ಹೊಸ ಟೆಸ್ಲಾ ಸೈಬರ್‌ಟ್ರಕ್ ವಿತರಣೆ ಪ್ರಾರಂಭ: ಮುಗಿಬಿದ್ದ ಗ್ರಾಹಕರು!

ಟೆಸ್ಲಾ (Tesla) ಅಮೆರಿಕಾ ಮೂಲದ ಜನಪ್ರಿಯ ಎಲೆಕ್ಟ್ರಿಕ್ ಕಾರು ತಯಾರಕ ಕಂಪನಿಯಾಗಿದೆ. ಕಂಪನಿಯ ಎಲೆಕ್ಟ್ರಿಕ್ ಕಾರುಗಳು ತಮ್ಮ ಅತ್ಯಾಧುನಿಕ ತಂತ್ರಜ್ಞಾನ, ಆಕರ್ಷಕ ನೋಟ, ಅತ್ಯುತ್ತಮ ಕಾರ್ಯಕ್ಷಮತೆ ಹಾಗೂ ಅತ್ಯಾಧುನಿಕ ಫೀಚರ್'ಗಳಿಗೆ ಹೆಸರುವಾಸಿಯಾಗಿವೆ. ಇದೀಗ ಟೆಸ್ಲಾ ಕಂಪನಿಯು ತನ್ನ ಬಹು ನಿರೀಕ್ಷಿತ ಸೈಬರ್‌ಟ್ರಕ್ ಅನ್ನು ವಿತರಿಸಲು ಪ್ರಾರಂಭಿಸಿದೆ.

ಟೆಸ್ಲಾ ಸೈಬರ್‌ಟ್ರಕ್ (Tesla Cybertruck) ಫ್ಯೂಚರಿಸ್ಟಿಕ್ ಆಲ್-ಎಲೆಕ್ಟ್ರಿಕ್ ಪಿಕಪ್ ಅನ್ನು 4 ವರ್ಷಗಳ ಹಿಂದೆ 2019 ರಲ್ಲಿ ಅನಾವರಣಗೊಳಿಸಿತು. ಟೆಸ್ಲಾ ಕಂಪನಿಯು ನಿನ್ನೆ ಟೆಕ್ಸಾಸ್‌ನಲ್ಲಿರುವ ಟೆಸ್ಲಾ ಉತ್ಪಾದನಾ ಘಟಕದಲ್ಲಿ ಟೆಸ್ಲಾ ಸೈಬರ್‌ಟ್ರಕ್ ಮಾದರಿಯನ್ನು ಆಯಾ ಮಾಲೀಕರಿಗೆ ಹಸ್ತಾಂತರಿಸಲಾಗಿದೆ. ಅಮೇರಿಕನ್ ಸಂಸ್ಥೆಯು ಎಲೆಕ್ಟ್ರಿಕ್ ಪಿಕಪ್ ಟ್ರಕ್‌ನ ಮೂರು ರೂಪಾಂತರಗಳ ಬಗ್ಗೆ ವಿವರಗಳನ್ನು ಬಹಿರಂಗಪಡಿಸಿದೆ.

ಟೆಸ್ಲಾ ಸೈಬರ್‌ಟ್ರಕ್‌ನ ಮೂರು ಮಾದರಿಗಳು ಸಿಂಗಲ್-ಮೋಟರ್, ಡ್ಯುಯಲ್-ಮೋಟರ್ ಆಲ್-ವೀಲ್ ಡ್ರೈವ್ (ಎಡಬ್ಲ್ಯೂಡಿ), ಮತ್ತು ಟ್ರೈ-ಮೋಟರ್ ಆಲ್-ವೀಲ್ ಡ್ರೈವ್ ಆಗಿದೆ. ಇದನ್ನು 'ಸೈಬರ್‌ಬೀಸ್ಟ್' ಎಂದೂ ಕರೆಯಲಾಗುತ್ತದೆ. ಟೆಸ್ಲಾ ಸೈಬರ್‌ಟ್ರಕ್‌ನ ಬುಲೆಟ್ ಪ್ರೂಫ್ ಎಂದು ಮಸ್ಕ್ ಘೋಷಿಸಿದ್ದಾರೆ. ಈ ಟ್ರಕ್ ಉತ್ಪಾದನೆಗಾಗಿ ಕಂಪನಿಯು ಹೊಸ ಸ್ಟೇನ್‌ಲೆಸ್ ಸ್ಟೀಲ್ ಅಲಾಯ್ ವ್ಹೀಲ್ ಅನ್ನು ಅಭಿವೃದ್ಧಿಪಡಿಸಿದೆ. ವಿಂಡೋಗಳು ಮತ್ತು ವಿಂಡ್‌ಶೀಲ್ಡ್‌ಗಳು ರಾಕ್ ಪ್ರೂಫ್ ಆಗಿವೆ.

ಹೊಸ ಟೆಸ್ಲಾ ಸೈಬರ್‌ಟ್ರಕ್‌ನ ನಿಖರವಾದ ಆಂತರಿಕ ವಿವರಗಳನ್ನು ಕಂಪನಿಯು ಬಹಿರಂಗಪಡಿಸಿಲ್ಲ. ಆದರೆ ಚಿತ್ರಗಳು ಇನ್ನೂ ಹೆಚ್ಚು ಕನಿಷ್ಠ ಒಳಾಂಗಣವನ್ನು ತೋರಿಸುತ್ತವೆ. ಪ್ರಸ್ತುತ, ಅನೇಕ ಸ್ಟ್ಯಾಂಡರ್ಡ್ ವೈಶಿಷ್ಟ್ಯಗಳು ಮತ್ತು ಆಯ್ಕೆಗಳನ್ನು ಟೆಸ್ಲಾ ಘೋಷಿಸಿಲ್ಲ. ಇದು ಒಂದು ದೊಡ್ಡ ಟಚ್‌ಸ್ಕ್ರೀನ್‌ನಿಂದ ಪ್ರಾಬಲ್ಯ ಹೊಂದಿರುವ ಡ್ಯಾಶ್‌ಬೋರ್ಡ್‌ನೊಂದಿಗೆ ಬರುತ್ತದೆ ಎಂದು ನಾವು ಗಮನಿಸಬಹುದು.

ಈ ಡಿಸ್ ಪ್ಲೇಯು 18.5-ಇಂಚಿನ ಟಚ್‌ಸ್ಕ್ರೀನ್ ಅನ್ನು ಹೊಂದಿದೆ ಮತ್ತು ಡ್ಯಾಶ್‌ಬೋರ್ಡ್‌ನ ಮಧ್ಯದಲ್ಲಿ ಅಡ್ಡಲಾಗಿ ಜೋಡಿಸಲಾಗಿದೆ. ಹೆಚ್ಚುವರಿಯಾಗಿ, ಸೈಬರ್‌ಟ್ರಕ್ ಹಿಂದಿನ ಸೀಟಿನ ಸ್ಟ್ಯಾಂಡರ್ಡ್ ಸೆಂಟರ್ ಕನ್ಸೋಲ್‌ನ ಹಿಂಭಾಗದಲ್ಲಿ 9.4-ಇಂಚಿನ ಟಚ್‌ಸ್ಕ್ರೀನ್ ಅನ್ನು ಸಹ ಪಡೆಯುತ್ತದೆ. ಎಲೋನ್ ಮಸ್ಕ್ ಅವರು ಪ್ರಸ್ತುತ, ಕಂಪನಿಯು AWD ರೂಪಾಂತರದ ವಿತರಣೆಯನ್ನು ಪ್ರಾರಂಭಿಸುತ್ತದೆ ಎಂದು ಘೋಷಿಸಿದ್ದಾರೆ. ಸೈಬರ್‌ಬೀಸ್ಟ್ ಎಂದು ಕರೆಯಲ್ಪಡುವ ಹೆಚ್ಚು ಶಕ್ತಿಶಾಲಿ ರೂಪಾಂತರವೂ ಇದೆ.

ಸಿಂಗಲ್-ಮೋಟರ್ ಸೈಬರ್‌ಟ್ರಕ್, ಅತ್ಯಂತ ಕೈಗೆಟುಕುವ ಮಾದರಿ, 2025 ರವರೆಗೆ ಲಭ್ಯವಿರುವುದಿಲ್ಲ. ಇದರ ಬಿಹೆಚ್‍ಪಿ ಪವರ್ ಅಂಕಿಅಂಶಗಳನ್ನು ಬಹಿರಂಗಪಡಿಸಲಾಗಿಲ್ಲ, ಆದರೆ ಇದು ಸುಮಾರು 6.5 ಸೆಕೆಂಡುಗಳಲ್ಲಿ 0-96.5 ಕಿ,ಮೀ(0-60 miles/hour) ವೇಗವನ್ನು ಪಡೆಯಬಹುದು. ಈ ಮಾದರಿಯ ಅಂದಾಜು 402 ಕಿ.ಮೀ ಕಿಲೋಮೀಟರ್‌ಗಳ ರೇಂಜ್ ಅನ್ನು ನೀಡುತ್ತದೆ. ಇದರ ಪ್ರಾರಂಭಿಕ ಬೆಲೆಯು $60,990 (ರೂ.50.83 ಲಕ್ಷ) ಆಗಿದೆ.

ಡ್ಯುಯಲ್-ಮೋಟರ್ AWD ಸೈಬರ್‌ಟ್ರಕ್ ಮಾದರಿಯ ವಿತರಣೆಯನ್ನು ಪ್ರಾರಂಭಿಸಿದೆ. ಈ ಸೈಬರ್‌ಟ್ರಕ್ ಮಾದರಿಯು 600 hp ಪವರ್ ಅನ್ನು ಉತ್ಪಾದಿಸುವ ಸಾಮಥ್ಯವನ್ನು ಹೊಂದಿದೆ. ಈ ಮಾದರಿಯು 4.1 ಸೆಕೆಂಡುಗಳಲ್ಲಿ ಗಂಟೆಗೆ 0-60 ಮೈಲಿಗಳಿಂದ (0-96.5 ಕಿಮೀ/ಗಂ) ವೇಗವನ್ನು ಪಡೆದುಕೊಳ್ಳುತ್ತದೆ. ಈ ಮಾದರಿಯು ಸಿಂಗಲ್ ಚಾರ್ಜ್‌ನಲ್ಲಿ ಅಂದಾಜು 547 ಕಿ.ಮೀ ರೇಂಜ್ ಅನ್ನು ನೀಡುತ್ತದೆ. ಇದರ ಬೆಲೆಯು ರೂ. $79,990 (ರೂ. 66.67 ಲಕ್ಷ) ಆಗಿದೆ.

ಟೆಸ್ಲಾ 'ಸೈಬರ್‌ಬೀಸ್ಟ್' ಎಂದು ಕರೆಯುವ ಟ್ರೈ-ಮೋಟರ್ ಆಲ್-ವೀಲ್ ಡ್ರೈವ್ ಸೈಬರ್‌ಟ್ರಕ್‌ನ ಟಾಪ್ ಸ್ಪೆಕ್ ಮಾದರಿಯ ವಿತರಣೆ ಪ್ರಾರಂಭಿಸಿದೆ. ಇದು 845hp ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಮಾದರಿಯು ಕೇವಲ 2.6 ಸೆಕೆಂಡುಗಳಲ್ಲಿ 0-60 ಮೈಲುಗಳು/ಗಂಟೆ (0-96.5km/h) ವೇಗವನ್ನು ಪಡೆದುಕೊಳ್ಳುತ್ತದೆ. ಈ ಮಾದರಿಯ ಅಂದಾಜು 515 ಕಿ.ಮೀ ರೇಂಜ್ ಅನ್ನು ನೀಡುತ್ತದೆ. ಇದರ ಬೆಲೆಯು ರೂ. $99,990 (ರೂ. 83.34 ಲಕ್ಷ) ಆಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.