Kia Seltos: ಭಾರತದಲ್ಲಿ ಮೋಡಿ ಮಾಡಲು ಅತ್ಯಾಧುನಿಕ ಫೀಚರ್ಸ್‌ಗಳೊಂದಿಗೆ ಬರುತ್ತಿದೆ ಕಿಯಾ ಸೆಲ್ಟೋಸ್

ಜನಪ್ರಿಯ ಕಿಯಾ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದ ಮೊದಲ ಮಾದರಿ ಸೆಲ್ಟೋಸ್ ಎಸ್‍ಯುವಿಯಾಗಿದೆ. ಈ ಸೆಲ್ಟೋಸ್ ಎಸ್‍ಯುವಿಯು ಮಾರಾಟದಲ್ಲಿ ಹೊಸ ಸಂಚಲನವನ್ನು ಮೂಡಿಸಿತ್ತು. ಭಾರತದ ಗ್ರಾಹಕರು ಈ ಸೆಲ್ಟೋಸ್ ಎಸ್‍‍ಯುವಿಯ ಆಕರ್ಷಕ ಲುಕ್ ಮತ್ತು ಅತ್ಯಾಧುನಿಕ ಫೀಚರ್ಸ್‌ಗಳಿಗೆ ಫುಲ್ ಫಿದಾ ಆಗಿದ್ದಾರೆ.

ಜನಪ್ರಿಯ ವಾಹನ ತಯಾರಕ ಕಂಪನಿಯಾದ ಕಿಯಾ ಇಂಡಿಯಾ ತನ್ನ ಬಹುನಿರೀಕ್ಷಿತ 2023ರ ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್ ಎಸ್‍ಯುವಿಯನ್ನು ಸ್ಟೈಲಿಂಗ್ ಮತ್ತು ಉನ್ನತ-ಮಟ್ಟದ ಫೀಚರ್ಸ್ ಗಳ ವಿಷಯದಲ್ಲಿ ದೊಡ್ಡ ಬದಲಾವಣೆಗಳೊಂದಿಗೆ ಬಿಡುಗಡೆಗೆ ಸಜ್ಜಾಗುತ್ತಿದೆ, ಆದರೆ ಕಂಪನಿಯು ಈ ಹೊಸ ಎಸ್‍ಯುವಿಯ ಬಿಡುಗಡೆ ದಿನಾಂಕವನ್ನು ಬಹಿರಂಗವಾಗದಿದ್ದರೂ, ಮಾದರಿಯು 2023ರ ಮಧ್ಯದಲ್ಲಿ ಬಹುಶಃ ಜುಲೈನಲ್ಲಿ ಬಿಡುಗಡೆಯಾಗಬಹುದು.

ಮಿಡ್-ಲೈಫ್ ಅಪ್‌ಡೇಟ್‌ನೊಂದಿಗೆ, ಸೆಲ್ಟೋಸ್ ಹೊಸದಾಗಿ ವಿನ್ಯಾಸಗೊಳಿಸಲಾದ ಫ್ರಂಟ್ ಗ್ರಿಲ್ ಮತ್ತು ಹೆಡ್‌ಲ್ಯಾಂಪ್‌ಗಳನ್ನು ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ಗ್ರಿಲ್ ಮತ್ತು ಟ್ವೀಕ್ಡ್ ಫ್ರಂಟ್ ಬಂಪರ್‌ಗೆ ವಿಸ್ತರಿಸುತ್ತದೆ. ಸೈಡ್ ಪ್ರೊಫೈಲ್ ಪ್ರಸ್ತುತ ಮಾದರಿಯಂತೆಯೇ ಹೆಚ್ಚು ಅಥವಾ ಕಡಿಮೆ ಇರುತ್ತದೆ. ಈ ಎಸ್‍ಯುವಿಯು ಹೊಸ ಅಲಾಯ್ ವ್ಹೀಲ್ ಗಳನ್ನು ಹೊಂದಿರುತ್ತದೆ. ಈ ಎಸ್‍ಯುವಿಯ ಹಿಂಭಾಗದಲ್ಲಿಯು ಗಮನಾರ್ಹ ಬದಲಾವಣೆಗಳು ಗೋಚರಿಸುತ್ತವೆ.

ಇನ್ನು 2023ರ ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್ ಡ್ಯುಯಲ್ ಎಕ್ಸಾಸ್ಟ್ ಟಿಪ್ಸ್‌ನೊಂದಿಗೆ ಬರುವ ತನ್ನ ವಿಭಾಗದಲ್ಲಿ ಮೊದಲ ವಾಹನವಾಗಿದೆ. ಈ ಎಸ್‍ಯುವಿಯು ಎಲ್‌ಇಡಿ ಟೈಲ್‌ಲ್ಯಾಂಪ್‌ಗಳಲ್ಲಿ ಅನುಕ್ರಮ ಟರ್ನ್ ಇಂಡೀಕೇಟರ್ಸ್ ಗಳನ್ನು ಸಹ ಹೊಂದಿರುತ್ತದೆ, ಇದನ್ನು ಲೈಟ್ ಬಾರ್ ಮೂಲಕ ಸಂಪರ್ಕಿಸಲಾಗುತ್ತದೆ. ಟೈಲ್‌ಗೇಟ್ ಅನ್ನು ಮರುವಿನ್ಯಾಸಗೊಳಿಸಲಾಗುವುದು ಮತ್ತು ಪರವಾನಗಿ ಪ್ಲೇಟ್‌ಗಾಗಿ ದೊಡ್ಡ ಇಂಡೆಂಟೇಶನ್ ಅನ್ನು ಹೊಂದಿರುತ್ತದೆ.

2023ರ ಕಿಯಾ ಸೆಲ್ಟೋಸ್ ಎಸ್‍ಯುವಿಯು ADAS ಸೂಟ್ ಮತ್ತು ಹೆಚ್ಚು ಸ್ಟ್ಯಾಂಡರ್ಡ್ ಫಿಟ್‌ಮೆಂಟ್‌ಗಳೊಂದಿಗೆ ಹೆಚ್ಚಿನ ಸುರಕ್ಷತೆಯನ್ನು ಹೊಂದಿರುತ್ತದೆ. ಈ ಎಸ್‍ಯುವಿಯಲ್ಲಿ ಸುರಕ್ಷತಾ ಕಿಟ್‌ನಲ್ಲಿ 6 ಏರ್‌ಬ್ಯಾಗ್‌ಗಳು, ಪಾರ್ಕಿಂಗ್ ಸೆನ್ಸರ್, ಕ್ಯಾಮೆರಾ, ಹಿಲ್ ಅಸಿಸ್ಟ್ ಕಂಟ್ರೋಲ್ ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಕೂಡ ಒಳಗೊಂಡಿರುತ್ತದೆ. ಇದು 10.25-ಇಂಚಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು 10.25-ಇಂಚಿನ ಸೆಂಟರ್ ಡಿಸ್ಪ್ಲೇಯನ್ನು ಸಂಯೋಜಿಸುವ ಸೆಗ್ಮೆಂಟ್-ಮೊದಲ ಪನೋರಮಿಕ್ ಸ್ಕ್ರೀನ್ ಡಿಸ್ಪ್ಲೇಯೊಂದಿಗೆ ಬರುತ್ತದೆ.

ಇದು ಡಿಜಿಟಲ್ ಗೇಜ್ ಅಪ್‌ಗ್ರೇಡ್ ಮತ್ತು ಹೊಸ ಡ್ಯಾಶ್ ಟ್ರಿಮ್‌ನೊಂದಿಗೆ 4.2-ಇಂಚಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಪಡೆಯುತ್ತದೆ. ಈ ಹೊಸ ಕಿಯಾ ಎಸ್‍ಯುವಿಯು ಇದು ಮ್ಯಾಪ್ ಮತ್ತು ಇನ್ಫೋಟೈನ್‌ಮೆಂಟ್ ಓವರ್-ದಿ-ಏರ್ (OTA) ನವೀಕರಣಗಳೊಂದಿಗೆ ಬರುತ್ತದೆ. ಈ ರೂಪಾಂತರವು ಗನ್‌ಮೆಟಲ್ ಫಿನಿಶ್‌ನೊಂದಿಗೆ ವಿಶೇಷವಾದ ಮುಂಭಾಗದ ಗ್ರಿಲ್ ವಿನ್ಯಾಸದೊಂದಿಗೆ ಬರುತ್ತದೆ,

ಇನ್ನು ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್ ಎಸ್‍ಯುವಿ 4 ಯುಎಸ್‌ಬಿ ಪೋರ್ಟ್‌ಗಳು, ಪವರ್ ಲಿಫ್ಟ್‌ಗೇಟ್, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು ಮತ್ತು ಕಿಯಾ ಕನೆಕ್ಟ್ - ಕನೆಕ್ಟಿವಿಟಿ ಕಾರ್ ತಂತ್ರಜ್ಞಾನದೊಂದಿಗೆ ಬರುತ್ತದ, ಇದು ಡಿಜಿಟಲ್ ಕೀ 2 ಟಚ್ ಹೊಂದಿದ್ದು, ಐಫೋನ್, Apple ವಾಚ್ ಮತ್ತು Samsung Galaxy ಸ್ಮಾರ್ಟ್ ಸಾಧನಗಳನ್ನು ಲಾಕ್, ಅನ್‌ಲಾಕ್ ಮತ್ತು ಡ್ರೈವ್ ಮಾಡಲು ವರ್ಚುವಲ್ ವೆಹಿಕಲ್ ಕೀ ಆಗಿ ಬಳಸಬಹುದಾಗಿದೆ. ಈ ಕೀಯನ್ನು ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಹಂಚಿಕೊಳ್ಳಬಹುದಾಗಿದೆ.

2023ರ ಕಿಯಾ ಸೆಲ್ಟೋಸ್ ಎಸ್‍ಯುವಿಯಲ್ಲಿ 1.4-ಲೀಟರ್ T-GDi ಯುನಿಟ್ ಅನ್ನು ಬದಲಾಯಿಸಿ 1.5-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಅನ್ನು ನೀಡಲಾಗುತ್ತದೆ. ಇದರೊಂದಿಗೆ 1.5 ಲೀಟರ್ CRDi ಡೀಸೆಲ್ ಎಂಜಿನ್ ಅನ್ನು ಹೊಂದಿರುತ್ತದೆ. ಈ ಎಂಜಿನ್ ಅನ್ನು 6-ಸ್ಪೀಡ್ iMT ಮತ್ತು 6-ಸ್ಪೀಡ್ ಟಾರ್ಕ್ ಕರ್ನವಾಟರ್ ನೊಂದಿಗೆ ಜೋಡಿಸಲಾಗುತ್ತದೆ. ಇನ್ನು 1.5 ಲೀಟರ್ NA ಪೆಟ್ರೋಲ್ ಎಂಜಿನ್ ಸಹ ಫೇಸ್‌ಲಿಫ್ಟ್ ಮಾದರಿಯೊಂದಿಗೆ ಮುಂದುವರಿಯುತ್ತದೆ.