24 ಕಿ.ಮೀ ಮೈಲೇಜ್, ಕಡಿಮೆ ಬೆಲೆ, ಹೊಸ ಮಹೀಂದ್ರಾ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ಬಿಡುಗಡೆ

ಮಹೀಂದ್ರಾ ಇಂದು ಡೀಸೆಲ್ ಮತ್ತು CNG ಡ್ಯುಯೊ ರೂಪಾಂತರಗಳ ಹೊಸ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ಸರಣಿಯನ್ನು ಬಿಡುಗಡೆ ಮಾಡಿದೆ. ಈ ಹೊಸ ಸರಣಿಯನ್ನು ಅದರ ಉನ್ನತ ಶಕ್ತಿ, ಅಸಾಧಾರಣ ಶೈಲಿ, ಸಾಟಿಯಿಲ್ಲದ ಸುರಕ್ಷತೆ ಮತ್ತು ಸೌಕರ್ಯಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ಹೇಳಿದೆ.

2015 ರಲ್ಲಿ ಬಿಡುಗಡೆಯಾದ ಮೊದಲ ಸುಪ್ರೊ ಆವೃತ್ತಿಯು ಗ್ರಾಹಕರ ವಿವಿಧ ಅಗತ್ಯಗಳನ್ನು ಪೂರೈಸುವ ಬಹುಮುಖ ವಾಹನವಾಗಿತ್ತು. ಇದೀಗ ಅದೇ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ಹೊಸ ವೇರಿಯೆಂಟ್‌ಗಳಲ್ಲಿ ಸ್ಪರ್ಧಾತ್ಮಕ ಬೆಲೆಗೆ ಬಿಡುಗಡೆಯಾಗಿದೆ. ಡೀಸೆಲ್ ರೂಪಾಂತರವು ರೂ. 6.61 ಲಕ್ಷ (ಎಕ್ಸ್ ಶೋ ರೂಂ ಬೆಂಗಳೂರು) ಮತ್ತು CNG DUO ರೂಪಾಂತರವು ರೂ. 6.93 ಲಕ್ಷ (ಎಕ್ಸ್ ಶೋ ರೂಂ ಬೆಂಗಳೂರು)ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ.

ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ತನ್ನ ಪ್ರಮುಖ ವೈಶಿಷ್ಟ್ಯಗಳೊಂದಿಗೆ ಮೈಲೇಜ್, ಗಟ್ಟಿತನ, ಒರಟುತನ ಮತ್ತು ಬಹುಮುಖ ಲೋಡ್‌ ಸಾಮರ್ಥ್ಯವನ್ನು ಹೊಂದಿದೆ. ವಾಲ್ಯೂಮೆಟ್ರಿಕ್ ಸರಕುಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು, ವಿಶೇಷವಾಗಿ ವೇಗವಾಗಿ ಬೆಳೆಯುತ್ತಿರುವ ಇ-ಕಾಮರ್ಸ್ ವಲಯಕ್ಕಾಗಿ ಇದನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಮಹೀಂದ್ರಾ ಹೇಳಿದೆ.

ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ತನ್ನ ಅತ್ಯುತ್ತಮ-ಇನ್-ಕ್ಲಾಸ್ ಪೇಲೋಡ್ ಸಾಮರ್ಥ್ಯ 900 ಕೆ.ಜಿ (ಡೀಸೆಲ್) ಮತ್ತು 750 ಕೆ.ಜಿ (ಸಿಎನ್‌ಜಿ ಡ್ಯುವೋ), 2050 ಎಂಎಂ ವೀಲ್‌ಬೇಸ್‌ ಒದಗಿಸುವ ಆಂಟಿ-ರೋಲ್ ಬಾರ್‌ನೊಂದಿಗೆ ಬರುತ್ತದೆ. ಸುಪ್ರೊ ಎಕ್ಸೆಲ್ ಡೀಸೆಲ್‌ನಲ್ಲಿ 23.6 ಕಿ.ಮೀ/ಲೀ ಮೈಲೇಜ್ ನೀಡುತ್ತದೆ. 105 ಲೀಟರ್ ಸಾಮರ್ಥ್ಯದೊಂದಿಗೆ ಸುಪ್ರೊ ಎಕ್ಸೆಲ್ ಸಿಎನ್‌ಜಿ ಡ್ಯುಯೊ ಪ್ರಭಾವಶಾಲಿ 24.8 ಕಿಮೀ/ಕೆ.ಜಿ ಮೈಲೇಜ್ ನೀಡುತ್ತದೆ.

ಹೊಸ ಶಕ್ತಿಯುತವಾದ 19.4 kW ಡೈರೆಕ್ಟ್ ಇಂಜೆಕ್ಷನ್ ಡೀಸೆಲ್ ಎಂಜಿನ್ ಮತ್ತು 20.01 kW ಧನಾತ್ಮಕ ಇಗ್ನಿಷನ್ CNG ಎಂಜಿನ್ BS6 RDE-ಕಾಂಪ್ಲೈಂಟ್ ಎಂಜಿನ್ ಅನ್ನು ಹೊಂದಿದ್ದು, ಕ್ರಮವಾಗಿ 55 Nm ಟಾರ್ಕ್ ಮತ್ತು 60 Nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಸುಧಾರಿತ 5-ಸ್ಪೀಡ್ ಟ್ರಾನ್ಸ್‌ಮಿಷನ್ ಹೊಂದಿರುವ ಸುಪ್ರೋ, R13 ಟೈರ್‌ಗಳು ಹಾಗೂ 208 mm ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ.

ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ಗಣನೀಯವಾಗಿ ಹೆಚ್ಚಿನ ಪರ್ಫಾಮೆನ್ಸ್, ಬಲವರ್ಧಿತ ಚಾಸಿಸ್ ಅನ್ನು ಹೊಂದಿದೆ. ಬಲವರ್ಧಿತ ಸಸ್ಪೆನ್ಷನ್‌ಗೆ ಪೂರಕವಾಗಿ, ಈ ಟ್ರಕ್ ದೃಢತೆ ಮತ್ತು ಸ್ಥಿತಿಸ್ಥಾಪಕತ್ವಕ್ಕೆ ಹೊಸ ಮಾನದಂಡವನ್ನು ಹೊಂದಿಸುತ್ತದೆ. ಒಟ್ಟಾರೆ ಈ ಹೊಸ ಟ್ರಕ್ ಇ-ಕಾಮರ್ಸ್ ವಲಯಕ್ಕೆ ಹೇಳಿ ಮಾಡಿಸಿದ ವಾಹನವಾಗಿದೆ ಎಂದು ಮಹೀಂದ್ರಾ ಹೇಳಿಕೊಂಡಿದೆ.

ಮಹೀಂದ್ರಾದ ಆಟೋಮೋಟಿವ್ ಡಿವಿಷನ್ ಸಿಇಒ ನಳಿನಿಕಾಂತ್ ಗೊಲ್ಲಗುಂಟಾ ಮಾತನಾಡಿ, ನಮ್ಮ RISE ತತ್ವಶಾಸ್ತ್ರದ ಆಧಾರಸ್ತಂಭವಾದ ಮಹೀಂದ್ರಾದ 'ಮೌಲ್ಯಕ್ಕಾಗಿ ಏರಿಕೆ (Rise for Value),' ನಮ್ಮ ಇತ್ತೀಚಿನ ಕೊಡುಗೆ - ಮಹೀಂದ್ರಾ ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್‌ನಲ್ಲಿ ಸಾಕಾರಗೊಂಡಿದೆ. ಈ ಬಿಡುಗಡೆಯು ಸಬ್-2-ಟನ್ ವಿಭಾಗದಲ್ಲಿ ಮಹತ್ವದ ದಾಪುಗಾಲು ಹಾಕುತ್ತದೆ ಎಂದರು.

ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್, ಅದರ ಅಸಾಧಾರಣ 500 ಕಿ.ಮೀ ವ್ಯಾಪ್ತಿಯ CNG ಡ್ಯುಯೊ ರೂಪಾಂತರದೊಂದಿಗೆ, ಶಕ್ತಿ, ಆರ್ಥಿಕತೆ, ಸುರಕ್ಷತೆ ಮತ್ತು ಸೌಕರ್ಯವನ್ನು ಸಂಯೋಜಿಸುತ್ತದೆ. ಲಾಜಿಸ್ಟಿಕ್ಸ್ ಮತ್ತು ಸಾರಿಗೆಯಲ್ಲಿ ಸಮಗ್ರ, ಮೌಲ್ಯ-ಚಾಲಿತ ಪರಿಹಾರಗಳನ್ನು ತಲುಪಿಸುವ ನಮ್ಮ ಉದ್ದೇಶವನ್ನು ಬಲಪಡಿಸುತ್ತದೆ ಎಂದು ನಳಿನಿಕಾಂತ್ ಗೊಲ್ಲಗುಂಟಾ ಹೇಳಿದರು.

ಸುಪ್ರೊ ಪ್ರಾಫಿಟ್ ಟ್ರಕ್ ಎಕ್ಸೆಲ್ ದಕ್ಷ, ದೃಢವಾದ ಮತ್ತು ಮೌಲ್ಯ-ಚಾಲಿತ ಪರಿಹಾರಗಳನ್ನು ಒದಗಿಸುವ ನಮ್ಮ ಭರವಸೆಗೆ ಸಾಕ್ಷಿಯಾಗಿದೆ, 2-ಟನ್‌ಗಿಂತಲೂ ಕಡಿಮೆ ವಿಭಾಗವನ್ನು ಮರುರೂಪಿಸುವುದು ಮತ್ತು ಗ್ರಾಹಕರ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ ಎಂದು ಆಟೋಮೋಟಿವ್ ಟೆಕ್ನಾಲಜಿ ಮತ್ತು ಉತ್ಪನ್ನ ಅಭಿವೃದ್ಧಿ ಅಧ್ಯಕ್ಷ R.ವೇಲುಸಾಮಿ ಹೇಳಿದರು.