಜೆಡ್ ಪ್ಲಸ್ ಡ್ಯುಯಲ್ ಟೋನ್(ಮ್ಯಾನುವಲ್)- ರೂ.18.85 ಲಕ್ಷ

ಎಕ್ಸ್‌ಜೆಡ್ ಪ್ಲಸ್ ಡಾರ್ಕ್ ಎಡಿಷನ್(ಮ್ಯಾನುವಲ್)- ರೂ.18.95 ಲಕ್ಷ

ಎಕ್ಸ್‌ಜೆಡ್ಎ ಪ್ಲಸ್(ಆಟೋಮ್ಯಾಟಿಕ್)- ರೂ. 19.99 ಲಕ್ಷ

ಎಕ್ಸ್‌ಜೆಡ್ಎ ಪ್ಲಸ್ ಡ್ಯುಯಲ್ ಟೋನ್(ಆಟೋಮ್ಯಾಟಿಕ್)- ರೂ. 20.15 ಲಕ್ಷ

ಎಕ್ಸ್‌ಜೆಡ್ಎ ಪ್ಲಸ್ ಡಾರ್ಕ್ ಎಡಿಷನ್(ಆಟೋಮ್ಯಾಟಿಕ್)- ರೂ. 20.25 ಲಕ್ಷ

ಎಂಜಿನ್ ಸಾಮರ್ಥ್ಯ ಮತ್ತು ಪರ್ಫಾಮೆನ್ಸ್

ಹ್ಯಾರಿಯರ್ ಎಸ್‌ಯುವಿ ಕಾರು 2.0-ಲೀಟರ್(1,956 ಸಿಸಿ) 4 ಸಿಲಿಂಡರ್, ಕ್ರೆಯೊಟೆಕ್ ಡೀಸೆಲ್ ಎಂಜಿನ್ ಹೊಂದಿದ್ದು, 6 ಸ್ಪೀಡ್ ಮ್ಯಾನುವಲ್ ಗೇರ್‍‍ಬಾಕ್ಸ್ ನೊಂದಿಗೆ 170-ಬಿಹೆಚ್‍ಪಿ, 350-ಎನ್ಎಂ ಟಾರ್ಕ್ ಉತ್ಪಾದನಾ ಗುಣಹೊಂದಿದೆ.

ಹೊಸ ಡೀಸೆಲ್ ಆಟೋಮ್ಯಾಟಿಕ್ ಫೀಚರ್ಸ್‌ಗಳು(ಎಕ್ಸ್ಎಂಎ ವೆರಿಯೆಂಟ್‌ನಲ್ಲಿ)

*ಡ್ಯುಯಲ್ ಏರ್‌ಬ್ಯಾಗ್ *ಎಬಿಎಸ್ ಜೊತೆ ಇಬಿಡಿ *ಎಲೆಕ್ಟ್ರಾನಿಕ್ ಸ್ಟ್ಯಾಬಿಲಿಟಿ ಪ್ರೋಗ್ರಾಂ *ಕಾರ್ನರ್ ಸ್ಟ್ಯಾಬಿಲಿಟಿ ಕಂಟ್ರೋಲ್ *ಹಿಲ್ ಹೋಲ್ಡ್ ಅಸಿಸ್ಟ್ * ಟ್ರಾಕ್ಷನ್ ಕಂಟ್ರೋಲ್ *ರೋಲ್ ಓವರ್ ಮಿಟಿಗೆಷನ್ *ಪ್ರೋಜೆಕ್ಟರ್ ಹೆಡ್‌ಲ್ಯಾಂಪ್ *ಫ್ರಂಟ್ ಫಾಗ್ ಲ್ಯಾಂಪ್ಸ್ *ಮಲ್ಟಿಪಲ್ ಡ್ರೈವ್ ಮೋಡ್(ಇಕೋ, ಸ್ಪೋರ್ಟ್ ಮತ್ತು ಸಿಟಿ) *7.0-ಇಂಚಿನ ಟಚ್ ಸ್ಕ್ರೀನ್ ಇನ್ಪೋಟೈನ್‌ಮೆಂಟ್ ಸಿಸ್ಟಂ *6 ಸ್ಪೀಕರ್ಸ್ *ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್ಸ್ *ಎಲೆಕ್ಟ್ರಿಕ್‌ ಅಡ್ಜೆಸ್ಟೆಬಲ್ ರಿಯರ್ ವ್ಯೂ ಮಿರರ್ *ರಿಯರ್ ವೈಪರ್ *6 ಹಂತದಲ್ಲಿ ಹೊಂದಾಣಿಕೆ ಮಾಡಿಕೊಳ್ಳಬಹುದಾದ ಡ್ರೈವರ್ ಸೀಟ್

ಎಕ್ಸ್‌ಜೆಡ್ಎ ವೆರಿಯೆಂಟ್‌ನಲ್ಲಿರುವ ಫೀಚರ್ಸ್‌ಗಳು

*6 ಏರ್‌ಬ್ಯಾಗ್‌ಗಳು *ಹಿಲ್ ಡಿಸೆಂಟ್ ಕಂಟ್ರೋಲ್ *ಆಫ್ ರೋಡ್ ಎಬಿಎಸ್ *ISOFIX ಚೈಲ್ಡ್ ಸೀಟ್ ಮೌಂಟ್ *ಜೆನಾನ್ ಹೆಚ್‌ಡಿಐ ಪ್ರೋಜೆಕ್ಟರ್ ಹೆಡ್‌ಲ್ಯಾಂಪ್ಸ್ *ಎಲ್ಇಡಿ ಡಿಆರ್‌ಎಸ್ *ಆಟೋ ಹೆಡ್‌ಲ್ಯಾಂಪ್ ಮತ್ತು ವೈಪರ್ಸ್ *ಕಾರ್ನರಿಂಗ್ ಫ್ರಂಟ್ ಫಾಗ್ ಹೆಡ್‌ಲ್ಯಾಂಪ್ಸ್ *17-ಇಂಚಿನ ಅಲಾಯ್ ವೀಲ್ಹ್ *ಫಕ್ಸ್ ವುಡ್ ಇಂಟಿರಿಯರ್ ಟ್ರಿಮ್ *ಬ್ರೌನ್ ಲೆದರ್ ಆಸನಗಳು *ಲೆದರ್ ಹೊದಿಕೆಯ ಸ್ಟೀರಿಂಗ್ ಮತ್ತು ಗೇರ್ ನಾಬ್, 9-ಸ್ಪೀಕರ್ಸ್ ಜೆಬಿಎಲ್ ಆಡಿಯೋ ಮತ್ತು ಆ್ಯಪಲ್ ಕಾರ್ ಪ್ಲೇ *7.0-ಇಂಚಿನ ಪಾರ್ಟ್-ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ *ಸಾಫ್ಟ್ ಟಚ್ ಡ್ಯಾಶ್‌ಬೋರ್ಡ್ *ರಿಯರ್ ಪಾರ್ಕಿಂಗ್ ಕ್ಯಾಮೆರಾ *ಫುಶ್ ಬಟನ್ ಸ್ಟಾರ್ಟ್/ಸ್ಟಾಪ್ ಸಿಸ್ಟಂ *ಆಟೋಮ್ಯಾಟಿಕ್ ಕ್ಲೈಮೆಟ್ ಕಂಟ್ರೋಲ್ *ಕ್ರೂಸ್ ಕಂಟ್ರೋಲ್ *ಎಲೆಕ್ಟ್ರಿಕ್‌ ಅಡ್ಜೆಸ್ಟೆಬಲ್ ರಿಯರ್ ವ್ಯೂ ಮಿರರ್ *ರಿಯರ್ ಆರ್ಮ್ ರೆಸ್ಟ್ ಜೊತೆ ಕಪ್ ಹೋಲ್ಡ್ *60:40 ಅನುಪಾತದ ಹಿಂಭಾಗದ ಆಸನಗಳು

ಎಕ್ಸ್‌ಜೆಡ್ಎ ಪ್ಲಸ್ ವೆರಿಯೆಂಟ್‌ನಲ್ಲಿರುವ ಫೀಚರ್ಸ್‌ಗಳು

ಎಕ್ಸ್ಎಂಎ ಮತ್ತು ಎಕ್ಸ್‌ಜೆಡ್ಎ ವೆರಿಯೆಂಟ್‌ನಲ್ಲಿರುವ ಫೀಚರ್ಸ್‌ಗಳ ಜೊತೆಗೆ ಹೆಚ್ಚುವರಿಯಾಗಿ ಎಕ್ಸ್‌ಜೆಡ್ಎ ಪ್ಲಸ್ ವೆರಿಯೆಂಟ್‌ನಲ್ಲಿರುವ ನೀಡಲಾಗಿರುವ ಫೀಚರ್ಸ್‌ಗಳಿವು.

*ಪನೊರಮಿಕ್ ಸನ್‌ರೂಫ್ * ಆಟೋ-ಡಿಮಿಂಗ್ ರಿಯರ್ ವ್ಯೂ ಮಿಯರ್ *17-ಇಂಚಿನ ಡೈಮಂಡ್ ಕಟ್ ಅಲಾಯ್ ವೀಲ್‌ಗಳು