ಸ್ವದೇಶಿ ಕಂಪನಿಯ ಕಾಳಜಿ: ಗ್ರಾಹಕರು ಇರೋವರೆಗೂ ಡೀಸೆಲ್ ಕಾರುಗಳ ತಯಾರಿಕೆ ನಿಲ್ಲಿಸೋಲ್ಲ ಎಂದ ಟಾಟಾ

ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರು ಡೀಸೆಲ್ ಎಂಜಿನ್ ಮತ್ತು ವಾಹನಗಳ ಮೇಲೆ ಹೆಚ್ಚುವರಿ 10% ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ವಿಧಿಸಲು ಕೇಂದ್ರ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್‌ಗೆ ಮನವಿ ಮಾಡಲು ಯೋಜಿಸಿದ್ದಾರೆ ಎಂದು ಹೇಳಿದ್ದಾರೆ. ಇದರಿಂದ ಭಾರತೀಯ ಮಾರುಕಟ್ಟೆಯಲ್ಲಿ ಡೀಸೆಲ್ ವಾಹನಗಳ (Diesel Vehicles) ಬೇಡಿಕೆ ಕುಸಿಯಬಹುದು ಎಂದು ಕೆಲವರು ಹೇಳಲಾಗುತ್ತಿದೆ.

ಈ ನಡುವೆ ಜನಪ್ರಿಯ ಸ್ವದೇಶಿ ವಾಹನ ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ (Tata Motors) ಗ್ರಾಹಕರು ಇರುವವರೆಗೆ ಡೀಸೆಲ್ ಕಾರುಗಳನ್ನು ಮುಂದುವರಿಸಲಿದೆ ಎಂದು ಹೇಳಿದ್ದಾರೆ. ಟಾಟಾ ಮೋಟಾರ್ಸ್, ಪ್ಯಾಸೆಂಜರ್ ವೆಹಿಕಲ್ಸ್ ಮತ್ತು ಎಲೆಕ್ಟ್ರಿಕ್ ವೆಹಿಕಲ್ ಮೊಬಿಲಿಟಿಯ ವ್ಯವಸ್ಥಾಪಕ ನಿರ್ದೇಶಕ ಶೈಲೇಶ್ ಚಂದ್ರ ಆವರು ಬೇಡಿಕೆ ಇರುವವರೆಗೆ ನಾವು ಡೀಸೆಲ್ ವಾಹನಗಳನ್ನು ತಯಾರಿಸುವುದನ್ನು ಮುಂದುವರಿಸುತ್ತೇವೆ ಎಂದು ಹೇಳಿದ್ದಾರೆ.

ಜಿಎಸ್‌ಟಿ ಹೆಚ್ಚಳದ ಪ್ರಸ್ತಾವನೆಯು ಪ್ರಸ್ತುತ ಸರ್ಕಾರದ ಸಕ್ರಿಯ ಪರಿಗಣನೆಯಲ್ಲಿಲ್ಲ ಎಂದು ಗಡ್ಕರಿ ಸ್ಪಷ್ಟಪಡಿಸಿದ್ದಾರೆ. BSVII ಮಾನದಂಡಗಳನ್ನು ಜಾರಿಗೊಳಿಸಿದ ನಂತರ ಡೀಸೆಲ್ ಎಂಜಿನ್‌ಗಳ ಬೆಲೆಯನ್ನು ಸಮರ್ಥಿಸುವುದು ಸವಾಲಾಗಬಹುದು ಎಂದು ಶೈಲೇಶ್ ಚಂದ್ರ ಆವರು ಒಪ್ಪಿಕೊಂಡರು, ಇದು ಮಾರುಕಟ್ಟೆಯಲ್ಲಿ ಡೀಸೆಲ್ ವಾಹನ ಮಾರಾಟವನ್ನು ಮತ್ತಷ್ಟು ಕಡಿಮೆ ಮಾಡಬಹುದು.

CNBC-TV18 ಮಾಧ್ಯಮ ಜೊತೆ, ಶೈಲೇಶ್ ಚಂದ್ರ ಆವರು ಮಾತನಾಡಿ, ಹಬ್ಬದ ಸೀಸನ್ ನಲ್ಲಿ ಉದ್ಯಮವು ದೃಢವಾದ ಮಾಸಿಕ ಬೆಳವಣಿಗೆಯನ್ನು ಕಾಣುತ್ತಿದೆ ಎಂದು ಹೇಳಿದರು, ಇದು ಮಾರುಕಟ್ಟೆಯಲ್ಲಿ ಧನಾತ್ಮಕ ಬೆಳವಣಿಗೆಯನ್ನು ಸೂಚಿಸುತ್ತದೆ. ಟಾಟಾ ಮೋಟಾರ್ಸ್ ತನ್ನ ಎರಡು ಪ್ರಮುಖ ಮಾದರಿಗಳಾದ ನೆಕ್ಸಾನ್ ಮತ್ತು ಪಂಚ್‌ಗಳಿಂದ ಅಸಾಧಾರಣ ಮಾರಾಟದ ಬೆಳವಣಿಗೆಯನ್ನು ಸಾಧಿಸಿದೆ ಎಂದು ಹೇಳಿದರು.

ಇನ್ನು ಹಿಂದಿನ ವರ್ಷದಲ್ಲಿ ಅನುಭವಿಸಿದ ಹೆಚ್ಚಿನ ಬೇಡಿಕೆಯು ನಿರಂತರವಾಗಿದೆ ಮತ್ತು ಉದ್ಯಮವು ಈಗಾಗಲೇ 2 ಮಿಲಿಯನ್ ಯುನಿಟ್‌ಗಳನ್ನು ಮೀರುವ ಮೂಲಕ ಮಹತ್ವದ ಮೈಲಿಗಲ್ಲನ್ನು ದಾಟಿದೆ ಎಂದು ಚಂದ್ರ ಹೇಳಿದರು. ಇದಲ್ಲದೆ, ಗಮನಾರ್ಹವಾದ 4 ಮಿಲಿಯನ್ ಯುನಿಟ್ ಗಳನ್ನು ದಾಟಲು ಇದೊಂದು ಭರವಸೆಯಾಗಿದೆ ಎಂದಿದ್ದಾರೆ. ಟಾಟಾ ಮೋಟಾರ್ಸ್‌ನ ಡೀಸೆಲ್ ಮಾರಾಟವು ಶೇಕಡಾ 12 ರಿಂದ 15 ರಷ್ಟು ಇಳಿಕೆ ಕಂಡಿದೆ.

ಈ ಕುಸಿತವು ಡೀಸೆಲ್ ಇಂಜಿನ್‌ಗಳಲ್ಲಿ ಬದಲಾವಣೆಗಳನ್ನು ಅಗತ್ಯವಾಗಿರುವ ವಿಕಸನದ ನಿಯಮಗಳಿಗೆ ಹೊಂದಿಕೊಳ್ಳುವುದರೊಂದಿಗೆ ಸಂಬಂಧಿಸಿದ ವೆಚ್ಚದ ಪರಿಣಾಮಗಳಿಗೆ ಕಾರಣವೆಂದು ಹೇಳಬಹುದು. ಇದಲ್ಲದೆ, ಟಾಟಾ ಮೋಟಾರ್ಸ್ ತನ್ನ ಡೀಸೆಲ್ ಹೊರಸೂಸುವಿಕೆಯನ್ನು ಇತ್ತೀಚಿನ BSVI ಹಂತ II ಮಾನದಂಡಗಳೊಂದಿಗೆ ಜೋಡಿಸಲು ಗಮನಾರ್ಹ ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ಹೇಳಿದರು.

ಇನ್ನು ಟಾಟಾ ಮೋಟಾರ್ಸ್ ಕಂಪನಿಯು ಈ ತಿಂಗಳು (ಸೆಪ್ಟೆಂಬರ್ 2023) ತನ್ನ ಗ್ರಾಹಕರಿಗೆ ಭರ್ಜರಿ ಸಿಹಿಸುದ್ದಿ ನೀಡಿದೆ. ನೆಕ್ಸಾನ್, ಆಲ್ಟ್ರೋಜ್, ಹ್ಯಾರಿಯರ್, ಸಫಾರಿ, ಟಿಯಾಗೊ ಸೇರಿದಂತೆ ವಿವಿಧ ಮಾದರಿಗಳ ಮೇಲೆ ರಿಯಾಯಿತಿ ಘೋಷಣೆ ಮಾಡಿದೆ. ಮೊದಲಿಗೆ ಆಲ್ಟ್ರೋಜ್ (Altroz) ಕಾರು ಪಡೆದುಕೊಂಡಿರುವ ಡಿಸ್ಕೌಂಟ್ ಆಫರ್ ಬಗ್ಗೆ ಮಾತನಾಡೋಣ. ಇದರ, ಡೀಸೆಲ್ ಆವೃತ್ತಿ ರೂ.15,000 ನಗದು ರಿಯಾಯಿತಿ, ರೂ.10,000 ಎಕ್ಸ್ಚೇಂಜ್ ಬೋನಸ್, ರೂ.5,000 ಕಾರ್ಪೊರೇಟ್ ಡಿಸ್ಕೌಂಟ್ ಹೊಂದಿದೆ.

ಪೆಟ್ರೋಲ್ ಆವೃತ್ತಿ ರೂ.20,000 ಕ್ಯಾಶ್ ಡಿಸ್ಕೌಂಟ್, ರೂ.10,000 ವಿನಿಮಯ ಬೋನಸ್ ಮತ್ತು ರೂ. 5,000 ಕಾರ್ಪೊರೇಟ್ ರಿಯಾಯಿತಿಯನ್ನು ಒಳಗೊಂಡಿದೆ. ಇನ್ನು ಹ್ಯಾರಿಯರ್ ಎಸ್‌ಯುವಿ, ಯಾವುದೇ ನಗದು ರಿಯಾಯಿತಿ ಹೊಂದಿಲ್ಲ. ಆದರೂ ಇದರ ಎಂಟಿ ರೂಪಾಂತರ ರೂ.25,000 ಎಕ್ಸ್ಚೇಂಜ್ ಬೋನಸ್, ರೂ.5,000 ಕಾರ್ಪೊರೇಟ್ ಡಿಸ್ಕೌಂಟ್ ಒಳಗೊಂಡಿದೆ. ಮತ್ತೊಂದು, ಎಟಿ ವೇರಿಯೆಂಟ್ ರೂ.25,000 ವಿನಿಮಯ ಬೋನಸ್ ಮತ್ತು ರೂ.10,000 ಕಾರ್ಪೊರೇಟ್ ರಿಯಾಯಿತಿಯನ್ನು ಪಡೆದಿದೆ.

ಈ ಕಾರು, ರೂ.15.20 ಲಕ್ಷದಿಂದ ರೂ.24.27 ಲಕ್ಷ ಬೆಲೆಯಲ್ಲಿ ಗ್ರಾಹಕರಿಗೆ ಸಿಗುತ್ತದೆ. ಇನ್ನು ಟಾಟಾ ಸಫಾರಿ (Safari) ಎಟಿ (ADAS) ಆವೃತ್ತಿ ಮಾತ್ರ ಭರ್ಜರಿ ರಿಯಾಯಿತಿ ಪ್ರಯೋಜನವನ್ನು ಹೊಂದಿದೆ. ರೂ.50,000 ಕ್ಯಾಶ್ ಡಿಸ್ಕೌಂಟ್, ರೂ.25,000 ಎಕ್ಸ್ಚೇಂಜ್ ಬೋನಸ್ ಹಾಗೂ ರೂ.10,000 ಕಾರ್ಪೊರೇಟ್ ರಿಯಾಯಿತಿಯನ್ನು ಪಡೆದಿದೆ. ಈ ಕಾರು, ರೂ.15.85 ಲಕ್ಷದಿಂದ ರೂ.25.21 ಲಕ್ಷ ಎಕ್ಸ್ ಶೋರೂಂ ದರದಲ್ಲಿ ಖರೀದಿಗೆ ಲಭ್ಯವಿದೆ.