ಆಕರ್ಷಕ ವಿನ್ಯಾಸದಲ್ಲಿ ಅನಾವರಣಗೊಂಡ ಹೊಸ ಲ್ಯಾಂಬೊರ್ಗಿನಿ ಉರುಸ್ ಎಸ್

ಲ್ಯಾಂಬೊರ್ಗಿನಿ ಉರಸ್ ಎಸ್ ಅದೇ 3,996ಸಿಸಿ, ಟ್ವಿನ್-ಟರ್ಬೊ 90-ಡಿಗ್ರಿ ವಿ8 ಎಂಜಿನ್ ಅನ್ನು ಮುಂದುವರೆಸಿದೆ, ಈ ಎಂಜಿನ್ 657 ಬಿಹೆಚ್‍ಪಿ ಪವರ್ ಮತ್ತು 850 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಮೂಲಕ ಎಲ್ಲಾ ನಾಲ್ಕು ಚಕ್ರಗಳಿಗೆ ಪವರ್ ಅನ್ನು ಕಳುಹಿಸಲಾಗುತ್ತದೆ. ಇದೇ ಎಂಜಿನ್ ಅನ್ನು ಲ್ಯಾಂಬೊರ್ಗಿನಿ ಉರುಸ್ ಪರ್ಫಾರ್ಮಂಟೆ ಮಾದರಿಯಲ್ಲಿ ನೀಡಲಾಗಿದೆ.

ಉರುಸ್ ಎಸ್ ಮತ್ತು ಅದರ ಪರ್ಫಾರ್ಮೆಂಟೆ ಒಡಹುಟ್ಟಿದವರು ಒಂದೇ ಎಂಜಿನ್ ಅನ್ನು ಹಂಚಿಕೊಂಡರೆ, ಉರುಸ್ಎಸ್‌ಯುವಿಯ ಹೊಸ ಎಸ್ ಮಾದರಿಯು ಅದರ ಹಗುರವಾದ ಒಡಹುಟ್ಟಿದವರಿಗಿಂತ 47 ಕಿಲೋಗಳಷ್ಟು ಹೆಚ್ಚು ತೂಕವನ್ನು ಹೊಂದಿದೆ. ಇದು ಒಟ್ಟೂ 2,197 ಕೆಜಿ ತೂಕವನ್ನು (ಕೆರ್ಬ್ ತೂಕ) ಹೊಂದಿದೆ.

ಲ್ಯಾಂಬೊರ್ಗಿನಿ ಉರಸ್ ಎಸ್ ಮಾದರಿಯು 12.5 ಸೆಕೆಂಡುಗಳಲ್ಲಿ 0-200 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಈ ಹೊಸ ಮಾದರಿಯು 305 ಕಿ.ಮೀ ಟಾಪ್ ಸ್ಪೀಡ್ ಅನ್ನು ಹೊಂದಿದೆ. ಹೊಸ ಉರುಸ್ ಎಸ್ ಅದರ ಪರ್ಫಾರ್ಮೆಂಟೆ ಸಿಬ್ಲಿಂಗ್‌ಗಿಂತ ಸ್ವಲ್ಪ ಚಿಕ್ಕದಾಗಿದೆ. ಹೊಸ ಉರುಸ್ 5,112 ಎಂಎಂ ಉದ್ದ, 2,018 ಎಂಎಂ ಅಗಲ ಮತ್ತು 1,638 ಎಂಎಂ ಎತ್ತರವಿದೆ. ಇನ್ನು ಈ ಹೊಸ ಉರಸ್ ಎಸ್ ವೆರಿಯೆಂಟ್ ವ್ಹೀಲ್ ಬೇಸ್ 3,003 ಎಂಎಂ ಉದ್ದವಾಗಿದೆ.

ಲ್ಯಾಂಬೊರ್ಗಿನಿ ಉರಸ್ ಎಸ್ ತನ್ನ ವಿನ್ಯಾಸದ ಸೂಚನೆಗಳಿಗಾಗಿ ಪರ್ಫಾರ್ಮೆಂಟೆ ಮಾದರಿಯಿಂದ ಸ್ಫೂರ್ತಿ ಪಡೆಯುತ್ತದೆ. ಅದರ ಹಗುರವಾದ ಒಡಹುಟ್ಟಿದವರಂತೆ, ಹೊಸ ಉರುಸ್ ಎಸ್ ಹೊಸ ಮುಂಭಾಗದ ಬಂಪರ್ ಅನ್ನು ಹೊಂದಿದೆ, ಇದು ಹೊಸ ಎಂಟ್ರಿ ಲೆವೆಲ್ ಉರುಸ್‌ನಲ್ಲಿ ಸ್ವಲ್ಪ ಹೆಚ್ಚು ಕೋನೀಯವಾಗಿದೆ.

ಈ ಹೊಸ ಉರಸ್ ಎಸ್ ಹೊಸ ಬಾನೆಟ್ ಅನ್ನು ಸಹ ಪಡೆಯುತ್ತದೆ, ಆದರೂ ಇದು ಪರ್ಫಾರ್ಮೆಂಟೆಯಿಂದ ಹಗುರವಾದ ಕಾರ್ಬನ್-ಫೈಬರ್ ಹೊಂದಿಲ್ಲ. ಉರುಸ್ ಎಸ್ ಮಾಲೀಕರು ಕಾರ್ಬನ್ ಫೈಬರ್ ರೂಫ್ ಅನ್ನು ಆಯ್ಕೆ ಮಾಡಬಹುದು.

ಪರ್ಫಾರ್ಮೆಂಟೆ ಮಾದರಿಯಲ್ಲಿ ಕಂಡುಬರುವ ಇಂಟಿಗ್ರೇಟೆಡ್ ರೂಫ್ ಸ್ಪಾಯ್ಲರ್ ಅಂಶವು ದೊಡ್ಡ ಮುಂಭಾಗದ ಸ್ಪ್ಲಿಟರ್ ಜೊತೆಗೆ ಕಟ್ ಮಾಡಿಲ್ಲ. ಉರುಸ್ ಎಸ್ 21-ಇಂಚಿನ ಅಲಾಯ್ ವ್ಹೀಲ್ ಗಳನ್ನು ಸ್ಟ್ಯಾಂಡರ್ಡ್ ಆಗಿ ಪಡೆದುಕೊಂಡಿದೆ. ಇನ್ನು ಗ್ರಾಹಕರು 22 ಮತ್ತು 23-ಇಂಚಿನ ಅಲಾಯ್ ವ್ಹೀಲ್ ಗಳನ್ನು ಕೂಡ ಆಯ್ಕೆ ಮಾಡಬಹುದು. ಅವುಗಳಲ್ಲಿ ಕೆಲವು ಹೊಸ ವಿನ್ಯಾಸಗಳನ್ನು ಹೊಂದಿವೆ.

ಲ್ಯಾಂಬೊರ್ಗಿನಿ ಉರಸ್ ಎಸ್ ಮಾದರಿಯ ಒಳಾಂಗಣವು ಐಷಾರಾಮಿ ಮೇಲೆ ಹೆಚ್ಚು ಗಮನಹರಿಸುತ್ತದೆ ಮತ್ತು ಲ್ಯಾಂಬೊರ್ಗಿನಿ ಎಸ್‍ಯುವಿಯ ಪರ್ಫಾರ್ಮೆಂಟೆಗೆ ಹೋಲಿಸಿದರೆ ಸಂಪೂರ್ಣ ಹೆಚ್ಚಿನ ಆಂತರಿಕ ಕಸ್ಟಮೈಸ್ ಆಯ್ಕೆಗಳನ್ನು ಹೊಂದಿದೆ.

ಇನ್ನು ಇಟಾಲಿಯನ್ ಸೂಪರ್‌ಕಾರ್ ತಯಾರಕ ಕಂಪನಿಯಾದ ಲ್ಯಾಂಬೊರ್ಗಿನಿ ಮಾಂಟೆರಿ ಕಾರ್ ವೀಕ್‌ನಲ್ಲಿ ಉರುಸ್ ಪರ್ಫಾರ್ಮೆಂಟೆ ಎಸ್‌ಯುವಿಯನ್ನು ಇತ್ತೀಚೆಗೆ ಪರಿಚಯಿಸಿತು. ಈ ಹೊಸ ಲ್ಯಾಂಬೊರ್ಗಿನಿ ಉರುಸ್ ಪರ್ಫಾರ್ಮಂಟೆ ಹೆಚ್ಚುವರಿ 16 ಬಿಹೆಚ್‍ಪಿ ಪವರ್ ಹೆಚ್ಚು ಉತ್ಪಾದಿಸುತ್ತದೆ. ಈ ಲ್ಯಾಂಬೊರ್ಗಿನಿ ಉರುಸ್ ಪರ್ಫಾರ್ಮಂಟೆ ಎಸ್‍ಯುವಿಯು ಕೇವಲ 3.3 ಸೆಕೆಂಡ್‌ಗಳಲ್ಲಿ 0-100 ಕಿ.ಮೀ ವೇಗವನ್ನು ಪದೆದುಕೊಳ್ಳುತ್ತದೆ. ಇದು ಸ್ಟ್ಯಾಂಡರ್ಡ್ ಕಾರ್‌ಗಿಂತ 0.3 ಸೆಕೆಂಡುಗಳಷ್ಟು ವೇಗವಾಗಿರುತ್ತದೆ. ಇನ್ನು 11.5 ಸೆಕೆಂಡುಗಳಲ್ಲಿ 0-200 ಕಿ.ಮೀ ವೇಗವನು ಪಡೆದುಕೊಳೂತ್ತದೆ. ಈ ಹೊಸ ಉರುಸ್ ಪರ್ಫಾರ್ಮಂಟೆ ಮಾದರಿಯ ಟಾಪ್ ಸ್ಪೀಡ್ 306 ಕಿ.ಮೀ ಆಗಿದೆ.

ಸ್ಟ್ಯಾಂಡರ್ಡ್ ಉರುಸ್‌ನಲ್ಲಿ ಕಂಡುಬರುವ ನಿಯಮಿತ ಡ್ರೈವಿಂಗ್ ಮೋಡ್‌ಗಳ ಜೊತೆಗೆ, ಹೊಸ ಪರ್ಫಾರ್ಮೆಂಟೆ ಮಾದರಿಯು ಹೊಸ ರ್ಯಾಲಿ ಮೋಡ್ ಅನ್ನು ಪಡೆಯುತ್ತದೆ, ಇದು ಎಸ್‍ಯುವಿಯ ಮೋಜಿನ-ಡ್ರೈವ್ ಸ್ಪೋರ್ಟಿನೆಸ್ ಅನ್ನು ಡರ್ಟ್ ಟ್ರ್ಯಾಕ್‌ಗಳಲ್ಲಿ ರೋಮಾಂಚಕ ಹೊಸ ಮಟ್ಟಕ್ಕೆ ಕೊಂಡೊಯ್ಯುತ್ತದೆ. ಸ್ಟೀಲ್ ಸ್ಪ್ರಿಂಗ್ ಸಸ್ಪೆನ್ಶನ್ ಸೆಟಪ್‌ಗಾಗಿ ಆಂಟಿ-ರೋಲ್ ಮತ್ತು ಡ್ಯಾಂಪಿಂಗ್ ಸಿಸ್ಟಮ್‌ಗಳನ್ನು ಉತ್ತಮಗೊಳಿಸುವ ಮೂಲಕ ಹೊಸ ಮೋಡ್ ಉರಸ್ ಪರ್ಫಾರ್ಮೆಂಟೆಯ ಓವರ್‌ಸ್ಟಿಯರ್ ಗುಣಲಕ್ಷಣಗಳನ್ನು ವರ್ಧಿಸುತ್ತದೆ ಎಂದು ಲ್ಯಾಂಬೊರ್ಗಿನಿ ಹೇಳಿಕೊಂಡಿದೆ.

ಇನ್ನು ಇಟಲಿಯ ಐಷಾರಾಮಿ ಕಾರು ತಯಾರಕ ಕಂಪನಿಯಾದ ಲ್ಯಾಂಬೊರ್ಗಿನಿ ತನ್ನ ಸೂಪರ್-ಫಾಸ್ಟ್ ಉರುಸ್ ಎಸ್‌ಯುವಿಯ 200ನೇ ಯುನಿಟ್ ಅನ್ನು ಭಾರತದಲ್ಲಿ ವಿತರಿಸಿದೆ, ಈ ಮೂಲಕ ಲ್ಯಾಂಬೊರ್ಗಿನಿ ಉರುಸ್ ಎಸ್‍ಯುವಿಯು ಮಾರಾಟದ ಹೊಸ ಮೈಲಿಗಲ್ಲು ಸಾಧಿಸಿದೆ. ಉರುಸ್ ಪ್ರಸ್ತುತ ಭಾರತದಲ್ಲಿ ಅತ್ಯಂತ ಕೈಗೆಟುಕುವ ಲ್ಯಾಂಬೊರ್ಗಿನಿ ಮಾದರಿ. ಉರುಸ್ ಅನ್ನು ಜನವರಿ 2018 ರಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು ಮೊದಲ ಕಾರನ್ನು ಅದೇ ವರ್ಷ ಸೆಪ್ಟೆಂಬರ್‌ನಲ್ಲಿ ವಿತರಿಸಲಾಯಿತು. ಒಂದು ವರ್ಷದೊಳಗೆ, ಕಂಪನಿಯು ಭಾರತದಲ್ಲಿ 50 ಯೂನಿಟ್ ಕಾರನ್ನು ಮಾರಾಟ ಮಾಡಲು ಯಶಸ್ವಿಯಾಗಿದೆ.

ಲ್ಯಾಂಬೊರ್ಗಿನಿ ಉರಸ್ ಲ್ಯಾಂಬೊರ್ಗಿನಿಯ ಹೆಚ್ಚು ಜನಪ್ರಿಯವಾದ ಎಸ್‍ಯುವಿಯಾಗಿದೆ. ಈ ಎಸ್‍ಯುವಿಯು ಐಷಾರಾಮಿ ಮತ್ತು ಹೆಚ್ಚು ಪರ್ಫಾಮೆನ್ಸ್ ಗಾಗಿ ಹೆಚ್ಚು ಜನಪ್ರಿಯತೆಯನ್ನು ಗಳಿಸಿದೆ. ಭಾರತದಲ್ಲಿ ಲ್ಯಾಂಬೊರ್ಗಿನಿ ಕಂಪನಿಗೆ ಉರಸ್ ಮಾದರಿಯು ಮಾರಾಟದಲ್ಲಿ ಹೆಚ್ಚಿನ ಕೊಡುಗೆಯನ್ನು ನೀಡುತ್ತಿದೆ.