ದಶಕಗಳ ಬಳಿಕ ಮಾರುಕಟ್ಟೆ ಪ್ರವೇಶಿಸಿದ 'ರಸ್ತೆ ರಾಜ': ಟೊಯೊಟಾ ಲ್ಯಾಂಡ್ ಕ್ರೂಸರ್ 70 ಬಿಡುಗಡೆ

ಟೊಯೊಟಾ ಮೋಟಾರ್ ಕಾರ್ಪೊರೇಷನ್ ಜಪಾನ್‌ನಲ್ಲಿ ಟೊಯೊಟಾ ಲ್ಯಾಂಡ್ ಕ್ರೂಸರ್ 70 (Toyota Land Cruiser 70) ಎಸ್‍ಯುವಿಯನ್ನು ಮತ್ತೆ ಬಿಡುಗಡೆಗೊಳಿಸಿದೆ. 1984ರಲ್ಲಿ ಪ್ರಾರಂಭವಾದ ಈ ಎಸ್‍ಯುವಿಯು ಮರಳಿ ಮಾರುಕಟ್ಟೆನ್ನು ಪ್ರವೇಶಿಸಿದೆ. ಲ್ಯಾಂಡ್ ಕ್ರೂಸರ್ 70 ಎಸ್‍ಯುವಿ ಆಧುನಿಕ ತಂತ್ರಜ್ಞಾನದೊಂದಿಗೆ ರೆಟ್ರೊ ಶೈಲಿಯನ್ನು ಹೊಂದಿದ್ದು, ಕಂಪನಿಯು ಇದರ ಒಟ್ಟಾರೆ ನೋಟವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ.

ಟೊಯೊಟಾ ಈ ಹಿಂದೆ ಜಪಾನ್ ಮೊಬಿಲಿಟಿ ಶೋನಲ್ಲಿ ರಿಫ್ರೆಶ್ ಮಾಡಲಾದ ಮಾದರಿಯನ್ನು ಅನಾವರಣಗೊಳಿಸಿತು ಮತ್ತು ಈಗ ಅದು ಖರೀದಿಗೆ ಲಭ್ಯವಿದೆ. ವಿನ್ಯಾಸದ ವಿಷಯದಲ್ಲಿ, ಲ್ಯಾಂಡ್ ಕ್ರೂಸರ್ 70 ಎಸ್‍ಯುವಿ ಹೊರಭಾಗವು ವಿಶಿಷ್ಟವಾದ ಸಿಲೂಯೆಟ್ ಅನ್ನು ನಿರ್ವಹಿಸುತ್ತದೆ. ಪ್ರಸ್ತುತ-ದಿನದ ನವೀಕರಣವು ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಮತ್ತು ಮೂಲ ವಿನ್ಯಾಸವನ್ನು ಪ್ರತಿಬಿಂಬಿಸುವ ರೌಂಡ್ LED ಹೆಡ್‌ಲೈಟ್‌ಗಳು, ದೊಡ್ಡ ಇಂಡಿಕೇಟರ್ಸ್ ಮತ್ತು ಟೈಲ್‌ಲೈಟ್‌ಗಳಂತಹ ನವೀಕರಿಸಿದ ಸ್ಟೈಲಿಂಗ್ ಅಂಶಗಳನ್ನು ಒಳಗೊಂಡಿದೆ.

ಜಪಾನ್‌ನಲ್ಲಿ, ನವೀಕರಣಗೊಂಡ ಟೊಯೊಟಾ ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಪ್ರತ್ಯೇಕವಾಗಿ ಐದು-ಡೋರ್ ಎಸ್‍ಯುವಿಯಾಗಿ ನೀಡಲಾಗಿದೆ. ಈ ಹೊಸ ಟೊಯೊಟಾ ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಎಸ್‍ಯುವಿಯಲ್ಲಿ 2.8-ಲೀಟರ್ ಟರ್ಬೊ ಡೀಸೆಲ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 201 bhp ಪವರ್ ಮತ್ತು 500 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಜೋಡಿಸಲಾಗಿದೆ.

ಈ ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಎಸ್‍ಯುವಿಯಲ್ಲಿ 4WD ಸಿಸ್ಟಮ್ ಮೂಲಕ ಎಲ್ಲಾ ನಾಲ್ಕು ಚಕ್ರಗಳಿಗೆ ಪವರ್ ಅನು ಕಳುಹಿಸುತ್ತದೆ. ವಿವಿಧ ಪ್ರದೇಶಗಳಲ್ಲಿ, ಮಾದರಿಯು ಆಸ್ಟ್ರೇಲಿಯಾದಲ್ಲಿ V8 ಡೀಸೆಲ್ ಮತ್ತು UAE ನಲ್ಲಿ ನ್ಯಾಚುರಲ್ 4.0-ಲೀಟರ್ V6 ಪೆಟ್ರೋಲ್ ಎಂಜಿನ್ ಸೇರಿದಂತೆ ವಿವಿಧ ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ. ಕಾನ್ಫಿಗರೇಶನ್‌ಗಳು ಪಿಕಪ್ ಟ್ರಕ್‌ನಿಂದ ಮೂರು-ಡೋರಿನ ಎಸ್‍ಯುವಿ ವರೆಗೆ ಇರುತ್ತದೆ.

ಇದರ ಸಾಂಪ್ರದಾಯಿಕ ಲ್ಯಾಡರ್ ಫ್ರೇಮ್ ಮತ್ತು ಎಲೆಕ್ಟ್ರಾನಿಕ್ ಡಿಫರೆನ್ಷಿಯಲ್ ಲಾಕ್‌ಗಳ ಹೊರತಾಗಿ, ಲ್ಯಾಂಡ್ ಕ್ರೂಸರ್ 70 ವಾಹನದ ಸ್ಥಿರತೆ ಕಂಟ್ರೋಲ್, ಆಕ್ಟಿವ್ ಟ್ರ್ಯಾಕ್ಶ್ಜನ್ ಕಂಟ್ರೋಲ್, ಹಿಲ್ ಸ್ಟಾರ್ಟ್ ಅಸಿಸ್ಟ್ ಕಂಟ್ರೋಲ್ ಮತ್ತು ಡೌನ್‌ಹಿಲ್ ಅಸಿಸ್ಟ್ ಕಂಟ್ರೋಲ್‌ನಂತಹ ಡ್ರೈವಿಂಗ್ ಮತ್ತು ಬ್ರೇಕಿಂಗ್ ಕಂಟ್ರೋಲ್ ಸಿಸ್ಟಂ ಅನ್ನು ಒಳಗೊಂಡಿದೆ. ಟೊಯೊಟಾ ಸುಧಾರಿತ ಆನ್-ರೋಡ್ ಸೌಕರ್ಯ ಮತ್ತು ಆಫ್-ರೋಡ್ ಡ್ರೈವಿಂಗ್ ಕಾರ್ಯಕ್ಷಮತೆಯನ್ನು ವರ್ಧಿತ ಸಸ್ಪೆಕ್ಷನ್ ಸೆಟಪ್‌ನೊಂದಿಗೆ ಸಂಯೋಜಿಸುತ್ತದೆ.

ಈ ಎಸ್‍ಯುವಿ ಒಳಾಂಗಣ ವಿನ್ಯಾಸವು ಸಮತಲ ವಿನ್ಯಾಸವನ್ನು ಹೊಂದಿದೆ ಮತ್ತು ಹೊಸ ಫೀಚರ್ಸ್ ಗಳೊಂದಿಗೆ ಬರುತ್ತದೆ. ಇದು 4.2-ಇಂಚಿನ TFT ಕ್ಲಸ್ಟರ್ ಮತ್ತು ಟೊಯೋಟಾ ಸೇಫ್ಟಿ ಸೆನ್ಸ್ ಸೂಟ್ ಅನ್ನು ಒಳಗೊಂಡಿದೆ, ಇದು ಹೊಸ ಪ್ರಿ-ಕ್ರ್ಯಾಶ್ ಸುರಕ್ಷತೆ, ಡ್ರೈವ್-ಸ್ಟಾರ್ಟ್ ಕಂಟ್ರೋಲ್ ಕಾರ್ಯಗಳು ಮತ್ತು ಹೆಚ್ಚಿನದನ್ನು ಸಕ್ರಿಯಗೊಳಿಸುತ್ತದೆ.

ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಎಸ್‍ಯುವಿ 4,890 ಎಂಎಂ ಉದ್ದ, 1,870 ಎಂಎಂ ಅಗಲ ಮತ್ತು 1,920 ಎಂಎಂ ಎತ್ತರ, 2,730 ಎಂಎಂ ವ್ಹೀಲ್ ಬೇಸ್ ಹೊಂದಿದೆ. ಈ ಹೊಸ ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಎಸ್‍ಯುವಿಯನ್ನು ಜಪಾನ್‌ನ ಟೊಯೊಟಾದ ಯೊಶಿವಾರಾ ಪ್ಲಾಂಟ್‌ನಲ್ಲಿ ಉತ್ಪಾದಿಸಲಾಗುತ್ತದೆ. ಉತ್ಪಾದನಾ ಯೋಜನೆಯನ್ನು ದೇಶೀಯ ಮಾರುಕಟ್ಟೆಗೆ ಪ್ರತಿ ತಿಂಗಳು 400 ಯೂನಿಟ್‌ಗಳಿಗೆ ಹೊಂದಿಸಲಾಗಿದೆ, ಇದು ಪ್ರತ್ಯೇಕವಾಗಿ AX ಟ್ರಿಮ್‌ನಲ್ಲಿ ಲಭ್ಯವಿದೆ.

ಹೊಸ ಲ್ಯಾಂಡ್ ಕ್ರೂಸರ್ 70 ಸೀರಿಸ್ ಎಸ್‍ಯುವಿ 4,800,000 ಯೆನ್ (ಅಂದಾಜು ರೂ. 27.10 ಲಕ್ಷ) ಬೆಲೆಯಿದೆ.ಹೊಸ ಲ್ಯಾಂಡ್ ಕ್ರೂಸರ್ 70 ಸರಣಿಯು ಪವರ್‌ಟ್ರೇನ್‌ನಲ್ಲಿ ನವೀಕರಣಗಳನ್ನು ಸ್ವೀಕರಿಸುವಾಗ ವಿಶ್ವಾಸಾರ್ಹತೆ, ಬಾಳಿಕೆ ಮತ್ತು ಆಫ್-ರೋಡ್ ಸಾಮರ್ಥ್ಯದ ಪ್ರಮುಖ ಗುಣಲಕ್ಷಣಗಳನ್ನು ನಿರ್ವಹಿಸುತ್ತದೆ. ಇನ್ನು ಸ್ಥಿರತೆ, ವಿನ್ಯಾಸ ಸುರಕ್ಷತೆ ಮತ್ತು ಉತ್ತಮ ಪರ್ಫಾಮೆನ್ಸ್ ನೊಂದಿಗೆ ಜಪಾನ್‌ನಲ್ಲಿ ಮತ್ತೆ ಸದ್ದು ಮಾಡಿಲಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.