Tata: ಇನ್ನೊಂದೇ ವರ್ಷ, ಟಾಟಾ ಇವಿ ಕಾರುಗಳು 500+ ಕಿ.ಮೀ ರೇಂಜ್ ನೀಡುವುದು ಖಚಿತ

ಭಾರತದಲ್ಲಿ ಟಾಟಾ ನೆಕ್ಸಾನ್ ಇವಿ, ಟಿಗೋರ್ ಇವಿ ಮತ್ತು ಟಿಯಾಗೋ EV ಗ್ರಾಹಕರಲ್ಲಿ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದಿವೆ. ಗ್ರಾಹಕರಿಗೆ ಇನ್ನೂ ಉತ್ತಮ ಉತ್ಪನ್ನಗಳನ್ನು ನೀಡುವ ಸಲುವಾಗಿ ಟಾಟಾ ಮೋಟಾರ್ಸ್ ಪ್ರಸ್ತುತ ಹೊಸ ಎಲೆಕ್ಟ್ರಿಕ್ ವಾಹನಗಳ ಶ್ರೇಣಿಯಲ್ಲಿ ಕೆಲಸ ಮಾಡುತ್ತಿದೆ.

ಪ್ರಯಾಣಿಕ EV ಕಾರು ಮಾರಾಟದಲ್ಲಿ ಎಲ್ಲಾ ಬ್ರಾಂಡ್‌ಗಳು ಸೇರಿ ಶೇ20 ರಷ್ಟು ಮಾರುಕಟ್ಟೆಯನ್ನು ಹೊಂದಿದ್ದರೇ ಕೇವಲ ಟಾಟಾ ಮೋಟಾರ್ಸ್ ಶೇಕಡಾ 80 ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿದೆ. ಮಾರುಕಟ್ಟೆಯಲ್ಲಿ ಟಾಟಾ ತನ್ನ ಹಿಡಿತವನ್ನು ಕಳೆದುಕೊಳ್ಳುವ ಯಾವುದೇ ಲಕ್ಷಣಗಳು ಕಾಣುತ್ತಿಲ್ಲ. ಈಗ ಹೊಸ ಎಲೆಕ್ಟ್ರಿಕ್ ಕಾರುಗಳನ್ನು ತರಲು ಸಜ್ಜಾಗಿರುವ ಟಾಟಾ ತನ್ನ ಇವಿ ಮಾರಾಕಟ್ಟೆಯನ್ನು ಭದ್ರವಾಗಿಸಿಕೊಳ್ಳುತ್ತಿದೆ.

ಮುಂದಿನ ಹನ್ನೆರಡು ತಿಂಗಳೊಳಗೆ ಟಾಟಾ ಪಂಚ್ EV ಮತ್ತು Curvv ಕಾನ್ಸೆಪ್ಟ್ ಆಧಾರಿತ ಉತ್ಪಾದನಾ ಮಧ್ಯಮ ಗಾತ್ರದ ಎಲೆಕ್ಟ್ರಿಕ್ SUV ಗಳನ್ನು ಪರಿಚಯಿಸುವ ನಿರೀಕ್ಷೆಯಿದೆ. ಈ ವರ್ಷದ ಆರಂಭದಲ್ಲಿ 2023 ಆಟೋ ಎಕ್ಸ್‌ಪೋದಲ್ಲಿ ಪ್ರದರ್ಶಿಸಲಾದ ಹ್ಯಾರಿಯರ್ EV ಅನ್ನು 2024 ರಲ್ಲಿ ಪರಿಚಯಿಸಬಹುದು ಎಂದು ಮೂಲಗಳು ತಿಳಿಸಿವೆ.

ಎಲೆಕ್ಟ್ರಿಕ್ ಕಾರುಗಳ ಪ್ರಗತಿಯ ಹೊರತಾಗಿಯೂ, ಮೈಲೇಜ್ ಆತಂಕವು ಯಾವಾಗಲೂ ನಿರ್ಣಾಯಕ ಸಮಸ್ಯೆಯಾಗಿ ಕಾಡುತ್ತಿದೆ. ಭಾರತದಲ್ಲಿ ಚಾರ್ಜಿಂಗ್ ಮೂಲಸೌಕರ್ಯವು ಖಂಡಿತವಾಗಿಯೂ ಬಹಳ ಸುಧಾರಿಸಬೇಕಿದೆ. ಸದ್ಯ ನೀಡಲಾಗುತ್ತಿರುವ ರೇಂಜ್ ಅನ್ನು ಇನ್ನೂ ಹೆಚ್ಚಿಸಲು "ಜನರೇಶನ್ 1 ಪ್ಲಾಟ್‌ಫಾರ್ಮ್‌ನಿಂದ ಜನರೇಷನ್ 2 ಪ್ಲಾಟ್‌ಫಾರ್ಮ್‌ಗೆ ವಾಹನಗಳ ಪ್ರಕಾರವನ್ನು ಬದಲಾಯಿಸಲು" ಟಾಟಾ ಬ್ಯಾಟರಿಯ ಬೆಲೆಗಳಲ್ಲಿನ ಕಡಿತವನ್ನು ಹತೋಟಿಗೆ ತರಲು ನೋಡುತ್ತಿದೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ, ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಮತ್ತು ಟಾಟಾ ಪ್ಯಾಸೆಂಜರ್ ಎಲೆಕ್ಟ್ರಿಕ್ ಮೊಬಿಲಿಟಿಯ ವ್ಯವಸ್ಥಾಪಕ ನಿರ್ದೇಶಕರಾದ ಶೈಲೇಶ್ ಚಂದ್ರ ಮಾತನಾಡಿ, ಟಾಟಾ ಪ್ಯಾಸೆಂಜರ್ ಎಲೆಕ್ಟ್ರಿಕ್ ಕಾರುಗಳು ಮತ್ತು SUV ಗಳನ್ನು ಹೆಚ್ಚಿನ ಡ್ರೈವಿಂಗ್ ರೇಂಜ್‌ನೊಂದಿಗೆ ತರಲು ಹೊಸ ದ್ವಿಮುಖ ತಂತ್ರವನ್ನು ರೂಪಿಸಲಾಗುತ್ತಿದೆ. ಹೆಚ್ಚಿನ ರೇಂಜ್ ಅನ್ನು ಸರಿಹೊಂದಿಸಲು ಬ್ಯಾಟರಿ ಪ್ಯಾಕ್ ಶಕ್ತಿಯನ್ನು ಹೆಚ್ಚು ಬಳಸಿಕೊಳ್ಳಲಾಗುತ್ತದೆ ಎಂದರು.

ಈ ಮೂಲಕ ಟಾಟಾ ಮೋಟಾರ್ಸ್‌ನಿಂದ ಮುಂಬರುವ ಪಂಚ್ ಇವಿ, ಹ್ಯಾರಿಯರ್ ಇವಿ ಮತ್ತು ಕರ್ವ್ವ್ ಇವಿಗಳು ಒಂದೇ ಚಾರ್ಜ್‌ನಲ್ಲಿ 500 ಕಿ.ಮೀಗಿಂತ ಹೆಚ್ಚು ಕ್ಲೈಮ್ ಡ್ರೈವಿಂಗ್ ರೇಂಜ್ ಅನ್ನು ಹೊಂದಲಿದೆ ಎಂದು ಖಚಿತಪಡಿಸಿದ್ದಾರೆ. ಇದರ ಮೊದಲ ಹಂತವಾಗಿ ಇತ್ತೀಚೆಗೆ ಬಿಡುಗಡೆಯಾದ ಹೊಸ ನೆಕ್ಸಾನ್ ಇವಿ ಫೇಸ್‌ಲಿಫ್ಟ್ ಮಾದರಿ ಈಗ ಹೆಚ್ಚಿನ ರೇಂಜ್‌ನೊಂದಿಗೆ ಬಂದಿರುವುದೇ ಇದಕ್ಕೆ ಉತ್ತಮ ಉದಾಹರಣೆಯಾಗಿದೆ.

ಮಾರುತಿ ಸುಜುಕಿ, ಹ್ಯುಂಡೈ, ಮಹೀಂದ್ರಾ, ಟೊಯೋಟಾ, ಹೋಂಡಾ ಮತ್ತು ಕಿಯಾ ಮುಂತಾದ ಕಂಪನಿಗಳು ಮುಂದಿನ ಎರಡರಿಂದ ಮೂರು ವರ್ಷಗಳಲ್ಲಿ ಸ್ಥಳೀಯ EV ಗಳನ್ನು, ಪ್ರಾಥಮಿಕವಾಗಿ e-SUV ಗಳನ್ನು ತರಲು ಬಯಸುತ್ತಿವೆ. ಹೀಗಾಗಿ, ಖರೀದಿದಾರರು ಆಯ್ಕೆ ಮಾಡಲು ಬಹು ಆಯ್ಕೆಗಳನ್ನು ಹೊಂದಿರುತ್ತಾರೆ. ಅಲ್ಲದೇ ರೇಂಜ್ ಆತಂಕ ಕೂಡ ಇರುವುದಿಲ್ಲ. ಏಕೆಂದರೆ ಮೂರು ವರ್ಷಗಳಲ್ಲಿ ಚಾರ್ಜಿಂಗ್ ಮೂಲ ಸೌಕರ್ಯವನ್ನು ಹೆಚ್ಚಿಸಲಾಗುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮತ್ತು ಶೇರ್ ಮಾಡಲ್ಯ್ ಮರೆಯದಿರಿ.