ವಿಶ್ವದ ಅತಿದೊಡ್ಡ ಕಾರು ತಯಾರಕ ಕಂಪನಿಯಾಗಿ ಹೊರಹೊಮ್ಮಿದ ಟೊಯೊಟಾ

ಕಂಪನಿಯು 2019ಕ್ಕೆ ಹೋಲಿಸಿದರೆ ಕಳೆದ ವರ್ಷ 11.3%ನಷ್ಟು ಕಡಿಮೆ ಕಾರುಗಳನ್ನು ಮಾರಾಟ ಮಾಡಿದೆ. ಐದು ವರ್ಷಗಳ ಹಿಂದೆ ಜರ್ಮನಿ ಮೂಲದ ಫೋಕ್ಸ್‌ವ್ಯಾಗನ್ ಕಂಪನಿಯು ಅತಿ ದೊಡ್ಡ ಕಾರು ಮಾರಾಟ ಮಾಡುವ ಕಂಪನಿಯಾಗಿ ಹೊರಹೊಮ್ಮಿತ್ತು. ಬೇರೆ ಉದ್ಯಮಗಳಂತೆ 2020ರಲ್ಲಿ ಆಟೋಮೊಬೈಲ್ ಉದ್ಯಮವು ಸಹ ನಿರಾಶೆಯನ್ನು ಅನುಭವಿಸಿತ್ತು.

ಆದರೆ 2020ರ ಅಂತ್ಯದ ವೇಳೆಗೆ ಮಾರುಕಟ್ಟೆಯಲ್ಲಿ ವಾಹನಗಳಿಗೆ ಬೇಡಿಕೆ ಹೆಚ್ಚಾಗಲು ಆರಂಭವಾಯಿತು. ಇದರಿಂದ ವಾಹನಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾದವು. ಟೊಯೊಟಾ ಕಂಪನಿಯು ಸಹ ತನ್ನ ವ್ಯವಹಾರವನ್ನು ವಿಸ್ತರಿಸಲು ಯಶಸ್ವಿಯಾಯಿತು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಟೊಯೊಟಾ ಕಂಪನಿಯ ಅಂಗಸಂಸ್ಥೆ ಕಂಪನಿಗಳಾದ ಲೆಕ್ಸಸ್, ಹಿನೋ, ರಾಂಜ್ ಹಾಗೂ ಡಯಾಹಟ್ಸು ಸಹ ಜಪಾನ್ ಮೂಲದ ಟೊಯೊಟಾ ಕಂಪನಿಯು ಜಾಗತಿಕ ಮಾರಾಟದಲ್ಲಿ ಅಗ್ರಸ್ಥಾನಕ್ಕೇರಲು ಪ್ರಮುಖ ಪಾತ್ರ ವಹಿಸಿವೆ.

ಆದರೆ ಟೊಯೊಟಾ ಶ್ರೀಮಂತ ಕಾರು ಕಂಪನಿಯಾಗಿಲ್ಲ ಎಂಬುದು ವಿಶೇಷ. ಈ ವರ್ಷದ ಜನವರಿಯಲ್ಲಿ ಎಲೆಕ್ಟ್ರಿಕ್ ಕಾರು ತಯಾರಕ ಕಂಪನಿಯಾದ ಟೆಸ್ಲಾದ ಷೇರುಗಳು ಏರಿಕೆಯಾದ ನಂತರ ಟೆಸ್ಲಾ ವಿಶ್ವದ ಶ್ರೀಮಂತ ಕಂಪನಿಯಾಗಿ ಹೊರಹೊಮ್ಮಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಟೆಸ್ಲಾ ಕಂಪನಿಯ ಕಾರುಗಳು ಚೀನಾ, ಅಮೆರಿಕಾ ಹಾಗೂ ಯೂರೋಪ್ ದೇಶಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿವೆ. ಇದರಿಂದ ಕಂಪನಿಯ ವ್ಯವಹಾರವು ಸಹ ಹೆಚ್ಚಿದೆ. ಟೊಯೊಟಾ ಕಂಪನಿಯು ಸಹ ಬ್ಯಾಟರಿ ಆಧಾರಿತ ಕಾರುಗಳನ್ನು ಅಭಿವೃದ್ಧಿಪಡಿಸುತ್ತಿದೆ.

ಟೊಯೊಟಾ ಕಂಪನಿಯು ಮುಂದಿನ ಎರಡು ವರ್ಷಗಳಲ್ಲಿ ಯುರೋಪ್, ಅಮೆರಿಕಾ ಸೇರಿದಂತೆ ಏಷ್ಯಾ ಖಂಡದ ಹಲವು ದೇಶಗಳಲ್ಲಿ ಎಲೆಕ್ಟ್ರಿಕ್ ಕಾರುಗಳನ್ನು ಬಿಡುಗಡೆಗೊಳಿಸಲು ಮುಂದಾಗಿದೆ. ಕಂಪನಿಯ ಕಾರು ಮಾರಾಟದಲ್ಲಿ ಎಲೆಕ್ಟ್ರಿಕ್ ಹಾಗೂ ಹೈಬ್ರಿಡ್ ಕಾರುಗಳ ಪಾಲು 23%ನಷ್ಟಿದೆ ಎಂದು ಟೊಯೊಟಾ ಕಂಪನಿ ವರದಿ ಮಾಡಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಪ್ರಪಂಚದ ಅನೇಕ ದೇಶಗಳಲ್ಲಿರುವ ಕಟ್ಟುನಿಟ್ಟಿನ ಮಾಲಿನ್ಯ ನಿಯಮಗಳು ಎಲೆಕ್ಟ್ರಿಕ್ ಕಾರುಗಳಿಗೆ ಬೇಡಿಕೆ ಹೆಚ್ಚುವಂತೆ ಮಾಡಿವೆ. ಜಾಗತಿಕ ವಾಹನ ಉದ್ಯಮವು ಎಲೆಕ್ಟ್ರಾನಿಕ್ ಮೈಕ್ರೋಚಿಪ್‌ಗಳ ಕೊರತೆಯನ್ನು ಎದುರಿಸುತ್ತಿದೆ.

ಟೊಯೊಟಾ ಕಂಪನಿಯು ಸಹ ಇದರಿಂದ ಹೊರತಾಗಿಲ್ಲ. ಮೈಕ್ರೋಚಿಪ್ ಕೊರತೆಯಿಂದಾಗಿ ಟೊಯೊಟಾ ಕಂಪನಿಯು ಕಳೆದ ವರ್ಷ ಗುವಾಂಜೊ ಹಾಗೂ ಟೆಕ್ಸಾಸ್‌ ಘಟಕಗಳ ಉತ್ಪಾದನೆಯನ್ನು ಸ್ಥಗಿತಗೊಳಿಸಿತ್ತು. 2021ರ ಅಂತ್ಯದ ವೇಳೆಗೆ ಮೈಕ್ರೋಚಿಪ್ ಪೂರೈಕೆ ಮೊದಲಿನಂತಾಗಬಹುದು ಎಂದು ಹೇಳಲಾಗಿದೆ.