Maruti Swift: ಹೊಸ ಸ್ವಿಫ್ಟ್ ಬಹಿರಂಗ, ವಾಹನ ರಂಗವನ್ನೇ ಆಳಲಿದೆ... ಬರೋಬ್ಬರಿ 40 ಕಿ.ಮೀ ಮೈಲೇಜ್!

ಭಾರತದಲ್ಲಿ ಮಾರುತಿ ಸುಜುಕಿಯ ಭಾರೀ ಡಿಮ್ಯಾಂಡ್ ಪಡೆದಿರುವ ಕಾರುಗಳಲ್ಲಿ ಸ್ವಿಫ್ಟ್‌ ಕೂಡ ಒಂದು. ಮಾರುತಿ, ಪ್ರಸ್ತುತ ತನ್ನ ಮೂರನೇ ಜೆನ್ ಸ್ವಿಫ್ಟ್ ಅನ್ನು ಭಾರತದಲ್ಲಿ ಮಾರಾಟ ಮಾಡುತ್ತಿದೆ. ಇದೀಗ ಹೊಸ ಜೆನ್ ಸ್ವಿಫ್ಟ್ ಅನ್ನು ತರಲು ಕಂಪನಿ ಸಜ್ಜಾಗಿದ್ದು, ಹೆಚ್ಚಿನ ವಿವರಗಳನ್ನು ಇಲ್ಲಿ ನೋಡೋಣ.

ಮಾರುತಿ ಸುಜುಕಿ ಸ್ವಿಫ್ಟ್ ಮೈಲೇಜ್, ವಿನ್ಯಾಸ, ವೈಶಿಷ್ಟ್ಯಗಳಲ್ಲಿ ತನ್ನ ವಿಭಾಗದಲ್ಲಿ ಅತ್ಯಂತ ಜನಪ್ರಿಯತೆ ಪಡೆದಿದೆ. ಈಗ ಮಾರುಕಟ್ಟೆಯಲ್ಲಿ ಪ್ರತಿಸ್ಪರ್ಧಿಗಳು ಹೆಚ್ಚಾಗುತ್ತಿರುವ ಕಾರಣ ಮಾರುತಿ ಸ್ವಿಫ್ಟ್ ಫೇಸ್‌ಲಿಫ್ಟ್ ಆವೃತ್ತಿಯನ್ನು ತರಲು ಕಂಪನಿ ಸಜ್ಜಾಗಿದೆ. ಇತ್ತೀಚೆಗೆ ಜಪಾನ್ ಮೋಟಾರ್‌ ಶೋನಲ್ಲಿ ಮುಂಬರುವ ಮಾರುತಿ ಸ್ಫಿಫ್ಟ್ ಅನ್ನು ಅನಾವರಣಗೊಳಿಸಲಾಗಿದೆ. ಇದು ಬರೋಬ್ಬರಿ 40 ಕಿ.ಮೀ ಮೈಲೇಜ್ ನೀಡಲಿದೆಯಂತೆ.

ಮುಂದಿನ-ಜೆನ್ ಮಾರುತಿ ಸುಜುಕಿ ಸ್ವಿಫ್ಟ್ 2024 ರಲ್ಲಿ ಪಾದಾರ್ಪಣೆ ಮಾಡುವ ನಿರೀಕ್ಷೆಯಿದೆ. ಈ ಮಾದರಿಯು ಈಗಾಗಲೇ ಯುರೋಪ್ ಮತ್ತು ಏಷ್ಯಾದಲ್ಲಿ ಹಲವು ಬಾರಿ ಪರೀಕ್ಷಿಸಲ್ಪಟ್ಟಿದೆ. ಪ್ರಸ್ತುತ ಇರುವ 1.2-ಲೀಟರ್ K-ಸರಣಿಯ ಎಂಜಿನ್ ಅನ್ನು ಬದಲಾಯಿಸಿ, ಮುಂಬರುವ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್‌ನಲ್ಲಿ 'Z12' ಎಂಬ ಹೊಸ ಎಂಜಿನ್‌ ಅನ್ನು ನೀಡಲಿದ್ದಾರೆ. ಈ ಎಂಜಿನ್ ಕೂಡ 1.2 ಲೀಟರ್ ಸಾಮರ್ಥ್ಯವನ್ನು ಹೊಂದಿರುವ ನಿರೀಕ್ಷೆಯಿದೆ.

ಹಾಗೆಯೇ ಈ ಎಂಜಿನ್ 4 ಸಿಲಿಂಡರ್ ಕಾನ್ಫಿಗರೇಶನ್ ಬದಲಿಗೆ 3 ಸಿಲಿಂಡರ್ ಎಂಜಿನ್ ಆಗಿರಲಿದೆ ಎಂದು ಮೂಲಗಳು ತಿಳಿಸಿವೆ. ಹೊಸ ಎಂಜಿನ್ ಒಂದು ಕಡಿಮೆ ಸಿಲಿಂಡರ್‌ನೊಂದಿಗೆ ಬಂದರೂ ಪವರ್‌ಟ್ರೇನ್ ವಿಷಯದಲ್ಲಿ ಸಮಾನವಾದ ಸಾಮರ್ಥ್ಯವನ್ನು ಹೊಂದಿರಲಿದೆ. ಪ್ರತಿ ಸಿಲಿಂಡರ್ ಹೆಚ್ಚು ಸಾಮರ್ಥ್ಯವನ್ನು ಹೊಂದಿರುತ್ತದೆ (ಸುಮಾರು 400cc).

ಇದು ಪವರ್‌ಟ್ರೇನ್‌ನ ವಾಲ್ಯೂಮೆಟ್ರಿಕ್ ದಕ್ಷತೆಯನ್ನು ಹೆಚ್ಚಿಸುವ ಸಾಧ್ಯತೆಯಿದೆ. ಹೇಳುವುದಾದರೆ, ಪ್ರಸ್ತುತ 1.2-ಲೀಟರ್, 4-ಸಿಲಿಂಡರ್, ಕೆ-ಸಿರೀಸ್ ಎಂಜಿನ್ ಅದರ ಮುಕ್ತ ರಿವಿವಿಂಗ್ ಸ್ವಭಾವಕ್ಕೆ ಹೆಸರುವಾಸಿಯಾಗಿದೆ. ಮುಂದಿನ ಪೀಳಿಗೆಯ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್‌ನಲ್ಲಿನ ಹೊಸ Z-ಸರಣಿ ಎಂಜಿನ್‌ನೊಂದಿಗೆ ಹಳೆಯ ಎಂಜಿನ್ ಗುಣಲಕ್ಷಣಗಳು ಕೈಬಿಡುವ ಸಾಧ್ಯತೆಯಿದೆ.

3-ಸಿಲಿಂಡರ್ ಘಟಕವಾಗಿರುವುದರಿಂದ, ಮುಂದಿನ-ಪೀಳಿಗೆಯ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್‌ನಲ್ಲಿರುವ Z12 ಎಂಜಿನ್ ಕೂಡ ಪ್ರಸ್ತುತ ಮಾರಾಟದಲ್ಲಿರುವ ಸ್ವಿಫ್ಟ್ 1.2-ಲೀಟರ್, 4-ಸಿಲಿಂಡರ್, ಕೆ-ಸಿರೀಸ್ ಎಂಜಿನ್‌ಗಿಂತ ಹಗುರವಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಹಾಗೆಯೇ ಇದು ಹಿಂದೆಂದೂ ಕಾಣದ ಮೈಲೇಜ್ ಅಂಕಿ ಅಂಶಗಳನ್ನು ನೀಡಲಿದೆ ಎಂದು ಹೇಳಲಾಗುತ್ತಿದೆ.

ಮೈಲೇಜ್ ಮಾತ್ರವಲ್ಲದೇ ಕಾರ್ಯಕ್ಷಮತೆ ಮತ್ತು ದಕ್ಷತೆಯನ್ನು ಹೆಚ್ಚಿಸುವಲ್ಲಿಯೂ ಈ ಎಂಜಿನ್ ಪ್ರಯೋಜನಕಾರಿಯಾಗಿದೆಯಂತೆ. ದಕ್ಷತೆಯ ವಿಷಯಕ್ಕೆ ಬರುವುದಾದರೆ, ಹೊಸ Z12 ಎಂಜಿನ್‌ನೊಂದಿಗೆ, ಮುಂದಿನ ಪೀಳಿಗೆಯ ಸ್ವಿಫ್ಟ್ ಇಂಧನ ದಕ್ಷತೆಯ ಅಂಕಿ ಅಂಶಗಳ ವಿಷಯದಲ್ಲಿ ಗಮನಾರ್ಹವಾದ ಮೈಲೇಜ್ ಹಿಂದಿರುಗಿಸುವ ನಿರೀಕ್ಷೆಯಿದೆ.

ವಾಸ್ತವವಾಗಿ, ಪರೀಕ್ಷಾ ಹಂತಗಳಲ್ಲಿ ಮುಂಬರುವ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್‌ 40km/l ನಷ್ಟು ಇಂಧನ ದಕ್ಷತೆಯ ಅಂಕಿಅಂಶವನ್ನು ನೀಡುತ್ತದೆ ಎಂದು ಹೇಳಲಾಗುತ್ತಿದೆ. ಈ ಮಟ್ಟದ ಮೈಲೇಜ್ ನೀಡುವ ಹ್ಯಾಚ್‌ಬ್ಯಾಕ್‌ಗಳು ಸದ್ಯ ಯಾವೂ ಕೂಡ ಇಲ್ಲ. ಮುಂದೆ ಕೂಡ ಬರುವುದು ತುಂಬಾ ಕಷ್ಟಾ ಎಂದು ಆಟೋ ತಜ್ಞರು ಹೇಳುತ್ತಿದ್ದಾರೆ. ಹಾಗಾಗಿ ಮೈಲೇಜ್ ವಿಷಯದಲ್ಲಿ ಮುಂಬರುವ ಸ್ವಿಫ್ಟ್‌ಗೆ ಸ್ಕೂಟರ್‌ಗಳು ಮಾತ್ರ ಪ್ರತಿಸ್ಪರ್ಧಿಗಳಾಗಲಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಲು ಮರೆಯದಿರಿ.