ಒಂದೂವರೆ ಕೋಟಿ ಬೆಲೆಯ ಆಡಿ ಇ-ಟ್ರಾನ್ ಕಾರನ್ನು ಖರೀದಿಸಿದ ನಟ ರಾಮ್‌ ಚರಣ್ ಪತ್ನಿ

ಅವರು ಆಗಾಗ್ಗೆ ಕೆಲವು ಆರೋಗ್ಯ-ಸಂಬಂಧಿತ ಟಿಪ್ಸ್‌ಗಳನ್ನು ಹಂಚಿಕೊಳ್ಳುತ್ತಾ ಸಾಮಾಜಿಕ ಮಾಧ್ಯಮದಲ್ಲಿ ಉತ್ತಮ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ. ಆದರೆ, ಇತ್ತೀಚೆಗಷ್ಟೇ ಕೊನಿದೆಲ ಉಪಾಸನಾ ಅವರು ಐಷಾರಾಮಿ ಕಾರು ಖರೀದಿಸಿರುವುದಾಗಿ ತಿಳಿದುಬಂದಿದೆ. ಇದರ ಬಗ್ಗೆ ಇಲ್ಲಿ ಇನ್ನಷ್ಟು ತಿಳಿದುಕೊಳ್ಳೋಣ.

ವರದಿಗಳ ಪ್ರಕಾರ ಉಪಾಸನಾ ಅವರು ಜರ್ಮನ್ ಐಷಾರಾಮಿ ಬ್ರಾಂಡ್ 'ಆಡಿ'ಯ 'ಇ-ಟ್ರಾನ್' ಖರೀದಿಸಿದ್ದಾರೆ. ತಮ್ಮ ಇನ್ಸ್ಟಾಗ್ರಾಮ್ ಖಾತೆಯ ಮೂಲಕ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ‘ನನ್ನ ದೃಷ್ಟಿಯಲ್ಲಿ ಭವಿಷ್ಯ ಎಂದರೆ, ಸುಸ್ಥಿರತೆಯ ಜೊತೆಗೆ, ಪ್ರಗತಿಪರ ಐಷಾರಾಮಿಯೂ ಕೂಡಿ ಬರುತ್ತದೆ. ಈ ನಿಟ್ಟಿನಲ್ಲಿ ಆಡಿ ಎರಡನ್ನೂ ನೀಡುತ್ತದೆ. ಸುರಕ್ಷಿತ ಪ್ರಯಾಣವನ್ನೂ ಒದಗಿಸಲಿದೆ ಎಂದು ಹೇಳಿದ್ದಾರೆ.

ಉಪಾಸನಾ ಖರೀದಿಸಿದ, ಐಷಾರಾಮಿ ಆಡಿ ಇ-ಟ್ರಾನ್ ಬೆಲೆ ಸುಮಾರು ರೂ. 1.20 ಕೋಟಿಗೂ ಹೆಚ್ಚಿರಬಹುದು. ಉಪಾಸನಾ ಖರೀದಿಸಿರುವ ಈ ಆಡಿ ಇ-ಟ್ರಾನ್ ಕಾರು ಕೆಂಪು ಬಣ್ಣದಲ್ಲಿ ಅತ್ಯಂತ ಆಕರ್ಷಕವಾಗಿದೆ. ಆದಾಗ್ಯೂ ಕಂಪನಿಯು ಇದನ್ನು ಒಟ್ಟು 9 ಬಣ್ಣಗಳಲ್ಲಿ ನೀಡುತ್ತಿದೆ.

ಅವುಗಳೆಂದರೆ ಟೈಫೂನ್ ಗ್ರೇ, ಸಿಯಾಮ್ ಬೀಜ್, ಮೈಥೋಸ್ ಬ್ಲ್ಯಾಕ್, ಗ್ಲೇಸಿಯರ್ ವೈಟ್, ಗ್ಯಾಲಕ್ಸಿ ಬ್ಲೂ, ಫ್ಲೋರೆಟ್ ಸಿಲ್ವರ್, ಕ್ಯಾಟಲುನ್ಯಾ ರೆಡ್, ನವರ ಬ್ಲೂ. ಆಡಿಯ ಯಾವುದೇ ಎಲೆಕ್ಟ್ರಿಕ್ ಕಾರ್ ವಿನ್ಯಾಸ ಮತ್ತು ವೈಶಿಷ್ಟ್ಯಗಳು ಇತರ ಐಷಾರಾಮಿ ಎಲೆಕ್ಟ್ರಿಕ್ ಕಾರುಗಳಿಗೆ ಹೋಲಿಸಲಾಗುವುದಿಲ್ಲ.

ಇವುಗಳಲ್ಲಿ ಮ್ಯಾಟ್ರಿಕ್ಸ್ LED ಹೆಡ್‌ಲ್ಯಾಂಪ್‌ಗಳು, LED DRLಗಳು, ಬೂಟ್-ಲಿಡ್‌ನಲ್ಲಿ LED ಬಾರ್, LED ಟೈಲ್ ಲ್ಯಾಂಪ್‌ಗಳು, 20-ಇಂಚಿನ ಅಲಾಯ್ ವೀಲ್‌ಗಳು ಮತ್ತು ಎರಡೂ ಬದಿಗಳಲ್ಲಿ ಚಾರ್ಜಿಂಗ್ ಪೋರ್ಟ್ ಸೇರಿವೆ.

ವೈಶಿಷ್ಟ್ಯಗಳ ವಿಷಯಕ್ಕೆ ಬಂದರೆ, ಇದು ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಇನ್ಫೋಟೈನ್ಮೆಂಟ್ ಮತ್ತು ಕ್ಲೈಮೆಟ್ ಕಂಟ್ರೋಲ್‌ಗಾಗಿ ಮೂರು ಸ್ಕ್ರೀನ್‌ಗಳನ್ನು ಹೊಂದಿದೆ. ಇವುಗಳಲ್ಲಿ ಫೋರ್-ಝೋನ್ ಕ್ಲೈಮೇಟ್ ಕಂಟ್ರೋಲ್, ವಾಯ್ಸ್-ಅಸಿಸ್ಟೆಂಟ್, ಮೈ ಆಡಿ ಕನೆಕ್ಟ್, ಪನೋರಮಿಕ್ ಸನ್‌ರೂಫ್, ಹೆಡ್-ಅಪ್ ಡಿಸ್ಪ್ಲೇ, ವೈರ್‌ಲೆಸ್ ಸ್ಮಾರ್ಟ್‌ಫೋನ್ ಚಾರ್ಜಿಂಗ್, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಮತ್ತು ಮೌಂಟೆಡ್ ಕಂಟ್ರೋಲ್‌ಗಳೊಂದಿಗೆ ಟ್ವಿನ್-ಸ್ಪೋಕ್ ಸ್ಟೀರಿಂಗ್ ವೀಲ್ ಸೇರಿವೆ.

ಆಡಿ ಇ-ಟ್ರಾನ್ ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ (ಇ-ಟ್ರಾನ್ 50 ಮತ್ತು ಇ-ಟ್ರಾನ್ 55). ಉಪಾಸನಾ ಯಾವ ರೂಪಾಂತರವನ್ನು ಖರೀದಿಸಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ. ಆದಾಗ್ಯೂ ಈ ಎರಡು ರೂಪಾಂತರಗಳು ಎರಡು ಎಲೆಕ್ಟ್ರಿಕ್ ಮೋಟಾರ್‌ಗಳನ್ನು ಹೊಂದಿವೆ. Audi E-Tron 50 71kWh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ.

ಇದು 308bhp ಪವರ್ ಮತ್ತು 540Nm ಟಾರ್ಕ್ ಅನ್ನು ನೀಡುತ್ತದೆ. ಇದು ಕೇವಲ 6.8 ಸೆಕೆಂಡುಗಳಲ್ಲಿ ಗಂಟೆಗೆ 0 ರಿಂದ 100 ಕಿ.ಮೀ ವೇಗವನ್ನು ಪಡೆಯುತ್ತದೆ. ಆಡಿ ಇ-ಟ್ರಾನ್ 50 ನ ಗರಿಷ್ಠ ವೇಗ ಗಂಟೆಗೆ 190 ಕಿ.ಮೀ ಎಂದು ಕಂಪನಿ ಹೇಳಿಕೊಂಡಿದೆ.

ಆಡಿ ಇ-ಟ್ರಾನ್ 55 95kWh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 402bhp ಪವರ್ ಮತ್ತು 664Nm ಟಾರ್ಕ್ ಅನ್ನು ನೀಡುತ್ತದೆ. ಇದು ಕೇವಲ 5.7 ಸೆಕೆಂಡುಗಳಲ್ಲಿ 0 ರಿಂದ 100 ಕಿ.ಮೀ / ಗಂ ವೇಗವನ್ನು ಪಡೆಯುತ್ತದೆ. ಆಡಿ ಇ-ಟ್ರಾನ್ 55ನ ಗರಿಷ್ಠ ವೇಗ ಗಂಟೆಗೆ 200 ಕಿ.ಮೀ ವರೆಗೆ ಇರುತ್ತದೆ.

ಆಡಿ ಇ-ಟ್ರಾನ್ 7 ವಿಭಿನ್ನ ಡ್ರೈವ್ ಮೋಡ್‌ಗಳೊಂದಿಗೆ ಬರುತ್ತದೆ. ಅವುಗಳೆಂದರೆ ಡೈನಾಮಿಕ್, ಸ್ಪೋರ್ಟ್, ದಕ್ಷತೆ, ಕಂಫರ್ಟ್, ಆಲ್-ರೋಡ್, ಆಫ್-ರೋಡ್ ಮತ್ತು ಇಂಡಿವಿಜುವಲ್ ಮೋಡ್‌ಗಳು. ಈ ಪ್ರತಿಯೊಂದು ಮೋಡ್‌ಗಳು ಡ್ರೈವಿಂಗ್ ವಿಷಯದಲ್ಲಿ ಚಾಲಕನಿಗೆ ತುಂಬಾ ಅನುಕೂಲಕರವಾಗಿದೆ ಮತ್ತು ಉತ್ತಮ ಚಾಲನಾ ಅನುಭವವನ್ನು ನೀಡುತ್ತದೆ.

ಹೊಸ ಆಡಿ ಸುಧಾರಿತ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು 8 ಏರ್‌ಬ್ಯಾಗ್‌ಗಳು, ಬ್ರೇಕ್ ಅಸಿಸ್ಟ್, ಎಬಿಎಸ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಟ್ರಾಕ್ಷನ್ ಕಂಟ್ರೋಲ್, ಬ್ಲೈಂಡ್ ಸ್ಪಾಟ್ ಮಾನಿಟರ್ ಮತ್ತು ಪ್ರಿ-ಸೆನ್ಸ್ ಬೇಸಿಕ್ ಅನ್ನು ಒಳಗೊಂಡಿದೆ. ಇದು ಪ್ರಯಾಣಿಕರ ಸುರಕ್ಷತೆಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತದೆ.

ಆಡಿ ಇ-ಟ್ರಾನ್ 50, ಗರಿಷ್ಠ 370 ಕಿ.ಮೀ ಚಾಲನಾ ವ್ಯಾಪ್ತಿಯನ್ನು ನೀಡುತ್ತದೆ. ಅದೇ ರೀತಿ ಇ-ಟ್ರಾನ್ 55ರ ವ್ಯಾಪ್ತಿಯು ಗರಿಷ್ಠ 480 ಕಿ.ಮೀ ಇದೆ. ಈ ಶ್ರೇಣಿಯು ನಿಜವಾದ ಶ್ರೇಣಿಯ ಅಂಕಿಅಂಶಗಳ ಆಧಾರದ ಮೇಲೆ ಸ್ವಲ್ಪಮಟ್ಟಿಗೆ ಬದಲಾಗುವ ಸಾಧ್ಯತೆಯಿದೆ. ಒಟ್ಟಾರೆಯಾಗಿ ಇ-ಟ್ರಾನ್ ಅದ್ಭುತವಾದ ಅನುಭವವನ್ನು ನೀಡುತ್ತದೆ.