ಸ್ಮಾರ್ಟ್ ಫೀಚರ್ಸ್, ಕೈಗೆಟುಕುವ ದರದಲ್ಲಿ ಹೊಸ ಇಸುಝು ಪಿಕ್-ಅಪ್ ಟ್ರಕ್ ಬಿಡುಗಡೆ: ಮಹಿಂದ್ರಾಗೆ ಆತಂಕ ಶುರು

ಜಪಾನ್ ವಾಹನ ತಯಾರಕ ಕಂಪನಿಯಾಗಿರುವ ಇಸುಝು ಮೋಟಾರ್ಸ್ ಕಂಪನಿಯು ಭಾರತದಲ್ಲಿ ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ ಪಿಕ್-ಅಪ್ ಟ್ರಕ್‌ನಲ್ಲಿ ಹೊಸ ಟಾಪ್-ಸ್ಪೆಕ್ Z ರೂಪಾಂತರವನ್ನು ಬಿಡುಗಡೆ ಮಾಡಿದೆ. ಈ ಹೊಸ ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z (Isuzu D-Max S-Cab Z) ರೂಪಾಂತರದ ಪರಿಚಯಾತ್ಮಕ ಬೆಲೆಯು ಚೆನ್ನೈ ಎಕ್ಸ್ ಶೋ ರೂಂ ಪ್ರಕಾರ ರೂ.15 ಲಕ್ಷವಾಗಿದೆ.

ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ ಕಮರ್ಶಿಯಲ್ ಕ್ಯಾಬ್ ಆಗಿದ್ದು, ವಿವಿಧ ವ್ಯಾಪಾರ ಅಗತ್ಯಗಳಿಗಾಗಿ ಉದ್ಯಮಿಗಳು ಮತ್ತು ಫ್ಲೀಟ್ ಆಪರೇಟರ್‌ಗಳನ್ನು ಗುರಿಯಾಗಿಸಿಕೊಂಡಿದೆ. ಈ ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ ಪಿಕ್-ಅಪ್ ಟ್ರಕ್ Z ರೂಪಾಂತರದಲ್ಲಿ ಹೊಸ ಫಿಚರ್ಸ್ ಮತ್ತು ಕೆಲವು ಸೌಕರ್ಯಗಳನ್ನು ಸೇರಿಸಿದೆ. ಇದು ಈ ಪಿಕ್-ಅಪ್ ಟ್ರಕ್ ಅನ್ನು ಚಾಲನೆ ಮಾಡಲು ಆಯ್ಕೆ ಮಾಡುವ ಮಾಲೀಕರಿಗೆ ವಿಶೇಷ ಅನುಭವವನ್ನು ನೀಡುತದೆ.

ಹೊಸ ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z ರೂಪಾಂತರವು ಕ್ರೋಮ್ ಗ್ರಿಲ್, LED DRL ಗಳೊಂದಿಗೆ ಬೈ-LED ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು, ಮುಂಭಾಗದ ಫಾಂಗ್ ಲ್ಯಾಂಪ್ ಗಳು, ಡೋರ್ ಹ್ಯಾಂಡಲ್‌ಗಳಲ್ಲಿ ಕ್ರೋಮ್ ಫಿನಿಶ್ ಮತ್ತು ಟೈಲ್‌ಗೇಟ್ ಹ್ಯಾಂಡಲ್‌ನಂತಹ ಫೀಚರ್ಸ್ ಗಳನ್ನು ಸೇರಿಸುತ್ತದೆ. ಇನ್ನು ಸಿಬ್ಬಂದಿ ಕ್ಯಾಬ್ ಟರ್ನ್ ಇಂಡಿಕೇಟರ್‌ಗಳು, ರೂಫ್ ರೈಲ್‌ಗಳು ಮತ್ತು ಗನ್‌ಮೆಟಲ್-ಫಿನಿಶ್ಡ್ ಶಾರ್ಕ್ ಫಿನ್ ಆಂಟೆನಾವನ್ನು ಹೊಂದಿದೆ.

ದೃಷ್ಟಿಗೋಚರ ನೋಟವನ್ನು ಸುಧಾರಿಸಲು ಹೊಸ ಸಿಕ್ಸ್-ಸ್ಪೋಕ್ ವೀಲ್ ಕವರ್‌ಗಳೊಂದಿಗೆ ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ಕ್ರೋಮ್-ಸಿದ್ಧಪಡಿಸಿದ ORVM ಗಳನ್ನು ಹೊಂದಿವೆ. ಇದಲ್ಲದೆ, ಟಾಪ್-ಎಂಡ್ ಡಿ-ಮ್ಯಾಕ್ಸ್ S-ಕ್ಯಾಬ್ Z ರೂಪಾಂತರದ ಕ್ಯಾಬಿನ್ ಆಂಟಿ-ಸ್ಕಿಡ್ ಸೈಡ್‌ಸ್ಟೆಪ್ಸ್, ಕೀಲೆಸ್ ಎಂಟ್ರಿ, ಪಿಯಾನೋ ಬ್ಲ್ಯಾಕ್ ಫಿನಿಶ್ ಟ್ರಿಮ್‌ಗಳು, ಮಲ್ಟಿ-ಫಂಕ್ಷನ್ ಲೆದರ್-ವ್ರ್ಯಾಪ್ಡ್ ಸ್ಟೀರಿಂಗ್ ವೀಲ್ ಮತ್ತು ಡ್ಯುಯಲ್-ಟೋನ್ ಡಾರ್ಕ್ ಗ್ರೇ ಅಪ್ಹೋಲ್ಸ್ಟರಿಯನ್ನು ಪಡೆಯುತ್ತದೆ.

ಈ ಮಾದರಿಯಲ್ಲಿ ಎತ್ತರ-ಹೊಂದಾಣಿಕೆ ಹೆಡ್‌ರೆಸ್ಟ್‌ಗಳು ಮತ್ತು ಮುಂಭಾಗದ ಸೀಟುಗಳಲ್ಲಿ ಹಿಂಭಾಗದ ಪಾಕೆಟ್‌ಗಳೊಂದಿಗೆ ಬರುತ್ತದೆ. ಇತರ ವೈಶಿಷ್ಟ್ಯಗಳ ನವೀಕರಣಗಳಲ್ಲಿ ಆರು ಸ್ಪೀಕರ್‌ಗಳೊಂದಿಗೆ 7-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ, ಡ್ಯುಯಲ್ USB ಪೋರ್ಟ್‌ಗಳು, ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ, ಆಟೋ ಅಪ್-ಡೌನ್ ಡ್ರೈವರ್ ಸೈಡ್ ಪವರ್ ವಿಂಡೋ ಹೊಂದಿರುವ ಎಲ್ಲಾ ನಾಲ್ಕು ಪವರ್ ವಿಂಡೋಗಳು, ಮ್ಯಾಪ್ ಲ್ಯಾಂಪ್ ಮತ್ತು ಸನ್‌ಗ್ಲಾಸ್ ಹೋಲ್ಡರ್, ವ್ಯಾನಿಟಿ ಮಿರರ್ ಅನ್ನು ಹೊಂದಿದೆ.

ಇಸುಝ್ಯ್ ಮೋಟಾರ್ಸ್ ಇಂಡಿಯಾದ ಡೆಪ್ಯುಟಿ ಮ್ಯಾನೇಜಿಂಗ್ ಡೈರೆಕ್ಟರ್ ಟೋರು ಕಿಶಿಮೊಟೊ ಅವರು ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z ರೂಪಾಂತರದ ಬಗ್ಗೆ ಮಾತನಾಡಿ, ನಮ್ಮ ವಾಹನಗಳು ಅತ್ಯುತ್ತಮವಾದ ಸೌಕರ್ಯ ಮತ್ತು ಸುರಕ್ಷತೆಯನ್ನು ಒದಗಿಸುವ ಜೊತೆಗೆ ಶೈಲಿ, ವಿಶ್ವಾಸಾರ್ಹತೆ ಮತ್ತು ಕಾರ್ಯಕ್ಷಮತೆಯ ಪರಿಪೂರ್ಣ ಸಂಯೋಜನೆಯನ್ನು ನೀಡಲು ವಿನ್ಯಾಸಗೊಳಿಸಲಾಗಿದೆ. ಬೆಳೆಯುತ್ತಿರುವ ಗ್ರಾಹಕ ಸಮುದಾಯವನ್ನು ಬೆಂಬಲಿಸಲು, ತಡೆರಹಿತ ಮಾರಾಟ ಮತ್ತು ಸರ್ವಿಸ್ ಟಚ್‌ಪಾಯಿಂಟ್‌ಗಳನ್ನು ಒದಗಿಸಲು ನಾವು ನಮ್ಮ ಡೀಲರ್‌ಶಿಪ್ ನೆಟ್‌ವರ್ಕ್ ಅನ್ನು ಹೆಚ್ಚಿಸುತ್ತಿದ್ದೇವೆ.

ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z ರೂಪಾಂತರವನ್ನು ಪ್ರಾರಂಭಿಸಲು ನಾವು ಉತ್ಸುಕರಾಗಿದ್ದೇವೆ, ಇದು ನಿಜವಾಗಿಯೂ ಆರ್ಡಿನರಿಯನ್ನು ಮೀರಿದ ಮಹತ್ವಾಕಾಂಕ್ಷೆಯ ವಾಹನದ ಸಾರವನ್ನು ಒಳಗೊಂಡಿದೆ. ಇಸುಝು ಡಿ-ಮ್ಯಾಕ್ಸ್ ಸರಣಿಯು ಭಾರತದಲ್ಲಿನ ಅನೇಕ ಗ್ರಾಹಕರಿಗೆ ಯಶಸ್ಸಿನ ಕಥೆಯಾಗಿದೆ ಮತ್ತು ಇಸುಜು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z ನಮ್ಮ ಮಹತ್ವಾಕಾಂಕ್ಷೆಯ ಗ್ರಾಹಕರಿಗೆ ಮೌಲ್ಯದ ಪ್ರತಿಪಾದನೆಯನ್ನು ನಿಜವಾಗಿಯೂ ಹೆಚ್ಚಿಸುತ್ತದೆ ಎಂದು ನಮಗೆ ವಿಶ್ವಾಸವಿದೆ ಎಂದು ಹೇಳಿದರು.

ಇಸುಝು ಡಿ-ಮ್ಯಾಕ್ಸ್ ಎಸ್-ಕ್ಯಾಬ್ Z ರೂಪಾಂತರದಲ್ಲಿ 2.5-ಲೀಟರ್ ಇಸುಜು 4JA1 ಡೀಸೆಲ್ ಎಂಜಿನ್‌ ಅನ್ನು ಹೊಂದಿದೆ. ಈ ಎಂಜಿನ್ 77.7 bhp ಮತ್ತು 176 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 5-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ. ಇನ್ನು ಈ ಮಾದರಿಯು ಕಾಸ್ಮಿಕ್ ಕಪ್ಪು, ಗಲೆನಾ ಗ್ರೇ, ಸ್ಪ್ಲಾಶ್ ವೈಟ್, ನಾಟಿಲಸ್ ಬ್ಲೂ ಮತ್ತು ಟೈಟಾನಿಯಂ ಸಿಲ್ವರ್ ಎಂಬ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಶಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ಮರೆಯದಿರಿ.