ಇನ್ನೋವಾ ಕ್ರಿಸ್ಟಾ ಎಲೆಕ್ಟ್ರಿಕ್ ವರ್ಷನ್: ಟೊಯೊಟಾದಿಂದ ಆನ್‌-ರೋಡ್ ಟೆಸ್ಟಿಂಗ್ ವೇಳೆ ಕ್ಯಾಮರಾಗೆ ಸೆರೆ

ಪ್ರಪಂಚದಾದ್ಯಂತ ಹೆಚ್ಚುತ್ತಿರುವ ಎಲೆಕ್ಟ್ರಿಕ್ ವಾಹನಗಳ ಬೇಡಿಕೆಯು ಪ್ರತಿಯೊಂದು ಕಾರು ತಯಾರಕರು ತಮ್ಮ ಪೋರ್ಟ್‌ಫೋಲಿಯೊದಲ್ಲಿ ಎಲೆಕ್ಟ್ರಿಕ್ ಕಾರುಗಳನ್ನು ನೀಡುವಂತೆ ಮಾಡಿದೆ. ಇತ್ತೀಚೆಗೆ ಜಪಾನಿನ ಜನಪ್ರಿಯ ವಾಹನ ತಯಾರಕ ಟೊಯೋಟಾ ರಸ್ತೆಗಳಲ್ಲಿ ತನ್ನ ಎಲೆಕ್ಟ್ರಿಕ್ ಕಾರನ್ನು ಪರೀಕ್ಷಿಸುತ್ತಿರುವುದು ಕಂಡುಬಂದಿದೆ. ಟೆಸ್ಟಿಂಗ್ ವೇಳೆ ಕಾಣಿಸಿಕೊಂಡ ವಾಹನವು ಟೊಯೊಟಾದ ಅತ್ಯಂತ ಜನಪ್ರಿಯ ಇನ್ನೋವಾ ಕ್ರಿಸ್ಟಾದ ಇವಿ ಆವೃತ್ತಿಯಾಗಿದೆ.

ಸದ್ಯಕ್ಕೆ ಈ ಎಲೆಕ್ಟ್ರಿಕ್ ವರ್ಷನ್ ಕಾಣಿಸಿಕೊಂಡಿರುವುದು ಭಾರತದಲ್ಲಿ ಅಲ್ಲ. ಇಂಡೋನೇಷ್ಯಾದ ಬೀದಿಗಳಲ್ಲಿ ಸಂಪೂರ್ಣ ಎಲೆಕ್ಟ್ರಿಕ್ ಇನ್ನೋವಾ ಕ್ರಿಸ್ಟಾ ಕಂಡುಬಂದಿದೆ. ಈ ವಾಹನವನ್ನು ನೋಡುತ್ತಿರುವುದು ಇದೇ ಮೊದಲಲ್ಲ ಎಂಬುದು ಗಮನಿಸಬೇಕಾದ ಸಂಗತಿ. ಇದೇ ಎಲೆಕ್ಟ್ರಿಕ್ ಇನ್ನೋವಾ ಕ್ರಿಸ್ಟಾವನ್ನು ಜಪಾನಿನ ಕಾರು ತಯಾರಕರು ಈ ವರ್ಷದ ಆರಂಭದಲ್ಲಿ ಮಾರ್ಚ್‌ನಲ್ಲಿ ಇಂಡೋನೇಷಿಯನ್ ಇಂಟರ್ನ್ಯಾಷನಲ್ ಮೋಟಾರ್ ಶೋನಲ್ಲಿ ಪ್ರದರ್ಶಿಸಿದ್ದರು. ಆ ಸಮಯದಲ್ಲಿ ಟೊಯೊಟಾ ಈ ವಾಹನವನ್ನು ಸಂಶೋಧನಾ ಉದ್ದೇಶಗಳಿಗಾಗಿ ಮಾತ್ರ ಬಳಸಲಾಗುವುದು ಎಂದು ಘೋಷಿಸಿತ್ತು.

ಇಲ್ಲಿಯವರೆಗೆ, ಈ ವಾಹನದ ವಿಶೇಷತೆಗಳ ಕುರಿತು ಯಾವುದೇ ವಿವರಗಳನ್ನು ಬಹಿರಂಗ ಪಡಿಸಿಲ್ಲ. ಟೊಯೊಟಾ ಈ ಪರೀಕ್ಷಾ ಹಂತದ ಕಾರಿನೊಂದಿಗೆ ಬ್ಯಾಟರಿಗಳು ಮತ್ತು ಎಲೆಕ್ಟ್ರಿಕ್ ಮೋಟಾರ್‌ಗಳು ಮತ್ತು ಇತರ ಪ್ರಮುಖ EV ತಂತ್ರಜ್ಞಾನವನ್ನು ಪರೀಕ್ಷಿಸುತ್ತಿರಬಹುದು ಎಂದು ಹೇಳಲಾಗುತ್ತಿದೆ. ಈ ನಿರ್ದಿಷ್ಟ ವಾಹನದ ಡಿಸೈನ್‌ಗೆ ಸಂಬಂಧಿಸಿದಂತೆ ಕೆಲವು ವಿಷಯಗಳನ್ನು ಹೊರತುಪಡಿಸಿ, ಮಿಕ್ಕೆಲ್ಲವೂ ಸ್ಟ್ಯಾಂಡರ್ಡ್ ಇನ್ನೋವಾ ಕ್ರಿಸ್ಟಾದಿಂದ ಬಹುತೇಕ ಎಲ್ಲವನ್ನೂ ಎರವಲು ಪಡೆದಿದೆ ಎಂಬುದು ಗಮನಿಸಬಹುದು.

ಈ ಹೊಸ EV ಇನ್ನೋವಾ ಹೊರಭಾಗದಲ್ಲಿರುವ ಪ್ರಮುಖ ವ್ಯತ್ಯಾಸವೆಂದರೆ ಅದರ ಗಮನಾರ್ಹವಾದ ಖಾಲಿಯಾಗಿ ಕಾಣುತ್ತಿರುವ ಗ್ರಿಲ್ ಮತ್ತು ಮಾರ್ಪಡಿಸಿದ ಬಂಪರ್. ಹೆಚ್ಚುವರಿಯಾಗಿ ಕ್ರಿಸ್ಟಾದ ಅಲಾಯ್ ವೀಲ್ ವಿನ್ಯಾಸವು ಭಿನ್ನವಾಗಿದೆ. ಇದೀಗ ಕಾಣಿಸಿಕೊಂಡ ಇನ್ನೋವಾ EV ಯ ಕ್ಯಾಬಿನ್ ICE ಇನ್ನೋವಾಕ್ಕೆ ಹೋಲುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಜೊತೆಗೆ ಬ್ಯಾಟರಿ ಬಾಳಿಕೆ, ಶ್ರೇಣಿ, ಇತ್ಯಾದಿ ಪ್ರಮುಖ ಡೇಟಾವನ್ನು ತೋರಿಸುವ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಜೊತೆಗೆ ಇನ್ನೋವಾ EV ನಲ್ಲಿ ಹೆಚ್ಚಿನ ವ್ಯತ್ಯಾಸಗಳನ್ನು ಕಾಣುವ ನಿರೀಕ್ಷೆಯಿದೆ.

ಈ ಎಲೆಕ್ಟ್ರಿಕ್ ಟೊಯೊಟಾ ಇನ್ನೋವಾ ರಸ್ತೆಗೆ ಇಳಿಯಲಿದೆಯೇ ಎಂಬುದು ಇನ್ನೂ ನಿಗೂಢವಾಗಿದೆ. ಇಲ್ಲಿಯವರೆಗೆ, ಈ ವಾಹನದ ಬ್ಯಾಟರಿ ಪ್ಯಾಕ್‌ಗಳು, ಎಲೆಕ್ಟ್ರಿಕ್ ಮೋಟರ್‌ಗಳು, ಶ್ರೇಣಿ, ಬೆಲೆ ಅಥವಾ ಬಿಡುಗಡೆ ದಿನಾಂಕದ ಕುರಿತು ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಲ್ಲ. ಪ್ರಸ್ತುತ, ಈ ಎಲೆಕ್ಟ್ರಿಕ್ ಇನ್ನೋವಾದೊಂದಿಗೆ ಜಪಾನಿನ ವಾಹನ ತಯಾರಕರ ಯೋಜನೆಗಳು ಏನಿರಬಹುದು ಎಂಬುದನ್ನು ತಿಳಿಯಲು ಒಂದಷ್ಟು ದಿನಗಳು ಕಾಯಬೇಕಿದೆ. ಸದ್ಯ Toyota Kirloskar Motors ತನ್ನ ವೆಬ್‌ಸೈಟ್‌ನಿಂದ ತನ್ನ ಅತ್ಯುತ್ತಮ-ಮಾರಾಟದ Innova Crysta ಅನ್ನು ತೆಗೆದುಹಾಕಿದೆ.

ಇದು Innova HyCross ಗೆ ದಾರಿ ಮಾಡಿಕೊಡಲು MPV ಅನ್ನು ನಿಲ್ಲಿಸಲಾಗಿರುವ ಊಹಾಪೋಹಗಳನ್ನು ಪ್ರೇರೇಪಿಸಿದೆ. ಪ್ರಸ್ತುತ, ಇದು ನಿಜವೇ ಎಂಬುದನ್ನು ದೃಢೀಕರಿಸಲಾಗಿಲ್ಲ, ಆದರೆ ವಿವಿಧ ತಜ್ಞರು ಮತ್ತು ಮೂಲಗಳಿಂದ ಇದನ್ನು ಊಹಿಸಲಾಗಿದೆ. ಇನ್ನೊಂದೆಡೆ ಇನ್ನೋವಾ ಕ್ರಿಸ್ಟಾ ಶೀಘ್ರದಲ್ಲೇ ಹಿಂತಿರುಗಬಹುದು ಎಂದು ನಂಬಲಾಗಿದ್ದು, ಆದರೆ ಕಡಿಮೆ ಟ್ರಿಮ್‌ಗಳಲ್ಲಿ ಮಾತ್ರ ಬರಲಿದೆ ಎನ್ನಲಾಗಿದೆ. ಟೊಯೊಟಾ ಇನ್ನೋವಾ ಕ್ರಿಸ್ಟಾದ ಕಡಿಮೆ ಟ್ರಿಮ್‌ಗಳನ್ನು ದೇಶದ ಕ್ಯಾಬ್ ಆಪರೇಟರ್ ಮಾರುಕಟ್ಟೆಗೆ ನೀಡಬಹುದು ಎನ್ನಲಾಗಿದೆ.

ಇನ್ನು ಇತ್ತೀಚೆಗೆ ಅನಾವರಣಗೊಂಡಿರುವ ಹೊಸ ಇನ್ನೋವಾ ಹೈಕ್ರಾಸ್ ಅನ್ನು ಫ್ಯಾಮಿಲಿ ವಾಹನವಾಗಿ ಗ್ರಾಹಕರಿಗೆ ಉನ್ನತ ಮಟ್ಟದ ಜನರಲ್ ಮೂವರ್ ಆಗಿ ಮಾರಾಟ ಮಾಡಲಾಗುತ್ತದೆ. ಹೆಚ್ಚುವರಿಯಾಗಿ, ಇನ್ನೋವಾ ಕ್ರಿಸ್ಟಾದ 2.7 ಲೀಟರ್ ನ್ಯಾಚುರಲ್ಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಅನ್ನು ಕೈಬಿಡಲಾಗುವುದು. ಟೊಯೊಟಾದ ಈ ಕ್ರಮವು ಹೊಸ ಇನ್ನೋವಾ ಹೈಕ್ರಾಸ್ ಅನ್ನು ಕ್ರಿಸ್ಟಾದಿಂದ ಎದ್ದು ಕಾಣುವಂತೆ ಮಾಡಲು ಉದ್ದೇಶಿಸಲಾಗಿದೆ. ಮುಂದಿನ ದಿನಗಳಲ್ಲಿ ಈ ಎಲ್ಲಾ ಬೆಲವಣಿಗೆಗಳು ಟೊಯೊಟಾ ಕಾರುಗಳ ಮಾರಾಟವನ್ನು ಹೆಚ್ಚಿಸಲಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.