ಸಾದಾ ಕಾರು ಖರೀದಿಸಿ ಜೀವ ಕಳೆದುಕೊಳ್ಳಬೇಡಿ: ಇಲ್ಲಿದೆ ಭಾರತ್‌ ಕ್ರ್ಯಾಶ್‌ ಟೆಸ್ಟ್‌ನಲ್ಲಿ ಪಾಸಾದ ಎಲ್ಲಾ ಕಾರುಗಳ ಲಿಸ್ಟ್‌!

ಭಾರತ್‌ ಎನ್‌ಕ್ಯಾಪ್‌ ಬಗ್ಗೆ ಇದೀಗ ಬಹುತೇಕ ಕಾರು ಪ್ರೀಯರಿಗೆಲ್ಲವೂ ಗೊತ್ತು. ಕಾರುಗಳ ಸುರಕ್ಷತೆಯನ್ನು ಪರೀಕ್ಷಿಸಲು ಭಾರತ ಸರ್ಕಾರ ಖುದ್ದಾಗಿ ಪರಿಚಯಿಸಿರುವ ಸಂಸ್ಥೆ ಈ Bharat NCAP ಎಂಬುದು. ಜಾಗತಿಕವಾಗಿ ಗ್ಲೋಬಲ್‌ ಎನ್‌ಕ್ಯಾಪ್‌ ಹೇಗೋ, ಅದೇ ರೀತಿ ಭಾರತ್‌ ಎನ್‌ಕ್ಯಾಪ್‌ ಭಾರತದಲ್ಲಿ ಕಾರ್ಯ ನಿರ್ವಹಿಸುತ್ತದೆ. ಇದೀಗ ಭಾರತ್‌ ಎನ್‌ಕ್ಯಾಪ್‌ನಲ್ಲಿ ಈಗಾಗಲೇ ಕಾರುಗಳ ಸುರಕ್ಷತೆಯ ಕ್ರ್ಯಾಶ್‌ ಟೆಸ್ಟ್‌ ಅನ್ನು ಹಲವು ಕಾರುಗಳಲ್ಲಿ ನಡೆಸಿದ್ದು ಅದರ ಫಲಿತಾಶವೂ ಸಹ ಹೊರ ಬಂದಿದೆ. ಇಂದಿನ ಈ ಲೇಖನದಲ್ಲಿ ಆ ಕಾರುಗಳು ಯಾವುದೆಂದು ನೋಡೋಣ.

ಟಾಟಾ ನೆಕ್ಸಾನ್‌ ಇವಿ: ಇತ್ತೀಚೆಗಷ್ಟೇ ಈ ಕಾರನ್ನು Bharat NCAP ಕ್ರ್ಯಾಶ್‌ ಟೆಸ್ಟ್‌ ಮಾಡಿಸಿ ಅದರ ಫಲಿತಾಂಶವನ್ನು ಹೊರ ಬಿಡಲಾಗಿತ್ತು. ಭಾರತ್ NCAP ಕ್ರ್ಯಾಶ್-ಟೆಸ್ಟ್‌ನಲ್ಲಿ ಈ ಜನಪ್ರಿಯ ಟಾಟಾ ನೆಕ್ಸಾನ್ ಇವಿಯು (Tata Nexon EV) ವಯಸ್ಕ ಪ್ರಯಾಣಿಕರ ವಿಭಾಗದಲ್ಲಿ 32 ಅಂಕಗಳಲ್ಲಿ 29.86 ಅಂಕಗಳನ್ನು ಗಳಿಸಿದೆ.

ನಡೆಸಲಾದ ಎರಡು ಟೆಸ್ಟ್ ಗಳು 'ಫ್ರಂಟಲ್ ಆಫ್‌ಸೆಟ್ ಡಿಫಾರ್ಮಬಲ್ ಬ್ಯಾರಿಯರ್ ಟೆಸ್ಟ್' ಅನ್ನು ಒಳಗೊಂಡಿವೆ, ಇದರಲ್ಲಿ ಎಲೆಕ್ಟ್ರಿಕ್ ಎಸ್‍ಯುವಿ 16 ರಲ್ಲಿ 14.26 ಅಂಕಗಳನ್ನು ಗಳಿಸಿತು ಮತ್ತು 'ಸೈಡ್ ಮೂವಬಲ್ ಡಿಫಾರ್ಮಬಲ್ ಬ್ಯಾರಿಯರ್ ಟೆಸ್ಟ್', ಅಲ್ಲಿ ಅದು 16 ರಲ್ಲಿ 15.60 ಅಂಕಗಳನ್ನು ಗಳಿಸಿತು. ಇನ್ನು ಕ್ರ್ಯಾಶ್-ಟೆಸ್ಟ್‌ನಲ್ಲಿ ಮಕ್ಕಳ ವಿಭಾಗಕ್ಕೆ ಸಂಬಂಧಿಸಿದಂತೆ, ನೆಕ್ಸಾನ್ ಇವಿಯು 23.95 ಡೈನಾಮಿಕ್ ಸ್ಕೋರ್ ಗಳಿಸಿದೆ.

ಟಾಟಾ ಪಂಚ್‌ ಇವಿ: ಭಾರತ್ ಎನ್‌ಸಿಎಪಿ ಪರೀಕ್ಷೆಗೆ ಟಾಟಾ ಪಂಚ್ ಇವಿಯ 'ಎಂಪವರ್ಡ್ ಪ್ಲಸ್ ಎಸ್ ಲಾಂಗ್ ರೇಂಜ್' ರೂಪಾಂತರ (ವೇರಿಯೆಂಟ್)ವನ್ನು ಒಳಪಡಿಸಲಾಗಿತ್ತು. ಆದಾಗ್ಯೂ ಈ ಫಲಿತಾಂಶವು ಎಲ್ಲ ಮಾದರಿಗಳಿಗೆ ಅನ್ವಯಿಸುತ್ತದೆ. ಈ ಕಾರು ವಯಸ್ಕರ ರಕ್ಷಣೆ ವಿಭಾಗ (Adult Occupant Protection)ದಲ್ಲಿ 32ಕ್ಕೆ 31.46 ಅಂಕಗಳನ್ನು ಪಡೆದಿದ್ದರೆ, ಮಕ್ಕಳ ರಕ್ಷಣೆ ವಿಭಾಗ (Child Occupant Protection)ದಲ್ಲಿ 49ಕ್ಕೆ 45 ಅಂಕಗಳನ್ನು ಗಳಿಸಿದೆ.

ಅದೇ ರೀತಿಯಲ್ಲಿ ಮುಂಭಾಗವನ್ನು ತಡೆಗೋಡೆಗೆ ಗುದ್ದಿಸಿ ಮಾಡಿದ ಪರೀಕ್ಷೆ (Frontal Offset Deformable Barrier Test)ಯಲ್ಲಿ 16ಕ್ಕೆ 15.71 ಮತ್ತು ಬದಿಗಳಿಗೆ ಡಿಕ್ಕಿಯೊಡೆಸಿ ನಡೆಸುವ ಪರೀಕ್ಷೆ (Side Movable Deformable Barrier Test)ಯಲ್ಲಿ 16ಕ್ಕೆ 15.74 ಅಂಕಗಳನ್ನು ಪಡೆದಿದೆ. ಈ ಮೂಲಕ 5-ಸ್ಟಾರ್ ರೇಟಿಂಗ್ ಅನ್ನು ತನ್ನದಾಗಿಸಿಕೊಂಡಿದೆ.

ಟಾಟಾ ಹ್ಯಾರಿಯರ್‌: ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಕ್ರ್ಯಾಶ್ ಪರೀಕ್ಷೆ ನಡೆಸಲಾಯಿತು, ಹ್ಯಾರಿಯರ್ ಕೂಡ ಭಾರತ್ ಎನ್‌ಸಿಎಪಿಯಿಂದ ವಯಸ್ಕ ಮತ್ತು ಮಕ್ಕಳ ಆಕ್ಯುಪೆನ್ಸಿಗಾಗಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇದು AOP ಸ್ಕೋರ್ 32 ರಲ್ಲಿ 30.08 ಮತ್ತು COP ಸ್ಕೋರ್ 49 ರಲ್ಲಿ 44.54 ಅನ್ನು ಸಾಧಿಸಿದೆ. ಇದರ ಬೆಲೆ 15.49 ಲಕ್ಷ ಮತ್ತು 26.44 ಲಕ್ಷ ರೂ.

ಟಾಟಾ ಸಫಾರಿ: ಫಾರಿ ಕೂಡ ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಕ್ರ್ಯಾಶ್ ಟೆಸ್ಟಿಂಗ್‌ಗೆ ಒಳಗಾಯಿತು ಮತ್ತು ವಯಸ್ಕ ಮತ್ತು ಮಕ್ಕಳ ಆಕ್ಯುಪೆನ್ಸಿಗಾಗಿ ಭಾರತ್ ಎನ್‌ಸಿಎಪಿಯಿಂದ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇದು 32 ರಲ್ಲಿ 30.08 AOP ಸ್ಕೋರ್ ಮತ್ತು 49 ರಲ್ಲಿ 44.54 COP ಸ್ಕೋರ್‌ನೊಂದಿಗೆ ಹ್ಯಾರಿಯರ್‌ಗೆ ಹೊಂದಿಕೆಯಾಯಿತು. ಸಫಾರಿಯ ಬೆಲೆ ರೂ 16.19 ಲಕ್ಷ ಮತ್ತು ರೂ 27.34 ಲಕ್ಷದ ನಡುವೆ ಇದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.