ಹೈ ಎಂಡ್ ಮಾದರಿಯಂತೆ ಕಸ್ಟಮೈಸ್ ಆದ ಕ್ರೆಟಾ ಮೂಲ ಮಾದರಿ ಕಾರು

ಕ್ರೆಟಾ ಹೈ ಎಂಡ್ ಮಾದರಿಗಳಲ್ಲಿ ಹೆಚ್ಚು ಫೀಚರ್'ಗಳಿರುವುದರಿಂದ ಈ ಮಾದರಿಗಳಿಗೆ ಸಹಜವಾಗಿಯೇ ಹೆಚ್ಚು ಬೇಡಿಕೆ ಇದೆ. ಕ್ರೆಟಾದ ಎಸ್‌ಎಕ್ಸ್ (ಒ) ಡೀಸೆಲ್ ಆಟೋಮ್ಯಾಟಿಕ್ ಮಾದರಿಯ ಆನ್-ರೋಡ್ ಬೆಲೆ ರೂ.20 ಲಕ್ಷಗಳಾಗಿದೆ. ಕ್ರೆಟಾ ಕಾರಿನ ಮೂಲ ಮಾದರಿಯನ್ನು ಹೈ ಎಂಡ್ ಮಾದರಿಯಂತೆ ಕಸ್ಟಮೈಸ್ ಮಾಡಲಾಗಿದೆ.

ಇತ್ತೀಚೆಗೆ ಈ ರೀತಿ ಕಸ್ಟಮೈಸ್ ಮಾಡಲಾದ ಹ್ಯುಂಡೈ ಕ್ರೆಟಾದ ವೀಡಿಯೊವನ್ನು ಯೂಟ್ಯೂಬ್'ನಲ್ಲಿ ಪೋಸ್ಟ್ ಮಾಡಲಾಗಿದೆ. ಈ ವೀಡಿಯೊದಲ್ಲಿ ಎಂಟ್ರಿ-ಲೆವೆಲ್ ಇ ಮಾದರಿಯನ್ನು ಕ್ರೆಟಾದ ಹೈ ಎಂಡ್ ಮಾದರಿಯಾದ ಎಸ್‌ಎಕ್ಸ್ (ಒ) ರೀತಿಯಲ್ಲಿ ಬದಲಿಸಿರುವುದನ್ನು ಕಾಣಬಹುದು.

MOST READ:ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ಈ ರೀತಿ ಕಸ್ಟಮೈಸ್ ಮಾಡಲು ರೂ.2.40 ಲಕ್ಷ ಖರ್ಚು ಮಾಡಲಾಗಿದೆ. ಕಸ್ಟಮೈಸ್ ಮಾಡಲು ಹ್ಯುಂಡೈ ಕಂಪನಿಯ ಬಿಡಿ ಭಾಗಗಳನ್ನೇ ಬಳಸಲಾಗಿದೆ. ಕಸ್ಟಮೈಸ್'ಗೊಂಡ ಕಾರು ಕ್ರೆಟಾದ ಡೀಸೆಲ್ ಮ್ಯಾನುಯಲ್ ಆವೃತ್ತಿಯಾಗಿದೆ.

ಈ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.10.51 ಲಕ್ಷಗಳಾಗಿದೆ. ಕಸ್ಟಮೈಸ್ ಮಾಡಲಾದ ಈ ಕಾರ್ ಅನ್ನು ಅದರ ಮಾಲೀಕರು ರೂ.11.90 ಲಕ್ಷ ನೀಡಿ ಖರೀದಿಸಿದ್ದರು. ಅವರು ಕಸ್ಟಮೈಸ್ ಮಾಡಲು ರೂ.2.40 ಲಕ್ಷ ಮಾಡಿದ್ದಾರೆ.

MOST READ:ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಇದರಿಂದಾಗಿ ರೂ.14.30 ಲಕ್ಷ ವೆಚ್ಚದಲ್ಲಿ ಹೈ ಎಂಡ್ ಎಸ್‌ಎಕ್ಸ್ (ಒ) ಮಾದರಿಯನ್ನು ಪಡೆದಂತಾಗಿದೆ. ಎಸ್‌ಎಕ್ಸ್ (ಒ) ಮಾದರಿಯ ಆನ್ ರೋಡ್ ಬೆಲೆ ಗ್ವಾಲಿಯರ್‌ನಲ್ಲಿ ರೂ.18.68 ಲಕ್ಷಗಳಾಗಿದೆ.

ಕಸ್ಟಮೈಸ್ ಮಾಡಲಾದ ಹ್ಯುಂಡೈ ಕ್ರೆಟಾ ಇ ಮಾದರಿಯಲ್ಲಿ ಎಸ್‌ಎಕ್ಸ್ (ಒ) ಮಾದರಿಯಲ್ಲಿರುವಂತಹ ಪೂರ್ಣ ಪ್ರಮಾಣದ ಎಲ್ಇಡಿ ಹೆಡ್‌ಲ್ಯಾಂಪ್‌, ಟೇಲ್ ಲ್ಯಾಂಪ್‌ಗಳನ್ನು ಅಳವಡಿಸಲಾಗಿದೆ.

MOST READ:10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಈ ಕಾರಿನಲ್ಲಿ ಎಸ್‌ಎಕ್ಸ್ (ಒ) ಮಾದರಿಯಲ್ಲಿ ಮಾತ್ರ ಲಭ್ಯವಿರುವಂತಹ ಡೈಮಂಡ್ ಕಟ್ 17 ಇಂಚಿನ ಡ್ಯುಯಲ್ ಟೋನ್ ಅಲಾಯ್ ವ್ಹೀಲ್‌, ಟರ್ನ್ ಇಂಡಿಕೇಟರ್ ಹಾಗೂ ಪಡಲ್ ಲ್ಯಾಂಪ್'ಗಳನ್ನು ಸಹ ಅಳವಡಿಸಲಾಗಿದೆ.

ಈ ಕಾರಿನಲ್ಲಿ ಆಫ್ಟರ್ ಮಾರ್ಕೆಟ್ ಗ್ರಿಲ್ ಅಳವಡಿಸಲಾಗಿದೆ. ಗ್ರಾಹಕರು ಈ ಗ್ರಿಲ್ ಬದಲು ಕ್ರೋಮ್ ಸ್ಲೇಟೆಡ್ ಗ್ರಿಲ್ ಅಥವಾ ಟರ್ಬೊ-ಪೆಟ್ರೋಲ್ ಮಾದರಿಗಳಲ್ಲಿರುವ ಕಪ್ಪು ಬಣ್ಣದ ಗ್ರಿಲ್'ಗಳನ್ನು ಸಹ ಆಯ್ಕೆ ಮಾಡಿಕೊಳ್ಳಬಹುದು.

MOST READ:ವರ್ಷಗಳ ಕಾಲ ಉಪ್ಪು ನೀರಿನಲ್ಲಿದ್ದರೂ ಹಡಗುಗಳ ಆಂಕರ್‌ಗಳಿಗೆ ತುಕ್ಕು ಹಿಡಿಯದಿರಲು ಕಾರಣಗಳಿವು

ಈ ಕಾರಿನ ಹಿಂಭಾಗದಲ್ಲಿರುವ ಬಂಪರ್ ಪ್ರೊಟೆಕ್ಟರ್'ನಲ್ಲಿಯೂ ಹ್ಯುಂಡೈ ಬಿಡಿಭಾಗಗಳನ್ನೇ ಬಳಸಲಾಗಿದೆ. ಈ ಕಾರಿನ ಇಂಟಿರಿಯರ್'ನಲ್ಲಿಯೂ ಹಲವಾರುಬದಲಾವಣೆಗಳನ್ನು ಮಾಡಲಾಗಿದೆ.

ಕಸ್ಟಮೈಸ್ ಮಾಡಲಾದ ಈ ಕಾರಿನ ಇಂಟಿರಿಯರ್'ನಲ್ಲಿ ಹೈ ಮಾದರಿಯಲ್ಲಿರುವಂತಹ ಕ್ರೂಸ್ ಕಂಟ್ರೋಲ್, ಎಲೆಕ್ಟ್ರಾನಿಕ್ ಅಡ್ಜಸ್ಟಬಲ್ ಒಆರ್‌ವಿ‌ಎಂ, 10.25-ಇಂಚಿನ ಆಫ್ಟರ್ ಮಾರ್ಕೆಟ್ ಇನ್ಫೋಟೆನ್'ಮೆಂಟ್ ಸಿಸ್ಟಂ ಅಳವಡಿಸಲಾಗಿದೆ.

MOST READ:ಜೀವದ ಹಂಗು ತೊರೆದು ಮಗುವಿನ ಪ್ರಾಣ ಉಳಿಸಿದ ರಿಯಲ್ ಹೀರೋಗೆ ಬೈಕ್ ಉಡುಗೊರೆ ನೀಡಿದ ಜಾವಾ ಕಂಪನಿ

ಇದರ ಜೊತೆಗೆ ಈ ಕಾರಿನಲ್ಲಿ ಹೊಸ ಲೆದರ್ ಸೀಟ್, ಬೂಟ್‌ನಲ್ಲಿ ಇನ್ಫಿನಿಟಿ ಸಬ್-ವೂಫರ್ ಹೊಂದಿರುವ ಅಡ್ವಾನ್ಸ್ದ್ ಸೌಂಡ್ ಸಿಸ್ಟಂ ಅಳವಡಿಸಲಾಗಿದೆ. ಈ ಎಲ್ಲಾ ಭಾಗಗಳನ್ನು ಗ್ರಾಹಕರ ಆಯ್ಕೆಗೆ ಅನುಸಾರವಾಗಿ ಕಸ್ಟಮೈಸ್ ಮಾಡಲಾಗಿದೆ.

ಚಿತ್ರಕೃಪೆ: ಅರುಣ್ ಪನ್ವಾರ್