ಹೊಸ ವಿಶ್ವ ದಾಖಲೆ ಬರೆದ ಹ್ಯುಂಡೈ ನೆಕ್ಸೊ ಹೈಡ್ರೋಜನ್ ಕಾರು

ಹ್ಯುಂಡೈ ನೆಕ್ಸೊ ಹೊಸ ದಾಖಲೆಯ ಕುರಿತಾದ ವೀಡಿಯೊವನ್ನು ಬಿಡುಗಡೆಗೊಳಿಸಲಾಗಿದೆ. ಹ್ಯುಂಡೈ ನೆಕ್ಸೊ ಕಾರು ಹೈಡ್ರೋಜನ್'ನಿಂದ ಚಲಿಸುತ್ತದೆ ಎಂಬುದು ಗಮನಾರ್ಹ. ಈ ಕಾರು ಎಲೆಕ್ಟ್ರಿಕ್ ವಾಹನಗಳಂತೆಯೇ ಪರಿಸರ ಸ್ನೇಹಿ ವಾಹನವಾಗಿದೆ.

ಈ ಕಾರು ಸ್ಟೀಮ್ ಅನ್ನು ಮಾತ್ರ ಹೊರಸೂಸುತ್ತದೆ. ಈ ಹಿಂದೆ ಹ್ಯುಂಡೈ ನೆಕ್ಸೊ ಕಾರು 778 ಕಿ.ಮೀಗಳವರೆಗೆ ಸಾಗಿ ಹೊಸ ವಿಶ್ವ ದಾಖಲೆ ಬರೆದಿತ್ತು. ಈ ಬಾರಿ ಹ್ಯುಂಡೈ ನೆಕ್ಸೊ ಕಾರು 887.5 ಕಿ.ಮೀ ಸಾಗಿ ಹಳೆ ದಾಖಲೆಯನ್ನು ಮುರಿದಿದೆ.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಆಸ್ಟ್ರೇಲಿಯಾದ ಮೆಲ್ಬೋರ್ನ್ ಹಾಗೂ ಬ್ರೋಕನ್ ಹಿಲ್'ನಲ್ಲಿ ಈ ಹೊಸ ದಾಖಲೆಯನ್ನು ಸ್ಥಾಪಿಸಲಾಗಿದೆ. ಈ ಹಿಂದಿನ ದಾಖಲೆಯನ್ನು ಫ್ರಾನ್ಸ್‌ನ ಬರ್ಟ್ರಾಂಡ್ ಪಿಕಾರ್ಡ್ ಪ್ರದೇಶದಲ್ಲಿ ಸ್ಥಾಪಿಸಲಾಗಿತ್ತು ಎಂಬುದು ಗಮನಾರ್ಹ.

ನೆಕ್ಸೊ ಹೈಡ್ರೋಜನ್ ಸಾಮರ್ಥ್ಯದ ಕಾರು ಆಗಿದ್ದರೂ, ಇದು ಎಲೆಕ್ಟ್ರಿಕ್ ಪವರ್ಡ್ ವೆಹಿಕಲ್ ಎಂಬುದನ್ನು ಗಮನಿಸಬೇಕು. ವಾಯುಮಂಡಲದ ಹೈಡ್ರೋಜನ್ ಕರಗಿ ಎಲೆಕ್ಟ್ರಿಕ್ ಪವರ್ ಆಗಿ ಪರಿವರ್ತನೆಗೊಳ್ಳುತ್ತದೆ.

MOST READ:ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ನೆಕ್ಸೊ ಇದರ ಆಧಾರದ ಮೇಲೆ ಚಲಿಸುತ್ತದೆ. ಹೈಡ್ರೋಜನ್ ಅನ್ನು ಪೂರ್ತಿಯಾಗಿ ತುಂಬಲು ಕೆಲವು ನಿಮಿಷಗಳು ಸಾಕಾಗುತ್ತವೆ. ಅಂದರೆ ಕೇವಲ 3ರಿಂದ 5 ನಿಮಿಷಗಳಲ್ಲಿ ಹೈಡ್ರೋಜನ್ ಅನ್ನು ಪೂರ್ತಿಯಾಗಿ ತುಂಬ ಬಹುದು.

ಹೈಡ್ರೋಜನ್ ವಾಹನಗಳು, ಎಲೆಕ್ಟ್ರಿಕ್ ವಾಹನದಷ್ಟು ಸಮಯ ತೆಗೆದುಕೊಳ್ಳುವುದಿಲ್ಲ. ಪೂರ್ತಿ ಟ್ಯಾಂಕ್ ತುಂಬಿದ ನಂತರ 660 ಕಿ.ಮೀಗಳವರೆಗೆ ಪ್ರಯಾಣಿಸಬಹುದು ಎಂದು ಹ್ಯುಂಡೈ ಕಂಪನಿ ತಿಳಿಸಿತ್ತು.

MOST READ:ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಇತ್ತೀಚಿಗೆ ನಡೆಸಲಾದ ಅಧ್ಯಯನದ ಪ್ರಕಾರ ಹ್ಯುಂಡೈ ನೆಕ್ಸೊ ಸುಮಾರು 900 ಕಿ.ಮೀಗಳವರೆಗೆ ಚಲಿಸ ಬಹುದು ಎಂದು ಹೇಳಲಾಗಿದೆ. ಹ್ಯುಂಡೈ ನೆಕ್ಸೊ 900 ಕಿ.ಮೀ ದೂರವನ್ನು 13 ಗಂಟೆ 6 ನಿಮಿಷಗಳಲ್ಲಿ ಕ್ರಮಿಸಿದೆ.

ಈ ಅಧ್ಯಯನದ ಪ್ರಕಾರ ಹ್ಯುಂಡೈ ನೆಕ್ಸೊ ಪ್ರತಿ ಗಂಟೆಗೆ 66.9 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ. ಈ ಎಲ್ಲಾ ಅಂಕಿ ಅಂಶಗಳು ವಾಹನ ಉತ್ಸಾಹಿಗಳನ್ನು ಹ್ಯುಂಡೈ ನೆಕ್ಸೊ ಕಾರಿನತ್ತ ಆಕರ್ಷಿಸುವುದು ಖಚಿತ.