ವರ್ಷದ ಮೊದಲ ತ್ರೈಮಾಸಿಕದಲ್ಲಿ ದಾಖಲೆಯ ಮಾರಾಟ ಸಾಧಿಸಿದ ಮರ್ಸಿಡಿಸ್-ಬೆಂಝ್

ಕಂಪನಿಯು ಕಳೆದ ವರ್ಷ ಇದೇ ಅವಧಿಯಲ್ಲಿ 4,000 ಯೂನಿಟ್ ವಾಹನಗಳನ್ನು ಮಾರಾಟ ಮಾಡಿತ್ತು, ಇದು ಇದುವರೆಗಿನ ಗರಿಷ್ಠವಾಗಿತ್ತು. ತನ್ನ ಸೆಡಾನ್ ಮತ್ತು SUV ಗಳಿಗೆ ಭಾರತದಲ್ಲಿ ಹೆಚ್ಚಿನ ಬೇಡಿಕೆಯಿದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ. Mercedes-Benz ನ E-Class ಸೆಡಾನ್ ಈ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಕಂಪನಿಯ ಹೆಚ್ಚು ಮಾರಾಟವಾದ ಮಾದರಿಯಾಗಿದೆ.

ಆದರೆ SUV ಮಾದರಿಗಳಲ್ಲಿ GLC ಮತ್ತು GLE ಮಾದರಿಗಳು ಗ್ರಾಹಕರು ಹೆಚ್ಚು ಇಷ್ಟಪಟ್ಟಿರುವ ವಾಹನಗಳಾಗಿವೆ. ಕಂಪನಿಯ ಪ್ರೀಮಿಯಂ ಎಎಂಜಿ ಮತ್ತು ಸೂಪರ್ ಐಷಾರಾಮಿ ಮಾದರಿಗಳ ಬೇಡಿಕೆಯು ಶೇಕಡಾ 35 ರಷ್ಟು ಹೆಚ್ಚಾಗಿದೆ. ಮುಂದಿನ ತ್ರೈಮಾಸಿಕದಲ್ಲಿ (ಏಪ್ರಿಲ್-ಜೂನ್) ಕಂಪನಿಯು ತನ್ನ ಐಷಾರಾಮಿ ಮತ್ತು ಪ್ರೀಮಿಯಂ ಕಾರುಗಳನ್ನು ನೀಡುವುದನ್ನು ಮುಂದುವರಿಸಲಿದೆ ಎಂದು Mercedes-Benz ಇಂಡಿಯಾ ಸಿಇಒ ಮಾರ್ಟಿನ್ ಶ್ವೆಂಕ್ ಹೇಳಿದ್ದಾರೆ.

ಭಾರತೀಯ ಮಾರುಕಟ್ಟೆಯ ಇತಿಹಾಸದಲ್ಲಿ ಅತ್ಯಧಿಕ ಸಂಖ್ಯೆಯ ಮಾರಾಟವನ್ನು ದಾಖಲಿಸಿರುವ ಕಂಪನಿಯು ಈಗ ಹಿಂದೆಂದಿಗಿಂತಲೂ ಹೆಚ್ಚು ಆತ್ಮವಿಶ್ವಾಸದಿಂದ ಕಾರ್ಯನಿರ್ವಹಿಸುತ್ತಿದೆ. ಮುಂದಿನ ತ್ರೈಮಾಸಿಕದಲ್ಲಿ ಮಾರಾಟದ ಅಂಕಿ ಅಂಶವು ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ. Mercedes-Benz ಈ ತಿಂಗಳಿನಿಂದ ತನ್ನ ವಾಹನಗಳ ಬೆಲೆಯಲ್ಲಿ ಹೆಚ್ಚಳವನ್ನು ಘೋಷಿಸಬಹುದು.

ಈ ಐಷಾರಾಮಿ ಕಾರು ತಯಾರಕರು ಈ ಹಿಂದೆ ಏಪ್ರಿಲ್ 2022 ರಿಂದ ತನ್ನ ಕಾರುಗಳ ಬೆಲೆಯನ್ನು ಶೇಕಡಾ 3 ರಷ್ಟು ಹೆಚ್ಚಿಸಬಹುದು ಎಂದು ಹೇಳಿದ್ದರು. ಹೊಸ ವರ್ಷದ ಆರಂಭದಿಂದಲೂ ಕಂಪನಿಯು ತನ್ನ ಕಾರುಗಳ ಬೆಲೆಯನ್ನು ಎರಡನೇ ಬಾರಿಗೆ ಹೆಚ್ಚಿಸಿದೆ ಎಂಬುದು ಗಮನಿಸಬೇಕಾದ ಸಂಗತಿ. Mercedes-Benz ಇಂಡಿಯಾ ಪ್ರಕಾರ, ಬೆಲೆ ಏರಿಕೆಯು 50,000 ರಿಂದ 5 ಲಕ್ಷದವರೆಗೆ ಇರುತ್ತದೆ.

ಮರ್ಸಿಡಿಸ್-ಬೆಂಝ್ ಬೆಲೆ ಏರಿಕೆಗೆ ಇನ್ಪುಟ್ ವೆಚ್ಚದಲ್ಲಿ ನಿರಂತರ ಹೆಚ್ಚಳ ಕಾರಣವಾಗಿದೆ. ಬೆಲೆ ಏರಿಕೆಯು ಗ್ರಾಹಕರ ಮೇಲೆ ಅಲ್ಪ ಪ್ರಮಾಣದ ಪರಿಣಾಮ ಬೀರುತ್ತದೆ ಎಂದು ಕಂಪನಿ ಹೇಳಿದೆ. Mercedes-Benz ತನ್ನ ಪ್ರಮುಖ ಸೆಡಾನ್, ಮರ್ಸಿಡೀಸ್ ಮೇಬ್ಯಾಕ್ ಎಸ್‌-ಕ್ಲಾಸ್ ಲಿಮೋಸಿನ್ (Mercedes Maybach S-Class Limousine) ಅನ್ನು ಭಾರತದಲ್ಲಿ ಮಾರ್ಚ್ 3 ರಂದು ಬಿಡುಗಡೆ ಮಾಡಿತು.

ಹೊಸ ಸ್ಟ್ಯಾಂಡರ್ಡ್ ಎಸ್-ಕ್ಲಾಸ್ ಹೆಚ್ಚು ಲೆಗ್ರೂಮ್, ಹೆಚ್ಚು ಸೌಕರ್ಯಗಳು ಮತ್ತು ಹೆಚ್ಚು ಶಕ್ತಿಶಾಲಿ ಪವರ್ಟ್ರೇನ್ ಅನ್ನು ನೀಡುತ್ತದೆ. ಎಸ್680ಗೆ ಭಾರತದಲ್ಲಿ ಭಾರಿ ಬೇಡಿಕೆಯಿದ್ದು, 2023 ರವರೆಗೆ ಬುಕಿಂಗ್ ಆಗಿದೆ ಎಂದು ಮರ್ಸಿಡೀಸ್ ಬೆನ್ಸ್ ಇಂಡಿಯಾ ದೃಢಪಡಿಸಿದೆ.

ಇದನ್ನು ಭಾರತದಲ್ಲಿ S680 4Matic ಮತ್ತು S580 4Matic ಎರಡು ಟ್ರಿಮ್‌ಗಳಲ್ಲಿ ಪರಿಚಯಿಸಲಾಗಿದೆ, ಇದರ ಬೆಲೆ ಕ್ರಮವಾಗಿ ರೂ.3.2 ಕೋಟಿ ಮತ್ತು ರೂ.2.5 ಕೋಟಿ (ಎಕ್ಸ್-ಶೋರೂಂ) ಇದೆ. ಮೇಬ್ಯಾಕ್ S-ಕ್ಲಾಸ್ ಮರ್ಸಿಡಿಸ್‌ನ ಸಾಮಾನ್ಯ S-ಕ್ಲಾಸ್ ಸೆಡಾನ್‌ಗಿಂತ ಹೆಚ್ಚು ಪ್ರೀಮಿಯಂ ಆಗಿದೆ ಮತ್ತು ಉನ್ನತ ಐಷಾರಾಮಿ ವಿಭಾಗದಲ್ಲಿ ಪರಿಚಯಿಸಲಾಗಿದೆ.

ಮೇಬ್ಯಾಕ್ S-ಕ್ಲಾಸ್ S680 4ಮ್ಯಾಟಿಕ್ ಅನ್ನು CBU ಮಾರ್ಗದ ಮೂಲಕ ಭಾರತಕ್ಕೆ ತರಲಾಗುತ್ತಿದೆ, ಆದರೆ S580 4ಮ್ಯಾಟಿಕ್ ಅನ್ನು ಕಂಪನಿಯು ಅದರ ಚಕನ್ (ಪುಣೆ) ಸ್ಥಾವರದಲ್ಲಿ ಉತ್ಪಾದಿಸುತ್ತಿದೆ. ಕಂಪನಿಯು ಬಿಡುಗಡೆಯ ಮೊದಲೆ ಬುಕಿಂಗ್ ಅನ್ನು ಪ್ರಾರಂಭಿಸಿತ್ತು. 2023 ರವರೆಗಿನ ಎಲ್ಲಾ ಘಟಕಗಳು ಸಂಪೂರ್ಣವಾಗಿ ಮಾರಾಟವಾಗಿವೆ.

ಇನ್ನು ಕಂಪನಿಯು ಹೊಸ ಮರ್ಸಿಡೀಸ್ ಬೆಂಝ್ ಇಕ್ಯೂಎಸ್ ಎಸ್‌ಯುವಿಯನ್ನು 19 ಏಪ್ರಿಲ್ 2022 ರಂದು ಅನಾವರಣಗೊಳಿಸಲಿದೆ. ಕಂಪನಿಯ ಈ ಪ್ರಮುಖ ಎಲೆಕ್ಟ್ರಿಕ್ ಎಸ್‌ಯುವಿಯು ಎಲೆಕ್ಟ್ರಿಕ್ ವಾಹನಗಳಿಗಾಗಿ ವಿನ್ಯಾಸಗೊಳಿಸಲಾದ ಕಂಪನಿಯ ಹೊಸ ಮಾಡ್ಯುಲರ್ ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದ ಮೂರನೇ ಮಾದರಿಯಾಗಿದೆ.

ಈಗಾಗಲೇ ಎಲೆಕ್ಟ್ರಿಕ್ ವಿಭಾಗದಲ್ಲಿ ಕ್ಲಿಕ್ ಆಗಿರುವ ಬೆಂಝ್ ಕಂಪನಿಯು, ತನ್ನ ಹಿಂದಿನ ಮಾದರಿಯಾದ ಇಕ್ಯುಎಸ್‌ ವಿನ್ಯಾಸದೊಂದಿಗೆ ಸೆಡಾನ್‌ನ ಯುಟಿಲಿಟಿ ಆವೃತ್ತಿಯಾಗಿದೆ, ದೊಡ್ಡ ಕ್ಯಾಬಿನ್ ಮತ್ತು ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಅನ್ನು ಪಡೆದುಕೊಂಡಿದೆ. ಮರ್ಸಿಡಿಸ್ EQS SUV ಅನ್ನು ಕಂಪನಿಯ EVA2 ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ.

ಮುಂಬರುವ EQS SUV ಹೊಂದಾಣಿಕೆಯ ಎರಡನೇ ಸಾಲನ್ನು ಒಳಗೊಂಡಿದೆ. ಇದಲ್ಲದೇ ಮೂರನೇ ಸಾಲಿನ ಆಸನವನ್ನು ಆಯ್ಕೆಯಾಗಿ ನೀಡಲಾಗುವುದು. ಈ ಎಸ್‌ಯುವಿಯಲ್ಲಿ ಸೆಡಾನ್‌ನ ತಂತ್ರಜ್ಞಾನವನ್ನೂ ಅಳವಡಿಸಲಾಗಿದೆ. ಇದು 56-ಇಂಚಿನ MBUX ಹೈಪರ್‌ಸ್ಕ್ರೀನ್ ಅನ್ನು ಹೊಂದಿದೆ, ಇದು ಸಂಪೂರ್ಣ ಡ್ಯಾಶ್‌ಬೋರ್ಡ್ ಅನ್ನು ಒಂದೇ ಪರದೆಯಂತೆ ಆವರಿಸುತ್ತದೆ.

ಎಂದಿನಂತೆ ಮರ್ಸಿಡಿಸ್-ಬೆಂಝ್ ಕ್ಯಾಬಿನ್ ಒಳಗೆ ಸಾಕಷ್ಟು ಲೆದರ್ ಮತ್ತು ವುಡ್‌ ಅನ್ನು ಬಳಸಿದೆ, ಇದು ಒಳಗೆ ಐಷಾರಾಮಿ ಅನುಭವವನ್ನು ನೀಡುತ್ತದೆ. ಇದರೊಂದಿಗೆ, ಕಂಪನಿಯು ಈ ಕಾರಿನೊಳಗೆ ಏಳು ವಿಭಿನ್ನ ಬಣ್ಣಗಳ ಆಂಬಿಯೆಂಟ್ ಲೈಟಿಂಗ್ ಅನ್ನು ಒದಗಿಸಿದೆ. ಹಿಂಭಾಗದ ಆಸನದ ಮನರಂಜನೆಯ ಪ್ಯಾಕೇಜ್ ಆಯ್ಕೆಯನ್ನು ಸಹ ನೀಡಿದೆ.