ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಭಾರತದಲ್ಲಿ ಮಾರುತಿ ಸುಜುಕಿ, ಹ್ಯುಂಡೈ ಕಾರುಗಳೊಂದಿಗೆ ಸ್ಪರ್ಧಿಸುವ ದೇಶದ ಪ್ರಮುಖ ವಾಹನ ತಯಾರಕರಲ್ಲಿ ಟಾಟಾ ಮೋಟಾರ್ಸ್ ಒಂದಾಗಿದೆ. ಟಾಟಾ ಮೋಟಾರ್ಸ್ ಇತ್ತೀಚೆಗೆ 2022ರ ಅಕ್ಟೋಬರ್ ತಿಂಗಳ ವಾಹನ ಮಾರಾಟದ ಅಂಕಿಅಂಶಗಳನ್ನು ಬಿಡುಗಡೆ ಮಾಡಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

2022ರ ಅಕ್ಟೋಬರ್ ತಿಂಗಳಿನಲ್ಲಿ ಟಾಟಾ ಕಂಪನಿಯು ಒಟ್ಟು 45,423 ಯುನಿಟ್‌ಗಳನ್ನು (ಎಲೆಕ್ಟ್ರಿಕ್ ಕಾರುಗಳನ್ನು ಒಳಗೊಂಡಂತೆ) ಮಾರಾಟ ಮಾಡಲು ಯಶಸ್ವಿಯಾಗಿದೆ. ಕಳೆದ ವರ್ಷ ಇದೇ ತಿಂಗಳಲ್ಲಿ ಟಾಟಾ ಮೋಟಾರ್ಸ್ ಕಂಪನಿಯು 34,155 ಯುನಿಟ್‌ಗಳನ್ನು ಮಾರಾಟ ಮಾಡಲಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.33 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಇನ್ನು ಈ ವರ್ಷದ ಸೆಪ್ಟೆಂಬರ್‌ ತಿಂಗಳಿನಲ್ಲಿ ಟಾಟಾ ಮೋಟಾರ್ಸ್ ಕಂಪನಿಯು 47,000 ಯುನಿಟ್‌ಗಳನ್ನು ಮಾರಾಟ ಮಾಡಲಾಗಿತ್ತು. ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.5 ರಷ್ಟು ಕುಸಿತವನ್ನು ಕಂಡಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಟಾಟಾ ಮೋಟಾರ್ಸ್ ಕಂಪನಿಯ ಪುಣೆ ಮೂಲದ ಸ್ಥಾವರವನ್ನು ತಡೆಗಟ್ಟುವ ನಿರ್ವಹಣೆ ಮತ್ತು ಡಿಬಾಟ್‌ನೆಕ್ಕಿಂಗ್ ಕ್ರಮಗಳಿಗಾಗಿ ಸ್ಥಗಿತಗೊಳಿಸಲು ಯೋಜಿಸಲಾಗಿತ್ತು, ಇದು ಕಳೆದ ತಿಂಗಳು ಕಾರು ಉತ್ಪಾದನೆಯಲ್ಲಿ ಇಳಿಕೆಗೆ ಕಾರಣವಾಗಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಆಸಕ್ತಿದಾಯಕ ಸಂಗತಿಯೆಂದರೆ ಟಾಟಾ ಮೋಟಾರ್ಸ್ ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಎಲೆಕ್ಟ್ರಿಕ್ ವಾಹನ ವಿಭಾಗದಲ್ಲಿ ಶೇ.158 ನಷ್ಟು ಬೃಹತ್ ಬೆಳವಣಿಗೆಯನ್ನು ದಾಖಲಿಸಿದೆ. ಪ್ರಸ್ತುತ, ಕಂಪನಿಯ ಇವಿ ಉತ್ಪನ್ನ ಶ್ರೇಣಿಯು ಮೂರು ಮಾದರಿಗಳನ್ನು ಒಳಗೊಂಡಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಹೊಸದಾಗಿ ಪ್ರಾರಂಭಿಸಲಾದ Tiago EV, Tigor EV ಮತ್ತು Nexon EV. ಅಕ್ಟೋಬರ್ 2022 ರಲ್ಲಿ, ದೇಶೀಯ ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಟಾಟಾದ ಮಾರಾಟವು 2021 ರಲ್ಲಿ ಅದೇ ತಿಂಗಳ 67,829 ಯುನಿಟ್‌ಗಳ ವಿರುದ್ಧ 78,335 ಯುನಿಟ್‌ಗಳಷ್ಟಿತ್ತು. ಇದು ವರ್ಷದಿಂದ ವರ್ಷಕ್ಕೆ ಶೇ.17 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಟಾಟಾ ಮೋಟಾರ್ಸ್‌ನ MH&ICV (ಟ್ರಕ್‌ಗಳು ಮತ್ತು ಬಸ್‌ಗಳು ಸೇರಿದಂತೆ) 13,251 ಯೂನಿಟ್‌ಗಳಾಗಿದ್ದು, ಅಕ್ಟೋಬರ್ 2021 ರಲ್ಲಿ 11,612 ಯುನಿಟ್‌ಗಳಷ್ಟಿತ್ತು. MH & ICV ದೇಶೀಯ ಮತ್ತು ಅಂತರಾಷ್ಟ್ರೀಯ ವ್ಯಾಪಾರಕ್ಕಾಗಿ ಅದರ ಒಟ್ಟು ಮಾರಾಟವು ಕಳೆದ ವರ್ಷದ 12,723 ಯುನಿಟ್‌ಗಳಿಗೆ ವಿರುದ್ಧವಾಗಿ 13,940 ಯುನಿಟ್‌ಗಳಷ್ಟಿತ್ತು.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

2023ರ ಆರಂಭದಿಂದ ಹೊರತರಲು ಪ್ರಾರಂಭವಾಗುವ ವಿವಿಧ ವಿಭಾಗಗಳಲ್ಲಿ ಬಹು ಹೊಸ ಮಾದರಿಗಳನ್ನು ಯೋಜಿಸಿದ್ದಾರೆ. ವರದಿಗಳು ಟಾಟಾ ಹ್ಯಾರಿಯರ್ ಫೇಸ್‌ಲಿಫ್ಟ್ ಮುಂದಿನ ವರ್ಷದ ಆರಂಭದಲ್ಲಿ ರಸ್ತೆಗಿಳಿಯಲಿದೆ ಮತ್ತು ನವೀಕರಿಸಿದ ಸಫಾರಿ 2023 ರ ಮಧ್ಯಭಾಗದಲ್ಲಿ ಆಗಮಿಸಲಿದೆ ಎಂದು ಸೂಚಿಸುತ್ತವೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಟಾಟಾ ಅಲ್ಟ್ರೋಜ್ ಇವಿ ಮತ್ತು ಪಂಚ್ ಇವಿ ಯೊಂದಿಗೆ ಅದರ ಇವಿ ಮಾದರಿಯ ಶ್ರೇಣಿಯು ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿದೆ. ಮೇಲೆ ತಿಳಿಸಲಾದ ಎಲ್ಲಾ ಮಾದರಿಗಳು ಜನವರಿ, 2023 ರಲ್ಲಿ ದೆಹಲಿ ಆಟೋ ಎಕ್ಸ್‌ಪೋದಲ್ಲಿ ಪಾದಾರ್ಪಣೆ ಮಾಡುವ ಸಾಧ್ಯತೆಯಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಇನ್ನು ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಗಗನಕ್ಕೆರಿದೆ. ಏರುತ್ತಿರುವ ಇಂಧನ ಬೆಲೆಗಳಿಂದ ಪಾರಾಗಲು ಜನರು ಪರ್ಯಾಯ ಆಯ್ಕೆಗಳನ್ನು ಹುಡುಕಲಾರಂಭಿಸಿದ್ದಾರೆ. ಇದರಿಂದ ಜನರು ಈಗ ನಿಧಾನವಾಗಿ ಎಲೆಕ್ಟ್ರಿಕ್ ಕಾರುಗಳ ಕಡೆ ಮುಖ ಮಾಡುತ್ತಿದ್ದಾರೆ. ಭಾರತೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಕಾರುಗಳಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯನ್ನು ಪಡೆದುಕೊಳ್ಳುತ್ತಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಈ ವೇಳೆ ಟಾಟಾ ಕಂಪನಿಯು ಎಲೆಕ್ಟ್ರಿಕ್ ಕಾರುಗಳ ವಿಭಾಗದಲ್ಲಿ ಪಾರುಪತ್ಯ ಮುಂದುವರೆಸಲು ಪ್ರಯತ್ನಿಸುತ್ತಿದೆ. ಸದ್ಯ ಭಾರತದಲ್ಲಿ ಎಲೆಕ್ಟ್ರಿಕ್ ಕಾರುಗಳ ವಿಭಾಗದಲ್ಲಿ ಟಾಟಾ ಮೇಲುಗೈಯನ್ನು ಸಾಧಿಸಿದೆ. ಇತ್ತೀಚೆಗೆ ಸ್ವದೇಶಿ ಕಾರು ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ ಕಂಪನಿಯು ತನ್ನ ಹೊಸ ಟಿಯಾಗೋ ಎಲೆಕ್ಟ್ರಿಕ್ ಕಾರನ್ನು ಕೂಡ ಬಿಡುಗಡೆಗೊಳಿಸಿತು.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಪೆಟ್ರೋಲ್, ಡೀಸೆಲ್ ಕಾರುಗಳಿಗೆ ಹೋಲಿಸಿದರೆ ಎಲೆಕ್ಟ್ರಿಕ್ ಕಾರುಗಳು ದುಬಾರಿಯಾಗಿವೆ. ಇದಕ್ಕೆ ಪ್ರಮುಖ ಕಾರಣ ಎಲೆಕ್ಟ್ರಿಕ್ ಕಾರುಗಳಲ್ಲಿ ಬಳಸುವ ಬ್ಯಾಟರಿ ಮತ್ತು ಮೋಟಾರ್‌ಗಳಾಗಿವೆ. ಕಾರಿನ ಶೇ 70-80 ರಷ್ಟು ಬೆಲೆ ಈ ಎರಡೂ ಪ್ರಮುಖ ಭಾಗಗಳಿಗೆ ಇಡಬೇಕಾಗುತ್ತದೆ. ಆದರೆ ಇವುಗಳ ನಿಖರ ಬೆಲೆ ಮಾತ್ರ ಗ್ರಾಹಕರಿಗೆ ತಿಳಿದಿಲ್ಲ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಪ್ರಸ್ತುತ ಎಲೆಕ್ಟ್ರಿಕ್ ಕಾರು ಮಾರಾಟದಲ್ಲಿ ಅಗ್ರ ಸ್ಥಾನದಲ್ಲಿರುವ ಟಾಟಾ ಮೋಟಾರ್ಸ್‌ಗೆ ನೆಕ್ಸಾನ್ ಇವಿ ಮಾದರಿ ಆಧಾರ ಸ್ಥಂಭವಾಗಿದೆ. ಈ ಮಾದರಿಯು ಪ್ರತಿ ತಿಂಗಳು ದಾಖಲೆ ಮಟ್ಟದ ಮಾರಾಟವನ್ನು ದಾಖಲಿಸಿ ಟಾಟಾವನ್ನು ಟಾಪ್‌ನಲ್ಲಿ ನಿಲ್ಲಿಸಿದೆ. ಆದರೆ ಈ ಮಾದರಿಯ ಬ್ಯಾಟರಿ ಹಾಗೂ ಮೋಟಾರ್ ಬೆಲೆ ಇದೀಗ ಬಹಿರಂಗವಾಗಿದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಇತ್ತೀಚೆಗೆ ನೆಕ್ಸಾನ್ ಇವಿ ಬಳಕೆದಾರರೊಬ್ಬರು ಸಾಮಾಜಿಕ ಮಾಧ್ಯಮದಲ್ಲಿ ಬ್ಯಾಟರಿ ಬೆಲೆ ರೂ. 7 ಲಕ್ಷವೆಂದು ಮಾಹಿತಿ ಹಂಚಿಕೊಂಡಿದ್ದರು. ಇದೀಗ ಮತ್ತೊಬ್ಬ ನೆಕ್ಸಾನ್ ಇವಿ ಮಾಲೀಕರು ಎಲೆಕ್ಟ್ರಿಕ್ ಮೋಟರ್‌ನ ಬೆಲೆಯನ್ನು ಹಂಚಿಕೊಂಡಿದ್ದಾರೆ. ಇವರು ನೀಡಿರುವ ಮಾಹಿತಿಯಂತೆ ಈ ಎಲೆಕ್ಟ್ರಿಕ್ ಮೋಟಾರ್ ಬೆಲೆಯು ರೂ. 4,47,489 ಇದೆ.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

"ಟ್ರಾಕ್ಷನ್ ಮೋಟಾರ್ ಅಸೆಂಬ್ಲಿ" MRP ಆಗಿದೆ. ಇವು ಅತ್ಯಂತ ದುಬಾರಿ ಭಾಗಗಳು ಎಂಬುದರಲ್ಲಿ ಸಂದೇಹವಿಲ್ಲ. ಆದರೆ ಟಾಟಾ ವಾರಂಟಿ ನೀಡುವುದರಿಂದ ಯಾವುದೇ ಭಯಪಡುವ ಅಗತ್ಯವೂ ಇಲ್ಲ. ಟಾಟಾ ನೆಕ್ಸಾನ್ ಬ್ಯಾಟರಿಯ ಮೇಲೆ 8 ವರ್ಷ ಅಥವಾ 1.6 ಲಕ್ಷ ಕಿ.ಮೀ ವಾರಂಟಿ ನೀಡಲಾಗುತ್ತದೆ. ಈ ಅವಧಿಯಲ್ಲಿ ಬ್ಯಾಟರಿ ಅಸಮರ್ಪಕವಾಗಿ ಕಾರ್ಯನಿರ್ವಹಿಸಿದರೆ ನೀವು ಹೊಸ ಬ್ಯಾಟರಿಯನ್ನು ಉಚಿತವಾಗಿ ಪಡೆಯಬಹುದು.

ವಿದೇಶಿ ಕಾರುಗಳ ಅಬ್ಬರದ ನಡುವೆ ದಾಖಲೆ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ ಟಾಟಾ ಮೋಟಾರ್ಸ್

ಈ ಹಿಂದೆ ನಮ್ಮ ರಾಜ್ಯದ ನೆಕ್ಸಾನ್ ಇವಿ ಮಾಲೀಕರೊಬ್ಬರು ಎರಡು ವರ್ಷಗಳಲ್ಲಿ 68,000 ಕಿ.ಮೀ. ಕ್ರಮಿಸಿದ್ದರು. ಆಗಲೇ ಬ್ಯಾಟರಿಯಲ್ಲಿ ಸಮಸ್ಯೆ ಕಾಣಿಸಿಕೊಂಡಿತ್ತು. ಗಮನಾರ್ಹವಾಗಿ ಬ್ಯಾಟರಿ ಚಾರ್ಜ್ ಸ್ಥಿತಿಯು ಶೇ 15% ಕ್ಕಿಂತ ಕಡಿಮೆಯಾದಾಗ ಕಾರು ನಿಲ್ಲುತ್ತಿತ್ತು. ಈ ಕಾರಿನಲ್ಲಿದ್ದ ಬ್ಯಾಟರಿಯು ವಾರಂಟಿಯಲ್ಲಿದ್ದ ಕಾರಣ, ಟಾಟಾ ಮೋಟಾರ್ಸ್ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಹಳೆಯ ಬ್ಯಾಟರಿಯನ್ನು ಹಿಂಪಡೆದು ಹೊಸ ಬ್ಯಾಟರಿಯನ್ನು ಬದಲಾಯಿಸಿತ್ತು.

Most Read Articles

Kannada
English summary
Over 45400 tata motor cars sold in october 2022 details
Story first published: Friday, November 4, 2022, 11:18 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X