ಅತಿ ಹೆಚ್ಚು ಮೈಲೇಜ್ ನೀಡುವ ಮಾರುತಿ ಸುಜುಕಿಯ ಟಾಪ್-5 ಜನಪ್ರಿಯ ಕಾರುಗಳಿವು!

ಹಾಗಾದರೆ ಭಾರತೀಯ ಗ್ರಾಹಕರಿಗೆ ಅತಿ ಹೆಚ್ಚು ಮೈಲೇಜ್ ನೀಡುವ ಮಾರುತಿ ಕಂಪನಿಯ ಕಾರುಗಳನ್ನು ನೋಡುವುದಾದರೆ, ಮಾರುತಿ ಸುಜುಕಿ ಸೆಲೆರಿಯೊ, ಎಸ್-ಪ್ರೆಸ್ಸೊ, ವ್ಯಾಗನ್ಆರ್, ಡಿಜೈರ್ ಹಾಗೂ ಮಾರುತಿ ಸುಜುಕಿ ಸ್ವಿಫ್ಟ್ ಕಾರುಗಳು ಕಂಪನಿಯ ಟಾಪ್ 5 ಮೈಲೆಜ್ ಉತ್ಪನ್ನಗಳಾಗಿವೆ. ಯಾವ ಕಾರು ಎಷ್ಟು ಮೈಲೇಜ್ ನೀಡುತ್ತದೆ ಎಂಬುದನ್ನು ಈ ಕೆಳಗೆ ನೋಡೋಣ.

ಮಾರುತಿ ಸುಜುಕಿ ಸೆಲೆರಿಯೊ -26.68 kmpl

2021 ರಲ್ಲಿ ಮಾರುತಿ ಸುಜುಕಿ ಹೊಸ ತಲೆಮಾರಿನ ಸೆಲೆರಿಯೊವನ್ನು ಬಿಡುಗಡೆ ಮಾಡಿತ್ತು. ಈ ಸೆಲೆರಿಯೊ ಸಂಪೂರ್ಣವಾಗಿ ಹೊಸ ಕಾರಾಗಿದ್ದು, ಹೊಸ ಎಕ್ಸ್‌ಟೀರಿಯರ್, ಇಂಟೀರಿಯರ್ ಮತ್ತು ಹೊಸ ಎಂಜಿನ್ ಹೊಂದಿದೆ. ಸೆಲೆರಿಯೊ 3 ಸಿಲಿಂಡರ್ 1.0 ಲೀಟರ್ K ಸಿರೀಸ್‌ನ ಡ್ಯುಯಲ್ ಜೆಟ್ ಡ್ಯುಯಲ್ VVT ಎಂಜಿನ್ ಅನ್ನು ಹೊಂದಿದೆ.

ಇದು ಸುಮಾರು 65.7 bhp ಮತ್ತು 89 nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಇದು ಐಡಲ್ ಸ್ಟಾರ್ಟ್-ಸ್ಟಾಪ್ ವೈಶಿಷ್ಟ್ಯದೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಅಥವಾ 5 ಸ್ಪೀಡ್ AGS ಗೆ ಜೋಡಿಸಲ್ಪಟ್ಟಿದೆ. AGS ಮತ್ತು ಐಡಲ್ ಸ್ಟಾರ್ಟ್-ಸ್ಟಾಪ್ ಟೆಕ್ ಅನ್ನು ಹೊಂದಿರುವ K10C ಎಂಜಿನ್‌ 26.68 kmpl ಮೈಲೇಜ್ ನೀಡುತ್ತದೆ.

ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ -25.3 kmpl

ಇತ್ತೀಚೆಗೆ ಮಾರುತಿ ಸುಜುಕಿ ಭಾರತೀಯ ಮಾರುಕಟ್ಟೆಗೆ ಎಸ್-ಪ್ರೆಸ್ಸೊದ ನವೀಕೃತ ಆವೃತ್ತಿಯನ್ನು ಪರಿಚಯಿಸಿದೆ. ಈ ಹೊಸ S-ಪ್ರೆಸ್ಸೊ ಹೊಸ ಸಿಲಿಂಡರ್ 1.0 L K ಸಿರೀಸ್‌ನ ಡ್ಯುಯಲ್ ಜೆಟ್ ಡ್ಯುಯಲ್ VVT ಎಂಜಿನ್‌ನೊಂದಿಗೆ ಬರುತ್ತದೆ, ಇದು ಸುಮಾರು 65.7 bhp ಮತ್ತು 89 nm ಟಾರ್ಕ್ ಅನ್ನು ಹೊರಹಾಕುತ್ತದೆ.

ಈ ಹೊಸ ಎಂಜಿನ್ ಅನ್ನು ಪ್ರಸ್ತುತ ಮಾರುತಿ ಸುಜುಕಿಯ ಐಡಲ್ ಸ್ಟಾರ್ಟ್-ಸ್ಟಾಪ್ ಟೆಕ್ನಾಲಜಿ ಮತ್ತು AGS ನೊಂದಿಗೆ ನೀಡಲಾಗುತ್ತಿದ್ದು, S-ಪ್ರೆಸ್ಸೊ ಈಗ ಶೇ17ಕ್ಕೂ ಹೆಚ್ಚು ಇಂಧನ ದಕ್ಷತೆಯನ್ನು ಹೊಂದಿದೆ. ಹಾಗಾಗಿ ಹೊಸ S-ಪ್ರೆಸ್ಸೊ 25.3 kmpl ಮೈಲೇಜ್ ನೀಡುತ್ತದೆ.

ಮಾರುತಿ ಸುಜುಕಿ ವ್ಯಾಗನ್ಆರ್-25.19 kmpl

ಮಾರುತಿ ಸುಜುಕಿ ವ್ಯಾಗನ್ಆರ್ 1.0 L K ಸಿರೀಸ್‌ನ ಡ್ಯುಯಲ್ ಜೆಟ್ ಡ್ಯುಯಲ್ ವಿವಿಟಿ ಎಂಜಿನ್ ಮತ್ತು 1.2 K ಸಿರೀಸ್‌ನ ಡ್ಯುಯಲ್ ಜೆಟ್ ಡ್ಯುಯಲ್ ವಿವಿಟಿ ಎಂಜಿನ್ ಅನ್ನು ಹೊಂದಿದೆ. ಮಾರುತಿ ಸುಜುಕಿ ಐಡಲ್ ಸ್ಟಾರ್ಟ್-ಸ್ಟಾಪ್ ತಂತ್ರಜ್ಞಾನ ಮತ್ತು ಎಜಿಎಸ್ ಅನ್ನು ಎರಡೂ ಎಂಜಿನ್ ಆಯ್ಕೆಗಳಿಗೆ ಒದಗಿಸುತ್ತದೆ.

ಎರಡೂ ಎಂಜಿನ್‌ಗಳು ಸಾಕಷ್ಟು ಇಂಧನ ದಕ್ಷತೆಯನ್ನು ಹೊಂದಿವೆ, ಆದರೆ 1.2L ಆವೃತ್ತಿಯು 24.43 kmpl ಮೈಲೇಜ್ ಅನ್ನು ಹಿಂದಿರುಗಿಸುತ್ತದೆ, 1.0 L 25.19 kmpl ಮೈಲೇಜ್ ನೀಡುತ್ತದೆ. ಈ ಮೂಲಕ ಮಾರುತಿಯ ಜನಪ್ರಿಯ ಮೈಲೇಜ್ ಕಾರಾಗಿ ಹೊರಹೊಮ್ಮಿದೆ.

ಮಾರುತಿ ಸುಜುಕಿ ಡಿಜೈರ್: 24.12 kmpl

ಮಾರುತಿ ಸುಜುಕಿ ಡಿಜೈರ್ ಈ ಪಟ್ಟಿಗೆ ಹೊಸದೇನಲ್ಲ, ಇದು ಒಂದು ಕಾಲದಲ್ಲಿ ತನ್ನ ಡೀಸೆಲ್ ಎಂಜಿನ್‌ನೊಂದಿಗೆ ದೇಶದಲ್ಲಿ ಅತ್ಯಂತ ಇಂಧನ-ಸಮರ್ಥ ಕಾರಾಗಿತ್ತು. ಬಿಎಸ್ 6 ಮಾನದಂಡಗಳ ಅನುಷ್ಠಾನದೊಂದಿಗೆ ಕಂಪನಿಯು ತನ್ನ ಡೀಸೆಲ್ ಎಂಜಿನ್‌ಗಳಿಗೆ ಪ್ಲಗ್ ಅನ್ನು ಎಳೆದಿದೆ.

ಮಾರುತಿ ಸುಜುಕಿ ಡಿಜೈರ್ ದೇಶದ ಅತ್ಯಂತ ಇಂಧನ-ಸಮರ್ಥ ಪೆಟ್ರೋಲ್ ಕಾರು ಪಟ್ಟಿಯಲ್ಲಿ ಮುಂದುವರಿದಿದೆ. 1.2 L ಡ್ಯುಯಲ್ ಜೆಟ್ ಡ್ಯುಯಲ್ VVT BS 6 ಎಂಜಿನ್ ಜೊತೆಗೆ ಸ್ಟಾರ್ಟ್-ಸ್ಟಾಪ್ ತಂತ್ರಜ್ಞಾನ ಮತ್ತು AGS ನೊಂದಿಗೆ 24.12 kmpl ಮೈಲೇಜ್ ನೀಡುತ್ತದೆ.

ಮಾರುತಿ ಸುಜುಕಿ ಸ್ವಿಫ್ಟ್ -23.76 kmpl

ಮಾರುತಿ ಸುಜುಕಿ ಸ್ವಿಫ್ಟ್ ದೇಶದಲ್ಲಿ ತನ್ನ 3 ನೇ ಪೀಳಿಗೆಯಲ್ಲಿದೆ. ಇದು ಇಂದಿಗೂ ಅಪಾರ ಜನಪ್ರಿಯತೆಯನ್ನು ಪಡಿಯುತ್ತಾ ಸಾಗುತ್ತಿದೆ. ಮೋಜಿನ ಹ್ಯಾಚ್‌ಬ್ಯಾಕ್ ಮತ್ತು ಪ್ರಾಯೋಗಿಕತೆ ಮತ್ತು ಡ್ರೈವಿಬಿಲಿಟಿಗೆ ಸಂಬಂಧಿಸಿದಂತೆ ಇದು ಉತ್ತಮ ಕಾರೆನಿಸಿಕೊಂಡಿದೆ.

ಮಾರುತಿ ಸುಜುಕಿ ಸ್ವಿಫ್ಟ್ 1.2 L ಡ್ಯುಯಲ್ ಜೆಟ್ ಡ್ಯುಯಲ್ VVT BS6 ಅನ್ನು ಹೊಂದಿದ್ದು, ಇದನ್ನು 5 ಸ್ಪೀಡ್ ಮ್ಯಾನುವಲ್ ಅಥವಾ 5 ಸ್ಪೀಡ್ AGS ನೊಂದಿಗೆ ನೀಡಲಾಗುತ್ತಿದೆ. ಐಡಲ್ ಸ್ಟಾರ್ಟ್-ಸ್ಟಾಪ್ ಟೆಕ್‌ನೊಂದಿಗೆ AGS ರೂಪಾಂತರವು 23.76 kmpl ಮೈಲೇಜ್ ನೀಡುತ್ತದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ದೇಶದಲ್ಲಿ ಸದ್ಯ ಮೈಲೆಜ್ ಪ್ರೇರಿತ ಬಜೆಟ್ ಕಾರುಗಳಿಗೆ ಹೆಚ್ಚು ಬೇಡಿಕೆಯಿದ್ದು, ಇದನ್ನು ಪರಿಗಣಿಸಿ ಸಮರ್ಥವಾ ಇಂಧನ ದಕ್ಷತೆಯ ಕಾರುಗಳನ್ನು ಜನರಿಗೆ ನೀಡುವಲ್ಲಿ ಮಾರುತಿ ಯಶಸ್ವಿಯಾಗಿ ಮುಂದುವರಿಯುತ್ತಿದೆ. ಆದರೆ ಕೇಂದ್ರ ಸರ್ಕಾರ ಭದ್ರತೆಯನ್ನು ಹೆಚ್ಚಿಸಲು ಎಲ್ಲಾ ಕಾರುಗಳು ಕನಿಷ್ಟ 6 ಏರ್‌ಬ್ಯಾಗ್‌ಗಳನ್ನು ಹೊಂದಿರಬೇಕೆಂಬ ಹೊಸ ನೀತಿಗಳಿಗೆ ಮಾರುತಿ ಹಿಂದೇಟು ಹಾಕುತ್ತಿದ್ದು, ಒಂದು ವೇಳೆ ಇದು ಕಡ್ಡಾಯವಾದಲ್ಲಿ ತನ್ನ ಕೆಲವು ಎಂಟ್ರಿ ಲೆವಲ್ ಕಾರುಗಳನ್ನು ಸ್ಥಗಿತಗೊಳಿಸುವುದಾಗಿ ಈ ಹಿಂದೆ ತಿಳಿಸಿತ್ತು. ಈ ನಿರ್ಧಾರ ಮುಂದಿನ ದಿನಗಳಲ್ಲಿ ಯಾವೆಲ್ಲ ಬದಲಾವಣೆಗಳನ್ನು ತರಲಿದೆ ಕಾದು ನೋಡಬೇಕು.