ಒಂದು ಕಾಲದಲ್ಲಿ ಮಿಂಚಿದ್ದ ಸ್ಯಾಂಟ್ರೊ ಕಣ್ಮರೆಯಾಗಲಿದೆಯೇ...ಕಳೆದ ತಿಂಗಳು ಮಾರಾಟವಾದ ಕಾರುಗಳೆಷ್ಟು?

ಹ್ಯುಂಡೈ ಕಂಪನಿಯ ಸ್ಯಾಂಟ್ರೋ ಕಾರನ್ನು ಕಳೆದ ತಿಂಗಳು ಒಬ್ಬರು ಕೂಡ ಖರೀದಿಸದಿರುವುದು ವಿಷಾದದ ಸಂಗತಿ. ಈ ಕಾರಿನ ಖರೀದಿಗೆ ಆಸಕ್ತಿ ತೋರದಿದ್ದರಿಂದ ಕಂಪನಿ ಇದನ್ನು ನಿಲ್ಲಸಲು ಯೋಜಿಸುತ್ತಿದೆಯೇ?

ಹ್ಯುಂಡೈ ಸ್ಯಾಂಟ್ರೋ ಕಾರು ಯಾರೂ ಸುಲಭವಾಗಿ ಮರೆಯಲು ಸಾಧ್ಯವಿಲ್ಲ. ಮೊದಲ ಬಾರಿಗೆ ಕಾರು ಖರೀದಿಸುವವರು ಈ ಕಾರನ್ನೇ ಆಯ್ಕೆ ಮಾಡುತ್ತಿದ್ದರು. ಆದರೆ ಈ ಕಾರನ್ನು ಸ್ಥಗಿತಗೊಳಿಸಿ 2018 ರಲ್ಲಿ ಹ್ಯುಂಡೈ ಮತ್ತೆ ನವೀಕರಿಸಿ ಬಿಡುಗಡೆ ಮಾಡಿತು.

ಹ್ಯುಂಡೈ ಈ ಕಾರನ್ನು ಮತ್ತೆ ಬಿಡುಗಡೆ ಮಾಡಿದಾಗ ಸಾಕಷ್ಟು ಸ್ವಾಗತ ಸಿಗುತ್ತದೆ ಎಂದು ನಿರೀಕ್ಷಿಸಿದ್ದ ಕಂಪನಿಗೆ ನಿರಾಸೆಯಾಗಿದೆ. ಬಿಡುಗಡೆಯಾದ ಚೊಚ್ಚಲ ಪ್ರದರ್ಶನದಲ್ಲಿ ಈ ಕಾರು ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯದಿದ್ದ ಕಾರಣ ಮೊದಲಿನಷ್ಟು ಬೇಡಿಕೆಯನ್ನು ಪಡೆದುಕೊಳ್ಳುವಲ್ಲಿ ವಿಫಲವಾಯಿತು. ಅಲ್ಲದೇ ಜನರು ಈ ಹೊಸ ಕಾರನ್ನು ಹೆಚ್ಚು ಇಷ್ಟಪಡಲಿಲ್ಲ. ಇದರಿಂದಾಗಿ ಈ 4 ವರ್ಷಗಳಲ್ಲಿ ಸ್ಯಾಂಟ್ರೋ ಕಾರಿನ ಮಾರಾಟ ಕ್ರಮೇಣ ಇಳಿಮುಖವಾಗುತ್ತಾ ಬಂದಿದೆ.

ಆದರೆ ಒಂದು ಹಂತದಲ್ಲಿ ಹ್ಯುಂಡೈ ಕಂಪನಿ ಕಳೆದ ಮೇ ತಿಂಗಳಲ್ಲಿ ಸ್ಯಾಂಟ್ರೋ ಉತ್ಪಾದನೆಯನ್ನು ಸಂಪೂರ್ಣವಾಗಿ ನಿಲ್ಲಿಸಿತ್ತು. ಆದರೆ ಸ್ಯಾಂಟ್ರೋ ಕಾರಿನ ಮಾರಾಟವನ್ನು ನಿಲ್ಲಿಸುವುದಾಗಿ ಅಧಿಕೃತವಾಗಿ ಹ್ಯುಂಡೈ ಕಂಪನಿ ಘೋಷಿಸಿಲ್ಲ. ಪ್ರಸ್ತುತ, ಕಂಪನಿಯು ಕಾರನ್ನು ಸ್ಟಾಕ್‌ನಲ್ಲಿ ಮಾರಾಟ ಮಾಡಲು ಆನ್‌ಲೈನ್ ಮತ್ತು ಶೋರೂಂಗಳಲ್ಲಿ ಕಾರನ್ನು ಮಾರಾಟ ಮಾಡುತ್ತಿದೆ. ಕಳೆದ ವರ್ಷವೂ ಸ್ಯಾಂಟ್ರೊ ಉತ್ತಮ ಬೇಡಿಕೆಯೊಂದಿಗೆ ಮಾರಾಟವಾಗಿತ್ತು.

ಹಾಗಾಗಿ ಸ್ಯಾಂಟ್ರೊ ಕಾರಿನ ಪಟ್ಟಿಯು ಇಂದಿಗೂ ಕಂಪನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿಯೂ ಲಭ್ಯವಿದೆ. ಈ ಸ್ಯಾಂಟ್ರೊ
ಕಾರನ್ನು ವೆಬ್‌ಸೈಟ್ ಮೂಲಕವೂ ಮಾರಾಟ ಮಾಡಲಾಗುತ್ತಿದೆ. ಹೀಗಿರುವಾಗ, ಕಳೆದ ಅಕ್ಟೋಬರ್‌ನಲ್ಲಿ ಕಂಪನಿಯ ಎಲ್ಲಾ ಕಾರುಗಳು ಉತ್ತಮವಾಗಿ ಮಾರಾಟವಾಗುತ್ತಿವೆ, ಆದರೆ ಕಂಪನಿಯು ಕಳೆದ ತಿಂಗಳು ಒಂದೇ ಒಂದು ಸ್ಯಾಂಟ್ರೋ ಕಾರನ್ನು ಸಹ ಮಾರಾಟ ಮಾಡದಿರುವುದು ಹ್ಯುಂಡೈ ಕಂಪನಿಗೆ ದುಃಖದ ಸುದ್ದಿಯಾಗಿದೆ.

ಸ್ಯಾಂಟ್ರೊ ಮಾತ್ರವಲ್ಲ, ಎಲೆಂಡ್ರಾ, ಹ್ಯುಂಡೈ ಕಾರುಗಳು ಮಾರಾಟ ಕೂಡ ಶೂನ್ಯವಾಗಿದೆ. ಅಕ್ಟೋಬರ್ 2021 ರಲ್ಲಿ ದೇಶಾದ್ಯಂತ ಒಟ್ಟು 2,877 ಹ್ಯುಂಡೈ ಸ್ಯಾಂಟ್ರೋ ಕಾರುಗಳು ಮಾರಾಟವಾಗಿವೆ. ಆದರೆ ಈ ವರ್ಷದ ಅಕ್ಟೋಬರ್‌ನಲ್ಲಿ ಒಂದು ಸ್ಯಾಂಟ್ರೋ ಕಾರು ಕೂಡ ಮಾರಾಟವಾಗಿಲ್ಲ ಎಂಬುದು ಬೇಸರದ ಸಂಗತಿ. ಹ್ಯುಂಡೈ ಇನ್ನೂ ಎಷ್ಟು ಕಾರುಗಳನ್ನು ಹೊಂದಿದೆ ಎಂಬುದು ತಿಳಿದಿಲ್ಲ. ಹ್ಯುಂಡೈ ಆರಂಭದಲ್ಲಿ ಸ್ಯಾಂಟ್ರೊವನ್ನು ರೂ 3.9 ಲಕ್ಷ ಬೆಲೆಯಲ್ಲಿ ಬಿಡುಗಡೆ ಮಾಡಿತು.

ನಂತರ ನಿರೀಕ್ಷಿತ ಸ್ವಾಗತ ದೊರೆಯದಿರುವುದು, ಬಿಡಿಭಾಗಗಳ ಬೆಲೆ ಏರಿಕೆಯಂತಹ ಹಲವು ಕಾರಣಗಳಿಂದ 4 ವರ್ಷಗಳಲ್ಲಿ ಈ ಕಾರಿನ ಬೆಲೆ 5.7 ಲಕ್ಷ ರೂ.ಗೆ ಏರಿಕೆಯಾಗಿದೆ. ಇದು ಗ್ರಾಹಕರಲ್ಲಿ ಖರೀದಿಗೆ ಹಿಂದೇಟು ಹಾಕಲು ಒಂದು ಕಾರಣವೆಂದು ಹೇಳಬಹುದು. ಜೊತೆಗೆ ಇದೇ ಬೆಲೆಗೆ ಸಖತ್ ಪೈಪೋಟಿಯೊಂದಿಗೆ ಇತರ ಕಂಪನಿಗಳು ಪ್ರೀಮಿಯಂ ಫೀಚರ್ಸ್ ನೀಡುತ್ತಿರುವುದು ಕೂಡ ಕಾರಿನ ಹಿನ್ನಡೆಗೆ ಕಾರಣವಾಗಿರಬಹುದು.

ಒಂದು ಕಾಲದಲ್ಲಿ ಗ್ರಾಹಕರು ಖರೀದಿಸುವ ಮೊದಲ ಕಾರಿನ ಆಯ್ಕೆಯಾಗಿದ್ದ ಈ ಸ್ಯಾಂಟ್ರೊ ಕಾರು ಇದೀಗ ಮಾರಾಟವಿಲ್ಲದೇ ಇರುವುದು ಎಷ್ಟು ಮಂದಿಗೆ ಬೇಸರ ತಂದಿದೆ ಎಂಬುದನ್ನು ಕಮೆಂಟ್‌ಗಳಲ್ಲಿ ತಿಳಿಸಿ. ಅಲ್ಲದೇ ಈ ಕಾರಿನ್ನು ಎಷ್ಟು ಗ್ರಾಹಕರು ತಮ್ಮ ಮೊದಲ ಕಾರಾಗಿ ಖರೀದಿಸಿ ಇಂದಿಗೂ ಓಡಿಸುತ್ತಿದ್ದಾರೆ ಎಂಬುದನ್ನು ಕಮೆಂಟ್‌ನಲ್ಲಿ ಹಂಚಿಕೊಳ್ಳಿ. ಆಟೋಮೋಟಿವ್ ಕುರಿತ ತ್ವರಿತ ಸುದ್ದಿಗಳಿಗಾಗಿ ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್‌ನೊಂದಿಗೆ ಸಂಪರ್ಕದಲ್ಲಿರಿ.