ಅಧಿಕ ರೇಂಜ್, ಆಕರ್ಷಕ ವಿನ್ಯಾಸದ ಹೊಸ ಎಲೆಕ್ಟ್ರಿಕ್ ಕಾರನ್ನು ಬಿಡುಗಡೆಗೊಳಿಸಲಿದೆ ಸುಜುಕಿ

ಜಪಾನ್ ಮೂಲದ ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಸುಜುಕಿ ಹೊಸ ಪ್ಯೂರ್ ಎಲೆಕ್ಟ್ರಿಕ್ ಕಾರನ್ನು ಅಭಿವೃದ್ಧಿಪಡಿಸುವುದರಲ್ಲಿ ನಿರತರಾಗಿದ್ದಾರೆ. ಈ ಹೊಸ ಎಲೆಕ್ಟ್ರಿಕ್ ಕಾರು 2023 ರಲ್ಲಿ ಬಿಡುಗಡೆಯಾಗಬಹುದೆಂದು ವರದಿಗಳಾಗಿದೆ. ಇದು ಕ್ರಾಸ್ಒವರ್ ವಿನ್ಯಾಸವನ್ನು ಹೊಂದಿರುವ ಎ-ಸೆಗ್ಮೆಂಟ್ ಸಣ್ಣ ಕಾರು ಆಗಿರುತ್ತದೆ. ಹೊಸ ಟೂ ವ್ಹೀಲ್ ಡ್ರೈವ್ ಮಾದರಿಯಾಗಿರುತ್ತದೆ. ಇದು ಸಿಂಗಲ್ ಚಾರ್ಜ್ ನಲ್ಲಿ ಅಧಿಕ ರೇಂಜ್ ಅನ್ನು ನೀಡುತ್ತದೆ.

ಈ ಎಲೆಕ್ಟ್ರಿಕ್ ಕಾರು ಅತ್ಯಾಧುನಿಕ ಪೀಚರ್ಸ್ ಮತ್ತು ತಂತ್ರಜ್ಙಾನಗಳನ್ನು ಒಳಗೊಂಡಿರುತ್ತದೆ. ಆದರೆ ಸುಜುಕಿ ಕಂಪನಿಯು ಈ ಹೊಸ ಎಲೆಕ್ಟ್ರಿಕ್ ಕಾರಿನ ಬಗ್ಗೆ ಯಾವುದೇ ಮಾಹಿತಿಗಳನ್ನು ಬಹಿರಂಗ ಪಡಿಸಲಾಗಿಲ್ಲ. ಮುಂದಿನ ದಿನಗಳಲ್ಲಿ ಇದರ ಬಗ್ಗ ಹೆಚ್ಚಿನ ಮಾಹಿತಿಗಳು ಬಹಿರಂಗವಾಗಬೇಕಿದೆ.

ಇನ್ನು ಬಿ-ಸೆಗ್ಮೆಂಟ್ ಎಲೆಕ್ಟ್ರಿಕ್ ಎಸ್‌ಯುವಿಯನ್ನು 2024ರಲ್ಲಿ ಪರಿಚಯಿಸಲಾಗುತ್ತದೆ. ಇದು ಹೆಚ್ಚಿನ ರೇಂಜ್ ಹೊಂದಿರುವ ಕಾಂಪ್ಯಾಕ್ಟ್ ಆಲ್-ವ್ಹೀಲ್-ಡ್ರೈವ್ ವಾಹನವಾಗಿ ಮಾರಾಟವಾಗಲಿದೆ.

ಇನ್ನು ನ್ಯೂ ಜನರೇಷನ್ ಸುಜುಕಿ ಸ್ವಿಫ್ಟ್ ಅನ್ನು 2023 ರಲ್ಲಿ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಬಹುದು ಎಂದು ವರದಿಯಾದೆ. ಇನ್ನು ಸುಜುಕಿ ತನ್ನ ಎಸ್-ಕ್ರಾಸ್ ಕ್ರಾಸ್ಒವರ್ ಮಾದರಿಯನ್ನು ಹೊಸ ರೂಪದಲ್ಲಿ ಮುಂದಿನ ವರ್ಷದಲ್ಲಿ ಪರಿಚಯಿಸಬಹುದು.

ಹೊಸ ಎಸ್-ಕ್ರಾಸ್ ಹೊಸ ಮೈಲ್ಡ್ ಹೈಬ್ರಿಡ್ ಸಿಸ್ಟಂ ನೊಂದಿಗೆ ಬಿಡುಗಡೆಗೊಳಿಸಲಾಗುತ್ತದೆ. ಇದು 1.4-ಲೀಟರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್‌ನಿಂದ ಹೊಸ ಸ್ಟಾರ್ಟರ್ ಜನರೇಟರ್ ಹೊಂದಿದ್ದು, ಇದು ಎಲೆಕ್ಟ್ರಿಕ್ ಮೋಟರ್ ಮತ್ತು ಲಿಥಿಯಂ-ಐಯಾನ್ ಬ್ಯಾಟರಿಯಿಂದ ಕಾರ್ಯನಿರ್ವಹಿಸುತ್ತದೆ.

ಕ್ರಾಸ್ಒವರ್ ಮಾದರಿಯು ಮೈಲ್ಡ್ ಹೈಬ್ರಿಡ್ ಸಿಸ್ಟಂ 8-ವೋಲ್ಟ್ ಅನ್ನು ಹೊಂದಿರುತ್ತದೆ, ಇದು ಎಲೆಕ್ಟ್ರಿಕ್ ಮೋಟರ್ ಗ್ಯಾಸೋಲಿನ್ ಎಂಜಿನ್'ಗೆ ಹೆಚ್ಚಿನ ಬೆಂಬಲವನ್ನು ನೀಡುತ್ತದೆ. ಸುಜುಕಿ ಎಸ್-ಕ್ರಾಸ್ ಆಲ್-ವ್ಹೀಲ್-ಡ್ರೈವ್ ಫುಲ್ ಹೈಬ್ರಿಡ್ ಸಿಸ್ಟಂ ಪಡೆಯಲಿದೆ.

2024ರಲ್ಲಿ ಸುಜುಕಿ ನ್ಯೂ ಜನರೇಷನ್ ವಿಟಾರಾ ಎಸ್‌ಯುವಿಯನ್ನು ಪರಿಚಯಿಸಲಿದೆ ಎಂದು ವರದಿಯಾಗಿದೆ. ಇದು ಪ್ಲಗ್-ಇನ್ ಹೈಬ್ರಿಡ್ ಡ್ರೈವ್ (ಪಿಹೆಚ್‌ಇವಿ) ಯೊಂದಿಗೆ ಬರಲಿದ್ದು, ಇದು ವಿಟಾರಾವನ್ನು ಸಂಪೂರ್ಣವಾಗಿ ಎಲೆಕ್ಟ್ರಿಕ್ ಆಗಿ ಚಾಲನೆ ಮಾಡಲು ಅನುವು ಮಾಡಿಕೊಡುತ್ತದೆ.

ಸುಜುಕಿ 2022 ರಲ್ಲಿ ಜಿಮ್ನಿ ಆಫ್-ರೋಡರ್ ಲಾಂಗ್ ವ್ಹೀಲ್ ಬೇಸ್ ಎಸ್‍ಯುವಿಯನ್ನು ಪರಿಚಯಿಸಲಿದ್ದಾರೆ. ಇದಕ್ಕೆ ಹೆಚ್ಚುವರಿಯಾಗಿ ಕಂಪನಿಯು 2024 ರಲ್ಲಿ ಸಮಗ್ರವಾಗಿ ಪರಿಷ್ಕೃತ ಜಿಮ್ನಿಯನ್ನು ಪರಿಚಯಿಸುತ್ತದೆ ಎಂದು ಹೇಳಲಾಗುತ್ತಿದೆ.