ಅತಿವೇಗದಲ್ಲಿ ಟೈರ್ ಒಡೆದರೆ ಹೀಗಿರುತ್ತೆ ನೋಡಿ... ಜೀವ ಉಳಿಸಿದ ಗರಿಷ್ಟ ಗುಣಮಟ್ಟದ ಕಾರುಗಳು!

ವಿಶ್ವದಲ್ಲೇ ಅತಿ ಹೆಚ್ಚು ಅಪಘಾತಗಳು ನಡೆಯುವ ದೇಶಗಳಲ್ಲಿ ಭಾರತವೂ ಒಂದು. ಮದ್ಯ ಸೇವನೆಯಿಂದ ನಡೆಯುವ ಅಪಘಾತಗಳು ಒಂದೆಡೆಯಾದ್ರೆ, ವಾಹನಗಳ ಅಸಮರ್ಪಕ ನಿರ್ವಹಣೆಯಿಂದ ಅನೇಕ ಅಪಘಾತಗಳು ಸಂಭವಿಸುತ್ತಿವೆ. ಸರಿಯಾಗಿ ಟೈರ್ ನಿರ್ವಹಣೆಯನ್ನು ಮಾಡದಿದ್ದರೇ ಹೇಗೆ ಅಪಘಾತಕ್ಕೆ ಕಾರಣವಾಗುತ್ತದೆ ಎಂಬುದನ್ನು ಇತ್ತೀಚಿನ ಘಟನೆ ತೋರಿಸುತ್ತದೆ.

ಲಕ್ನೋ-ಆಗ್ರಾ ಎಕ್ಸ್‌ಪ್ರೆಸ್‌ವೇಯಲ್ಲಿ ಇತ್ತೀಚೆಗೆ ಹೋಂಡಾ ಜಾಝ್ ಹಾಗೂ ಹೋಂಡಾ ಸಿಟಿ ನಡುವೆ ಟೈರ್ ಬರ್ಸ್ಟ್ ಆಗಿ ಭೀಕರ ಅಪಘಾತವಾಗಿದೆ. ಘಟನೆಯ ಸಂಪೂರ್ಣ ದೃಷ್ಯಗಳು ಹೋಂಡಾ ಜಾಝ್ ಹ್ಯಾಚ್‌ಬ್ಯಾಕ್‌ನ ಡ್ಯಾಶ್‌ಬೋರ್ಡ್ ಕ್ಯಾಮೆರಾದಲ್ಲಿ ಸೆರೆಯಾಗಿವೆ. ಎಕ್ಸ್‌ಪ್ರೆಸ್‌ವೇನ ಮಧ್ಯದ ಲೇನ್‌ನಲ್ಲಿ ಜಾಝ್ ಪ್ರಯಾಣಿಸುತ್ತಿದ್ದಾಗ, ಅದನ್ನು ಹಿಂದಿಕ್ಕಲು ಪ್ರಯತ್ನಿಸಿದ ಹೋಂಡಾ ಸಿಟಿ ನಿಯಂತ್ರಣ ಕಳೆದುಕೊಂಡು ಜಾಝ್‌ಗೆ ಡಿಕ್ಕಿ ಹೊಡೆದಿದೆ.

ಇದಾದ ಬಳಿಕ ಸಿಟಿ ನಿಯಂತ್ರಣ ಕಳಡದುಕೊಂಡು ಜಾಝ್‌ನ ದಾರಿಗೂ ಅಡ್ಡಬಂದಿದೆ. ಸಂಪೂರ್ಣ ನಿಲುಗಡೆಗೆ ಬರುವ ಮುನ್ನ ಜಾಝ್ ಮತ್ತೊಮ್ಮೆ ಸಿಟಿಗೆ ಡಿಕ್ಕಿ ಹೊಡೆದಿದೆ. ಎರಡೂ ವಾಹನಗಳಿಗೆ ಭಾರೀ ಹಾನಿಯಾಗಿದ್ದು, ಗಮನಾರ್ಹವಾಗಿ ಈ ಅತಿವೇಗದ ಡಿಕ್ಕಿಯ ಹೊರತಾಗಿಯೂ, ಎರಡೂ ವಾಹನಗಳಲ್ಲಿದ್ದ ಪ್ರಯಾಣಿಕರಿಗೆ ಯಾವುದೇ ಹಾನಿಯಾಗಿಲ್ಲ. ಟೈರ್ ಸ್ಫೋಟಗೊಂಡಿದ್ದರಿಂದಲೇ ಹೋಂಡಾ ಸಿಟಿ ನಿಯಂತ್ರಣ ಕಳೆದುಕೊಂಡಿರುವುದು ಖಚಿತವಾಗಿದೆ.

ಇನ್ನು ಈ ಅಪಘಾತದಲ್ಲಿ ಹೋಂಡಾ ಜಾಝ್ ಮತ್ತು ಹೋಂಡಾ ಸಿಟಿ ಎರಡೂ ಕಾರುಗಳು ಅವುಗಳ ನಿರ್ಮಾಣ ಗುಣಮಟ್ಟದಿಂದ ಪ್ರಯಾಣಿಕರ ಜೀವ ಉಳಿಸಿವೆ. ನಾವು ನಿಖರವಾದ ಟೈರ್ ಸ್ಥಿತಿ ಮತ್ತು ಟೈರ್ ಒತ್ತಡವನ್ನು ಕಂಡುಹಿಡಿಯಲು ಸಾಧ್ಯವಾಗದಿದ್ದರೂ, ಹಳೆಯ ಟೈರ್‌ಗಳನ್ನು ಬಳಸುವುದು ಅಥವಾ ಸರಿಯಾದ ಒತ್ತಡವನ್ನು ನಿರ್ವಹಣೆಯನ್ನು ಮಾಡದಿದ್ದರೇ ಇಂತಹ ಸಮಸ್ಯೆಗಳು ಖಂಡಿತ ಎದುರಾಗುತ್ತವೆ.

ಟೈರ್ ಸ್ಫೋಟದ ಸಮಯದಲ್ಲಿ ಏನು ಮಾಡಬೇಕು: ಟೈರ್ ಬರ್ಸ್ಟ್ ಸಂಭವಿಸಿದಲ್ಲಿ ಗಾಬರಿಯಾಗಬೇಡಿ, ಥಟ್ಟನೆ ಬ್ರೇಕ್ ಹಾಕುವುದರಿಂದ ಕಾರಿನ ನಿಯಂತ್ರಣ ಕಳೆದುಕೊಳ್ಳುತ್ತದೆ. ಹಾಗಾಗಿ ಕಾರ್ ನೇರ ಸಾಲಿನಲ್ಲಿ ಹೋಗುವಂತೆ ಮಾಡಲು ಸ್ಟೀರಿಂಗ್ ಮತ್ತು ಬ್ರೇಕ್‌ಗಳನ್ನು ಮೃದುವಾಗಿ ನಿಧಾನವಾಗಿ ನಿಯಂತ್ರಣ ಮಾಡಿ. ಕ್ರಮೇಣ ವಾಹನವನ್ನು ನಿಲ್ಲಿಸಲು ಪ್ರಯತ್ನಿಸಿ. ರಸ್ತೆಯಲ್ಲಿ ಇತರರ ಸುರಕ್ಷತೆ ಕೂಡ ಮುಖ್ಯವಾದ್ದರಿಂದ ಗಾಬರಿಗೊಳ್ಳದೇ ಶಾಂತವಾಗಿ ವ್ಯವರಿಸಬೇಕು.

ಟೈರ್ ಸ್ಫೋಟ ತಪ್ಪಿಸುವುದು ಹೇಗೆ?: ಯಾವುದೇ ಕಡಿತ ಅಥವಾ ಸವೆತದಂತಹ ಚಿಹ್ನೆಗಳಿವೆಯೇ ಎಂದು ಯಾವಾಗಲೂ ಟೈರ್‌ಗಳನ್ನು ಪರೀಕ್ಷಿಸಿ. ಟೈರ್‌ಗಳು ಕನಿಷ್ಠ 1.5 ಮಿ.ಮೀ ಚಕ್ರದ ಹೊರಮೈಯಲ್ಲಿರುವ ಆಳವನ್ನು ಹೊಂದಿವೆ ಎಂದು ನೋಡಬೇಕು, ಏಕೆಂದರೆ ಇದು ವಾಹನಕ್ಕೆ ಹಿಡಿತವನ್ನು ನೀಡುತ್ತದೆ. ಹಾಗಿಲ್ಲದಿದ್ದರೇ ಬದಲಾಯಿಸುವುದು ಒಳ್ಳೆಯದು.

ಸರಿಯಾದ ಟೈರ್ ಒತ್ತಡವಿರಲಿ: ತಯಾರಕರು ಶಿಫಾರಸು ಮಾಡಿದ ಗರಿಷ್ಠ ಒತ್ತಡಕ್ಕೆ ಟೈರ್‌ಗಳಲ್ಲಿ ಯಾವಾಗಲೂ ಗಾಳಿಯನ್ನು ಇರಿಸಿ. ಕಡಿಮೆ ಗಾಳಿ ತುಂಬಿದ ಟೈರ್‌ಗಳು ತ್ವರಿತವಾಗಿ ಬಿಸಿಯಾಗಬಹುದು, ಆದರೆ ಅತಿಯಾಗಿ ಗಾಳಿ ತುಂಬಿದ ಟೈರ್‌ಗಳು ಸಾಕಷ್ಟು ಹಿಡಿತವನ್ನು ಒದಗಿಸದಿರಬಹುದು. ಹಾಗಾಗಿ ಸರಿಯಾದ ಟೈರ್ ಒತ್ತಡವನ್ನು ಆಗಾಗ್ಗೆ ಪರಿಶಿಲಿಸಬೇಕು.

ವೇಗದ ಮಿತಿಗಳನ್ನು ಗಮನಿಸಿ: ವೇಗದ ಮಿತಿಗಳನ್ನು ಎಂದಿಗೂ ಮೀರಬೇಡಿ. ರಸ್ತೆಯ ಚಾಲಕರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಈ ವೇಗದ ಮಿತಿಗಳನ್ನು ಹೊಂದಿಸಲಾಗಿರುತ್ತದೆ ಎಂಬುದನ್ನು ಮರೆಯಬಾರದು. ಕಾಂಕ್ರೀಟ್ ಮೇಲ್ಮೈಗಳು ಟಾರ್ಮ್ಯಾಕ್ ರಸ್ತೆ ಮೇಲ್ಮೈಗಳಿಗಿಂತ ಹೆಚ್ಚು ವೇಗವಾಗಿ ಟೈರ್‌ಗಳನ್ನು ಬಿಸಿಮಾಡಬಹುದು ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ.

ಓವರ್‌ಲೋಡ್ ತಪ್ಪಿಸಿ: ವಾಹನವನ್ನು ಓವರ್‌ಲೋಡ್ ಮಾಡುವುದರಿಂದ ಟೈರ್‌ಗಳ ಮೇಲೆ ಅನಗತ್ಯ ಒತ್ತಡವನ್ನು ಉಂಟುಮಾಡಬಹುದು, ಇದು ಟೈರ್ ಸ್ಫೋಟದ ಅಪಾಯವನ್ನು ಹೆಚ್ಚಿಸುತ್ತದೆ. ನಿಮ್ಮ ನಿರ್ದಿಷ್ಟ ವಾಹನಕ್ಕಾಗಿ ಶಿಫಾರಸು ಮಾಡಲಾದ ತೂಕದ ಮಿತಿಗಳನ್ನು ಅನುಸರಿಸಬೇಕು. ಕೆಲವೊಮ್ಮೆ ಟೈರ್‌ಗಳಿಗೆ ಇದನ್ನು ತಡೆಯುವ ಶಕ್ತಿಯಿದ್ದರೂ ವಯಸ್ಸಾದಂತೆ ಅವು ಕ್ಷೀಣಿಸುತ್ತವೆ.