Just In
- 10 min ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 51 min ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 54 min ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
- 1 hr ago Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
Don't Miss!
- Movies 'ಕಾಂತಾರ' ಬೆಡಗಿ ಸಪ್ತಮಿ ಗೌಡ ವಯಸ್ಸು, ಮೊದಲು ಪಡೆದ ಸಂಬಳ ಎಷ್ಟು?
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2050ರ ವೇಳೆಗೆ ಶೂನ್ಯ ಅಪಘಾತದ ಗುರಿ ಹೊಂದಿದ Honda
ರಸ್ತೆ ಅಪಘಾತಗಳು ದಿನದಿಂದ ದಿನಕ್ಕೆ ಸರಕಾರಗಳಿಗೆ ತಲೆನೋವಾಗುತ್ತಿವೆ. ಅದರಲ್ಲೂ ಭಾರತದಂತಹ ಜನನಿಬಿಡ ದೇಶದಲ್ಲಿ ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡುವುದು ಯಾವುದೇ ಸರ್ಕಾರಕ್ಕೆ ದೊಡ್ಡ ಸವಾಲಾಗಿದೆ. ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡಲು ಕೇಂದ್ರ ಸರ್ಕಾರ ಹಾಗೂ ರಾಜ್ಯ ಸರ್ಕಾರಗಳು ವಿವಿಧ ಕ್ರಮಗಳನ್ನು ಕೈಗೊಳ್ಳುತ್ತಿವೆ.
ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡಲು ವಾಹನ ತಯಾರಕ ಕಂಪನಿಗಳು ಸಹ ತಮ್ಮ ವಾಹನಗಳಲ್ಲಿ ಆಧುನಿಕ ಸುರಕ್ಷತಾ ಫೀಚರ್ ಗಳನ್ನು ನೀಡುತ್ತಿವೆ. ಹೋಂಡಾ (Honda) ಕಂಪನಿಯು ಸಹ ಈ ನಿಟ್ಟಿನಲ್ಲಿ ಕಾರ್ಯ ನಿರ್ವಹಿಸುತ್ತಿದೆ. ಕಂಪನಿಯು ಹೊಸ ತಂತ್ರಜ್ಞಾನಗಳನ್ನು ಅನ್ವೇಷಿಸಲು ಹಾಗೂ ಸಂಶೋಧಿಸಲು ಆರ್ ಅಂಡ್ ಡಿ ಕೇಂದ್ರವನ್ನು ಸಹ ಹೊಂದಿದೆ.
ಈ ಮೂಲಕ ಭವಿಷ್ಯದ ಅತ್ಯಾಧುನಿಕ ಸುರಕ್ಷತಾ ತಂತ್ರಜ್ಞಾನಗಳನ್ನು ಅನ್ವೇಷಿಸುವ ಕಾರ್ಯದಲ್ಲಿ ತೊಡಗಿಸಿಕೊಳ್ಳಲಾಗುತ್ತದೆ ಎಂದು ಹೋಂಡಾ ಮೋಟಾರ್ ಕಂಪನಿ ತಿಳಿಸಿದೆ. ಜಪಾನ್ ಮೂಲದ ಪ್ರಮುಖ ಆಟೋಮೊಬೈಲ್ ಕಂಪನಿಯಾದ ಹೋಂಡಾ 2050ರ ವೇಳೆಗೆ ವಿಶ್ವಾದ್ಯಂತ ತನ್ನ ದ್ವಿಚಕ್ರ ವಾಹನ ಹಾಗೂ ಕಾರುಗಳಿಂದ ಉಂಟಾಗುವ ರಸ್ತೆ ಅಪಘಾತಗಳ ಸಂಖ್ಯೆಯನ್ನು ಶೂನ್ಯಕ್ಕೆ ತರಲು ಈಗಾಗಲೇ ಕೆಲಸ ಮಾಡಲು ಆರಂಭಿಸಿದೆ.
ಇದರ ಭಾಗವಾಗಿ, ಅತ್ಯಾಧುನಿಕ ಸುರಕ್ಷತಾ ತಂತ್ರಜ್ಞಾನಗಳ ಆವಿಷ್ಕಾರದಲ್ಲಿ ತೊಡಗಿಸಿಕೊಳ್ಳುವುದಾಗಿ ಹೋಂಡಾ ತಿಳಿಸಿದೆ. ಅದರಂತೆ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಚಾಲಕ ಸಹಾಯ ತಂತ್ರಜ್ಞಾನ, ಸುರಕ್ಷತೆ ಹಾಗೂ ಧ್ವನಿ ನೆಟ್ವರ್ಕ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವುದಾಗಿ ಹೋಂಡಾ ಕಂಪನಿ ಮಾಹಿತಿ ಹಂಚಿಕೊಂಡಿದೆ.
ಈ ತಂತ್ರಜ್ಞಾನದ ಮೂಲಕ ವಾಹನ ಚಾಲಕನಿಂದ ಆಗಬಹುದಾದ ಸಣ್ಣಪುಟ್ಟ ತಪ್ಪುಗಳನ್ನು ತಪ್ಪಿಸಲು ಹಾಗೂ ಅದರಿಂದ ಆಗಬಹುದಾದ ಹಾನಿಯನ್ನು ಕಡಿಮೆ ಮಾಡಲು ಸಾಧ್ಯವಾಗಲಿದೆ. ಸುರಕ್ಷತೆ ಹಾಗೂ ಸೌಂಡ್ ನೆಟ್ವರ್ಕ್ ತಂತ್ರಜ್ಞಾನವು ಚಾಲನೆಯಲ್ಲಿರುವ ವಾಹನ ಹಾಗೂ ಇತರ ವಾಹನಗಳು ಮತ್ತು ರಸ್ತೆಯಲ್ಲಿ ಪಾದಚಾರಿಗಳ ನಡುವೆ ಅಪಘಾತಗಳನ್ನು ಕಡಿಮೆ ಮಾಡುವ ರೀತಿಯಲ್ಲಿ ಸಂವಹನ ಮಾಡಲು ಸಾಧ್ಯವಾಗುತ್ತದೆ.
ಇದರಿಂದ ಅನಿರೀಕ್ಷಿತ ಅಪಘಾತಗಳನ್ನು ತಡೆಯಬಹುದು. ಇದರ ಜೊತೆಗೆ ಅಪಘಾತಕ್ಕೂ ಮುನ್ನ ವಾಹನ ಸವಾರರು ಹಾಗೂ ಪಾದಚಾರಿಗಳಿಗೆ ಅಪಘಾತದ ಬಗ್ಗೆ ಎಚ್ಚರಿಕೆ ನೀಡಲಾಗುವುದು. ಅಪಘಾತ ಮುಕ್ತ ಸಾರಿಗೆಯನ್ನು ಜಾರಿಗೆ ತರುವ ಪ್ರಯತ್ನದಲ್ಲಿ ತನ್ನ ಬಹುತೇಕ ವಾಹನಗಳಲ್ಲಿ ಸೆನ್ಸಿಂಗ್ 360 ತಂತ್ರಜ್ಞಾನವನ್ನು ಪರಿಚಯಿಸಲು ಹೊಂಡಾ ಕಂಪನಿ ಯೋಜಿಸಿದೆ.
ಈ ಬಗ್ಗೆ ಸ್ವತಃ ಹೋಂಡಾ ಕಂಪನಿಯೇ ಈ ಹಿಂದೆ ಹೇಳಿ ಕೊಂಡಿತ್ತು. ಹೋಂಡಾ ಸೆನ್ಸಿಂಗ್ 360 ವ್ಯವಸ್ಥೆಯು ಒನ್ ವೇ ಅಸಿಸ್ಟ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಟ್ರಾಫಿಕ್ ಸಿಗ್ನಲ್ ಗುರುತಿಸುವಿಕೆ, ಚಾಲಕನಿಗೆ ಅಗೋಚರವಾಗಿರುವ ಪ್ರದೇಶಗಳ ಮೇಲ್ವಿಚಾರಣೆ, ಹಿಮ್ಮುಖವಾಗಿ ಚಲಿಸುವಾಗ ಮುಂಬರುವ ವಾಹನಗಳನ್ನು ಎಚ್ಚರಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.
2030 ರ ವೇಳೆಗೆ ಪ್ರಮುಖ ದೇಶಗಳಲ್ಲಿರುವ ಎಲ್ಲಾ ಮಾದರಿಗಳಲ್ಲಿ ಈ ಚಾಲಕ ಸಹಾಯ ವ್ಯವಸ್ಥೆಯನ್ನು ತರಲು ಹೋಂಡಾ ಕಂಪನಿಯು ಕಾರ್ಯ ನಿರ್ವಹಿಸುತ್ತಿದೆ. ಹೋಂಡಾ ಕಂಪನಿಯು ತನ್ನ ಅತ್ಯಾಧುನಿಕ ಡ್ರೈವಿಂಗ್ ಸಿಸ್ಟಂಗಳ ಕಾರ್ಯವನ್ನು ನವೀಕರಿಸಲು ತಯಾರಿ ನಡೆಸುತ್ತಿದೆ. ಮುಂಬರುವ ವರ್ಷಗಳಲ್ಲಿ ತನ್ನ ಕಾರುಗಳಲ್ಲಿ ಮೊದಲ ಬಾರಿಗೆ ಮೋಟಾರ್ಸೈಕಲ್ ಗುರುತಿಸುವಿಕೆಯನ್ನು ಪರಿಚಯಿಸಲು ನಿರ್ಧರಿಸಿದೆ.
ಚಾಲಕನಿಗೆ ಆತಂಕವನ್ನುಂಟು ಮಾಡುವ ಡ್ರೈವಿಂಗ್ ದೋಷಗಳ ಕಾರಣಗಳನ್ನು ಪತ್ತೆ ಹಚ್ಚಲು ಎಫ್ಎಂಆರ್ಐ (ಎಫ್ಎಂಆರ್ಐ - ಫಂಕ್ಷನಲ್ ಮ್ಯಾಗ್ನೆಟಿಕ್ ವೈಬ್ರೇಶನ್ ಇಮೇಜಿಂಗ್), ಹೊಸ ತಲೆಮಾರಿನ ಚಾಲಕ - ಸಹಾಯ ಕಾರ್ಯಾಚರಣೆಗಳ ಸಂಶೋಧನೆ ಹಾಗೂ ಅಭಿವೃದ್ಧಿಯನ್ನು ಬಳಸಿಕೊಂಡು ಚಾಲನೆ ಮಾಡುವಾಗ ಜನರ ಆಲೋಚನಾ ಪ್ರಕ್ರಿಯೆಗಳನ್ನು ಅರ್ಥಮಾಡಿಕೊಳ್ಳುವಂತಹ ತಂತ್ರಜ್ಞಾನಗಳನ್ನು ಹೋಂಡಾ ಕಂಪನಿಯು ಸಂಶೋಧಿಸುತ್ತಿದ್ದು, ಅಭಿವೃದ್ಧಿಪಡಿಸುತ್ತಿದೆ. ಇದು ಇನ್ನೂ ಅಭಿವೃದ್ಧಿ ಹಂತದಲ್ಲಿದೆ.
ವೈರಸ್ ವಿರುದ್ದ ಹೋರಾಡಲು ಹಲವಾರು ಸುರಕ್ಷಾ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ಭಾರತದಲ್ಲಿ ವೈರಸ್ ವಿರುದ್ದದ ಹೋರಾಡಲು ತನ್ನ ಗ್ರಾಹಕರಿಗೆ ಹೊಸ ಉತ್ಪನ್ನವೊಂದನ್ನು ಪರಿಚಯಿಸಿದೆ. ಈ ಮೂಲಕ ಕಾರು ಪ್ರಯಾಣವನ್ನು ಸುರಕ್ಷಿತವಾಗಿಸಲು ಹೊಸ ಪ್ರಯತ್ನಕ್ಕೆ ಕೈ ಹಾಕಿದೆ.
ಹೋಂಡಾ ಕಾರ್ಸ್ ಇಂಡಿಯಾ ತನ್ನ ಬಿಡಿಭಾಗಗಳ ಪೂರೈಕೆ ಕಂಪನಿಗಳೊಂದಿಗೆ ಜೊತೆಗೂಡಿ ಹೊಸದಾಗಿ ಆ್ಯಂಟಿ ವೈರಸ್ ಕ್ಯಾಬಿನ್ ಏರ್ ಫಿಲ್ಟರ್ ಉತ್ಪನ್ನವನ್ನು ಪರಿಚಯಿಸಿದೆ. ಈ ಹೊಸ ಏರ್ ಫಿಲ್ಟರ್ ಕಾರಿನ ಕ್ಯಾಬಿನ್ ಅನ್ನು ಕೆಲವೇ ನಿಮಿಷಗಳಲ್ಲಿ ಶುದ್ದಗೊಳಿಸಿ ಅಪಾಯಕಾರಿ ವೈರಸ್ಗಳನ್ನು ಮಟ್ಟಹಾಕಬಲ್ಲದು.
ಹೊಸದಾಗಿ ಬಿಡುಗಡೆ ಮಾಡಲಾಗಿರುವ ಪಿ.ಎಂ 2.5 ಏರ್ ಫಿಲ್ಟರ್ ಸೌಲಭ್ಯವು ಕಾರಿನ ಕ್ಯಾಬಿನ್ನಲ್ಲಿರುವ ಹಾನಿಕಾರಕ ಅನಿಲಗಳನ್ನು ಯಶಸ್ವಿಯಾಗಿ ಫಿಲ್ಟರ್ ಮಾಡಿ, ಅಜೈವಿಕ, ಸಾವಯವ ಕಣಗಳನ್ನು ಹಾಗೂ ಏರೋಸಾಲ್ಗಳನ್ನು ಕಡಿಮೆ ಮಾಡುತ್ತದೆ. ಈ ಏರ್ ಫಿಲ್ಟರ್ನಲ್ಲಿರುವ ವಿವಿಧ ಪದರಗಳು ಧೂಳಿನ ಕಣಗಳನ್ನು ಹಾಗೂ ವೈರಸ್ ಅನ್ನು ಆಕರ್ಷಿಸುವ ಮೂಲಕ ನಿಷ್ಕ್ರಿಯಗೊಳಿಸುತ್ತವೆ.
ಈ ಮೂಲಕ ಕ್ಯಾಬಿನ್ ಗಾಳಿಯ ಗುಣಮಟ್ಟವನ್ನು ಹೆಚ್ಚಿಸುವ ಹೊಸ ಏರ್ ಫಿಲ್ಟರ್ ಸೌಲಭ್ಯವು ಕಾರು ಪ್ರಯಾಣದ ವೇಳೆ ಸೋಂಕು ಹರಡುವಿಕೆಯನ್ನು ಪರಿಣಾಮಕಾರಿಯಾಗಿ ತಡೆಗಟ್ಟಲಿದೆ. ಹೊಸ ಏರ್ ಫಿಲ್ಟರ್ ಸೌಲಭ್ಯವು ಹೋಂಡಾ ಕಾರ್ಸ್ ಅಧಿಕೃತ ಶೋರೂಂಗಳಲ್ಲಿ ಖರೀದಿಗೆ ಲಭ್ಯವಿದೆ.
ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ಸುರಕ್ಷಿತ ಕಾರು ಮಾರಾಟಕ್ಕಾಗಿ ಪ್ರತ್ಯೇಕವಾದ ಪ್ಲ್ಯಾಟ್ಫಾರಂ ತೆರೆದಿದೆ. ಇದರಿಂದ ಗ್ರಾಹಕರು ಶೋರೂಂಗಳಿಗೆ ತೆರಳದೇ ತಮ್ಮ ಇಷ್ಟದ ಕಾರು ಮಾದರಿಯನ್ನು ಆನ್ಲೈನ್ ಮೂಲಕವೇ ವೀಕ್ಷಣೆ ಮಾಡಬಹುದು.