ಭಾರತದಲ್ಲಿ ಹೊಸ ಜನ್ ಹ್ಯುಂಡೈ ವರ್ನಾ ಉತ್ಪಾದನೆ ಪ್ರಾರಂಭ... ಅಷ್ಟಕ್ಕೂ ಬಿಡುಗಡೆ ಯಾವಾಗ?

ಭಾರತದಲ್ಲಿ ನಿರೀಕ್ಷೆಗಳನ್ನು ಹೆಚ್ಚಿಸಿದ್ದ ಹೊಸ ಜನ್ ಹ್ಯುಂಡೈ ವರ್ನಾವನ್ನು ಮಾರ್ಚ್ 21 ರಂದು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ರೂ. 25,000 ಟೋಕನ್ ಮೊತ್ತಕ್ಕೆ ಆನ್‌ಲೈನ್ ಮತ್ತು ಹ್ಯುಂಡೈ ಡೀಲರ್‌ಶಿಪ್‌ಗಳಲ್ಲಿ ಬುಕಿಂಗ್‌ಗಳು ಪ್ರಾರಂಭವಾಗಿವೆ. ಈ ಕುರಿತ ಹೆಚ್ಚಿನ ಮಾಹಿತಿಯನ್ನು ಈ ಕೆಳಗೆ ತಿಳಿದುಕೊಳ್ಳೋಣ.

ಹೊಸ-ಜನ್ ವರ್ನಾ EX, S, SX ಮತ್ತು SX(O) ಎಂಬ ನಾಲ್ಕು ಟ್ರಿಮ್‌ಗಳಲ್ಲಿ ಲಭ್ಯವಿರುತ್ತದೆ. ಬಿಡುಗಡೆ ಬಳಿಕ ಹೊಸ ಹ್ಯುಂಡೈ ವರ್ನಾ ತನ್ನ ವಿಭಾಗದಲ್ಲಿನ ಪ್ರತಿಸ್ಪರ್ಧಿಗಳಿಗೆ ಪ್ರಬಲ ಪೈಪೋಟಿ ನೀಡುವ ನಿರೀಕ್ಷೆಯಿದೆ. ಇದನ್ನು ಸಮಗ್ರ ಶ್ರೇಣಿಯ ನವೀಕರಣಗಳೊಂದಿಗೆ ಕಂಪನಿಯಿಂದ ಪ್ಯಾಕ್ ಮಾಡಲಾಗಿದೆ. ಬಾಹ್ಯ ವಿನ್ಯಾಸ, ಪರ್ಫಾಮೆನ್ಸ್ ಮತ್ತು ಸುರಕ್ಷತೆ ಸೇರಿದಂತೆ ಹಸಿರು E20 ಎಥೆನಾಲ್- ಮಿಶ್ರಣ ಇಂಧನವನ್ನು ಸ್ವೀಕರಿಸಲು ಕೂಡ ನವೀಕರಿಸಲಾಗಿದೆ.

ಹೊಸ ವರ್ನಾ ಉತ್ಪಾದನೆ ಆರಂಭ

ಹೊಸ ಜನ್ ವರ್ನಾ 2023 ಮಾದರಿಯ ಉತ್ಪಾದನೆಯು ಭಾರತದ ಚೆನ್ನೈನಲ್ಲಿರುವ ಕಂಪನಿಯ ಸ್ಥಾವರದಲ್ಲಿ ಪ್ರಾರಂಭವಾಗಿದೆ. ಹೊಸ-ಜನ್ ಹ್ಯುಂಡೈ ವರ್ನಾವು ಷಾರ್ಪ್ ಬಾಡಿ ಪ್ಯಾನೆಲಿಂಗ್ ಅನ್ನು ಹೊಂದಿದೆ, ಇದು ಸಾಮಾನ್ಯವಾಗಿ ಸ್ಪೋರ್ಟ್ಸ್ ಕಾರುಗಳೊಂದಿಗೆ ಕಂಡುಬರುವ ವಿನ್ಯಾಸವನ್ನು ನೆನಪಿಸುತ್ತದೆ. ಕಂಪನಿಯ ಹೆಚ್ಚಿನ ಹೊಸ- ಜನ್ ಮಾದರಿಗಳನ್ನು ಒಳಗೊಂಡಿರುವ ಸೆನ್ಸಿಟಿವ್ ಸ್ಪೋರ್ಟಿನೆಸ್‌ನ ಹ್ಯುಂಡೈ ವಿನ್ಯಾಸದ ಅದೇ ತತ್ವವನ್ನು ಹೊಸ ಜನ್ ವರ್ನಾ ಕೂಡ ಆಧರಿಸಿದೆ ಎಂದು ಹೇಳಬಹುದು.

ಹೊಸ ಜನ್ ವರ್ನಾ ಮುಂಭಾಗದ ವಿಭಾಗವು ಪ್ಯಾರಾಮೆಟ್ರಿಕ್ ಫ್ರಂಟ್ ಗ್ರಿಲ್, ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು ಮತ್ತು ಷಾರ್ಪ್ ಬಂಪರ್ ವಿನ್ಯಾಸದೊಂದಿಗೆ ಸಂಪೂರ್ಣವಾಗಿ ರಿಫ್ರೆಶ್ ಮಾಡಲಾಗಿದೆ. ಸೆಡಾನ್ ಚಿಸೆಲ್ಡ್ ಬಾನೆಟ್ ಮತ್ತು ಪೂರ್ಣ ಅಗಲದ ಎಲ್ಇಡಿ ಲೈಟ್ ಬಾರ್ ಅನ್ನು ಹೊಂದಿದೆ. ಸೈಡ್ ಪ್ರೊಫೈಲ್ ಅದರ ಕ್ಲಾಸಿ ಫಾಸ್ಟ್-ಬ್ಯಾಕ್ ವಿನ್ಯಾಸದದೊಂದಿಗೆ ಪ್ರತ್ಯೇಕಿಸುತ್ತದೆ. ಅಲಾಯ್ ವೀಲ್‌ಗಳ ಹೊಸ ಸೆಟ್, ಬಾಡಿ- ಕಲರ್ಡ್ ಡೋರ್ ಹ್ಯಾಂಡಲ್‌ಗಳು, ಸಂಯೋಜಿತ ಟರ್ನ್ ಸಿಗ್ನಲ್‌ಗಳೊಂದಿಗೆ ಡ್ಯುಯಲ್-ಟೋನ್ ರಿಯರ್-ವ್ಯೂ ಮಿರರ್‌ಗಳು ಮತ್ತು ಬ್ಲ್ಯಾಕ್ ಔಟ್ ಬಿ ಪಿಲ್ಲರ್ ನೀಡಲಾಗಿದೆ.

ಹೊಸ ವೆರ್ನಾ 7 ಮೊನೊಟೋನ್ ಮತ್ತು 2 ಡ್ಯುಯಲ್- ಟೋನ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಇದರಲ್ಲಿ ಅಬಿಸ್ ಬ್ಲ್ಯಾಕ್, ಅಟ್ಲಾಸ್ ವೈಟ್ ಮತ್ತು ಟೆಲ್ಲೂರಿಯನ್ ಬ್ರೌನ್ ಎಂಬ ಮೂರು ಹೊಸ ಮೊನೊಟೋನ್ ಬಣ್ಣಗಳು ಕೂಡ ಇರುತ್ತವೆ. ಒಳಗೆ ಹೊಸ- ಜೆನ್ ವೆರ್ನಾ ರಿಫ್ರೆಶ್ ಮಾಡಿದ ಡ್ಯಾಶ್‌ಬೋರ್ಡ್, ಹೊಸ ಟಚ್ ಸ್ಕ್ರೀನ್ ಇನ್ಫೋ ಟೈನ್‌ಮೆಂಟ್ ಸಿಸ್ಟಮ್ ಮತ್ತು ಹಲವಾರು ಇತರ ನವೀಕರಣಗಳನ್ನು ಪಡೆಯುವ ಸಾಧ್ಯತೆಯಿದೆ.

ಹೊಸ ವರ್ನಾಗೆ ADAS ವೈಶಿಷ್ಟ್ಯಗಳನ್ನು ಸಹ ಪರಿಚಯಿಸಲಾಗಿದೆ. ಇದು ಬ್ಲೈಂಡ್ ಸ್ಪಾಟ್ ಇಂಡಿಕೇಷನ್, ಫಾರ್‌ವರ್ಡ್ ಕೊಲಿಷನ್ ವಾರ್ನಿಂಗ್, ಫಾರ್‌ವರ್ಡ್ ಕೊಲಿಷನ್ ಅವಾಯಿಡೆನ್ಸ್ ಅಸಿಸ್ಟ್, ಲೇನ್ ಡಿಪಾರ್ಚರ್ ವಾರ್ನಿಂಗ್, ಲೇನ್ ಕೀಪ್ ಅಸಿಸ್ಟ್, ರಿಯರ್ ಕ್ರಾಸ್ ಟ್ರಾಫಿಕ್ ಕೊಲಿಷನ್ ವಾರ್ನಿಂಗ್, ರಿಯರ್ ಕ್ರಾಸ್ ಟ್ರಾಫಿಕ್ ಕೊಲಿಷನ್ ಕೊಲಿಷನ್ ಅವಾಯಿಡೆನ್ಸ್ ಅಸಿಸ್ಟ್ ಮತ್ತು ಡ್ರೈವರ್ ಅಟೆನ್ಷನ್ ವಾರ್ನಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಪ್ರಾಮಾಣಿತವಾಗಿ ಈ ಹೊಸ ಮಾದರಿ ಒಳಗೊಂಡಿರಬಹುದಾಗಿದೆ.

ಹೊಸ ಹ್ಯಂಡೈ ವರ್ನಾ ಪೆಟ್ರೋಲ್ ಮಾದರಿಯಾಗಿರಲಿದೆ. ಏಕೆಂದರೆ ಮಧ್ಯಮ ಗಾತ್ರದ ಸೆಡಾನ್ ವಿಭಾಗವು ಮಾರ್ಚ್ 31, 2023 ರ ವೇಳೆಗೆ ಸಂಪೂರ್ಣವಾಗಿ ಪೆಟ್ರೋಲ್- ಚಾಲಿತವಾಗಲಿದೆ. ಸದ್ಯಕ್ಕೆ ಹೋಂಡಾ ಸಿಟಿ ಮಾತ್ರ ಡೀಸೆಲ್ ಪವರ್‌ಟ್ರೇನ್ ಆಯ್ಕೆಯನ್ನು ನೀಡುತ್ತಿದೆ, ಆದರೆ ಅದು ಸಹ ಒಮ್ಮೆ ಸ್ಥಗಿತಗೊಳ್ಳುತ್ತದೆ. ಸ್ಲಾವಿಯಾ, ಮಾರುತಿ ಸಿಯಾಜ್ ಮತ್ತು ಫೋಕ್ಸ್‌ವ್ಯಾಗನ್ ವರ್ಟಸ್‌ನಂತಹ ಇತರ ಸೆಡಾನ್‌ಗಳು ಕೂಡ ಪೆಟ್ರೋಲ್ ಮಾದರಿಗಳಾಗಿವೆ.

ಪೆಟ್ರೋಲ್‌ಗೆ ಹೊಸ ವರ್ನಾ ಬದಲಾವಣೆಯು ಪ್ರಯೋಜನಗಳೊಂದಿಗೆ ಬರುತ್ತದೆ, ಏಕೆಂದರೆ ಇದು ಹೊಸ 1.5-ಲೀಟರ್ ಟರ್ಬೊ ಎಂಜಿನ್ ಅನ್ನು ಪಡೆಯುತ್ತದೆ. 160 hp ಗರಿಷ್ಠ ಪವರ್ ಮತ್ತು 253 Nm ಪೀಕ್ ಟಾರ್ಕ್‌ನೊಂದಿಗೆ, ಈ ಹೊಸ ಟರ್ಬೊ ಪೆಟ್ರೋಲ್ ಎಂಜಿನ್ ಮಧ್ಯಮ ಗಾತ್ರದ ಸೆಡಾನ್ ವಿಭಾಗದಲ್ಲಿ ಅತ್ಯಂತ ಶಕ್ತಿಶಾಲಿಯಾಗಿದೆ. ಇದು 6-ಸ್ಪೀಡ್ ಮ್ಯಾನುವಲ್ ಮತ್ತು 7-ಸ್ಪೀಡ್ ಡ್ಯುಯಲ್ ಕ್ಲಚ್ ಟ್ರಾನ್ಸ್‌ಮಿಷನ್ (7DCT) ಆಯ್ಕೆಗಳೊಂದಿಗೆ ಲಭ್ಯವಿರುತ್ತದೆ.

ಎರಡನೇ ಎಂಜಿನ್ ಆಯ್ಕೆಯು 1.5-ಲೀಟರ್ ನ್ಯಾಚುರಲ್ಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 113 hp ಮತ್ತು 144 Nm ಟಾರ್ಕ್ ಹೊರಹಾಕುತ್ತದೆ. ಇದನ್ನು 6-ಸ್ಪೀಡ್ ಮ್ಯಾನುವಲ್ ಅಥವಾ IVT ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಇದು ಸಮಗ್ರ ಶ್ರೇಣಿಯ ನವೀಕರಣಗಳಲ್ಲಿ ಪ್ಯಾಕ್ ಮಾಡುವುದರಿಂದ, ಹೊಸ-ಜೆನ್ ವರ್ನಾ ಬೆಲೆಗಳಲ್ಲಿ ಹೆಚ್ಚಳದ ನಿರೀಕ್ಷೆಯಿದೆ. ಇದನ್ನು ರೂ. 10 ಲಕ್ಷದ ಆರಂಭಿಕ ಬೆಲೆಯಲ್ಲಿ ಪ್ರಾರಂಭಿಸಬಹುದಾಗಿದ್ದು, ಇದಕ್ಕೆ ಹೋಲಿಸಿದರೆ ಹೋಂಡಾ ಸಿಟಿ ರೂ. 11.87 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಆದರೆ ಸ್ಕೋಡಾ ಸ್ಲಾವಿಯಾ ರೂ. 11.29 ಲಕ್ಷದ ಆರಂಭಿಕ ಬೆಲೆಯಲ್ಲಿ ಲಭ್ಯವಿದೆ.