Just In
- 7 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 8 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 9 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 9 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭೀಕರ ಅಪಘಾತ: ಕಾರು ಸಂಪೂರ್ಣ ಹಾನಿಯಾದ್ರು ಪ್ರಯಾಣಿಕರು ಸೇಫ್...ಟಾಟಾ ಕಾರಿಗೆ ಪ್ರಶಂಸೆ
ಭಾರತದ ಮೊದಲ 5-ಸ್ಟಾರ್ ರೇಟಿಂಗ್ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಟಾಟಾ ನೆಕ್ಸಾನ್ ಈಗಾಗಲೇ ಸಾಕಷ್ಟು ಅಪಘಾತಗಳಲ್ಲಿ ಕಾಣಿಸಿಕೊಂಡಿದೆ. ಆದರೆ ಈ ಎಲ್ಲಾ ಅಪಘಾತಗಳಲ್ಲೂ ಪ್ರಯಾಣಿಕರ ಜೀವ ಉಳಿಸಿದ ಹೆಮ್ಮೆಯೂ ಇದಕ್ಕಿದೆ. ಇದೀಗ ಮತ್ತೊಂದು ಅಪಘಾತದಲ್ಲಿ ಪ್ರಯಾಣಿಕರ ಜೀವ ಉಳಿಸಿ ಪ್ರಶಂಸೆಗೆ ಪಾತ್ರವಾಗಿದೆ.
ಮಹಾರಾಷ್ಟ್ರದಲ್ಲಿ ಇತ್ತೀಚೆಗೆ ನಡೆದ ಅಫಘಾತವೊಂದರಲ್ಲಿ ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ಎಲ್ಲರೂ ಸುರಕ್ಷಿತವಾಗಿ ಹೊರಬಂದಿದ್ದಾರೆ. ವಾಹನವು ಹಲವು ಬಾರಿ ಪಲ್ಟಿ ಹೊಡೆದಿರುವಂತೆ ಹಾಗೂ ಸಂಪೂರ್ಣ ಹಾನಿಯಾಗಿರುವಂತೆ ಚಿತ್ರಗಳಲ್ಲಿ ಕಾಣುತ್ತಿದೆ. ಆದರೂ ಪ್ರಯಾಣಿಕರಿಗೆ ಯಾವುದೇ ಹಾನಿಯಾಗದಿರುವುದು ಕಾರಿನ ಗುಣಮಟ್ಟವನ್ನು ಮತ್ತೊಮ್ಮೆ ಸಾಭೀತುಪಡಿಸಿದೆ.
ಈ ಅಪಘಾತದ ಮಾಹಿತಿಯನ್ನು ಪ್ರತ್ಯಕ್ಷದರ್ಶಿಗಳು ಕಳುಹಿಸಿದ್ದಾರೆ. ಮಾಹಿತಿಯ ಪ್ರಕಾರ, ನಾಲ್ವರ ಕುಟುಂಬವಿದ್ದ ನೆಕ್ಸಾನ್ ಕಾರು ಹೆದ್ದಾರಿಯಲ್ಲಿ ಅತಿವೇಗದಲ್ಲಿ ಪ್ರಯಾಣಿಸುತ್ತಿದ್ದಾಗ ತಿರುವು ಬಂದಿದ್ದು, ಕಾರಿನ ಚಾಲಕನಿಗೆ ಒಂದು ಮೂಲೆಯಲ್ಲಿ ವಾಹನವನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ. ಈ ವೇಳೆ ನಿಯಂತ್ರಣ ತಪ್ಪಿ ಕಾರು ತಡೆಗೋಡೆಗೆ ಅಪ್ಪಳಿಸಿದೆ.
ವಾಹನವು ಸುರಕ್ಷತಾ ತಡೆಗೋಡೆಗಳನ್ನು ಮುರಿದು ಹಲವು ಬಾರಿ ಪಲ್ಟಿಯಾಗಿ ರಸ್ತೆಯ ಬದಿಯಲ್ಲಿ ಆಮೆಯಂತೆ ತಲೆಕೆಳಗಾಗಿ ತಿರುಗಿಬಿದ್ದಿದೆ. ವಾಹನದ ಚಿತ್ರಗಳು ಕಾರಿನ ತೀವ್ರ ಹಾನಿಯನ್ನು ತೋರಿಸುತ್ತದೆ. ಆದರೆ, ಅಪಘಾತದ ಪರಿಣಾಮ ಕ್ಯಾಬಿನ್ ವರೆಗೆ ತಲುಪಿಲ್ಲ. ಟಾಟಾ ನೆಕ್ಸಾನ್ನ ಎಲ್ಲಾ ಪಿಲ್ಲರ್ಗಳು ಹಾಗೇ ಇವೆ.
ಹೊರ ಭಾಗಕ್ಕೆ ತೀವ್ರ ಹಾನಿಯಾದಂತೆ ಕಂಡರೂ, ಒಳಭಾಗದ ವರೆಗು ಆ ತೀವ್ರತೆ ಅನುಭವಿಸಿಲ್ಲ. ಹಾಗಾಗಿ ಪ್ರಯಾಣಿಕರಿಗೆ ಯಾವುದೇ ಹಾನಿಯಾಗದೆ ಸಣ್ಣಪುಣ್ಣ ಗಾಯಗಳೊಂದಿಗೆ ಪ್ರಾಣಾಪಯಾದಿಂದ ಪಾರಾಗಿದ್ದಾರೆ. ವಾಹನದಲ್ಲಿದ್ದ ನಾಲ್ವರು ಪ್ರಯಾಣಿಕರನ್ನು ಪ್ರಥಮ ಚಿಕಿತ್ಸೆಗಾಗಿ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಯಾವುದೇ ಗಂಭೀರ ಗಾಯಗಳಾಗಿಲ್ಲ ಮತ್ತು ಎಲ್ಲಾ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ. ಏರ್ಬ್ಯಾಗ್ಗಳು ತೆರೆದುಕೊಂಡಿದ್ದು, ಮುಂಭಾಗದ ಪ್ರಯಾಣಿಕರು ಪಾರಾಗಿದ್ದಾರೆ. ಕಾರಿನಲ್ಲಿದ್ದವರೆಲ್ಲರೂ ಸೀಟ್ಬೆಲ್ಟ್ ಧರಿಸಿದ್ದರೇ ಎಂಬುದು ಖಚಿತವಿಲ್ಲ. ಸೀಟ್ಬೆಲ್ಟ್ ಅನ್ನು ಜೋಡಿಸುವುದರಿಂದ ಅಪಘಾತಗಳ ಸಮಯದಲ್ಲಿ ಕನಿಷ್ಠ ಗಾಯಗಳಿಂದ ತಪ್ಪಿಸಿಕೊಳ್ಳಬಹುದು.
ಟಾಟಾ ನೆಕ್ಸಾನ್ ಭಾರತದ ಮೊದಲ 5-ಸ್ಟಾರ್ ರೇಟಿಂಗ್ ಕಾರು
ಟಾಟಾ ನೆಕ್ಸಾನ್ 2016 ರಲ್ಲಿ ತನ್ನ ಮೊಟ್ಟಮೊದಲ ಕ್ರ್ಯಾಶ್ ಟೆಸ್ಟ್ನಲ್ಲಿ ನಾಲ್ಕು ಸ್ಟಾರ್ಗಳನ್ನು ಗಳಿಸಿತ್ತು. ಆದರೆ ಕೆಲವು ಬದಲಾವಣೆಗಳು ಮತ್ತು ಮರುಪರೀಕ್ಷೆಯ ನಂತರ, ಮಧ್ಯಮ ಗಾತ್ರದ SUV ಪರಿಪೂರ್ಣವಾದ 5-ಸ್ಟಾರ್ ರೇಟಿಂಗ್ ಅನ್ನು ಗಳಿಸಿ ಭಾರತದ ಮೊದಲ 5-ಸ್ಟಾರ್ ರೇಟಿಂಗ್ ಕಾರು ಎನಿಸಿಕೊಂಡಿದೆ.
ನೆಕ್ಸಾನ್ ಕಾರು 17 ರಲ್ಲಿ 16.06 ಪಾಯಿಂಟ್ಗಳನ್ನು ಪಡೆದುಕೊಳ್ಳುವ ಮೂಲಕ ಭಾರತದಲ್ಲಿ ಇದುವರೆಗೆ ತಯಾರಿಸಿದ ಯಾವುದೇ ಕಾರು ಸಾಧಿಸಿದ ಅತ್ಯಧಿಕ ಪಾಯಿಂಟ್ಗಳನ್ನು ಸಾಧಿಸಿ ಟಾಪ್ನಲ್ಲಿದೆ. ಹೆಚ್ಚುವರಿ ಸ್ಕೋರ್ನೊಂದಿಗೆ ಅದೇ ಟೆಸ್ಟಿಂಗ್ ಏಜೆನ್ಸಿಯಿಂದ ನೆಕ್ಸನ್ನ ತನ್ನ ಹಿಂದಿನ 4-ಸ್ಟಾರ್ ರೇಟಿಂಗ್ಗೆ ಇನ್ನೂ ಒಂದು ಸ್ಟಾರ್ ಅನ್ನು ಸೇರಿಸಿಕೊಂಡಿದೆ.
ಆಗಸ್ಟ್ 2018 ರಲ್ಲಿ ನಡೆಸಿದ ಪರೀಕ್ಷೆಗಳಿಂದ ಟಾಟಾ ನೆಕ್ಸಾನ್ನ ಬಾಡಿ ಶೆಲ್, ಪ್ಲಾಟ್ಫಾರ್ಮ್ ಮತ್ತು ರಚನೆಯು ಬದಲಾಗದೆ ಉಳಿದಿದೆ ಎಂಬುದನ್ನು ಗಮನಿಸಬೇಕು. ನೆಕ್ಸಾನ್ನ ಸ್ಟ್ಯಾಂಡರ್ಡ್ ಡ್ಯುಯಲ್ ಫ್ರಂಟ್ ಏರ್ಬ್ಯಾಗ್ಗಳ ಸಂಖ್ಯೆಯು ಒಂದೇ ಆಗಿರುತ್ತದೆ. ಇದು ನೆಕ್ಸಾನ್ನಲ್ಲಿ ಎಬಿಎಸ್ನ ಪೂರ್ಣ-ಚಾನೆಲ್ ಆವೃತ್ತಿಯ ಪ್ರಮಾಣಿತ ಫಿಟ್ಮೆಂಟ್ ಜೊತೆಗೆ ಚಾಲಕ ಮತ್ತು ಪ್ರಯಾಣಿಕರ ಸೀಟ್ಬೆಲ್ಟ್ ಜ್ಞಾಪನೆಯಾಗಿ ವಾಹನದ ಸ್ಕೋರ್ ಅನ್ನು ಹೆಚ್ಚಿಸಿದೆ.
SUV ಗಳು ವೇಗವಾಗಿ ಓಡಿಸಲು ಉದ್ದೇಶಿಸಿಲ್ಲ
ಟಾಟಾ ನೆಕ್ಸಾನ್ನಂತಹ ಎಸ್ಯುವಿಗಳು ಅಥವಾ ಇತರ ಎಸ್ಯುವಿಗಳು ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ನೊಂದಿಗೆ ಬರುತ್ತವೆ. ಈ ಕಾರುಗಳು ಎತ್ತರದ ವಿನ್ಯಾಸವನ್ನು ಹೊಂದಿರುವುದರಿಂದ, ಇದು ಗುರುತ್ವಾಕರ್ಷಣೆಯ ಕೇಂದ್ರವನ್ನು ಉನ್ನತ ಸ್ಥಾನಕ್ಕೆ ಬದಲಾಯಿಸಿ ಅಸ್ಥಿರಗೊಳಿಸುತ್ತವೆ.
ಹೆಚ್ಚಿನ ಗುರುತ್ವಾಕರ್ಷಣೆಯ ಕೇಂದ್ರದೊಂದಿಗೆ ಬೆರೆಸಿದ ಸಾಫ್ಟ್ ಸಸ್ಪೆನ್ಷನ್ ಸೆಟ್-ಅಪ್ ಅನೇಕ SUV ಗಳನ್ನು ನಿಧಾನ ಹ್ಯಾಂಡ್ಲರ್ಗಳನ್ನಾಗಿ ಮಾಡುತ್ತದೆ. ಹಾಗಾಗಿ ಹೆಚ್ಚಿನ ವೇಗದಲ್ಲಿ ಲೇನ್ಗಳನ್ನು ಬದಲಾಯಿಸುವುದು ಅಥವಾ ಹೆಚ್ಚಿನ ವೇಗದಲ್ಲಿ ತಿರುವು ತೆಗೆದುಕೊಳ್ಳುವುದರಿಂದ SUV ತನ್ನ ನಿಯಂತ್ರಣವನ್ನು ಕಳೆದುಕೊಳ್ಳಬಹುದು.
ಹೆಚ್ಚಿನ ವೇಗದಲ್ಲಿ ಸಣ್ಣ ತಿರುವುಗಳು ಸಹ SUV ಗಳಲ್ಲಿ ದೊಡ್ಡ ಪ್ರಮಾಣದ ಉರುಳಲು ಕಾರಣವಾಗಬಹುದು. ಉಳಿದಂತೆ ಇನ್ನೆಲ್ಲಾ ವಿಷಯಗಳಲ್ಲೂ ಎಸ್ಯುವಿಗಳ ಉತ್ತಮ ಪರ್ಫಾಮೆನ್ಸ್ ಹಾಗೂ ಸ್ಟೈಲಿಂಗ್ಗಳೊಂದಿಗೆ ಗ್ರಾಹಕರಲ್ಲಿ ಉತ್ತಮ ಬೇಡಿಕೆ ಪಡೆದುಕೊಂಡಿವೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಟಾಟಾ ಕಾರುಗಳು ದೇಶದಲ್ಲಿ ನಿರ್ಮಾಣ ಗುಣಮಟ್ಟವನ್ನು ಹೊಂದಿವೆ. ಇದನ್ನು ಕಂಪನಿ ಹೇಳಿಕೊಳ್ಳುವುದು ಸಾಮಾನ್ಯ ವಿಷಯವಾಗಿದ್ರೂ ಅಪಘಾತಗಳು ನಡೆದಾಗ ಇದು ಪದೇ ಪದೆ ಸಾಭೀತಾಗಿದೆ. ಇದೀಗ ಟಾಟಾ ಕಾರುಗಳು ನಿರ್ಮಾಣ ಗುಣಮಟ್ಟದಲ್ಲಿ ದೇಶದಲ್ಲಿಯೇ ಜನಪ್ರಿಯತೆ ಪಡೆದುಕೊಂಡಿವೆ.