4 ಲಕ್ಷಕ್ಕೂ ಹೆಚ್ಚು ಕಾರುಗಳನ್ನು ರಿಕಾಲ್ ಮಾಡಿದ ಹ್ಯುಂಡೈ

ಅಮೆರಿಕಾದಲ್ಲಿ ಹ್ಯುಂಡೈ ಕಂಪನಿಯು ಮಾರಾಟ ಮಾಡುವ ಕಾರುಗಳಲ್ಲಿ ಸಮಸ್ಯೆ ಕಾಣಿಸಿಕೊಂಡಿದೆ. ಈ ಕಾರಣಕ್ಕೆ ಅಮೆರಿಕಾದಲ್ಲಿರುವ 4.71 ಲಕ್ಷ ಯುನಿಟ್‌ ಹ್ಯುಂಡೈ ಕಾರುಗಳನ್ನು ರಿಕಾಲ್ ಮಾಡಲಾಗಿದೆ.

ಹೀಗೆ ರಿಕಾಲ್ ಮಾಡಲಾದ ಎಲ್ಲಾ ಕಾರುಗಳು ಎಸ್‌ಯುವಿ ಮಾದರಿಯಾಗಿವೆ. ಈ ಕಾರುಗಳಲ್ಲಿ ಉತ್ಪಾದನೆಯ ಸಮಯದಲ್ಲಿ ಅಳವಡಿಸಲಾದ ಒಂದು ಭಾಗದಲ್ಲಿ ದೋಷ ಕಾಣಿಸಿಕೊಂಡಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ದೋಷಯುಕ್ತ ಭಾಗವನ್ನು ಬದಲಿಸಲು ಹ್ಯುಂಡೈ ಕಂಪನಿಯು ಕಾರುಗಳನ್ನು ರಿಕಾಲ್ ಮಾಡಿದೆ. ಈ ದೋಷಯುಕ್ತ ಭಾಗದ ನಿರಂತರ ಬಳಕೆಯಿಂದಾಗಿ ಹಲವಾರು ತೊಂದರೆಗಳು ಎದುರಾಗುವ ಸಾಧ್ಯತೆಗಳಿರುವುದರಿಂದ ಹ್ಯುಂಡೈ ಕಂಪನಿಯು ಈ ಕಾರುಗಳನ್ನು ರಿಕಾಲ್ ಮಾಡಿದೆ.

ಸಮಸ್ಯೆ ಉಲ್ಬಣಗೊಳ್ಳುವ ಮೊದಲು ಎಲ್ಲಾ ಕಾರುಗಳಲ್ಲಿರುವ ದೋಷಯುಕ್ತ ಭಾಗಗಳನ್ನು ಬದಲಿಸಲು ಹ್ಯುಂಡೈ ಕಂಪನಿಯು ಮುಂದಾಗಿದೆ. 2016 - 2018 ಹಾಗೂ 2020ರಲ್ಲಿ ತಯಾರಾದ ಟಕ್ಸನ್ ಕಾರುಗಳು ದೋಷಯುಕ್ತ ಭಾಗವನ್ನು ಹೊಂದಿವೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ದೋಷಯುಕ್ತ ಭಾಗವನ್ನು ಕಾರಿಗೆ ವಿದ್ಯುತ್ ಪೂರೈಸುವ ಮುಖ್ಯ ಸಾಧನವೆಂದು ಗುರುತಿಸಲಾಗಿದೆ. ಈ ದೋಷಯುಕ್ತ ಸಾಧನವನ್ನು ನಿರಂತರವಾಗಿ ಬಳಸುವುದರಿಂದ ಬೆಂಕಿ ಅವಘಡದಂತಹ ದೊಡ್ಡ ಸಮಸ್ಯೆಗಳು ಎದುರಾಗಬಹುದು.

ಈ ಕಾರಣಕ್ಕೆ ಈ ಅವಧಿಯಲ್ಲಿ ಉತ್ಪಾದನೆಯಾದ ಎಲ್ಲಾ ಟಕ್ಸನ್ ಕಾರುಗಳನ್ನು ರಿಕಾಲ್ ಮಾಡಲಾಗಿದೆ. ಈ ದೋಷಯುಕ್ತ ಘಟಕದಿಂದಾಗಿ ಇದುವರೆಗೂ ಯಾವುದೇ ಅಪಘಾತ ಸಂಭವಿಸಿಲ್ಲವೆಂದು ಹ್ಯುಂಡೈ ಕಂಪನಿ ಹೇಳಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ದೋಷಯುಕ್ತ ಸಾಧನ ಹೊಂದಿರುವ ಹ್ಯುಂಡೈ ಟಕ್ಸನ್ ಕಾರುಗಳನ್ನು ರಿಕಾಲ್ ಮಾಡುತ್ತಿರುವುದು ಇದೇ ಮೊದಲ ಬಾರಿಯಲ್ಲ. ಕಳೆದ ವರ್ಷದ ಸೆಪ್ಟೆಂಬರ್‌ ತಿಂಗಳಿನಲ್ಲಿ ಅಸಮರ್ಪಕ ಎಬಿಎಸ್ ಬ್ರೇಕ್‌ ಹೊಂದಿದ್ದ 1.80 ಲಕ್ಷ ಕಾರುಗಳನ್ನು ರಿಕಾಲ್ ಮಾಡಲಾಗಿತ್ತು.

ಈಗ 4.71 ಲಕ್ಷ ಯೂನಿಟ್ ಟಕ್ಸನ್ ಕಾರುಗಳನ್ನು ರಿಕಾಲ್ ಮಾಡಲಾಗಿದೆ. ಈ ಹಿಂದೆ ಕಂಪನಿಯು 2015 - 2016ರ ನಡುವೆ ಉತ್ಪಾದನೆಯಾಗಿದ್ದ ವೆಲೋಸ್ಟರ್ ಹಾಗೂ 2011ರಿಂದ 2013ರ ನಡುವೆ ತಯಾರಾದ ಸೊನಾಟಾ ಹೈಬ್ರಿಡ್ ಕಾರುಗಳನ್ನು ರಿಕಾಲ್ ಮಾಡಿತ್ತು.