ಸ್ಥಗಿತಗೊಳ್ಳಲಿದೆ ಹ್ಯುಂಡೈ ಕಂಪನಿಯ ಹಲವು ಕಾರುಗಳ ಮಾರಾಟ

ಇವುಗಳಲ್ಲಿ ಕಂಪನಿಯ ವೆನ್ಯೂ, ಸ್ಯಾಂಟ್ರೊ , ಗ್ರ್ಯಾಂಡ್ ಐ 10 ನಿಯೋಸ್ ಮಾದರಿಗಳು ಸೇರಿವೆ. ಯಾವ ಕಾರಣಕ್ಕೆ ಈ ಮಾದರಿಗಳನ್ನು ಸ್ಥಗಿತಗೊಳಿಸಲಾಗಿದೆ ಎಂಬ ಕಾರಣವನ್ನು ಕಂಪನಿಯು ನೀಡಿಲ್ಲ. ಆದರೆ ಕಂಪನಿಯು ಈ ಬಗ್ಗೆ ದೇಶಾದ್ಯಂತವಿರುವ ಡೀಲರ್'ಗಳಿಗೆ ಮಾಹಿತಿ ನೀಡಿದೆ. ಸ್ಟಾಕ್ ಇರುವವರೆಗೊ ಈ ಕಾರುಗಳ ಬುಕ್ಕಿಂಗ್ ಸ್ವೀಕರಿಸುವಂತೆ ಸೂಚನೆ ನೀಡಿದೆ.

ಹ್ಯುಂಡೈ ಕಂಪನಿಯು ವೆನ್ಯೂ ಕಾರಿನ 1.0-ಲೀಟರ್ ಟರ್ಬೊ ಎಸ್ ಎಂಟಿ ಮಾದರಿಯ ಮಾರಾಟವನ್ನು ಸ್ಥಗಿತಗೊಳಿಸಿದೆ. ಟರ್ಬೊ-ಪೆಟ್ರೋಲ್ ಎಂಜಿನ್ ಹೊಂದಿರುವ ಈ ಮಾದರಿಯು ಕಂಪನಿಯ ಎಕಾನಾಮಿಕ್ ಮಾದರಿಗಳಲ್ಲಿ ಒಂದು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಟರ್ಬೊ-ಪೆಟ್ರೋಲ್ ಎಂಜಿನ್ ಹಾಗೂ ಗೇರ್‌ಬಾಕ್ಸ್ ಸಂಯೋಜನೆಯ ಮೂಲಕ ಈ ಕಾರನ್ನು ಎಸ್‌ಎಕ್ಸ್ ಹಾಗೂ ಎಸ್‌ಎಕ್ಸ್ (ಒ) ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ. 1.0-ಲೀಟರ್ ಟರ್ಬೊ ಎಸ್ ಎಂಟಿ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.8.52 ಲಕ್ಷಗಳಾಗಿದೆ.

ಈ ಎಂಜಿನ್‌ನೊಂದಿಗೆ ಐಎಂಟಿ ಹಾಗೂ 7-ಸ್ಪೀಡ್ ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗಳನ್ನು ನೀಡಲಾಗುತ್ತದೆ. ಈ ಮಾದರಿಯು ಹೆಚ್ಚು ಜನಪ್ರಿಯವಾಗದೇ ಕಡಿಮೆ ಸಂಖ್ಯೆಯಲ್ಲಿ ಮಾರಾಟವಾದ ಕಾರಣ ಸ್ಥಗಿತಗೊಳಿಸಲಾಗುತ್ತಿದೆ ಎಂದು ಹೇಳಲಾಗಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಮಾದರಿಯ ಜೊತೆಗೆ ಹ್ಯುಂಡೈ ಕಂಪನಿಯು ಗ್ರ್ಯಾಂಡ್ ಐ 10 ನಿಯೋಸ್ ಹಾಗೂ ಸ್ಯಾಂಟ್ರೊ ಕಾರುಗಳ ಕಾರ್ಪೊರೇಟ್ ಆವೃತ್ತಿಗಳ ಮಾರಾಟವನ್ನು ಸ್ಥಗಿತಗೊಳಿಸಿದೆ. ಹಬ್ಬದ ವೇಳೆಯಲ್ಲಿ ಮಾರಾಟವನ್ನು ಹೆಚ್ಚಿಸಲು ಹ್ಯುಂಡೈ ಕಂಪನಿಯು ಕಾರ್ಪೊರೇಟ್ ಆವೃತ್ತಿಗಳನ್ನು ಬಿಡುಗಡೆಗೊಳಿಸಿತ್ತು.

ಈಗ ಹ್ಯುಂಡೈ ಕಂಪನಿಯು ಈ ಸೀಮಿತ ಆವೃತ್ತಿಯ ಮಾದರಿಗಳ ಮಾರಾಟವನ್ನು ಸ್ಥಗಿತಗೊಳಿಸಿದೆ. 2020ರ ಸೆಪ್ಟೆಂಬರ್ ತಿಂಗಳಿನಲ್ಲಿ ಹ್ಯುಂಡೈ ಕಂಪನಿಯು ತನ್ನ ಗ್ರ್ಯಾಂಡ್ ಐ 10 ನಿಯೋಸ್‌ ಕಾರಿನ ಕಾರ್ಪೊರೇಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸಿತ್ತು.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಆವೃತ್ತಿಯು ಮ್ಯಾಗ್ನಾ ಮಾದರಿಯನ್ನು ಆಧರಿಸಿದೆ. ಈ ಆವೃತ್ತಿಯ ಬೆಲೆಯನ್ನು ಏರಿಕೆ ಮಾಡಿದ್ದ ಹ್ಯುಂಡೈ ಕಂಪನಿಯು ಈ ಮಾದರಿಯಲ್ಲಿ ಆಪಲ್ ಕಾರ್ ಪ್ಲೇ, ಆಂಡ್ರಾಯ್ಡ್ ಆಟೋ ಹೊಂದಿರುವ 6.7-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ ಅನ್ನು ಅಳವಡಿಸಿದೆ.

ಈ ಮಾದರಿಯಲ್ಲಿ ಹೆಚ್‌ಪಿಎ ಏರ್ ಫಿಲ್ಟರ್‌, ಆ್ಯಂಟಿ ಬ್ಯಾಕ್ಟೀರಿಯಾ, ಆ್ಯಂಟಿ ಫಂಗಸ್ ಸೀಟ್ ಫ್ಯಾಬ್ರಿಕ್, ಕಾರ್ಪೊರೇಟ್ ಎಡಿಷನ್ ಬ್ಯಾಡ್ಜ್‌, ಇಂಟಿಗ್ರೇಟೆಡ್ ಟರ್ನ್ ಇಂಡಿಕೇಟರ್‌ ಹೊಂದಿರುವ ಎಲೆಕ್ಟ್ರಿಕಾನಿಕ್ ಆಗಿ ಅಡ್ಜಸ್ಟ್ ಮಾಡಬಹುದಾದ ಒಆರ್‌ವಿಎಂ ಹಾಗೂ 15 ಇಂಚಿನ ಅಲಾಯ್ ವ್ಹೀಲ್'ಗಳನ್ನು ಅಳವಡಿಸಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸ್ಯಾಂಟ್ರೊ ಕಾರಿನ ಕಾರ್ಪೊರೇಟ್ ಆವೃತ್ತಿಯನ್ನು 2020ರ ಅಕ್ಟೋಬರ್ ತಿಂಗಳಿನಲ್ಲಿ ಬಿಡುಗಡೆಗೊಳಿಸಲಾಯಿತು. ಈ ಮಾದರಿಯು ಮ್ಯಾಗ್ನಾ ಮಾದರಿಯನ್ನು ಆಧರಿಸಿದೆ. ಈ ಮಾದರಿಯಲ್ಲಿ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ, ಟರ್ನ್ ಇಂಡಿಕೇಟರ್, ಐಆರ್‌ವಿಎಂ, ಎಲೆಕ್ಟ್ರಿಕಾನಿಕ್ ಅಡ್ಜಸ್ಟಬಲ್ ಒಆರ್‌ವಿಎಂಗಳನ್ನು ಅಳವಡಿಸಲಾಗಿದೆ.