ಯಾವುದೇ ಸನ್ನಿವೇಶಕ್ಕೂ ಬಗ್ಗದ ಐಷಾರಾಮಿ ಮರ್ಸಿಡಿಸ್ G 400d ಎಸ್‍ಯುವಿ ಬಿಡುಗಡೆ

ಜರ್ಮನಿ ಮೂಲದ ಐಷಾರಾಮಿ ಕಾರು ತಯಾರಕ ಕಂಪನಿಯಾದ ಮರ್ಸಿಡಿಸ್ ಬೆಂಝ್ ತನ್ನ ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಈ ಹೊಸ ಮರ್ಸಿಡಿಸ್ G 400d (Mercedes G 400d) ಎಸ್‍ಯುವಿಯ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.2.55 ಕೋಟಿಯಾಗಿದೆ.

ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯು AMG ಲೈನ್ ಮತ್ತು ಅಡ್ವೆಂಚರ್ ಎಡಿಷನ್ ಎಂಬ ಎರಡೂ ರೂಪಾಂತರಗಳಲ್ಲಿ ಲಭ್ಯವಿದೆ. ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯ ಖರೀದಿಗಾಗಿ ಬುಕ್ಕಿಂಗ್ ಅನ್ನು ಪ್ರಾರಂಭಿಸಿದೆ. ಈ ಐಷಾರಾಮಿ ಎಸ್‍ಯುವಿಯನ್ನು ಖರೀದಿಸಲು ಬಯಸುವ ಗ್ರಾಹಕರು ರೂ.1.5 ಲಕ್ಷ ಪಾವತಿಸಿ ಬುಕ್ಕಿಂಗ್ ಮಾಡಿಕೊಳ್ಳಬಹುದು. ಇದು ಪವರ್ ಫುಲ್ ಎಂಜಿನ್ ಮತ್ತು ರಗಡ್ ಲುಕ್ ಹೊಂದಿರುವ ಎಸ್‍ಯುವಿಯಾಗಿದೆ.

ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯಲ್ಲಿ ಅತ್ಯಂತ ಪವರ್ ಫುಲ್ ಡೀಸೆಲ್ ಎಂಜಿನ್‌ OM656, 2.9-ಲೀಟರ್, ಸಿಂಗಲ್ ಟರ್ಬೊ, ಇನ್‌ಲೈನ್ ಆರು-ಸಿಲಿಂಡರ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 3,600 ರಿಂದ 4,200rpm ವರೆಗೆ 325.8bhp ಮತ್ತು 1,200 ರಿಂದ 3,200rpm ವರೆಗೆ 700Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಎಂಜಿನ್ ಅನ್ನು 9-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ. ಇದು ಎಲ್ಲಾ ವ್ಹೀಲ್ ಗಳಿಗೆ ಪವರ್ ಅನ್ನು ಕಳುಹಿಸುತ್ತದೆ. ಈ ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯು ಕೇವಲ 6.4 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇನ್ನು ಈ ಹೊಸ ಎಸ್‍ಯುವಿಯು 210 ಕಿ.ಮೀ ಟಾಪ್ ಸ್ಪೀಡ್ ಅನ್ನು ಹೊಂದಿದೆ.

ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯು 241mm ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 45 ಡಿಗ್ರಿ ಗರಿಷ್ಠ ಗ್ರೇಡಬಿಲಿಟಿಯನ್ನು ಹೊಂದಿದೆ. ಈ ಎಸ್‍ಯುವಿಯು ವಿಶೇಷ ಆಫ್-ರೋಡ್ 'G' ಡ್ರೈವಿಂಗ್ ಮೋಡ್ ಅನ್ನು ಸಹ ಹೊಂದಿದೆ. ಮೊದಲೇ ಹೇಳಿದಂತೆ, ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯನ್ನು AMG ಲೈನ್ ಮತ್ತು ಅಡ್ವೆಂಚರ್ ಎಡಿಷನ್ ಎಂಬ ಎರಡೂ ರೂಪಾಂತರಗಳಲ್ಲಿ ಲಭ್ಯವಿದೆ.

ಭಾರತೀಯ ಮಾರುಕಟ್ಟೆಗೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಅಡ್ವೆಂಚರ್ ಆವೃತ್ತಿಯ ಬೆಲೆಯು ರೂ.2.55 ಕೋಟಿಯಾಗಿದೆ. ಈ ಎಸ್‍ಯುವಿಯ AMG ಲೈನ್ ರೂಪಾಂತರವು ಮಲ್ಟಿಬೀಮ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು, ಸ್ಟೇನ್‌ಲೆಸ್ ಸ್ಟೀಲ್ ಸ್ಪೇರ್ ವೀಲ್ ಕವರ್, 20-ಇಂಚಿನ ಅಲಾಯ್ ವ್ಹೀಲ್ ಗಳು, ಸಿಲ್ವರ್‌ನಲ್ಲಿ ಬ್ಯಾಷ್ ಪ್ಲೇಟ್, ಸ್ಲೈಡಿಂಗ್ ಸನ್‌ರೂಫ್, ಮಲ್ಟಿ-ಫಂಕ್ಷನಲ್ ಸ್ಟೀರಿಂಗ್ ವೀಲ್, ವೈಡ್‌ಸ್ಕ್ರೀನ್ ಡ್ರೈವರ್‌ಸ್ ಡಿಸ್ಪ್ಲೇಯಂತಹ ಕೆಲವು ಹೈಲೈಟ್ ಫೀಚರ್ಸ್ ಗಳನ್ನು ಪಡೆಯುತ್ತದೆ.

ಇನ್ನು ಈ ಎಸ್‍ಯುವಿಯು ಬರ್ಮೆಸ್ಟರ್ ಸರೌಂಡ್ ಸೌಂಡ್ ಸಿಸ್ಟಮ್, ಸ್ಲೈಡಿಂಗ್ ಸನ್‌ರೂಫ್ ಮತ್ತು 64 ಬಣ್ಣಗಳಲ್ಲಿ ಆಂಬಿಯೆಂಟ್ ಲೈಟಿಂಗ್ ಅನ್ನು ಒಳಗೊಂಡಿದೆ. ಹೊಸ ಮರ್ಸಿಡಿಸ್ G 400d ಎಸ್‍ಯುವಿಯ ಅಡ್ವೆಂಚರ್ ಎಡಿಷನ್ ಮಾದರಿಯು ಇಷ್ಟಪಡುವ ಮತ್ತು ಉತ್ಕಟ ಆಫ್-ರೋಡ್ ಉತ್ಸಾಹಿಗಳಾಗಿರುವ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡಿದೆ. ಈ ಮೇಡ್ ಫಾರ್ ಇಂಡಿಯಾ ವಿಶೇಷ ಆವೃತ್ತಿಯ ಕಿಟ್ ಯಾವ ರೀತಿಯ ಪ್ರೇಕ್ಷಕರನ್ನು ಗುರಿಯಾಗಿಸಿಕೊಂಡಿದೆ ಎಂಬುದನ್ನು ತೋರಿಸುತ್ತದೆ.

ಈ ಎಸ್‍ಯುವಿಯ ಅಡ್ವೆಂಚರ್ ಎಡಿಷನ್ ಸಿ ಪ್ರೊಫೈಲ್ ರೈಲ್‌ಗಳೊಂದಿಗೆ ರೂಫ್ ರ್ಯಾಕ್ ಅನ್ನು ಹೊಂದಿದೆ, ಆಂಟಿ-ಸ್ಲಿಪ್ ಕೋಟಿಂಗ್‌ನೊಂದಿಗೆ ಹಿಂಭಾಗದಲ್ಲಿ ತೆಗೆಯಬಹುದಾದ ಲ್ಯಾಡರ್ ಮತ್ತು 18-ಇಂಚಿನ 5-ಸ್ಪೋಕ್ ಅಲಾಯ್ ವ್ಹೀಲ್ ಗಳನ್ನು ಹೊಂದಿವೆ. ಇದರೊಂದಿಗೆ ಡೋರ್ ಹ್ಯಾಂಡಲ್‌ಗಳು ಲೋಗೋ, ವೃತ್ತಿಪರ ಲೈನ್ ಬಾಹ್ಯ ಪ್ಯಾಕೇಜ್ ಮತ್ತು ನಪ್ಪಾ ಲೆದರ್‌ನಲ್ಲಿ ಮಲ್ಟಿಫಂಕ್ಷನ್ ಸ್ಟೀರಿಂಗ್ ವೀಲ್ ಅನ್ನು ಹೊಂದಿವೆ.