ಸಿಂಗಲ್ ಚಾರ್ಜ್‌ನಲ್ಲಿ 430 KM ರೇಂಜ್... ಕೇವಲ ರೂ. 9.5 ಲಕ್ಷಕ್ಕೆ ಹೊಸ ಇವಿ ಕಾರು ಅನಾವರಣ

ಚೀನಾದಲ್ಲಿ ಎಲೆಕ್ಟ್ರಿಕ್ ಕಾರುಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದ್ದು, ಸಾರ್ವಜನಿಕರಿಗೆ ಅಗ್ಗದ ಬೆಲೆಯಲ್ಲಿ ಅತ್ಯುತ್ತಮ ಕಾರುಗಳನ್ನು ಪರಿಚಯಿಸುತ್ತಿದ್ದಾರೆ. ಇತ್ತೀಚೆಗೆ ನಡೆದ 21ನೇ ಗುವಾಂಗ್‌ಝೌ ಆಟೋ ಶೋನಲ್ಲಿ, ಚೀನಾದ ಸರ್ಕಾರಿ ಸ್ವಾಮ್ಯದ ಕಾರು ತಯಾರಕ ಕಂಪನಿಯಾದ ಡಾಂಗ್‌ಫೆಂಗ್ ಹೊಸ Nammi 01 EV ಅನ್ನು ಅನಾವರಣಗೊಳಿಸಿದೆ.

ಈ ಕಾರಿನ ಅನಾವರಣಕ್ಕೂ ಮೊದಲೇ ಪೂರ್ವ-ಮಾರಾಟ ನಡೆದಿದ್ದು, ಪ್ರಸ್ತುತ ಇದರ ಬೆಲೆಯು 79,800 - 109,800 ಯುವಾನ್ (ಅಂದಾಜು ರೂ. 9.46 ಲಕ್ಷದಿಂದ ರೂ. 13.02 ಲಕ್ಷ) ನಡುವೆ ಇದೆ. ಈಗಾಗಲೇ ಚೀನಾ ಮೂಲದ ಬಿವೈಡಿ ಕಾರುಗಳು ವಿಶ್ವದಾದ್ಯಂತೆ ಭಾರೀ ಸದ್ದು ಮಾಡುತ್ತಿವೆ. ಇದೇ ರೀತಿ ಮೊದಲು ಚೀನಾದಲ್ಲಿ ಡಾಂಗ್‌ಫೆಂಗ್ ಉತ್ತಮ ಬೇಡಿಕೆ ಪಡೆದು ನಂತರ ವಿಶ್ವ ಮಾರುಕಟ್ಟೆಗೆ ಲಗ್ಗೆಯಿಡಲು ಯೋಚಿಸುತ್ತಿದೆ.

ಡಾಂಗ್‌ಫೆಂಗ್ ನಮ್ಮಿ 01 ವಿಶೇಷತೆಗಳು: ಡಾಂಗ್‌ಫೆಂಗ್ ಈ ವರ್ಷದ ಆಗಸ್ಟ್‌ನಲ್ಲಿ ಹುಟ್ಟಿಕೊಂಡ ಹೊಸ ಬ್ರಾಂಡ್ ಆಗಿದೆ. ಇದು ಸಣ್ಣ ಎಲೆಕ್ಟ್ರಿಕ್ ವಾಹನಗಳ ಮೇಲೆ ಮಾತ್ರ ಗಮನ ಹರಿಸಲಿದೆ. ನಮ್ಮಿ 01 ಡಾಂಗ್‌ಫೆಂಗ್ S3 ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿರುವ ಮೊದಲ ವಾಹನವಾಗಿದೆ. ಕಾರು ಸಣ್ಣ ಹ್ಯಾಚ್‌ಬ್ಯಾಕ್‌ನಂತೆ ಕಂಡರೂ ಒಳಾಂಗಣದಲ್ಲಿ ಉತ್ತಮ ಸ್ಥಳವಕಾಶವನ್ನು ಕಲ್ಪಿಸಲಾಗಿದೆ.

ಡಾಂಗ್‌ಫೆಂಗ್ ನಮ್ಮಿ 01 ಉದ್ದಳತೆಗಳನ್ನು ನೋಡುವುದಾದ್ರೆ, 4,030 mm ಉದ್ದ, 1,810 mm ಅಗಲ ಮತ್ತು 1,570 mm ಎತ್ತರವಿದ್ದು, ವೀಲ್‌ಬೇಸ್ 2,660 mm ಇದೆ. ವೇರಿಯೆಂಟ್‌ನ ಆಧಾರದ ಮೇಲೆ ವೀಲ್‌ಗಳು 16-ಇಂಚು ಅಥವಾ 17-ಇಂಚಿನದ್ದಾಗಿರುತ್ತವೆ. ಹಂತ 2 ಸುಧಾರಿತ ಚಾಲನಾ ನೆರವು (Level 2 Advanced Driving Assistance) ಸಾಮರ್ಥ್ಯಗಳಂತಹ ಕೆಲವು ಹೈಟೆಕ್ ವೈಶಿಷ್ಟ್ಯಗಳು ಕೂಡ ಲಭ್ಯವಿದೆ.

ಡಿಸೈನ್: Dongfeng Nammi 01 EV ತನ್ನ ಕರ್ವಿ ಪ್ರೊಫೈಲ್‌ನೊಂದಿಗೆ ಮುಚ್ಚಿದ-ಆಫ್ ಗ್ರಿಲ್, ಟ್ರೈಯಾಂಗಲ್ ಹೆಡ್‌ಲ್ಯಾಂಪ್‌ಗಳು, ಇಂಟರ್‌ಕನೆಕ್ಟಿಂಗ್ LED ಸ್ಟ್ರಿಪ್‌ನೊಂದಿಗೆ LED DRL ಗಳು ಮತ್ತು ಮೆಟಾಲಿಕ್ ಫಿನಿಶ್‌ನಲ್ಲಿ ಟ್ರೆಪೆಜಾಯ್ಡಲ್ ವಿನ್ಯಾಸದ ಅಂಶಗಳೊಂದಿಗೆ ಮೆಶ್-ಟೈಪ್ ಏರ್ ಡ್ಯಾಮ್ ಸೇರಿವೆ. ಸೈಡ್ ಪ್ರೊಫೈಲ್ ಸೂಕ್ಷ್ಮವಾದ ಅಕ್ಷರ ರೇಖೆಯನ್ನು ಹೊಂದಿದ್ದು, ಮುಂಭಾಗದ ಬಾನೆಟ್‌ನಿಂದ ಹಿಂಭಾಗದ ಟೈಲ್ ಲ್ಯಾಂಪ್‌ಗಳವರೆಗೆ ವಿಸ್ತರಿಸುತ್ತದೆ.

ಸಂಯೋಜಿತ ಟರ್ನ್ ಸಿಗ್ನಲ್‌ಗಳೊಂದಿಗೆ ಡ್ಯುಯಲ್-ಟೋನ್ ORVM ಗಳು, ಫ್ಲಶ್ ಡೋರ್ ಹ್ಯಾಂಡಲ್‌ಗಳು, ಡೋರ್ ಪ್ಯಾನೆಲ್‌ಗಳು, ಬ್ಲ್ಯಾಕ್-ಔಟ್ ಪಿಲ್ಲರ್‌ಗಳು ಮತ್ತು ಸ್ಪೋರ್ಟಿ ಅಲಾಯ್ ವೀಲ್‌ಗಳು ಸೇರಿದಂತೆ ಇತರ ಪ್ರಮುಖ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಹಿಂಭಾಗದಲ್ಲಿ, ನಮ್ಮಿ 01 ರ್ಯಾಕ್ಡ್ ವಿಂಡ್‌ಶೀಲ್ಡ್ ಮತ್ತು ಟ್ರೆಪೆಜೋಡಲ್ ಟೈಲ್ ಲ್ಯಾಂಪ್‌ಗಳನ್ನು ಹೊಂದಿದೆ. ಯೆಲ್ಲೋ, ಗ್ರೀನ್, ಐವರಿ ವೈಟ್ ಮತ್ತು ಲೈಟ್ ಬ್ಲೂ ಬಣ್ಣದ ಆಯ್ಕೆಗಳು ಲಭ್ಯವಿದೆ.

ಇಂಟೀರಿಯರ್: ಒಳಗೆ ವಿಶಾಲವಾದ ನೋಟ, ಡ್ಯಾಶ್‌ಬೋರ್ಡ್ ಮತ್ತು ಸೆಂಟರ್ ಕನ್ಸೋಲ್‌ನಲ್ಲಿ ಕೆಲವೇ ಭೌತಿಕ ಬಟನ್‌ಗಳೊಂದಿಗೆ ಕಾಕ್‌ಪಿಟ್ ವಿಭಾಗವು ಸಂಪೂರ್ಣವಾಗಿ ಆಕರ್ಷಕವಾಗಿದೆ. ದೊಡ್ಡ ಫ್ಲೋಟಿಂಗ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಫುಲ್ಲಿ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಸೇರಿದಂತೆ ಹೆಚ್ಚಿನ ವೈಶಿಷ್ಟ್ಯಗಳನ್ನು ಒಳಗೆ ನೋಡಬಹುದು.

ಇತರ ಮುಖ್ಯಾಂಶಗಳನ್ನು ನೋಡುವುದಾದ್ರೆ, ಅಗಲವಾದ AC ವೆಂಟ್‌ಗಳು, ಮೌಂಟೆಡ್ ಕಂಟ್ರೋಲ್‌ಗಳೊಂದಿಗೆ ಎರಡು-ಸ್ಪೋಕ್ ಸ್ಟೀರಿಂಗ್ ವೀಲ್, ಗುಣಮಟ್ಟದ ವಸ್ತುಗಳ ಬಳಕೆ ಮತ್ತು ಕಪ್ಪು ಮತ್ತು ಬಿಳಿಯ ಡ್ಯುಯಲ್-ಟೋನ್ ಥೀಮ್‌ನೊಂದಿಗೆ ಒಳಗಿನ ನೋಟವು ಸಾಕಷ್ಟು ಪ್ರೀಮಿಯಂ ಕಾಣುತ್ತದೆ. ಹಿಂಬದಿಯ ಆಸನಗಳನ್ನು ಮಡಚಿದರೆ ಗರಿಷ್ಠ 945 ಲೀಟರ್ ಶೇಖರಣಾ ಸ್ಥಳವನ್ನು ನೀಡುತ್ತದೆ.

ಬ್ಯಾಟರಿ ಮತ್ತು ರೇಂಜ್: Nammi 01 ಫ್ರಂಟ್-ವೀಲ್ ಡ್ರೈವ್ ಅನ್ನು ಹೊಂದಿದೆ. ಎರಡು ಶ್ರೇಣಿಯ ಆಯ್ಕೆಗಳು ಲಭ್ಯವಿದ್ದು, ಒಂದು 330 ಕಿ.ಮೀ ಮತ್ತು ಇನ್ನೊಂದು 430 ಕಿ.ಮೀ ರೇಂಜ್ ನೀಡುತ್ತವೆ. ಇವುಗಳು ಕ್ರಮವಾಗಿ 31.45 kWh ಮತ್ತು 42.3 kW ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿವೆ. ಬ್ಯಾಟರಿ ಪ್ಯಾಕ್‌ಗಳು ಲಿಥಿಯಂ ಐರನ್ ಫಾಸ್ಫೇಟ್ ಸಂಯೋಜನೆಯನ್ನು ಹೊಂದಿವೆ.

Nammi 01 ಕಾರಿನ ಎಲೆಕ್ಟ್ರಿಕ್ ಮೋಟರ್ 70 kW ಅಥವಾ 95 PS ನ ಗರಿಷ್ಠ ಶಕ್ತಿಯನ್ನು ಉತ್ಪಾದಿಸುತ್ತದೆ. ರೇಟ್ ಮಾಡಲಾದ ಗರಿಷ್ಠ ವೇಗವು ಗಂಟೆಗೆ 140 ಕಿ.ಮೀ ತಲುಪುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು ವೇಗದ ಚಾರ್ಜಿಂಗ್ ಅನ್ನು ಸಹ ಸಪೋರ್ಟ್ ಮಾಡುತ್ತದೆ. 400V ವೇಗದ ಚಾರ್ಜರ್‌ನೊಂದಿಗೆ, ಕೇವಲ ಎಂಟು ನಿಮಿಷ ಚಾರ್ಜ್ ಮಾಡಿದ್ರೆ ಸುಮಾರು 200 ಕಿ.ಮೀ ರೇಂಜ್ ನೀಡುವಷ್ಟು ಚಲಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.