Just In
- 10 hrs ago ಮಾರುಕಟ್ಟೆಯಲ್ಲಿ ಸುನಾಮಿ ಎಬ್ಬಿಸಲು ಹೊಸ ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ಅನಾವರಣ
- 13 hrs ago Air Taxi: ಬೆಂಗಳೂರು ಸೇರಿ ಈ ನಗರಗಳಲ್ಲಿ ಏರ್ ಟ್ಯಾಕ್ಸಿ.. ಆಕಾಶದಲ್ಲೇ ಆಫೀಸ್ಗೆ ಹೋಗಬಹುದು, ಕಡಿಮೆ ಖರ್ಚು!
- 13 hrs ago ಐಷಾರಾಮಿ ಸ್ಪೋರ್ಟ್ಸ್ ಕಾರಿನಂತೆ ಮಾರ್ಪಾಡಾದ ಬಡವರ ಮಾರುತಿ ಆಲ್ಟೋ ಕಾರಿಗೆ ನೆಟ್ಟಿಗರು ಫಿದಾ
- 13 hrs ago ಈ ಕಾರಿನ ವಿಡಿಯೋ ಬಿಡುಗಡೆ ಮಾಡಿದ ಟೊಯೋಟಾ: ಫ್ರಾಂಕ್ಸ್ ಅಭಿಮಾನಿಗಳಲ್ಲಿ ಮನೆಮಾಡಿದ ಆತಂಕ!
Don't Miss!
- Sports RR vs MI IPL 2024: ಯಶಸ್ವಿ ಜೈಸ್ವಾಲ್ ಭರ್ಜರಿ ಶತಕ; ರಾಜಸ್ಥಾನ್ ವಿರುದ್ಧ ಮುಂಬೈ ಇಂಡಿಯನ್ಸ್ಗೆ ಮುಖಭಂಗ
- News Bengaluru Real Estate: ಬೆಂಗಳೂರಿನಲ್ಲಿ ಸೈಟು ಖರೀದಿಸುವ ಮುನ್ನ ಎಚ್ಚರ! 279 ಅಕ್ರಮ ಲೇಔಟ್ ಗುರುತಿಸಿದ ಬಿಡಿಎ
- Movies ತಾವೇ ತೋಡಿದ ಖೆಡ್ಡಾಗೆ ಬಿದ್ದ ರಾಖಿ ಸಾವಂತ್ ? ಕಂಬಿ ಹಿಂದೆ ಡ್ರಾಮಾ ಕ್ವೀನ್..?
- Finance ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
- Lifestyle ರಾಜ್ಯದಲ್ಲಿ ಮುಂದಿನ 1 ವಾರ ಹವಾಮಾನ ಹೇಗಿರಲಿದೆ? ಎಲ್ಲೆಲ್ಲಿ ಮಳೆಯಾಗಲಿದೆ?
- Technology ಲಾವಾ ಅಗ್ನಿ 2 5G ಮೊಬೈಲ್ ಬೆಲೆಯಲ್ಲಿ ದಿಢೀರ್ ಇಳಿಕೆ; ಗ್ರಾಹಕರಿಗೆ ಖುಷಿ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟಾಟಾ ಮೋಟಾರ್ಸ್ನಿಂದ ಮತ್ತೊಮ್ಮೆ ದಾಖಲೆಯ ವಿತರಣೆ: ಒಂದೇ ದಿನದಲ್ಲಿ 101 EV ಕಾರುಗಳ ಡೆಲಿವರಿ
ಭಾರತದ ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ ಒಂದೇ ದಿನದಲ್ಲಿ ದಾಖಲೆಯ ವಿತರಣೆಯನ್ನು ನೋಂದಾಯಿಸಿದೆ. ತನ್ನ ಗ್ರಾಹಕರಿಗೆ ಒಂದೇ ದಿನದಲ್ಲಿ 101 EV ಕಾರುಗಳ ದಾಖಲೆಯ ವಿತರಣೆಯನ್ನು ನೀಡುವ ಮೂಲಕ ಮತ್ತೊಮ್ಮೆ ಸುದ್ದಿಯಾಗಿದೆ.
ತಮಿಳುನಾಡಿನ ರಾಜಧಾನಿ ಚೆನ್ನೈನಲ್ಲಿ ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಕಾರು ತಯಾರಕರು ಈ ಸಾಧನೆ ಮಾಡಿದ್ದಾರೆ. ಈವೆಂಟ್ನಲ್ಲಿ ಈ ಎಲೆಕ್ಟ್ರಿಕ್ ಕಾರುಗಳನ್ನು ತಮ್ಮ ಗ್ರಾಹಕರಿಗೆ ವಿತರಿಸಲಾಯಿತು. ಕಂಪನಿಯು ಟಾಟಾ ಶ್ರೇಣಿಯ ಜನಪ್ರಿಯ ಎಲೆಕ್ಟ್ರಿಕ್ ಮಾದರಿಗಳಾದ 101 ನೆಕ್ಸಾನ್ ಇವಿ ಮತ್ತು ಟಿಗೋರ್ ಇವಿ ಯೂನಿಟ್ಗಳನ್ನು ವಿತರಿಸಿದೆ.
ಟಾಟಾ ಮೋಟಾರ್ಸ್ ಕೂಡ ಈ ಸುದ್ದಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದೆ. ಟಾಟಾ ಮೋಟಾರ್ಸ್ ಚೆನ್ನೈನಲ್ಲಿ ತನ್ನ ಗ್ರಾಹಕರಿಗೆ ಹಸ್ತಾಂತರಿಸುವ ಸಮಾರಂಭದಲ್ಲಿ 70 Nexon EV ಗಳು ಮತ್ತು 31 Tigor EV ಗಳು ಸೇರಿ ಒಟ್ಟು 101 EV ಗಳನ್ನು ವಿತರಿಸಿತು.
ಈ ಮೂಲಕ ತಮಿಳುನಾಡಿನಲ್ಲಿ ಒಂದೇ ದಿನದಲ್ಲಿ ಅತಿ ಹೆಚ್ಚು ಎಲೆಕ್ಟ್ರಿಕ್ ವಾಹನಗಳನ್ನು ವಿತರಿಸಿದ ಕಂಪನಿ ಎಂಬ ಹೆಗ್ಗಳಿಕೆಗೆ ಟಾಟಾ ಮೋಟಾರ್ಸ್ ಪಾತ್ರವಾಗಿದೆ. ಇದೊಂದೆ ಟಾಟಾ ಮೋಟಾರ್ಸ್ನ ಏಕದಿನ ದಾಖಲೆಯ ವಿತರಣೆಯಲ್ಲ. ಈ ತಿಂಗಳ ಆರಂಭದಲ್ಲಿ ಟಾಟಾ ಮೋಟಾರ್ಸ್ 712 ನೆಕ್ಸಾನ್ ಮತ್ತು ಟಿಗೋರ್ ಅನ್ನು ಮಹಾರಾಷ್ಟ್ರ ಮತ್ತು ಗೋವಾದಲ್ಲಿ ವಿತರಣೆ ಮಾಡಿತ್ತು.
ಇದು 564 Nexon EVಗಳು ಮತ್ತು 148 Tigor EV ಮಾದರಿಗಳನ್ನು ಒಳಗೊಂಡಿದೆ. ಶೇ85 ಕ್ಕಿಂತ ಹೆಚ್ಚಿನ ಪಾಲನ್ನು ಹೊಂದಿರುವ ಟಾಟಾ ಮೋಟಾರ್ಸ್ ಭಾರತದಲ್ಲಿ ನಿರಂತರವಾಗಿ ಬೆಳೆಯುತ್ತಿರುವ ಎಲೆಕ್ಟ್ರಿಕ್ ನಾಲ್ಕು-ಚಕ್ರ ವಾಹನಗಳ ವಿಭಾಗದಲ್ಲಿ ಪ್ರಮುಖ ಕಾರು ತಯಾರಕರಲ್ಲಿ ಒಂದಾಗಿದೆ.
Nexon EV ಮತ್ತು Tigor EV ಪ್ರಸ್ತುತ ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುತ್ತಿರುವ ಎಲೆಕ್ಟ್ರಿಕ್ ವಾಹನ ಮಾದರಿಗಳಾಗಿವೆ. ಕಳೆದ ತಿಂಗಳು ಟಾಟಾ ಮೋಟಾರ್ಸ್ 3,357 ಯುನಿಟ್ ಎಲೆಕ್ಟ್ರಿಕ್ ವಾಹನಗಳೊಂದಿಗೆ ಅತಿ ಹೆಚ್ಚು EV ಅನ್ನು ಮಾರಾಟ ಮಾಡಿದೆ.
ಟಾಟಾ ಮೋಟಾರ್ಸ್ ಹಿಂದಿನ ವರ್ಷದ ಅವಧಿಯಲ್ಲಿ 19,106 ಯುನಿಟ್ಗಳನ್ನು ಮಾರಾಟ ಮಾಡಿದೆ, ಇದು ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ಶೇ 353 ರಷ್ಟು ಹೆಚ್ಚಾಗಿದೆ. ಇದರ ತ್ರೈಮಾಸಿಕ ಮಾರಾಟವು 9,095 ಯುನಿಟ್ಗಳಾಗಿದ್ದು, ಸುಮಾರು ಶೇ 432 ಬೆಳವಣಿಗೆಯಾಗಿದೆ.
ಕಳೆದ ಎರಡು ತಿಂಗಳುಗಳಲ್ಲಿ ತನ್ನ EV ಶ್ರೇಣಿಯು ಸರಾಸರಿ 5,500 ರಿಂದ 6,000 ಬುಕಿಂಗ್ಗಳನ್ನು ಪಡೆಯುತ್ತಿದೆ ಎಂದು ಕಂಪನಿಯು ಇತ್ತೀಚೆಗೆ ಬಹಿರಂಗಪಡಿಸಿದೆ. ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಮುಂದಿನ ದಿನಗಳಲ್ಲಿ ಉತ್ಪಾದನೆ ಹೆಚ್ಚಿಸಲು ಕಂಪನಿ ನಿರ್ಧರಿಸಿದೆ.
ಪ್ರಸ್ತುತ, ಟಾಟಾ ಮೋಟಾರ್ಸ್ ತನ್ನ ಎಲೆಕ್ಟ್ರಿಕ್ ಪೋರ್ಟ್ಫೋಲಿಯೊದಲ್ಲಿ ನೆಕ್ಸಾನ್ EV, Tigor EV ಮತ್ತು XPRES-T ಎಂಬ ಮೂರು ಮಾದರಿಗಳನ್ನು ಮಾರಾಟ ಮಾಡುತ್ತಿದೆ. ಇವುಗಳಲ್ಲಿ Nexon EV ಇಲ್ಲಿಯವರೆಗೂ ಹೆಚ್ಚು ಮಾರಾಟವಾದ ಎಲೆಕ್ಟ್ರಿಕ್ ಕಾರ್ ಆಗಿದೆ, ಇದು EV ವಿಭಾಗದಲ್ಲಿ ಟಾಟಾಗೆ ಸೆಗ್ಮೆಂಟ್ ಲೀಡರ್ ಆಗಲು ಸಹಾಯ ಮಾಡಿದೆ.
ಇದು ಒಂದೇ ಚಾರ್ಜ್ನಲ್ಲಿ 312km ರಷ್ಟು ARAI ಪ್ರಮಾಣೀಕೃತ ಶ್ರೇಣಿಯೊಂದಿಗೆ ಬರುತ್ತದೆ. 30.2 kWh ಲಿಥಿಯಂ-ಐಯಾನ್ ಬ್ಯಾಟರಿಯಿಂದ ಚಾಲಿತವಾದ 129 PS ಪರ್ಮನೆಂಟ್-ಮ್ಯಾಗ್ನೆಟ್ AC ಮೋಟಾರ್ನಿಂದ ಚಾಲಿತವಾಗಿದೆ. ಇದರ ವಾಟರ್ ಪ್ರೂಫ್ ಬ್ಯಾಟರಿ ಪ್ಯಾಕ್ IP67 ಮಾನದಂಡಗಳನ್ನು ಪೂರೈಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
ಕಂಪನಿಯು ಇತ್ತೀಚೆಗೆ ಕರ್ವ್ ಎಂಬ ಹೊಸ ಕೂಪ್ ಶೈಲಿಯ ಪರಿಕಲ್ಪನೆಯ ಎಲೆಕ್ಟ್ರಿಕ್ SUV ಅನ್ನು ಅನಾವರಣಗೊಳಿಸಿದೆ, ಇದನ್ನು ಮುಂದಿನ ಎರಡು ವರ್ಷಗಳಲ್ಲಿ ಬಿಡುಗಡೆ ಮಾಡಲು ಯೋಜಿಸಿದೆ. ಮುಂಬರುವ ದಿನಗಳಲ್ಲಿ ಲಾಂಗ್ ರೇಂಜ್ ನೆಕ್ಸಾನ್ ಇವಿ ಮತ್ತು ಅಲ್ಟ್ರೋಸ್ ಇವಿ ಬಿಡುಗಡೆಯೊಂದಿಗೆ, ಹೊಸ ಎಸ್ಯುವಿ ಪರಿಕಲ್ಪನೆಯು ಬ್ರ್ಯಾಂಡ್ನ ಭವಿಷ್ಯದ ದೃಷ್ಟಿಯನ್ನು ಎತ್ತಿ ತೋರಿಸುತ್ತದೆ.
ಟಾಟಾ ಮೋಟಾರ್ಸ್ ಪ್ರಕಾರ, ಕರ್ವ್ ಎಲೆಕ್ಟ್ರಿಕ್ SUV ಆಗಿ ಬರುತ್ತದೆ, ನಂತರ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿರಲಿದೆ. ಈ ಕೂಪೆ ಟಾಪ್ ರೂಫ್ನೊಂದಿಗೆ ಟಾಟಾ ಕರ್ವ್ 2020 ಆಟೋ ಎಕ್ಸ್ಪೋದಲ್ಲಿ ಪ್ರದರ್ಶಿಸಲಾದ ಟಾಟಾ ಸಿಯೆರಾ ಇವಿ ಪರಿಕಲ್ಪನೆಯ ವಿಕಸನವಾಗಿದೆ. ಟಾಟಾ ಮೋಟಾರ್ಸ್ ಪ್ರಕಾರ, ಕರ್ವ್ ಮಧ್ಯಮ ಗಾತ್ರದ ಎಸ್ಯುವಿಗಿಂತ ತುಸು ಐಷಾರಾಮಿಯಾಗಿರಲಿದ್ದು, ಪ್ರೀಮಿಯಂ ಎಸ್ಯುವಿ ವಿಭಾಗಕ್ಕಿಂತ ಕೆಳಗಿರುತ್ತದೆ.
ಟಾಟಾ ಮೋಟಾರ್ಸ್ ಕರ್ವ್ ಇವಿ ಕಾನ್ಸೆಪ್ಟ್ನ ಬ್ಯಾಟರಿ ಪ್ಯಾಕ್ ಕುರಿತು ಇನ್ನೂ ಮಾಹಿತಿ ಹೊರಬಿದ್ದಿಲ್ಲ. ನೆಕ್ಸಾನ್ನ 30.2kWh ಬ್ಯಾಟರಿಗಿಂತ ದೊಡ್ಡದಾದ ಬ್ಯಾಟರಿ ಪ್ಯಾಕ್ ಅನ್ನು ಪರಿಚಯಿಸುವುದಾಗಿ ಕಂಪನಿಯು ಈಗಾಗಾಲೇ ಹೇಳಿಕೊಂಡಿದೆ. ಇದು ಕೂಪ್-ಎಸ್ಯುವಿಯ ಪ್ರೊಡಕ್ಷನ್-ಸ್ಪೆಕ್ ಆವೃತ್ತಿಯು 400-500 ಕಿ.ಮೀ ಕ್ಲೈಮ್ ಶ್ರೇಣಿಯನ್ನು ತಲುಪಲು ಅನುವು ಮಾಡಿಕೊಡುತ್ತದೆ.
ಟಾಟಾ ಮೋಟಾರ್ಸ್ ತನ್ನ ಮೊದಲ ಮಧ್ಯಮ ಗಾತ್ರದ SUV ಅನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಮುಂದಿನ ಎರಡು ವರ್ಷಗಳಲ್ಲಿ ಲಾಂಚ್ ಮಾಡುವ ನಿರೀಕ್ಷೆಯಿದ್ದು, ಇದು ಪ್ರತಿಸ್ಪರ್ಧಿಗಳಾದ ಕಿಯಾ ಸೆಲ್ಟೋಸ್, ಸ್ಕೋಡಾ ಕುಶಾಕ್, ವೋಕ್ಸ್ವ್ಯಾಗನ್ ಟಿಗೂನ್ ಮತ್ತು ಹ್ಯುಂಡೈ ಕ್ರೆಟಾಗಳೊಂದಿಗೆ ಸ್ಪರ್ಧಿಸುತ್ತದೆ.