ಟಾಟಾ ಮೋಟಾರ್ಸ್‌ನ ಹೊಸ ಎಲೆಕ್ಟ್ರಿಕ್ SUV ಕಾನ್ಸೆಪ್ಟ್ ಟೀಸರ್‌ ಬಿಡುಗಡೆ: ಏಪ್ರಿಲ್ 6 ರಂದು ಅನಾವರಣ

ಟಾಟಾ ಕಂಪನಿಯ ವಾಹನ ತಯಾರಕರು ಹೊಸ ಆಲೋಚನೆಗಳೊಂದಿಗೆ ಈವರೆಗು ಬಿಡುಗಡೆ ಮಾಡಿರುವ ಉತ್ಪನ್ನಗಳು ವಾಹನ ಪ್ರಿಯರ ಗಮನ ಸೆಳೆದಿವೆ. ನವೀಕರಿಸಿದ ಟಾಟಾ ನೆಕ್ಸಾನ್ ಇವಿ ದೊಡ್ಡ ಬ್ಯಾಟರಿ ಮತ್ತು ನವೀಕರಿಸಿದ ವಿನ್ಯಾಸದೊಂದಿಗೆ ಕೆಲ ದಿನಗಳವರೆಗೆ ಮನೆಮಾತಾಗಿ ಚರ್ಚೆಯಾಗಿತ್ತು. ಇದೀಗ ಕಂಪನಿಯು ಹೊಸ ವಾಹನದ ಟೀಸರ್ ಅನ್ನು ಹಂಚಿಕೊಂಡಿದ್ದು, ಇದರಲ್ಲಿನ ಹೊಸ ಕಾನ್ಸೆಪ್ಟ್ ಕಾರು ಕುತೂಹಲ ಹೆಚ್ಚಿಸಿದೆ.

ಏಪ್ರಿಲ್ 6, 2022 ರಂದು ಹೊಸ ಕಾನ್ಸೆಪ್ಟ್ ಅನ್ನು ಪ್ರಾರಂಭಿಸುವ ಯೋಜನೆಗಳನ್ನು ಟಾಟಾ ಮೋಟಾರ್ಸ್ ಘೋಷಿಸಿದಾಗ, ನಮ್ಮಲ್ಲಿನ ಹಲವರು ಇದು ನೆಕ್ಸಾನ್ EVಯ ಇತ್ತೀಚಿನ ಆವೃತ್ತಿ ಎಂದು ಭಾವಿಸಿದ್ದರು. ಆದರೆ ಟಾಟಾ ಮೋಟಾರ್ಸ್ ಹಂಚಿಕೊಂಡಿರುವ ಇತ್ತೀಚಿನ ಟೀಸರ್, ಹೊಸ ನೆಕ್ಸಾನ್ EV ಕುರಿತಾದದ್ದು ಅಲ್ಲ ಎಂದು ಖಚಿತಪಡಿಸುತ್ತಿದೆ.

ಇದು SUV ಮತ್ತು EV, ಆದರೆ Nexon EV ಅಲ್ಲ. ಟಾಟಾ ಮೋಟಾರ್ಸ್ ಪ್ರಕಾರ, ಇದು ಹೊಸ ಎಲೆಕ್ಟ್ರಿಕ್ SUV ಪರಿಕಲ್ಪನೆಯಾಗಿದ್ದು, ಏಪ್ರಿಲ್ 6, 2022 ರಂದು ಜಾಗತಿಕವಾಗಿ ಅನಾವರಣಗೊಳ್ಳಲಿದೆ. ಹೊಸ ಟಾಟಾ ಎಲೆಕ್ಟ್ರಿಕ್ ಎಸ್‌ಯುವಿ ಪರಿಕಲ್ಪನೆಯ ಟೀಸರ್‌ನಲ್ಲಿ ಕಾರಿನ ಬಗ್ಗೆ ಯಾವುದೇ ಹೆಚ್ಚಿನ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.

ಟೀಸರ್‌ನಲ್ಲಿ ನೀಡಿರುವ ಹಿಂಟ್‌ಗಳ ಮೂಲಕ ನಾವೇ ಕೆಲವು ವಿಷಯಗಳನ್ನು ಇಲ್ಲಿ ಅರ್ಥಮಾಡಿಕೊಳ್ಳಬಹುದು. ಟಾಟಾ ಲೋಗೋದ ಮೇಲೆ ORVM ಗಳಲ್ಲಿ ಕೊನೆಗೊಳ್ಳುವ ಬಾನೆಟ್ ಕ್ರೀಸ್‌ನ ಬದಿಯಲ್ಲಿ LED DRL ಅನ್ನು ಒಳಗೊಂಡಿದೆ. ಅಲ್ಲದೇ ಹೆಡ್‌ಲೈಟ್‌ಗಳನ್ನು ಟ್ರೈಯಾಂಗಲ್‌ ಹೌಸಿಂಗ್‌ನ ಕೆಳಗಿನ ಬಂಪರ್‌ನಲ್ಲಿ ಅಳವಡಿಸಲಾಗಿದೆ.

ಟೀಸರ್‌ನಲ್ಲಿ ಸೂಕ್ಷ್ಮವಾಗಿ ಗಮನಿಸಿದರೆ ಈ ಹೊಸ ಕಾನ್ಸೆಪ್ಟ್‌ ಕಾರು ಅಲಾಯ್ ನೋಟವನ್ನು ಪಡೆದುಕೊಂಡಿದೆ. ಹೊಸ ಟಾಟಾ ಎಲೆಕ್ಟ್ರಿಕ್ ಎಸ್‌ಯುವಿ ಪರಿಕಲ್ಪನೆಯು ಕಂದು ಮಿಶ್ರಲೋಹವಾಗಿದ್ದು, ಮೆಷಿನ್ ಕಟ್ ವಿನ್ಯಾಸದ ಅಂಶಗಳನ್ನು ಹೊಂದಿದೆ. ಇವು ಬ್ಯಾಡ್ಜ್‌ಗಳು ಮತ್ತು ಹಿಂಭಾಗದಲ್ಲಿ ಟಾಟಾ ಲೋಗೋವನ್ನು ಹೊಂದಿವೆ.

ಟಾಟಾ ಬಿಡುಗಡೆ ಮಾಡಿರುವ ಟೀಸರ್‌ನಲ್ಲಿ ಹೆಚ್ಚಿನ ಮಾಹಿತಿ ನೀಡದೆ, ಬ್ರ್ಯಾಂಡ್‌ನಿಂದ ಈಗಾಗಲೇ ಹೊರಬಂದಿರುವ ಕೆಲ ಇವಿಗಳ ವಿನ್ಯಾಸವನ್ನು ಲೈಟ್ ಟಚ್ಅಪ್‌ನಿಂದ ಹಿಂಟ್‌ ನೀಡಲಾಗಿದೆ. ಮುಂದಿನ ದಿನಗಳಲ್ಲಿ ಕಂಪನಿಯು ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸುವ ನಿರೀಕ್ಷೆಯಿದೆ.

ಟಾಟಾ ಸಿಯೆರಾ EV ಪರಿಕಲ್ಪನೆಯನ್ನು 2020ರ ಆಟೋ ಎಕ್ಸ್‌ಪೋದಲ್ಲಿ ಅನಾವರಣಗೊಳಿಸಲಾಗಿತ್ತು. ಟಾಟಾ ಈಗಾಗಲೇ ಸಫಾರಿ ಹೆಸರಿನ ಬ್ಯಾಡ್ಜ್ ಅನ್ನು ದೊಡ್ಡ ಹ್ಯಾರಿಯರ್ ಆಗಿ ಪರಿವರ್ತಿಸಿದೆ. ಆದ್ದರಿಂದ ಕೆಲವು ಹಂತಗಳಲ್ಲಿ ಸಿಯೆರಾ ಪರಿಕಲ್ಪನೆಯಲ್ಲಿ ಹೊಸ ಮಾದರಿಯ ನಿರ್ಮಾಣಕ್ಕೆ ಮುಂದಾಗಿದೆ ಎಂದು ಹೇಳಲಾಗುತ್ತಿದೆ.

ಈ ಹಿಂದೆ ಸಿಯೆರಾ ವಿನ್ಯಾಸವನ್ನು ಫ್ಯೂಚರಿಸ್ಟಿಕ್‌ ಆಗಿ ಪರಿಚಯಿಸಲಾಗಿತ್ತು. ಇದಕ್ಕೆ ಅಭಿಮಾನಿಗಳು, ಸಂದರ್ಶಕರು ಮತ್ತು ಮಾಧ್ಯಮಗಳಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯೊಂದಿಗೆ, ಟಾಟಾ ಮೋಟಾರ್ಸ್ ಮುಂಬರುವ ವರ್ಷಗಳಲ್ಲಿ ಸಿಯೆರಾ ಎಲೆಕ್ಟ್ರಿಕ್ ವಾಹನವನ್ನು ಬಿಡುಗಡೆ ಮಾಡಲು ಯೋಜಿಸಿದೆ.

ಇದನ್ನು ಹೊಸ ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗುವುದು ಮತ್ತು ಪ್ರಸ್ತುತ ಝೆನ್ ಟಾಟಾ ಕಾರುಗಳಿಗೆ ಬಳಸಲಾಗುವ ಆಲ್ಫಾ ಅಥವಾ ಒಮೆಗಾ ಪ್ಲಾಟ್‌ಫಾರ್ಮ್‌ಗಳನ್ನು ಇದರಲ್ಲಿ ಬಳಸುವುದಿಲ್ಲ ಎಂದು ತಿಳಿದುಬಂದಿದೆ.

ಈ ಹೊಸ ಪ್ಲಾಟ್‌ಫಾರ್ಮ್ ಅನ್ನು ಮುಂಬರಲಿರುವ ಇವಿ ಮಾದರಿಗಳ ಅಗತ್ಯಗಳಿಗೆ ಸರಿಹೊಂದಿಸಲು ಮತ್ತು ಬ್ಯಾಟರಿ ಪ್ಯಾಕ್‌ಗಳಿಗೆ ಜಾಗವನ್ನು ಒದಗಿಸಲು ವಿಶೇಷವಾಗಿ ವಿನ್ಯಾಸಗೊಳಿಸಲಾಗುವುದು. ಟಾಟಾ ಮೋಟಾರ್ಸ್ ಮುಂದಿನ ಐದು ವರ್ಷಗಳಲ್ಲಿ 10 ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆ ಮಾಡಲು ಯೋಜಿಸಿದೆ.

ಟಾಟಾ ಮೋಟಾರ್ಸ್‌ನ ಎಲೆಕ್ಟ್ರಿಕ್ ಕಾರು ವಿಭಾಗವು ಈಗಾಗಲೇ ತನ್ನದೇ ಆದ ಅಂಗಸಂಸ್ಥೆಯಾಗಿ ಉತ್ತಮ ಹೂಡಿಕೆಗಳನ್ನು ಮಾಡುತ್ತಿದೆ. ಈಗಾಗಲೇ ಭವಿಷ್ಯದ ಮಾರುಕಟ್ಟೆ ಬೆಳವಣಿಗೆ ಮತ್ತು ಸುಧಾರಣೆ ಬಗ್ಗೆ ಹೆಚ್ಚು ಕ್ರಮಗಳನ್ನು ತೆಗೆದುಕೊಂಡಿದ್ದು ಸುಸ್ಥಿರ ಬೆಳವಣಿಗೆಯನ್ನು ಬಯಸುತ್ತಿದೆ. ನಮಗೆಲ್ಲರಿಗೂ ತಿಳಿದಿರುವಂತೆ ಪೂರೈಕೆ ಕಡಿಮೆಯಾಗಿ ಗ್ರಾಹಕರ ಬೇಡಿಕೆ ಹೆಚ್ಚಾಗಿದೆ.

ಕಂಪನಿಯು Nexon EV ವಿಸ್ತೃತ ಶ್ರೇಣಿ, ಅಲ್ಟ್ರಾಸ್ EV ಮತ್ತು ಟಾಟಾ ಪಂಚ್ ಬ್ಯಾಟರಿ-ಚಾಲಿತ ಉತ್ಪನ್ನ ಸೇರಿದಂತೆ ಹಲವಾರು ಹೊಸ EV ಗಳನ್ನು ಪರೀಕ್ಷಿಸುತ್ತಿದೆ, ಇವುಗಳು ಈ ವರ್ಷದ ಕೊನೆಯಲ್ಲಿ ಮಾರಾಟಕ್ಕೆ ಬರಲಿವೆ ಎನ್ನಲಾಗಿದ್ದು, ನೆಕ್ಸಾನ್ ಶ್ರೇಣಿ ಮಾತ್ರ ಈ ವರ್ಷದ ಏಪ್ರಿಲ್‌ನಲ್ಲಿ ಭಾರತದಲ್ಲಿ ಮಾರಾಟವಾಗುವ ನಿರೀಕ್ಷೆಯಿದೆ.

ಆದರೆ ಉಳಿದ ಮಾದರಿಗಳು ವಿಳಂಬವಾಗುವ ಸಾಧ್ಯತೆ ಇದೆ. ಭವಿಷ್ಯದ ಎಲ್ಲಾ ಎಲೆಕ್ಟ್ರಿಕ್ ವಾಹನಗಳು ಸಿಪ್ಟ್ರಾನ್ ಪವರ್‌ಟ್ರೇನ್ ತಂತ್ರಜ್ಞಾನವನ್ನು ಬಳಸುತ್ತವೆ ಎಂದು ಟಾಟಾ ಮೋಟಾರ್ಸ್ ಈಗಾಗಲೇ ದೃಢಪಡಿಸಿದೆ. ಆದ್ದರಿಂದ ಮುಂಬರಲಿರುವ ಹೊಸ ಕಾರುಗಳು IP-67 ಪ್ರಮಾಣೀಕರಣ ಮತ್ತು 8 ವರ್ಷಗಳ ಖಾತರಿಯೊಂದಿಗೆ ಲಿಥಿಯಂ-ಐಯಾನ್ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತವೆ.